ᓄᓇᕗᑦ ᖁᕕᐊᓲᑎᖃᖅᑐᖅ ᑲᓇᑕᓕᒫᒥᑦ ᐋᓐᓂᐊᓯᐅᖅᑎᓄᑦ ᐱᓇᓱᐊᕈᓯᖅ
ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᓄᓇᕗᑦ ᖁᕕᐊᓲᑎᖃᖅᑐᖅ ᑲᓇᑕᓕᒫᒥᑦ ᐋᓐᓂᐊᓯᐅᖅᑎᓄᑦ ᐱᓇᓱᐊᕈᓯᖅ
ᐊᑐᖅᑎᓪᓗᒍ ᑲᓇᑕᓕᒫᒥᑦ ᐋᓐᓂᐊᓯᐅᖅᑎᓄᑦ ᐱᓇᓱᐊᕈᓯᖅ, ᒪᐃ 6-ᒥ ᒪᐃ 12 2019-ᒧᑦ, ᓄᓇᕗᒻᒥ ᒐᕙᒪᒃᑯᑦ ᐋᓐᓂᐊᖃᕐᓇᖏᑦᑐᓕᕆᔨᒃᑯᖏᑦ ᐃᓕᓴᖅᓯᔪᒪᖕᒪᑕ ᐱᓕᕆᖃᑦᑕᒻᒪᕆᒃᑐᓂ ᐋᓐᓂᐊᓯᐅᖅᑎᓂ ᓄᓇᕗᒥᑦ.
ᐋᓐᓂᐊᓯᐅᖅᑏᑦ: ᓂᐱ ᓯᕗᓕᕐᓗᒍ− ᐋᓐᓂᐊᖃᕐᓇᙱᑦᑐᓕᕆᓂᖅ ᑕᒪᐃᓐᓄᑦ ᑕᒪᑐᒪᓂ ᐊᕐᕌᒎᑉ ᑲᓇᑕᓕᒫᒥ ᐋᓐᓂᐊᓯᐅᖅᑎᓄᑦ ᐱᓇᓱᐊᕈᓯᖅ ᑐᕌᒐᕆᓂᐊᖅᑕᖓ. ᐊᔾᔨᐅᙱᑦᑐᒃᑯᑦ ᐊᑐᖃᑦᑕᖅᑕᖏᑎᒍᑦ, ᐋᓐᓂᐊᓯᐅᖅᑎᑦ ᐱᐅᓯᕚᓪᓕᖅᑎᑦᑎᔪᓐᓇᖅᑐᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥᒃ ᐊᑐᖃᑦᑕᖅᑐᓂ ᐱᔪᓐᓇᖅᑎᓪᓗᒋᓪᓗ ᐃᓄᐃᑦ ᐃᓅᓗᑎᒃ ᐋᓐᓂᐊᙱᓪᓗᑎᒃ, ᑲᔪᓯᓂᖃᑦᑎᐊᖅᑐᓂᒃᓗ ᐃᓅᓯᕐᓂᑦ. ᓄᓇᕘᑉ ᐋᓐᓂᐊᓯᐅᖅᑎᖏᑦ ᐱᓕᕆᐊᖃᑐᐃᓐᓇᙱᑦᑐᑦ ᐋᓐᓂᐊᖅᑐᓂᒃ ᑲᒪᓂᕐᒥᒃ ᐅᖓᑖᓄᑦᑕᐅᖅ, ᑭᒡᒐᖅᑐᐃᖃᑦᑕᕐᒥᔪᑦ ᑲᒪᒋᔭᖏᓐᓂᒃ ᐋᓐᓂᐊᕕᓕᐊᖅᓯᒪᔪᓂᒃ, ᖃᑕᙳᑎᖏᓐᓂ ᓄᓇᓕᖏᓐᓂᒃᓗ.
ᐃᑲᔪᖅᓱᐃᒋᑦᑎ ᖁᔭᓕᓂᕐᒥᑦ ᐊᒻᒪ ᐃᑲᔪᖅᓱᐃᓂᕐᒥᑦ ᐋᓐᓂᐊᓯᐅᖅᑎᓄᑦ ᓄᓇᓕᖕᓂ! ᑕᑯᓇᓱᖃᑦᑕᕆᑦᑎ #voicetolead hashtag ᓄᓇᕗᑦ ᒐᕙᒪᒃᑯᖏᑦ ᖃᕆᑕᐅᔭᒃᑯᑦ ᑐᓴᐅᒪᔪᓐᓇᐅᑎᖏᓐᓂ ᐅᕝᕙᓘᓐᓃ ᖃᐅᔨᒋᐊᕈᓐᓇᖅᐳᑎᑦ: http://www.nunavutnurses.ca/
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᕗᐊᓐᑎ ᕼᐊᓗᓐᐃᓐ
ᑐᓴᒐᒃᓴᓕᕆᔨᒻᒪᕆᒃ
ᒐᕙᒪᓕᕆᔨᒃᑯᑦ
867-975-6048
@email