Staff Directory

You are here

ᐅᖅᓱᑦᓴᑦ ᑖᒃᓯᔭᕈᑎᖓ ᐅᑎᖅᑎᑦᑎᔪᑎᖏᑦ

ᐅᖅᓱᐊᓗᒃᓴᒧᑦ ᑖᒃᓰᔭᐅᑎᒧᑦ ᐃᑲᔫᑎ - ᑲᑎᖅᓱᐃᔩᑦ, ᐊᐅᓪᓚᕈᔾᔨᔩᑦ, ᐳᓚᕋᖅᑐᓕᕆᔩᑦ

ᓄᓇᕗᑦ ᒐᕙᒪᖓ ᓄᖅᑲᖅᑎᑦᑎᓚᐅᖅᑐᖅ ᐅᖅᓱᐊᓗᖕᒧᑦ ᑖᒃᓰᔭᕈᑎᓄᑦ ᐅᑎᖅᑎᑦᑎᔾᔪᑎᓄᑦ ᐱᓕᕆᐊᕐᒥ, ᐱᒋᐊᕐᓗᒍ ᒪᐃ 14, 2018.

ᓇᒥᑐᐃᓐᓇᖅ ᐅᖅᓱᐊᓗᒃᓴᑦ ᓂᐅᕕᖅᑕᐅᔪᑦ ᐱᔭᐅᔪᓪᓘᓐᓃᑦ ᓄᓇᕗᒻᒥ, ᐊᑐᖅᑕᐅᓯᒪᔪᑦ ᒪᐃ 14, 2018-ᖑᓚᐅᙱᓐᓂᖓᓂ, ᐊᑭᓕᖅᓯᒪᔭᕆᐊᓖᑦ ᐊᕐᕌᒍᒥ ᐊᑕᐅᓯᕐᒥ ᓂᐅᕕᓚᐅᖅᑎᓪᓗᒍ. 

ᑖᓐᓇ ᐱᓕᕆᐊᒃᓴᖅ ᑐᓂᓯᕗᖅ ᐅᖅᓱᐊᓗᖕᒧᑦ ᑖᒃᓰᔭᖅᑎᑕᐅᔾᔪᑎᑦ ᐃᓄᖕᓄᑦ ᐅᖅᓱᕐᓄᑦ ᐅᖅᑰᔾᔪᑎᒃᓴᓄᓪᓘᓐᓃᑦ ᐊᑐᖅᑕᐅᔪᓄᑦ ᐃᖏᕐᕋᔾᔪᑎᓄᑦ ᐃᓚᐅᔪᓄᑦ ᐊᖅᑯᑎᐅᙱᑦᑐᒃᑯᑦ ᐱᓕᕆᐊᒃᓴᓂᑦ. ᑖᒃᑯᐊ ᐃᖏᕋᔾᔪᑏᑦ ᐅᑯᐊᖑᕗᑦ ᓯᑭᑑᑦ, ᑎᓴᒪᓖᑦ (ATVs), ᐊᐅᓚᐅᑎᖃᖅᑐᑦ ᐅᒥᐊᑦ, ᒪᕐᕈᓕᖕᓄᑦ ᐊᒻᒪ ᐊᓯᖏᑦ ᐱᔪᓐᓇᐅᑎᓕᖕᓄᑦ ᐃᖏᕋᔾᔪᑏᑦ. ᐊᔪᖏᔪᓐᓇᐅᑎᒥᒃ ᐱᔪᒪᒍᕕᑦ ᐅᖅᓱᐊᓗᖕᒧᑦ ᐃᑲᔫᑎᒥᒃ, ᐅᖅᓱᐊᓗᒃ ᓂᐅᕕᖅᑕᐅᔭᕆᐊᖃᖅᓯᒪᕗᖅ ᓄᓇᕗᒻᒥᑦ ᐊᒻᒪ ᑖᒃᓰᔭᖅᓯᒪᓗᑎᑦ ᐅᖅᓱᐊᓗᒃᓴᒧᖅ ᑖᒃᓰᔭᕈᓐᓇᐅᑎᒧᑦ ᐱᖁᔭᒨᖓᔪᒥᒃ ᐊᑐᕐᓗᑎᑦ. ᑖᒃᓰᔭᐅᔾᒧᑎᒧᑦ ᐊᑭᓕᖅᓯᒪᒍᕕᑦ ᓵᖕᒥᓂᕐᒧᑦ ᐊᑐᖅᑐᒃᓴᒥᑦ ᐅᕝᕙᓘᓐᓃ ᐱᙳᐊᖅᑐᓕᕆᔨᒃᑯᓐᓄᑦ ᐊᑐᖅᑐᒃᓴᒥᑦ ᐱᔪᓐᓇᐅᑎᖃᕋᔭᖏᑦᑐᑦ.

ᑐᒃᓯᕋᐅᑎᓂᒃ ᐱᔪᒪᒍᕕᑦ ᐅᖅᓱᐊᓗᒃᓴᒧᑦ ᑖᒃᓰᔭᐅᑎᒧᑦ ᐱᔪᓐᓇᐅᑎᓂᒃ − ᑲᑎᖅᓱᐃᔨᓄᑦ, ᐊᐅᓪᓛᕈᔨᖃᑦᑕᖅᑐᓄᑦ, ᐳᓚᕋᖅᑐᓕᕆᔨᒃᑯᓐᓄᑦ

ᐅᖅᓱᐊᓗᖕᒧᑦ ᑖᒃᓰᔭᐅᑎᒧᑦ ᐃᑲᔫᑎᓄᒃ ᐱᓕᕆᐊᒃᓴᓄᑦ ᖃᐅᔨᒪᔪᓐᓇᐅᑎᒃᓴᖅ − ᑲᑎᖅᓱᐃᔨᓄᑦ, ᐊᐅᓪᓛᕈᔾᔨᖃᑦᑕᖅᑐᓄᑦ, ᐳᓚᕋᖅᑐᓕᕆᔨᒃᑯᓐᓄᑦ

 

ᐅᖅᓱᐊᓗᖕᒧᑦ ᑖᒃᓰᔭᐅᑎᒧᑦ ᐃᑲᔫᑎ - ᐅᔭᕋᖕᓂᐊᑎᑦ

ᓄᓇᕗᑦ ᒐᕙᒪᖓ ᓄᖅᑲᖅᑎᑦᑎᓚᐅᖅᑐᖅ ᐅᖅᓱᐊᓗᖕᒧᑦ ᑖᒃᓰᔭᕈᑎᓄᑦ ᐅᑎᖅᑎᑦᑎᔾᔪᑎᓄᑦ ᐱᓕᕆᐊᕐᒥ, ᐱᒋᐊᕐᓗᒍ ᒪᐃ 14, 2018.

ᓇᒥᑐᐃᓐᓇᖅ ᐅᖅᓱᐊᓗᒃᓴᑦ ᓂᐅᕕᖅᑕᐅᔪᑦ ᐱᔭᐅᔪᓪᓘᓐᓃᑦ ᓄᓇᕗᒻᒥ, ᐊᑐᖅᑕᐅᓯᒪᔪᑦ ᒪᐃ 14, 2018-ᖑᓚᐅᙱᓐᓂᖓᓂ, ᐊᑭᓕᖅᓯᒪᔭᕆᐊᓖᑦ ᐊᕐᕌᒍᒥ ᐊᑕᐅᓯᕐᒥ ᓂᐅᕕᓚᐅᖅᑎᓪᓗᒍ. 

ᐃᓄᓕᒫᑦ ᐅᕝᕙᓘᓐᓃ ᑲᑐᔾᔨᖃᑎᒌᑦ ᐃᓚᐅᑦᑎᐊᖏᓐᓇᖅᐸᒃᑐᑦ ᐅᔭᕋᖕᓂᐊᖅᑐᓂᑦ ᐊᔪᖏᔾᔪᑎᖃᖅᑐᑦ ᐅᖅᓱᐊᓗᖕᒧᑦ ᑖᒃᓰᔭᐅᑎᒧᑦ ᐃᑲᔫᑎᓂ ᐅᖅᓱᐊᓗᖕᒧᑦ ᐊᑐᖅᑕᐅᖃᑦᑕᖅᑐᓂᒃ ᐱᔪᓐᓇᐅᑎᖃᖏᑦᑐᓄᑦ ᐱᓕᕆᔪᓐᓇᐅᑎᓕᖕᓄᑦ, ᓴᓇᕐᕈᑎᓂᒃ, ᐊᑎᓕᐅᖅᑕᐅᓯᒪᔪᓄᑦ ᓯᑭᑑᓄᑦ ᐊᒻᒪ ᑎᓴᒪᓕᖕᓄᑦ ᐊᑐᖅᑕᐅᕙᒃᑐᓄᑦ ᐅᔭᕋᖕᓂᐊᖅᑎᓄᑦ.

ᐱᔪᓐᓇᐅᑎᑖᕈᒪᔪᑦ:

ᑐᒃᓯᕋᐅᑏᑦ ᐃᓗᓕᖃᕆᐊᖃᖅᐳᑦ ᒫᓐᓇᐅᔪᒧᑦ ᐅᔭᕋᒃᓯᐅᓂᕐᒧᑦ ᐱᔪᓐᓇᐅᑎᑖᕈᑎᓂᒃ.

ᐅᖅᓱᐊᓗᐃᑦ ᓂᐅᕕᖅᑕᐅᔭᕆᐊᖃᖅᐳᖅ ᓄᓇᕗᒻᒥᑦ ᐅᕝᕙᓘᓐᓃ ᓅᑕᐅᓯᒪᓗᓂ ᐊᕕᒃᑐᖅᓯᒪᔪᒥᑦ ᑎᑎᕋᖅᓯᒪᔪᖅ 3, 4 ᐊᒻᒪ 5 ᐅᖅᓱᐊᓗᒃᓴᒧᑦ ᑖᒃᓰᔭᐅᑎᒧᑦ ᐱᖁᔭᕐᒥᑦ.
 

ᐅᖅᓱᒃᓴᑦ ᑖᒃᓯᔭᕈᑎᖏᑕ ᐅᑎᖅᑎᑕᐅᔪᑎᖏᓄᑦ ᐱᓕᕆᔪᑎ ᓇᐃᓈᓯᔪᑎᑦ ᐅᓂᒃᑳᖅᓯᒪᓂᖏᑦ 2012-13 ᐊᒻᒪᓗ 2013-14

ᐅᖅᓱᒃᓴᑦ ᑖᒃᓯᔭᕈᑎᖏᑕ ᐅᑎᖅᑎᑕᐅᔪᑎᖏᓄᑦ ᐱᓕᕆᔪᑎ ᓇᐃᓈᓯᔪᑎᑦ ᐅᓂᒃᑳᖅᓯᒪᓂᖏᑦ 2014-15 ᐊᒻᒪᓗ 2015-16