ᓄᓇᕗᒻᒥ ᐊᕙᑎᓕᕆᓂᕐᒧᑦ ᐱᓇᓱᐊᕈᓯᖅ ᐅᓪᓗᖅ 7-ᓄᑦ ᐱᒡᒍᓴᐅᑎᓂᖅ
ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ
ᓄᓇᕗᒻᒥ ᐊᕙᑎᓕᕆᓂᕐᒧᑦ ᐱᓇᓱᐊᕈᓯᖅ ᐅᓪᓗᖅ 7-ᓄᑦ ᐱᒡᒍᓴᐅᑎᓂᖅ
ᐊᕙᑎᓕᕆᔨᒃᑯᑦ ᐱᒡᒍᓴᐅᑎᖃᑎᖃᕈᒪᕗᑦ ᓄᓇᕗᒻᒥᐅᓂᒃ ᐃᓚᐅᖃᑕᐅᖁᓪᓗᒋᑦ ᓄᓇᕗᒻᒥ ᐊᕙᑎᓕᕆᓂᕐᒧᑦ ᐱᓇᓱᐊᕈᓯᖓᓂ ᐅᓪᓗᖅ 7-ᓄᑦ ᐱᒡᒍᓴᐅᑎᓂᕐᒥᑦ, ᔫᓂ 4-11, 2019-ᒥᑦ.
ᐱᒡᒍᓴᐅᑎᓂᐅᔪᑦ ᓴᖅᑭᑕᐅᖃᑦᑕᕐᓂᐊᖅᑐᑦ ᖃᐅᑕᒫᖅ ᐱᓇᓱᐊᕈᓯᐅᑉ ᐃᓗᐊᓂ ᓄᓇᕗᑦ ᒐᕙᒪᒃᑯᑦ ᐃᓄᖕᓄ ᑐᓴᐅᒪᔾᔪᑎᓕᕆᔾᔪᑎᖏᓐᓄᑦ ᐊᒻᒪ ᐊᕙᑎᓕᕆᔨᒃᑯᑦ ᐃᑭᐊᖅᑭᕕᖓᓄ https://gov.nu.ca/iu/environment.
ᓄᓇᕗᒻᒥᐅᑦ ᓇᖕᒥᓂᖅ ᐊᔾᔨᓕᐅᖃᑦᑕᖁᔭᐅᕗᑦ ᖃᐅᑕᒫᖅᓯᐅᒻᒥᒃ ᐱᒡᒍᓴᐅᑎᓂᕐᒥᓂᑦ ᑐᔫᑎᒋᓗᒍᓗ ᓄᓇᕗᑦ ᒐᕙᒪᐅᑉ ᑭᒃᑯᑐᐃᓐᓇᕐᓄᑦ ᑐᓴᐅᒪᔾᔪᑎᖓᓄ ᐊᑐᕐᓗᒍᑦ ᓇᓗᓇᐃᒃᑯᑕᖅ #NEW19, ᓵᓚᒃᓴᐅᓯᐊᕋᐊᕐᓗᒍᑦ. ᐱᓇᓱᐊᕈᓐᓇᕐᒥᔪᑦ ᐃᕐᖐᓐᓈᖅᑕᐅᒃᑯᑦ ᐅᕗᖓ @email.
ᓄᓇᕗᒻᒥ ᐊᕙᑎᓕᕆᓂᕐᒧᑦ ᐱᓇᓱᐊᕈᓯᖓ ᐱᒋᐊᕐᕕᐅᓂᐊᕐᒥᔪᖅ ᐊᕙᑎᕗᑦ ᐱᓇᓱᐊᕈᓯᖃᖅᑎᑕᐅᑎᓪᓗᒍ ᑲᓇᑕᒥ, ᐊᕐᕌᒍᑕᒫᑦ ᐱᓕᕆᐊᖑᓲᖅ ᑎᓕᐅᕆᔾᔪᑕᐅᓪᓗᓂ ᑲᓇᑕᒥᐅᓂᒃ ᐱᓕᕆᖁᓪᓗᒋᑦ ᐃᑲᔪᖁᓪᓗᒋᓪᓗ ᐱᑦᑎᐊᓕᓂᕐᒥᒃ, ᓴᐳᔾᔨᓂᕐᒥᒃ ᐊᒻᒪ ᐋᖅᑭᒃᓯᑦᑎᐊᕐᓂᕐᒥᒃ ᐊᕙᑎᑦᑎᓐᓂ. ᒪᓕᒃᐳᖅ ᓄᓇᕐᔪᐊᕐᒥᑦ ᐊᕙᑎᓕᕆᓂᕐᒧᑦ ᐅᓪᓗᖓᓂ ᔫᓂ 5 ᐊᒻᒪ ᑕᕆᐅᑉ ᐅᓪᓗᖓᓂ ᔫᓂ 8.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᑭᐅᕋᓐ ᕝᓚᐅᕋᑎ
ᑐᓴᐅᒪᔪᓕᕆᔨᒃᑯᓐᓄᑦ ᐊᐅᓚᑦᑎᔨ, ᐃᓕᓐᓂᐊᖅᑐᓕᕆᔨᒃᑯᓐᓄᑦ ᑐᓴᐅᒪᑎᑦᑎᔨᒃᑯᓐᓄᓪᓗ
ᐊᕙᑎᓕᕆᔨᒃᑯᑦ
867-975-7761
@email