ᐃᓕᓐᓂᐊᕐᓂᓕᕆᔨᒃᑯᑦ ᐊᒻᒪ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐱᖃᖃᑎᒌᑐᒃ ᓄᓇᕗᒻᒥ− ᐋᖅᑭᒃᑕᖅ ᐃᓕᓐᓂᐊᕆᐅᖅᓴᔪᓕᕆᓂᕐᒥ ᐱᕕᒃᓴᓂᒃ
ᓴᖅᑭᑕᐅᑲᐅᑎᒋᔭᕆᐊᓕᒃ
ᐃᓕᓐᓂᐊᕐᓂᓕᕆᔨᒃᑯᑦ ᐊᒻᒪ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐱᖃᖃᑎᒌᑐᒃ ᓄᓇᕗᒻᒥ− ᐋᖅᑭᒃᑕᖅ ᐃᓕᓐᓂᐊᕆᐅᖅᓴᔪᓕᕆᓂᕐᒥ ᐱᕕᒃᓴᓂᒃ
ᐃᖃᓗᐃᑦ, ᓄᓇᕗᑦ (ᔪᓚᐃ 26, 2019) – ᒥᓂᔅᑕ ᐃᓕᓐᓂᐊᕐᓂᓕᕆᔨᒃᑯᓐᓄᑦ, ᑕᐃᕕᑦ ᔪᐊᓇᓯ, ᐊᒻᒪ ᐃᓱᒪᑕᖓᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ, ᐱᔭᐃ ᐊᕿᐊᕈᖅ, ᐱᒃᑯᒍᓱᑦᑎᐊᖅᑐᑦ ᑐᓴᖅᑎᑦᑎᓂᕐᒥᒃ ᓄᑖᒥᒃ, ᓄᓇᕗᒻᒥ− ᐋᖅᑭᒃᑕᖅ ᐃᓕᓐᓂᐊᕆᐅᖅᓴᔪᓕᕆᓂᕐᒥ ᐱᕕᒃᓴᓂᒃ ᐱᑎᑕᐅᓂᐊᕐᒪᑕ ᐸᐃᕆᕝᕕᖕᓄᑦ ᓄᓇᕗᓕᒫᒥ.
“ᐃᓕᓐᓂᐊᕆᐅᖅᓴᔪᓕᕆᓂᕐᒥ ᐃᓄᒃᑐᑦ ᐱᕕᒃᓴᑦ ᒪᑐᐃᕈᑎᐅᔪᑦ ᐅᖃᐅᓯᖅᐳᑦ ᐆᒪᑎᓪᓗᒍ.” ᐅᖃᖅᑐᖅ ᒥᓂᔅᑕ ᐃᓕᓐᓂᐊᕐᓂᓕᕆᔨᒃᑯᓐᓄᑦ, ᑕᐃᕕᑦ ᔪᐊᓇᓯ. “ᓄᑕᖅᑲᑦ ᐃᓕᑦᑎᓂᖅᓴᐅᓲᑦ ᐃᓕᓐᓂᐊᕈᑎᖏᑕ ᐱᖁᑎᖏᑦ ᐊᔾᔨᖃᕌᖓᑕ ᐊᕙᑎᖏᓐᓂ, ᐅᖃᐅᓯᖏᓐᓂ ᐊᒻᒪ ᐃᓕᖅᑯᓯᖏᓐᓂ. ᑖᒃᑯᐊ ᓄᓇᕗᒻᒥ− ᐋᖅᑭᒃᑕᖅ ᐱᕕᒃᓴᑦ ᐱᔪᓐᓇᖅᑎᑦᑎᑎᐊᕐᓂᐊᖅᑐᑦ ᐱᕈᖅᐸᓪᓕᐊᓕᓵᖅᑐᓂ ᑭᖑᕚᑦᑎᓐᓂ ᐱᓯᒪᐃᓐᓇᕐᓗᒍ ᓴᙱᒃᑎᒋᐊᕐᓗᒍᓗ ᐃᓅᓂᐅᔾᔪᓯᖏᓐᓂ.”
“ᐱᒃᑯᒍᓱᒃᑐᖓ ᐱᔭᐅᑎᓪᓗᒋᑦ ᑖᒃᑯᐊ ᐃᓕᓐᓂᐊᕆᐅᖅᓴᔪᓕᕆᓂᕐᒥ ᐱᕕᒃᓴᑦ ᐊᔾᔨᖃᕐᖢᑎᒃ ᐅᖃᐅᓯᑦᑎᓐᓂᒃ ᐃᓕᖅᑯᓯᑦᑎᓐᓂᓗ,” ᐅᖃᖅᑐᖅ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐃᓱᒪᑕᖓᑦ, ᐊᑭᐊᕈᖅ. “ᑖᒃᑯᐊ ᐋᖅᑭᒃᓱᒐᑦ, ᐱᙳᐊᑦ, ᐊᒻᒪ ᕿᒥᕐᕈᐊᒐᑦ ᐱᕕᖃᖅᑎᑦᑎᔪᑦ ᓄᑕᖅᑲᑦᑎᓐᓂᒃ ᐃᓕᑦᑎᓗᑎᒃ, ᐱᙳᐊᕈᓯᖃᕐᓗᑎᒃ, ᐊᒻᒪ ᑕᐅᑐᙳᐊᕈᑎᒋᓗᑎᒃ ᓄᓇᕐᔪᐊᒥ ᖁᕕᐊᓲᑎᖃᓲᒥᒃ ᐃᓅᓂᑦᑎᓐᓂ ᐅᖃᐅᓯᖅᑕᑦᑎᓐᓂᒃᓗ.”
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐊᒻᒪ ᐃᓕᓐᓂᐊᕐᓂᓕᕆᔨᒃᑯᑦ ᑮᓇᐅᔭᓕᐅᖅᓯᒪᖕᒪᑕ $700,000 ᐊᒻᒪᓗ $1.8 ᒥᓕᐊᓐᓂᒃ ᐅᖓᑖᓄᑦ ᐱᖓᓱᑦ ᐊᕐᕌᒍᑦ ᐱᙳᖅᑎᓪᓗᓂᒋᑦ ᑖᒃᑯᐊ ᐱᕕᒃᓴᑦ ᐱᓕᕆᖃᑎᒌᑦᑎᐊᕐᓂᒃᑯᑦ ᐊᔾᔨᖃᖅᑐᒥᒃ ᐃᓄᐃᑦ ᐃᓅᓯᖏᓐᓂ ᐃᓕᖅᑯᓯᖏᓐᓂᒃᓗ.
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ−ᐋᖅᑭᒃᑕᖓ ᐱᕕᒃᓴᓂᑦ ᐱᖃᑎᖃᕐᓂᐊᖅᑐᖅ ᐃᓕᓐᓂᐊᕐᓂᓕᕆᔨᒃᑯᑦ−ᐋᖅᑭᒃᑕᖓᓂ ᐱᕕᒃᓴᓂᒃ ᑐᓂᐅᖅᑲᖅᑕᐅᔪᑦ 55 ᐱᔪᓐᓇᐅᑎᖃᖅᑐᓄᑦ ᐅᐸᒐᕐᓄᑦ, ᐃᓚᐅᓪᓗᑎᒃ ᐃᓕᓐᓂᐊᕌᓂᒃᑎᓪᓗᒋᑦ ᐃᓕᓐᓂᐊᕆᐅᖅᓴᔪᓄᓪᓗ ᐃᓂᖏᑦ. ᖃᔅᓯᑲᓪᓚᑦ
ᐱᕕᒃᓴᑦ ᐅᐱᕐᖔᒃᑯᑦ ᐴᖅᓯᒪᔪᑦ ᐋᖅᑭᒃᑕᐅᓚᐅᕐᒥᔪᑦ ᐃᓚᒋᓪᓗᓂᐅᒃ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑕ ᐱᕚᓪᓕᕈᑎᒃᓴᓄᑦ ᑮᓇᐅᔭᖃᖅᑎᑕᐅᔾᔪᑎᑦ ᐱᓕᕆᐊᒃᓴᖅ.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᔩᓐ ᐱᓕᑉ ᓚᐳᕆᔅ
ᐊᐅᓚᑦᑎᔨ, ᑐᓴᐅᒪᔪᓕᕆᓂᕐᒧᑦ
ᐃᓕᓐᓂᐊᕐᓂᓕᕆᔨᒃᑯᑦ
@email
867-975-5645
ᓰᒪ ᓴHᐊᐅ ᔨᕆHᐃ
ᑐᑭᒧᐊᒃᑎᑦᑎᔨ ᑐᓴᐅᒪᖃᑦᑕᐅᑎᓕᕆᓂᕐᒧᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ
@email
867.975.8413 1.800.667.2742
ᑭᓲᖕᒪᑕ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ/ᐃᓕᓐᓂᐊᕐᓂᓕᕆᔨᒃᑯᑦ ᐱᕝᕕᐅᔪᓐᓇᕐᕕᒋᔭᖏᑦ?
ᐅᐱᕐᖔᒃᑯᑦ ᐱᕕᒃᓴᑦ ᐴᖃᐅᑎᒦᓃᑦᑐᑦ, ᑎᑭᐅᑎᕙᓪᓕᐊᓕᖅᑐᑦ ᐸᐃᕆᕕᖕᓄᑦ ᓄᓇᕗᓕᒫᒥ, ᐃᓗᓕᖃᖅᑐᑦ ᐅᓄᖅᑐᓂᒃ ᐱᖁᑎᓂᒃ ᓲᕐᓗ:
1. ᑐᙵᕕᖓ ᐋᖅᑭᒃᓱᒐᕐᓄᑦ
2. ᓇᑎᕐᒦᑦᑐᖅᓯᐅᑎᑦ ᐋᖅᑭᒃᓱᒐᑦ
3. ᐅᑭᐅᖅᑕᖅᑐᒥᐅᑕᑦ ᓂᕐᔪᑎᑦ ᐊᒡᒐᖕᒧᑦ ᐊᐅᓚᑕᒃᓴᑦ ᐊᒻᒪ ᑐᐱᒃᓴᔭᒃ ᐴᖃᐅᑎ: ᓇᓄᖅ, ᐅᒥᖕᒪᒃ, ᑐᒃᑐ, ᐅᑲᓕᖅ, ᑎᕆᒐᓂᐊᖅ
4. ᐊᒡᒐᖕᒧᑦ ᐊᐅᓚᑕᒃᓴᓄᑦ ᐅᓂᒃᑳᑦ ᕿᒥᕐᕈᐊᒐᑦ: ᑐᒃᑑᑉ ᐃᖏᕐᕋᓂᖓ
5. ᐃ, ᐱ, ᑎ, ᑭ ᐱᙳᐊᕈᑎᑦ ᐸᑦᑕᑦ
6. ᑕᑯᒃᓴᐅᑦᑎᐊᖅᑐᑦ ᕿᒥᕐᕈᐊᒐᑦ: ᐃᓄᐃᑦ ᐊᓐᓄᕌᖏᑦ, ᐋᖅᑭᒃᓯᒪᓂᖏᑦ ᐆᒃᑑᑎᓪᓗ
7. ᕿᓂᕐᓗᒍ ᓇᓂᓗᒍᓗ ᕿᒥᕐᕈᐊᒐᑦ − ᐅᑲᓕᖅ ᐊᒻᒪ ᑲᓪᓚ ᐊᐅᔭᒃᑯᑦ ᐊᐅᓪᓛᖅᑐᑦ
8. ᑭᖑᓕᕇᒃᑐᑦ ᕿᒥᕐᕈᐊᒐᑦ – ᖃᒧᑎᓕᐅᕐᓂᖅ, ᐃᖃᓗᒐᓱᖕᓂᑦ ᐊᐅᔭᒃᑯᑦ
9. ᓄᑕᕋᓛᓄᑦ ᐆᒃᑐᕋᕐᓗᓂ ᐅᖃᐅᓯᓕᕆᔪᑦ ᕿᒥᕐᕈᐊᒐᖅ
10. ᖃᐅᑕᒫᖅᓯᐅᑦ ᖃᓄᐃᓕᐅᕐᓂᕐᒧᑦ ᐸᑦᑕᑦ
ᐱᔾᔪᑎᒋᓪᓗ ᐅᓄᕐᓂᖏᑦ ᐃᓗᓕᖏᓐᓂ, ᐱᕕᒃᓴᑦ ᓇᒃᓯᐅᔾᔭᐅᔪᑦ ᑎᓴᒪᐅᓪᓗᑎᒃ ᐴᖅᓯᒪᔪᓂ: ᒪᕐᕉᒃ ᐴᖅᓯᒪᔫᒃ ᑐᓂᔭᐅᓵᓚᐅᖅᑐᑦ ᐱᓕᕆᕝᕕᖕᓄᑦ, ᐱᖓᔪᖓᑦ ᐅᐱᕐᖔᒃᑯᑦ ᐴᖅᓯᒪᔪᑦ ᓇᒃᓯᐅᔾᔭᐅᓵᓚᐅᖅᑐᑦ, ᑭᖑᓪᓕᖅᐹᖓᓂᒃᓗ ᐴᖅᓯᒪᔪᑦ ᑐᓂᐅᖅᑲᖅᑕᐅᓂᐊᖅᑐᑦ ᐅᑭᐅᒃᓵᖅ.
ᐱᕙᓪᓕᐊᔪᑦ ᑐᓴᒐᒃᓴᙳᖅᑎᑕᐅᔪᑦ ᐱᔭᐅᔪᓐᓇᖃᑦᑕᖅᑐᑦ ᐃᓄᒃᑎᑑᖓᓗᑎᒃ, ᖃᓪᓗᓈᑎᑐᑦ, ᐃᓄᐃᓐᓇᖅᑐᓐ ᐅᐃᕖᑎᑐᓪᓗ ᐅᕙᓂ, www.gov.nu.ca.
News releases are available in Inuktitut, English, Inuinnaqtun and French on www.gov.nu.ca.
Tuhaqtaghat ittut Inuktitut, Qablunaatitut, Inuinnaqtun Uiviititullu talvani www.gov.nu.ca.
Les communiqués de presse sont disponibles en inuktitut, en anglais, en inuinnaqtun et en français au www.gov.nu.ca.
ᑐᓴᐅᒪᔪᓕᕆᔨᒃᑯᑦ 2019-NR18