Nunavunmi naunairutiqaqhimayuq taima Nunaryuaptingni FASD Ilihimayakhanginnik ublua
Kavamatkunnut Tuhaqtipkaidjut
Nunavunmi naunairutiqaqhimayuq taima Nunaryuaptingni FASD Ilihimayakhanginnik ublua
Apitilirvia 9 taima Nunarjuaptingni Hingaijat Taangaqturnikkut Inuuhirliuqtuliqnirmut (FASD) Ilihimajakhanginnik ublua. FASD qaujihaqtaunirmik tainnia uqautigiplugit aktuqtauniit qaritarmut timinganullu pittaaqtut inuum hingaijauhimapluni taanngaqtuqpallaqhimajumit. FASD inuuhirmingni ajungutiqalirniq.
Inullaat piqaqtut FASD-mik ajuqhautiqarniaqtut ubluq tamaat inuuhirmingni, imaalu ikajuqtaujariaqaqtut ingutaarnirmingni ajuittakhainnik, timimikkut aanniarutimingnik, iliharnirmingni, itqaumanirmik, hulijamingni nutqangalairlutik, uqariakhamingnik, ikpiguhungniq maliktakhamik, imaalu inungmiunirmik ajuiqtakhamingnik pillahilugit ajuiqtakhatik.
Hivuuranaqtuq taanngaqaqtunik niuqqariamingni, angajarnaqtunikluuniit aturiamingni, higaarlungnik, hingaijautitlutit. Iliqatigiikhimajut, ilaqaqtunik ilannaqaqtuniklu ikajuutiginiaqtun taanganik atuqtaujukhaungitun unalu aanngajarnaqtunik atuqtaujukhaungittuq hingaijautitlutit taima ikiklijumirutikhanik ajurnautiqarnaitumik maamauniaqtunik, aituihimaarniq imingarnaqtunik katimaqataulirumik katimajunik upalungaikhimaluniklu hulilukaaktunik taima ilauqaqqangituq taannganik higaalungniklu.
Ilihimaguvit inungnik piqaqtukhaujut ikajuutikhanik angajarnaqtunik aturnikkut hingaijautitlutit, ikajuutikhat hailijut. Nakurutaujutit ilaudjuhini nunagijaptingni.
Uqaqqatigivaklugit ilannagiyan, ilagiyanik, Iningnikhanunluuniit. Akiittuq, hiamitirnaittumik ihumamitigut aanniaqtailinirmut ikayuutikhaq piinarialik nunalaani munaqhitkunnit.
Ikajuqtikhat Nunavummiut pinahugijunut imaaluuniit naunaiqtauhimajut FASD-mik ilagiinullu hailijut talvani Piruqatigiit Resource Centre (www.piruqatigiit.ca). Atirnik uqaqhimaittumik ikajuqhiqtauvikhaq:
Hivajarlugu Nunavunmi Kamatsiaqtut Ikajuqtuiviata akiittumik uumani 867-979-3333 akiittumik uumani 1-800-265-3333 (hailijut 24 ikarniinni ubluraluk unnuamillu).
- Titirarvigilugit Ajuqhaqpiaktunut Ikajuqtauvikhat Kanadami talvunga 1-833-456-4566 imaaluuniit qaritaujakkut uqaqatigilugit (www.crisisservicescanada.ca).
- Hiovajarlugit Nunarjuami Ajuqhaqpiaktut kinguagut ilihariaqtuqtakpakhimajunut ilagiinullu uumani 1-866-925-4419 (ahailijut 24 ikarniinni ubluraluk unnuamillu, Inuktut, Qablunaatun, Uivivitun).
###
Tuhaqtidjutikhanut Uqarvikhaq:
Alison Griffin
Atan'nguyaq, Tuhaqtipkaiyinni
Havagviat Aanniaqtailinikkut
(867) 975-5949
@email