ᓄᓇᕗᒻᒥᐅᑦ ᑲᑐᔾᔨᖃᑎᒌᒃᐳᑦ ᓄᓇᖅᔪᐊᒥ ᐃᓱᒪᒥᒍᑦ ᐊᔪᕈᑎᓕᖕᓄᑦ ᐅᓪᓗᖓᓂ
ᑭᒃᑯᑐᐃᓐᓇᓄᑦ ᑐᓴᒐᒃᓴᖅ
ᓄᓇᕗᒻᒥᐅᑦ ᑲᑐᔾᔨᖃᑎᒌᒃᐳᑦ ᓄᓇᖅᔪᐊᒥ ᐃᓱᒪᒥᒍᑦ ᐊᔪᕈᑎᓕᖕᓄᑦ ᐅᓪᓗᖓᓂ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑎᓕᐅᕆᕗᑦ ᓄᓇᕗᒻᒥᐅᓂᒃ ᐃᓚᐅᖁᓪᓗᒋᑦ ᐃᓄᒐᓴᒡᔪᐊᓂ ᓄᓇᕐᔪᐊᕐᒥ ᐃᓕᑕᕆᔭᐅᑎᓪᓗᒍ ᐃᓱᒪᒥᒍᑦ ᐊᔪᕈᑎᓕᖕᓄᑦ ᐅᓪᓗᕆᔭᐅᔪᖅ ᐅᑐᐱᕆ 10−ᒥ ᐅᑯᓂᖓ ᐃᓱᒪᒋᔭᖃᕐᓗᑎᒡᓗ:
- ᐃᓅᖃᑎᒌᑦᓯᐊᕐᓂᖅ: ᐃᒃᐱᒋᔭᖃᑦᑎᐊᕐᓂᖅ ᐊᓯᒥᓂᒃ, ᐃᓅᖃᑎᖃᖅᐸᖕᓂᕐᓂᒃ, ᑲᒪᒋᔭᖃᑦᑎᐊᕐᓂᕐᓗ ᐃᓄᖕᓂᒃ.
- ᐱᓕᕆᖃᑎᒌᖕᓂᖅ/ᐃᑲᔪᖅᑎᒌᖕᓂᖅ: ᐱᓕᕆᖃᑎᒌᖕᓂᖅ ᑕᔅᓱᒧᖓᔅᓴᐃᓐᓇᖅ ᐱᔾᔪᑎᖃᖅᖢᑎᒃ.
- ᑐᙵᓇᕐᓂᖅ: ᒪᑐᐃᙶᕐᓂᖅ, ᐃᓚᐅᑎᑦᑎᓂᖅ, ᐃᓕᕋᓇᙱᓐᓂᖅ.
ᖃᐅᑕᒫᑦᑎᐊᖅ ᐊᑐᓂ ᐃᑲᔪᖅᑎᒌᑲᑕᖃᑦᑕᖅᐳᒍᑦ ᑕᐃᒫᒡᓗ ᓴᙱᓂᖅᓴᐅᔾᔪᑎᒋᓕᖅᐸᒃᖢᑎᒍ ᑕᑎᒌᖃᑦᑕᕌᖓᑦᑕ ᐊᑕᐅᓯᕐᒧᑦ ᐱᓕᕆᓪᓗᑕ. ᓇᖕᒥᓂᖅᑕᐅᖅ ᐃᑲᔪᕈᓐᓇᕆᕗᒍᑦ ᓴᙱᓂᕆᔭᕗᑦ ᐱᕈᖅᑎᒃᑲᓐᓂᕈᓐᓇᖅᖢᑎᒍ ᐊᒻᒪᓗ ᐃᓱᒪᔮᕐᓂᒃᑯᑦ ᖃᓄᐃᔾᔪᑎᒋᔭᕗᑦ ᐸᓚᖅᑎᑦᑐᓐᓇᖅᖢᑎᒍ ᐃᒪᓐᓇ:
- ᐃᓄᑦᑎᐊᕙᐅᕙᒡᓗᑕ ᐊᓯᑦᑎᓐᓄᑦ ᐊᒻᒪ ᐃᖅᑲᐅᒪᓇᓱᒃᐸᒡᓗᑕ ᐃᓅᖃᑎᕗᑦ ᐊᒃᓱᕈᕐᓇᖅᑐᓂᒃ ᐱᓕᕆᐊᒃᓴᖃᐅᕐᒪᑕᑦᑕᐅᖅ ᑕᑯᔪᓐᓇᙱᑕᑦᑎᓐᓂ;
- ᓈᓚᒡᓗᑕ ᐊᓯᕗᑦ ᐅᖃᐅᓯᖃᕆᐊᖃᓕᕌᖓᑕ ᐱᔾᔪᑎᒋᔭᒥᖕᓂᒃ;
- ᐃᓱᒪᐃᑦ ᐅᒃᑯᐃᖓᑏᓐᓇᕐᓗᒍ ᐅᖃᐅᓯᐅᔪᓄᓪᓗ ᐃᖅᑲᖅᑐᐃᕙᓪᓕᐊᖏᓪᓗᑎᑦ ᐊᓯᖕᓂᒃ ᐃᑲᔪᕋᓱᖕᓂᕐᓂᒃ;
- ᐃᓂᒃᓴᖃᖅᑎᑦᑎᓗᓂ ᐃᓄᖕᓄᑦ ᐊᑦᑕᕐᓇᙱᑦᑐᒦᓐᓂᐊᕐᒪᑕ, ᐃᒃᐱᒋᔭᐅᑦᑎᐊᕐᓗᑎᒃ, ᑐᓴᖅᑕᐅᓗᑎᒡᓗ; ᐊᒻᒪᓗ
- ᐃᑲᔪᖅᑎᒌᒃᐸᒡᓗᓂ ᐊᒃᓱᕉᓴᖕᓇᖅᑐᒃᑰᓕᕌᖓᑦᑕᓗ ᐃᓵᖃᑦᑕᐅᑎᕙᒡᓗᑕ ᐃᑲᔪᖅᑕᐅᔪᒪᓗᑕ.
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᓄᓕᒫᑦᑎᐊᓂᒃ ᐃᑲᔪᖅᓱᐃᕗᑦ ᐃᓱᒪᒋᔭᖃᖁᓪᓗᒋᑦ ᖃᓄᖅ ᐱᓕᕆᔪᓐᓇᕐᒪᖔᖏᓐᓂᒃ ᓄᓇᖏᓐᓂ ᖁᕝᕙᖅᓴᐃᓗᑎᒃ ᐃᓱᒪᔮᓗᐊᖅᑕᐃᓕᒪᓂᕐᒥᒃ ᐊᒻᒪᓗ ᖃᐅᔨᒍᑎᒃ ᐊᓯᒥᖕᓂᒃ ᐃᑲᔪᖅᐸᒡᓗᑎᒃ.
ᐃᑲᔪᖅᑕᐅᔭᕆᐊᖃᕈᕕᑦ ᖃᐅᔨᒪᔭᖃᕈᕕᓪᓘᓃᑦ ᐃᑲᔪᖅᑕᐅᔭᕆᐊᓕᖕᒥᒃ, ᐅᖄᓚᔪᓐᓇᖅᐳᑎᑦ
ᐋᓐᓂᐊᕕᖕᒧᑦ ᐃᓱᒪᓕᕆᔨᒧᑦ ᐅᖃᕈᒪᓗᑎᑦ ᐊᒻᒪᓗᑦᑕᐅᖅ ᐅᑯᐊ ᑕᕝᕙ ᐅᖄᓚᕝᕕᒋᔭᒃᓴᐅᖕᒥᔪᑦ:
ᑲᒪᑦᑎᐊᖅᑐᑦ ᐅᖄᓚᐅᑎᖓ: ᐊᑭᖃᙱᑦᑐᖅ 1-867-979-3333 1-800-265-3333
ᓄᑕᖅᑲᓄᑦ ᐃᑲᔪᖅᑕᐅᕕᖕᒧᑦ ᐅᖃᓗᒡᕕᒃᓴᖅ: 1-800-668-6868 ᐅᕝᕙᓘᓐᓃᑦ ᐅᖃᓘᑎᕋᓛᒃᑯᑦ ᑎᑎᕋᕐᓗᑎᑦ CONNECT ᐅᕗᖓ 686868.
ᐃᓄᐃᑦ ᓂᕆᐅᒋᔭᖃᕐᓂᖏᓐᓄᑦ ᖃᓄᐃᙱᑦᑎᐊᕈᓐᓇᕐᓂᕐᒧᑦ ᐅᖄᓚᕕᒃᓴᖅ: 1-855-242-3310
ᐊᑦᑕᕐᓈᕿᓐᓂᕈᕕᑦ ᖃᐅᔨᒪᔭᓪᓘᓐᓃᑦ, ᐸᓖᓯᒃᑯᑦ ᐅᖃᓗᒡᕕᒋᓗᒋᑦ, ᐅᕝᕙᓘᓐᓃᑦ ᐋᓐᓂᐊᕕᓕᐊᕐᓗᑎᑦ ᐋᓐᓂᐊᕕᐊᓗᖕᒧᓪᓘᓐᓃᑦ ᐃᕐᖐᓐᓇᖅ.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᐋᓕᓴᓐ ᒍᕆᕕᓐ
ᑐᓴᒐᒃᓴᓕᕆᔨᓄᑦ ᐊᐅᓚᑦᑎᔨ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5949
@email