ᓄᕙᒡᔪᐊᕐᓇᖅ-19−ᒧᑦ ᓄᓇᕗᑦ ᒐᕙᒪᖓᑕ ᓄᑖᙳᕆᐊᖅᑎᑕᖏᑦ - ᐄᐳᕈ 3, 2020
ᓯᕗᓕᖅᑎᒥ ᑐᓴᒐᒃᓴᖅ:
ᒫᓐᓇᒧᑦ, ᓄᕙᒡᔪᐊᕐᓇᖅ-19−ᒥ ᖃᓂᒻᒪᒃᓯᒪᔪᖃᕐᒪᖔᖅ ᖃᓂᒪᓇᓱᒋᔭᐅᔪᖃᕐᒪᖔᑦ ᓱᓕ ᖃᐅᔨᔭᐅᓯᒪᔪᖃᙱᑦᑐᖅ ᓄᓇᕗᒻᒥ.
ᐅᓪᓗᒥ, ᑲᑎᖦᖢᒋᑦ ᐃᓄᐃᑦ ᖃᐅᔨᓴᖅᑕᐅᔪᑦ 314-ᖑᓕᖅᑐᑦ. 216 ᒫᓐᓇ ᖃᐅᔨᓴᖅᑕᐅᔪᑦ, 98−ᓗ ᐃᓄᐃᑦ ᖃᐅᔨᓴᖅᑕᐅᔪᓐᓃᖅᖢᑎᒃ.
ᖁᕕᐊᓱᑦᑎᐊᖅᐳᖓ ᐅᓪᓗᒥ ᑐᓴᖅᑎᑦᑎᔪᓐᓇᕋᒪ ᓄᓇᕗᑦ ᒐᕙᒪᒃᑯᑦ ᐊᒻᒪ ᓄᓇᕗᑦ ᑐᙵᕕᒃᑯᑦ ᐊᑐᓂ 1-ᒥᓕᐊᓂᒃ ᑐᓂᓯᓂᐊᕐᒪᑕ ᓄᓇᓕᖕᓂᑦ ᓂᕆᔭᒃᓴᓄᑦ ᐱᓕᕆᐊᒃᓴᒧᑦ ᓄᑕᖅᑲᓄᑦ ᐃᓐᓇᕐᓄᓪᓗ ᑐᕌᖓᔪᓂᑦ ᓄᕙᔪᐊᕐᓇᖅ−19 ᐊᑐᖅᑎᓪᓗᒍ.
ᑖᒃᑯᐊ ᑮᓇᐅᔭᑦ ᓂᕿᑦᑎᐊᕙᖕᓂᒃ ᐱᔾᔪᑕᐅᓂᐊᖅᐳᑦ ᓄᓇᕗᒻᒥ ᐊᒃᑐᖅᑕᐅᓴᕋᐃᓛᓄᑦ, ᓄᓇᓕᖕᓂ ᐱᓕᕆᔨᒻᒪᕇᑦ ᐱᓕᕆᔾᔪᑕᐅᔪᓪᓗ ᐊᑐᕐᓗᒋᑦ ᓄᕙᕐᔪᐊᕐᓇᖅ−19 ᐱᔾᔪᑎᒋᓪᓗᒍ ᐃᓕᓐᓂᐊᕐᕖᑦ ᒪᑐᔭᐅᓯᒪᑎᓪᓗᒋᑦ.
ᓄᓇᓖ 1,000 ᑐᖔᓂ ᐃᓄᓖᑦ $40,000−ᑖᕐᓂᐊᖅᐳᑦ, 1,000 ᐅᖓᑖᓂ ᐃᓄᓖᑦ $90,000−ᑖᕐᓂᐊᖅᐳᑦ, ᐊᒻᒪ ᐃᖃᓗᐃᑦ $200,000−ᓂᒃ ᐱᑎᑕᐅᓂᐊᖅᐳᖅ.
ᖁᔭᓐᓇᒦᖅᐸᒌᖅᐸᕗᑦ ᓄᓇᓖᑦ ᐃᓕᓐᓂᐊᖅᑎᓂᒃ ᓄᑕᖅᑲᓂᒃ ᐃᓐᓇᑦᑎᓐᓂᓪᓗ ᓂᕆᔭᒃᓴᖅᑖᖅᑎᑦᑎᓂᐊᕐᒪᑕ.
ᐅᖃᐅᓯᖄᕐᔪᒍᒪᕗᖓ ᐃᓱᒫᓘᑕᐅᔪᓂᒃ ᓄᓇᕗᒻᒥᐅᑕᐅᖃᑎᒌᓂᑦ ᐊᐅᓪᓚᖃᑦᑕᖅᑐᓂᑦ. ᐊᑐᖅᑕᐅᓪᓚᕆᒃᑐᕐᓕ ᐊᐅᓪᓚᖅᐸᒃᑐᓄᑦ ᑭᒡᓕᖃᖅᑎᑦᑎᓪᓚᑦᑖᖅᑐᒥᒃ ᓴᖅᑭᑎᑦᑎᓯᒪᓕᕇᕋᑦᑕ ᓄᓇᕗᒻᒥ. ᐊᑐᓕᖁᔨᓚᐅᖅᐳᒍᑦ ᐱᔭᕆᐊᖃᓪᓚᕆᙱᑦᑐᓄᑦ ᐊᐅᓪᓚᖃᑦᑕᖁᔨᔪᓐᓃᖅᖢᑕ ᓄᓇᓕᐅᖃᑎᒌᓂᑦ, ᑭᓇᑐᐃᓐᓇᖅ ᓄᕙᕐᔪᐊᕐᓇᖅ−19−ᒧᑦ ᖃᐅᔨᓴᖅᑕᐅᔪᖅ ᐅᐸᒃᑕᐅᑦᑕᐃᓕᒪᔭᕆᐊᖃᓪᓚᖅᑖᖅᐳᖅ ᐊᖏᕐᕋᖅᓯᒪᔭᕆᐊᖃᖅᖢᓂ, ᐊᒻᒪ ᑭᓇᑐᐃᓐᓇᑦᑎᐊᖅ ᓄᓇᕗᒻᒧᐊᕈᓐᓇᙱᑦᑐᖅ ᖃᓪᓗᓈᓂ ᐅᐸᒃᑕᐅᑦᑕᐃᓕᑎᑕᐅᓚᐅᙱᓪᓗᓂ, ᖃᐅᔨᓴᖅᑕᐅᓪᓚᕆᓚᐅᙱᓪᓗᓂᓘᓐᓃᑦ.
ᓄᓇᕗᒻᒥ ᐊᕕᒃᑐᖅᓯᒪᔪᓂ ᒫᓐᓇᐅᔪᖅ ᐊᐅᓪᓚᖃᑦᑕᖅᑐᑦ ᐊᔪᖅᑎᑕᐅᙱᑦᑐᑦ, ᑭᓯᐊᓂ ᓄᓇᕗᒻᒥ ᓄᕙᕐᔪᐊᕐᓇᖅ−19−ᑕᖃᓕᖅᐸᑦ, ᑕᒪᓐᓇ ᖃᐅᔨᒋᐊᒃᑲᓐᓂᓛᖅᑕᕗᑦ.
ᐱᓇᓱᐊᕈᓯᐅᑉ ᓄᙳᕆᓕᖅᑎᓪᓗᓂᐅᒃ ᓯᓚᑦᑎᐊᕙᐅᑲᑕᐃᓐᓇᖅᖢᓂᓗ, ᓄᓇᕗᒻᒥᐅᑦ ᓴᙱᓂᖃᐃᓐᓇᖁᕙᒃᑲ ᐊᖏᕈᑎᒋᓯᒪᔭᖓᓂᒃ ᐊᖏᕐᕋᖅᓯᒪᐃᓐᓇᕐᓗᑎᒃ ᐊᒻᒪ ᖃᓂᒌᑲᑕᓗᐊᙱᓪᓗᑎᒃ.
ᐊᓂᓂᐊᕈᕕᑦ, ᐃᓚᒌᑦᑕᐃᓐᓇᐅᓗᓯ, ᐊᒻᒪ ᖃᓂᒌᓗᐊᖃᑦᑕᙱᓪᓗᓯ.
ᐃᓚᑎᑦ ᓂᕿᑖᕐᕕᓕᐊᖃᑎᒋᕙᙱᓪᓗᒋᑦ, ᐱᔭᕆᐊᖃᙱᒃᑯᕕᑦ.
ᖃᐅᔨᒪᔪᖓ ᕿᑐᕐᙵᑦᑎᓐᓄᑦᑕᐅᖅ ᑕᒪᓐᓇ ᐊᔪᕐᓇᕐᓂᖓᓂᒃ. ᑭᓯᐊᓂ ᐱᓇᓱᐊᕈᓯᐅᑉ ᓄᙳᐊᓂ, ᕿᑐᕐᖓᕗᑦ ᐊᖏᕐᕋᑦᑕ ᖃᓂᒋᔮᓃᑎᓐᓂᐊᖅᐸᕗᑦ ᑲᑎᙵᔪᓃᑲᑕᙱᓪᓗᑎᒡᓗ−ᐊᑦᑕᕐᓇᕐᒪ.
ᓱᓕ ᑕᐃᒪᓐᓇ – ᐊᒡᒐᑎᑦ ᐅᐊᓴᖃᑦᑕᕐᓗᒋᑦ, ᐊᐃᕐᓄᑦ ᖁᐃᖅᓱᖅᐸᒡᓗᑎᑦ ᑕᒋᐅᒃᐸᒡᓗᑎᓪᓗ, ᐊᒻᒪ ᐊᖏᕐᕋᖅᓯᒪᐃᓐᓇᖅᐸᒡᓗᑎᑦ, ᐱᓗᐊᖅᑐᒥ ᖃᓂᒪᕈᔪᖅᑰᔨᓕᕈᕕᑦ.
ᓴᐳᔾᔨᓯᒪᒋᑦ ᖃᓄᐃᙱᓐᓂᕐᓂ ᐅᕝᕙᓘᓐᓃᑦ ᐃᓅᖃᑎᖕᓂ ᖃᓄᐃᙱᑦᑐᓂᒃ.
ᖃᓄᐃᓕᐅᕐᓂᑦᑎᓐᓄᑦ ᖃᐅᔨᓂᐊᖅᐳᒍᑦ ᑕᒪᑐᒥᖓ ᐊᓂᒍᐃᓂᐊᕐᓂᑦᑎᓐᓂᒃ. ᐊᖏᕐᕋᖅᓯᒪᐃᓐᓇᕐᓗᑎᑦ. ᐃᓅᓯᕐᓂᑦ ᓴᐳᔾᔨᒋᑦᑎ.
ᐃᓚᒋᓪᓗᓂᐅᒃ ᓄᓇᕗᑦ ᒐᕙᒪᖓᑕ ᐱᓇᔪᒃᑕᖏᓐᓄᑦ ᓴᐳᔾᔨᓯᒪᔪᒪᓪᓗᑎᒃ ᓄᓇᕗᒻᒥᐅᓂᒃ ᖁᐊᖅᓵᕐᓇᖅᑐᒧᑦ ᓄᕙᒡᔪᐊᕐᓇᖅ-19−ᖃᓕᑐᐃᓐᓇᕆᐊᓕᖕᓄᑦ, ᓄᓇᕗᑦ ᒐᕙᒪᒃᑯᑦ ᐱᓕᕆᕝᕕᖏᑦ ᐊᑐᓕᖅᑎᑦᑎᕗᑦ ᐅᑯᓂᖓ:
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐱᔨᑦᑎᕋᐅᑎᖏᑦ
ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᑐᐊᕕᕐᓇᖅᑐᖁᑎᖓᑦ ᐅᖓᕙᕆᐊᖅᑕᐅᓯᒪᕗᖅ ᐄᐳᕈ 16−ᒧᑦ ᑎᑭᓪᓗᒍ 2020.
ᑐᐊᕕᕐᓇᖅᑐᑐᐊᑦ ᑭᒍᑎᓕᕆᔨᒧᑦ ᐱᓕᕆᐊᖑᖃᑦᑕᕐᓂᐊᖅᐳᑦ ᓄᓇᕗᒻᒥ ᓄᓇᓕᓕᒫᓂᑦ ᐊᓯᐊᓂᒃ ᑐᓴᖅᑎᑦᑎᔪᖃᒃᑲᓐᓂᓚᐅᙱᓐᓂᖓᓂ.
ᐃᖃᓗᖕᒥᐅᑕᐅᒍᕕᑦ, ᑲᖏᖅᖠᓂᕐᒥᐅᑕᐅᒍᕕᑦ ᐃᖃᓗᑦᑑᑦᑎᐊᕐᒥᐅᑕᐅᒍᕕᓪᓘᓐᓃᑦ ᑭᒍᓯᕆᒻᒪᕆᒃᑯᕕᑦ ᐳᕕᓕᕐᓗᑎᓪᓘᓐᓃᑦ, ᖃᐅᔨᒋᐊᕈᓐᓇᖅᐳᑎᑦ ᑭᒍᑎᓕᕆᕝᕕᖕᓂᒃ ᐊᑖᓂ ᑎᑎᕋᖅᑕᐅᓯᒪᔪᓂᒃ ᐅᖃᐅᓯᕆᓗᒍᓗ ᐊᑲᐅᙱᓕᐅᕈᑎᒋᔭᐃᑦ. ᐅᖄᓚᓗᑎᑦ ᑭᐅᔭᐅᙱᑉᐸᑦ, ᒪᓕᒡᓗᒋᑦ ᖃᓄᐃᓕᐅᖁᔨᔪᑦ ᓂᐱᓕᐅᖅᑕᐅᓯᒪᔪᒥ.
- ᐃᖃᓗᐃᑦ: ᐊᕕᒃᑐᖅᓯᒪᔪᓂ ᑭᒍᑎᓕᕆᓂᕐᒧᑦ ᐊᐅᓚᑦᑎᔨ ᕿᑭᖅᑕᓂ ᐋᓐᓂᐊᕕᖕᒥ ᐅᕙᓂ 867-975-8600 ᓇᕿᒃᑲᓐᓂᕐᓗᒍ 6206
- ᑲᖏᖅᖠᓂᕐᒥ ᐅᕙᓂ, 867-645-2776
- ᐃᖃᓗᒃᑑᑦᑎᐊᒥ ᐅᕙᓂ, 867-983-4171
ᑕᐃᑯᙵᐅᑦᑕᐃᓕᒋᑦ ᑭᒍᑎᓕᕆᕝᕕᖕᒧᑦ ᐃᓂᒃᓴᓕᐅᖅᑕᐅᓯᒪᕙᒌᙱᒃᑯᕕᑦ. ᐃᓄᐃᑦ ᑕᐃᑯᙵᐅᔪᑦ ᑭᒍᑎᓕᕆᕝᕕᖕᓄᑦ ᐃᓂᒃᓴᓕᐅᖅᑕᐅᓯᒪᕙᒌᙱᑦᑐᑦ ᑕᑯᔭᐅᖃᑦᑕᔾᔮᙱᑦᑐᑦ.
ᐊᐱᕆᕙᑦᑎᒋᑦ ᑕᐃᑯᙵᐅᖃᑦᑕᖁᓪᓗᑎᑦ ᑕᑯᔭᐅᕝᕕᒃᓴᕐᓂ ᑭᖑᕙᙱᓪᓗᑎᑦ, ᑭᖑᕙᖅᑐᓂᒃ ᑲᒪᔪᓐᓇᙱᑐᐃᓐᓇᕆᐊᖃᕋᑦᑕ.
ᑕᐃᒃᑯᓄᖓ ᐃᖃᓗᖕᒥᐅᑕᐅᙱᑦᑐᓄᑦ, ᑲᖏᖅᖠᓂᕐᒥᐅᑕᐅᙱᑦᑐᓄᑦ ᐃᖃᓗᒃᑑᑦᑎᐊᒥᐅᑕᐅᙱᑦᑐᓄᓪᓘᓐᓃᑦ ᑭᒍᓯᕆᓪᓚᕆᒃᑐᓄᑦ ᐳᕕᓕᖅᓯᒪᔪᓄᓪᓘᓐᓃᑦ, ᓄᓇᔅᓯᓐᓂ ᐋᓐᓂᐊᕕᓕᐊᕐᕕᓯ ᐅᖄᓚᕝᕕᒋᓗᒍ.
ᐅᐸᒃᑕᐅᑦᑕᐃᓕᒪᓂᕐᒧᑦ ᐃᓃᑦ
ᑕᐃᒃᑯᐊ ᐅᐸᒃᑕᐅᑦᑎᐃᓕᒪᔪᑦ ᐊᑐᕈᓐᓇᖅᐳᑦ, ᑕᓚᕖᓴᓂᒃ ᑕᕐᕆᔭᕈᑎᓂᒃ, ᐃᑭᐊᖅᑭᕕᖕᒥᒃ, ᐱᖓᓱᐃᖅᓱᕐᓗᑎᒃ ᐅᓪᓗᒥ ᓂᕆᑎᑕᐅᕙᒡᓗᑎᒃ, ᓴᓗᒪᔪᓂᒃ ᐊᓪᓕᓂᖃᖅᑎᑕᐅᕙᒡᓗᑎᒃ ᓴᓗᒪᖅᓴᐅᑎᑖᖅᑎᑕᐅᕙᒡᓗᑎᒡᓗ. ᐊᒃᑕᑯᖏᑦ ᖃᐅᑕᒫᑦ ᐱᔭᐅᕙᒃᐳᑦ. ᑕᒪᒃᑯᐊ ᐊᑭᓕᕆᐊᓖᑦ ᑲᒪᒋᔭᐅᕗᑦ ᓄᓇᕗᑦ ᒐᕙᒪᒃᑯᖏᓐᓂᑦ.
ᓄᓇᕗᑦ ᒐᕙᒪᒃᑯᖏᑦ ᐊᑭᓖᓂᐊᖅᐳᑦ ᖁᐃᖏᓕᓴᕐᓄᑦ, ᓄᑕᕋᓛᑦ ᐃᒻᒧᖏᓐᓄᑦ ᐊᕐᓇᖅᓯᐅᑎᓄᓪᓗ. ᑕᐃᑲᓃᑎᑕᐅᔪᑦ ᑎᑭᓴᐃᔭᕆᐊᖃᖃᑦᑕᖅᐳᑦ ᑕᒪᒃᑯᓂᖓ ᐱᖁᑎᓂᒃ ᐱᕝᕕᐅᔪᓐᓇᖅᑐᓂᑦ ᑐᓂᓯᔭᖅᑐᖃᑦᑕᕈᓐᓇᕐᓗᑎᒃ, ᑭᓯᐊᓂ ᑖᒃᑯᓄᖓ ᐱᖁᑎᓄᑦ ᐊᑭᓕᒐᒃᓴᖅᑖᖅᑎᑕᐅᔾᔮᙱᑦᑐᑦ.
ᑕᐃᓐᓇ ᑐᙵᓱᒃᑎᑦᑎᓂᕐᒧᑦ ᑲᑎᖅᓱᖅᑕᐅᓯᒪᔪᖅ ᐊᓯᔾᔨᕆᐊᖅᑕᐅᓯᒪᓕᖅᐳᖅ ᐃᓚᖃᖅᑎᑕᐅᓂᐊᓕᖅᖢᓂ ᑐᓴᖅᑕᐅᔪᒃᓴᓂᒃ ᓂᕆᔭᒃᓴᓂᒃ ᑎᑭᓴᐃᕙᒃᑐᓄᑦ ᐊᐃᒃᖠᕈᓐᓇᖅᐸᒃᑐᓄᓪᓗ. ᑕᒪᕐᒥᒃ ᑖᒃᑯᐊᒃ ᑐᔪᕐᒥᕕᖕᒧᙵᐅᔭᐅᖃᑦᑕᕈᓐᓇᖅᐳᑦ. ᑕᒪᒃᑯᐊ ᐊᒡᔭᖅᓯᕕᐅᔪᑦ ᐊᒃᑐᐊᓂᓖᓪᓗ ᐊᑭᖏᑦ ᐊᑭᓕᖅᑕᐅᖃᑦᑕᔾᔮᙱᓚᑦ ᓄᓇᕗᑦ ᒐᕙᒪᑯᖏᓐᓂᑦ.
ᑲᑎᖦᖢᒋᑦ ᐃᓄᐃᑦ ᐅᐸᒃᑕᐅᑦᑕᐃᓕᒪᔪᒦᑦᑐᑦ ᐊᐃᕐᕆᓕ 2, 2020−ᒥ ᐱᒋᐊᖅᖢᓂ
|
ᑲᑎᖦᖢᒋᑦ (ᑕᒪᕐᒥᑦᑎᐊᖅ ᐅᐸᒃᑕᐅᑦᑕᐃᓕᒪᓂᕐᒧᑦ ᐃᓃᑦ) |
|
|
ᐊᐅᓪᓚᖅᓯᒪᔫᑉ ᖃᓄᕆᑦᑑᓂᖓ |
ᑐᔪᕐᒥᑎᑕᐅᔪᑦ ᐅᐸᒃᑕᐅᑦᑕᐃᓕᒪᔪᓂ ᐄᐳᕈ 1-ᒥᑦ |
|
ᐋᓐᓂᐊᖅᑐᓕᕆᓂᕐᒧᑦ |
215 |
| ᐃᓄᓕᒫᑦ | 96 |
| ᐃᓕᓐᓂᐊᖅᑏᑦ | 60 |
| ᑲᑎᖦᖢᒋᑦ | 371 |
ᐅᓄᕐᓂᖏᑦ
ᐄᐳᕈ 2−ᖑᓚᐅᕐᓂᖓᓂᑦ (ᐅᓪᓛᒃᑯᑦ) 385−ᓂᒃ ᐊᐅᓪᓚᕈᒪᔪᓂᑦ ᑐᒃᓯᕋᖅᑐᖃᖅᓯᒪᕗᖅ, 288−ᓗ ᐱᕕᒡᔪᐊᖑᓪᓗᑎᒃ ᐃᖅᑲᓇᐃᔭᖅᑎᓂᒃ ᑐᒃᓯᕋᖅᑕᐅᔪᑦ.
| ᐱᔪᒪᔪᖃᖅᐸᖕᓂᖓᓄᑦ ᖃᓄᐃᓕᖓᓂᖓ | # | % |
| ᐊᖏᖅᑕᐅᓯᒪᔪᑦ (ᑕᒪᓐᓇ ᐃᓚᖃᖅᐳᖅ ᐱᒻᒪᕆᐊᓗᖕᓂᑦ ᐱᒻᒪᕆᐊᓘᙱᑦᑐᓂᒡᓗ) | 267 | 69.4% |
| ᐊᖏᕐᑕᐅᙱᑦᑐᖅ | 35 | 9.1% |
| ᐅᑕᖅᑭᔪᑦ | 83 | 21.5% |
| ᑲᑎᖦᖢᒋᑦ | 385 | 100% |
ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐱᔨᑦᑎᕋᐅᑎᖏᑦ
ᐊᐃᑉᐹᓂ, ᐊᐃᕐᕆᓕ 7, ᐃᓕᓐᓂᐊᕐᕕᖕᒥ ᐃᖅᑲᓇᐃᔭᖅᑏᑦ ᐃᓕᓐᓂᐊᕐᕕᖕᒧᐊᕈᓐᓇᕐᓂᐊᓕᖅᑐᑦ ᐱᔪᒪᒍᑎᒃ ᐃᓕᓐᓂᐊᕈᑎᒃᓴᓂᒃ ᐋᖅᑭᒃᓱᐃᕙᒌᕆᐊᖅᑐᕐᓗᑎᒃ.
ᐃᓕᓐᓂᐊᕐᓂᓕᕆᔨᒃᑯᑦ ᐱᓕᕆᖃᑎᒌᓂᒃ ᐱᑕᖃᖅᐳᑦ ᒪᓕᒋᐊᓕᖕᓂᒃ ᐋᖅᑭᒃᓱᐃᕙᒃᑐᓂᑦ ᐃᓕᓴᐃᔨᓄᑦ ᓇᓗᓇᐃᖅᓯᓇᓱᒃᑐᓄᑦ ᐊᔪᙱᓐᓂᖏᓐᓄᑦ−ᑐᕌᖓᔪᓂᒃ ᐱᔾᔪᑎᖃᓪᓗᐊᑕᖅᑐᑦ ᐃᓕᓐᓂᐊᕈᑎᓂᒃ ᑲᑎᖅᓱᖅᓯᒪᔪᓂᑦ. ᑲᑎᖅᓱᖅᓯᒪᔪᑦ ᐊᔾᔨᒋᙱᑐᐃᓐᓇᕆᐊᓖᑦ ᐊᑐᓂ ᐃᓕᓐᓂᐊᖅᑎᓄᑦ.
ᐃᓕᓐᓂᐊᕐᕕᖕᒧᐊᕈᓐᓇᕐᓂᖅ ᐃᖅᑲᓇᐃᔭᕐᓂᕐᒧᑐᐊᖑᕗᖅ ᐱᙳᐊᕆᐊᖅᑐᕐᓂᖕᒨᙱᑦᑐᖅ ᐊᓯᖏᓐᓄᓪᓘᓐᓃᑦ ᐃᓕᓐᓂᐊᕐᓂᕐᒨᙱᑦᑐᓄᑦ ᐱᓕᕆᐊᒃᓴᓄᑦ.
ᐃᓕᓐᓂᐊᕐᓂᓕᕆᔨᒃᑯᑦ ᑕᒪᐃᓐᓂ ᐃᓕᓐᓂᐊᕐᕕᖕᓂᑦ ᐱᑎᑦᑎᓂᐊᕆᕗᑦ ᐋᓐᓂᐊᖃᖅᑕᐃᓕᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ ᒪᓕᒋᐊᖃᖃᑦᑕᕐᓂᐊᖅᑐᓂᑦ ᓄᕙᒡᔪᐊᕐᓇᖅ-19−ᒧᑦ, ᐱᖃᓯᐅᓪᓗᓂ ᐊᓂᖅᑎᕆᔾᔪᓰᑦ, ᐊᒡᒐᖕᓂ ᐅᐊᓴᐃᖃᑦᑕᕐᓂᖅ, ᐊᒻᒪ ᖃᓂᒌᓗᐊᕆᐊᖃᙱᓐᓂᖅ.
ᐊᕙᑎᓕᕆᔨᒃᑯᑦ ᐱᔨᑦᑎᕋᕐᓂᖏᑦ
ᓄᓇᕗᑦ ᒐᕙᒪᒃᑯᑦ ᑲᔪᓯᑎᑦᑎᔪᑦ ᐱᕐᔪᐊᒥᑦ ᑯᕕᔪᒧᑦᑭᒡᒍᓯᐅᔪᓐᓇᖅᑐᒥᒃ. ᑭᒃᑯᑐᐃᓐᓇᑦ ᐃᖅᑲᐃᓯᔭᐅᕗᑦ ᑯᕕᔪᖃᖅᐸᑦ ᐅᖃᐅᓯᐅᔭᕆᐊᖃᕐᒪᑕ ᓄᓇᕗᒻᒥ ᑯᕕᔪᖃᖅᐸᑦ ᐅᖄᓚᕝᕕᒃᓴᒧᑦ ᐅᕗᖓ 867-920-8130, ᖃᖓᓕᒫᑦᑎᐊᖅ:
https://www.gov.nu.ca/environment/documents/spill-response
ᒪᑐᔭᐅᔪᖅ/ᓄᖅᑲᖅᑎᑕᐅᔪᖅ/ᓄᖅᑲᖓᑎᑕᓚᐅᑲᒃᑐᖅ ᐱᔨᑦᑎᕋᐅᑏᑦ:
ᐃᓕᓐᓂᐊᖅᑎᑦᑎᓂᐊᓚᐅᖅᑐᖅ ᐊᕙᑎᑦᑎᓐᓂ ᓴᐳᔾᔨᓂᕐᒧᑦ ᐱᓕᕆᔨᑦ ᑐᐊᕕᕐᓇᖅᑐᓄᑦ ᑯᕕᔪᖃᖅᐸᑦ ᐋᖅᑭᒃᑕᐅᓯᒪᓚᐅᖅᑐᖅ ᐊᐃᕐᕆᓕ 2020-ᒥ ᒫᓐᓇ ᐅᖓᕙᕆᐊᖅᑕᐅᕗᖅ.
ᓄᓇᕗᒻᒥᐅᑦ ᖃᓄᐃᙱᑦᑎᐊᕈᓐᓇᕐᓂᖏᑦ ᑕᒪᑦᑕᑦᑎᐊᖅ ᑲᒪᒋᔭᒃᓴᕆᕙᕗᑦ! ᐳᐃᒍᖅᑕᐃᓕᒋᑦ: ᐊᒡᒐᑎᑦ ᐅᐊᓴᖅᐊᒡᓗᒋᑦ ᖄᕆᔭᐅᔪᓪᓗ, ᐊᑐᖅᐸᒡᓗᑎᒃ ᑭᒃᑯᑐᐃᓐᓇᓂᒃ ᖃᓂᒃᓴᓗᐊᖅᑕᐃᓕᒪᓂᕐᒥᒃ, ᓈᓚᒃᐸᒡᓗᑎᓪᓗ ᐅᖃᐅᔾᔪᐃᔾᔪᑕᐅᔪᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᓕᕆᔨᓂᑦ, ᐊᖏᕐᕋᖅᓯᒪᕙᒡᓗᑎᒡᓗ ᖃᓂᒪᔭᕌᖓᕕᑦ.