ᐊᐅᐸᓪᓛᓐᓇᖅᑐᒧᑦ ᑲᐱᔭᐅᔾᔪᑎᑎᑦ ᐊᖑᒻᒪᑎᒐᓗᐊᖅᐹᑦ?
ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ
ᐊᐅᐸᓪᓛᓐᓇᖅᑐᒧᑦ ᑲᐱᔭᐅᔾᔪᑎᑎᑦ ᐊᖑᒻᒪᑎᒐᓗᐊᖅᐹᑦ?
ᓄᓇᕗᑦ ᒐᕙᒪᒃᑯᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᓄᓇᕗᒥᐅᓂᒃ ᑐᓴᖁᔨᕗᑦ ᖃᐅᔨᒪᖁᓪᓗᒋᑦ ᐊᐅᐸᓪᓛᓐᓇᖅᑐᒧᑦ ᑲᐱᔭᐅᔾᔪᑎᖏᒃ ᐊᖑᒻᒪᑎᒐᓗᐊᕐᒪᖔᑕ, ᖃᖓᑦᑎᐊᕐᓂ ᐊᐅᐸᓪᓛᑲᑕᖕᓂᖏᓐᓄᑦ ᑲᓇᑕᒥ. ᑲᓇᑕᒥ, ᐊᐅᐸᓪᓛᔪᓂᒃ ᓲᖃᐃᒻᒪ ᓄᑕᕋᓛᖑᓂᖏᓐᓂ ᑲᐱᔭᐅᖃᑦᑕᖅᓯᒪᖕᒪᑕ, ᓯᕗᓪᓕᖅ 12−ᓂᒃ ᑕᖅᑭᖃᓕᖅᖢᑎᒃ ᑲᐱᔭᐅᓪᓗᑎᒃ ᐊᒻᒪ ᑭᖑᓪᓕᐊ 18−ᓂᒃ ᑕᖅᑭᖃᓕᖅᑎᓪᓗᒋᑦ ᑲᐱᔭᐅᒃᑲᓐᓂᖅᖢᑎᒃ.
ᐊᐅᐸᓪᓛᓂᖅ ᑲᑉᐱᐊᓇᕈᓐᓇᖅᑐᖅ ᐋᓐᓂᐊᕆᔭᐅᓗᓂ ᐱᒋᐊᓲᖑᓪᓗᓂ ᐊᐃᑦᑐᕐᓘᑕᐅᔪᓐᓇᖅᖢᓂ ᖁᐱᕐᕈᕐᒧᑦ ᑐᖁᓴᕋᐃᙱᑦᑐᒧᑦ. ᐊᐅᐸᓪᓛᔪᖃᖅᐸᑦ ᑕᐃᒪ ᐆᑎᕐᓇᕋᔭᖅᐳᖅ, ᑲᒃᑭᓕᕙᒡᓗᓂ, ᖁᐃᖅᓱᖅᐸᒡᓗᓂ ᐊᒻᒪ ᐃᔨᖏᒃ ᐳᕕᓪᓗᑎᒃ ᐊᒻᒪ ᖃᐅᒪᒍᓱᓗᐊᕐᓗᓂ ᐃᑯᒪᑎᑕᐅᔪᓂᒃ. ᒥᑭᑦᑑᑎᓂᒃ ᖃᓂᖓᓂ ᐱᑕᖃᕋᔭᕐᒥᔪᖅ ᐊᐅᐸᓪᓛᓂᒃ. ᐊᒦᔭᖅᐸᓪᓕᐊᓕᕋᔭᖅᑐᖅ ᓂᐊᖁᑯᑦ ᑮᓇᒃᑯᓪᓗ ᐊᒻᒪᓗ ᐅᓪᓗᓄᑦ ᑎᓴᒪᓄᑦ ᐊᒥᕐᓗᒃᐸᓪᓕᐊᓂᕆᔭᖓ ᑎᒥᐊᓄᐊᖅᐸᓪᓕᐊᓕᕋᔭᖅᖢᓂ.
ᐊᐅᐸᓪᓛᔪᐃᑦ ᐊᐃᑦᑐᕐᓗᒃᓯᖃᑦᑕᖅᑐᑦ ᐊᓯᒥᖕᓄᑦ ᐋᓐᓂᐊᖅᑐᒥᒃ ᖁᐃᖅᓱᖅᑐᖃᓚᐅᖅᑎᓪᓗᒍ ᑕᒋᐅᒃᓴᖅᑐᖃᓚᐅᖅᑎᓪᓗᒍᓘᓃᑦ. ᐃᓄᐃᑦ ᐊᐅᐸᓪᓛᒥᒃ ᐋᓐᓂᐊᖅᑖᖅᓯᒪᔪᑦ ᐊᐃᑦᑐᕐᓗᐃᔪᓐᓇᓲᑦ ᑎᓴᒪᐃᑦ ᐅᓪᓗᐃᑦ ᐊᐅᐸᓪᓛᖏᑦ ᓴᖅᑭᓚᐅᙱᑎᓪᓗᒋᑦ ᓱᓕ ᐊᒻᒪ ᐋᓐᓂᐊᕈᓐᓃᕋᓗᐊᖅᑎᓪᓗᒋᑦ ᐅᓪᓗᓄᑦ ᓱᓕ ᑎᓴᒪᒃᑲᓐᓂᕐᓄᑦ ᐊᐃᑦᑐᕐᓗᐃᔪᓐᓇᕆᓪᓗᑎᒃ. ᐃᓄᐃᑦ ᐊᐅᐸᓪᓛᑦᑕᐃᓕᓂᕐᒧᑦ ᑲᐱᔭᐅᓚᐅᖅᓯᒪᙱᑦᑐᑦ ᐅᕝᕙᓘᓃᑦ ᑭᖑᓪᓕᐊᓂᒃ ᑲᐱᔭᐅᓚᐅᖅᓯᒪᙱᒃᑯᑎᒃ ᐊᐃᑦᑐᕐᓗᒃᑕᐅᓴᕋᐃᓐᓂᖅᓴᐅᔪᑦ ᐋᓐᓂᐊᓕᕈᓐᓇᖅᖢᑎᒡᓗ ᑕᐃᒪᓐᓇ ᐋᓐᓂᐊᖃᖅᑐᒥᒃ ᖃᓂᒋᔭᖃᓚᐅᕐᓂᕈᑎᒃ.
ᐃᓄᐃᑦ ᐊᒃᓱᐊᓗᒃ ᐋᓐᓂᐊᓕᕈᓐᓇᖅᑐᑦ ᐊᐅᐸᓪᓛᓂᐅᑉ ᐋᓐᓂᐊᖓᓂᒃ:
- ᑲᐱᔭᐅᓚᐅᖅᓯᒪᙱᑦᑐᕕᓃᑦ ᓄᑕᕋᒃᓴᓖᑦ ᐊᕐᓇᐃᑦ;
- ᓄᑕᕋᓛᑦ 12 ᑕᖅᑮᑦ ᑐᖔᓃᑦᑐᑦ; ᐊᒻᒪ
- ᑎᒥᐅᑉ ᐊᓐᓇᐅᒪᔾᔪᑎᖏᑦ ᓴᙲᓐᓂᖅᓴᐅᔪᑦ.
ᐃᖢᐊᖅᓴᐅᑎᖃᙱᑦᑐᖅ ᒪᒥᑕᐅᔾᔪᑎᒃᓴᖓᓂᒃ ᐊᐅᐸᓪᓛᓂᖅ. ᑎᒥᕕᑦ ᐊᓂᒎᑎᔪᓐᓇᖅᑕᖓ ᖁᐱᕐᕈᖅ ᑐᖁᓪᓗᓂᐅᒃ. ᐋᓐᓂᐊᕐᓂᕐᓂᒃ, ᐊᖏᕐᕋᖅᓯᒪᔭᕆᐊᖃᑲᓚᐅᖅᐳᑎᑦ. ᐊᐅᐸᓪᓛᒥᒃ ᐋᓐᓂᐊᖅᑖᖅᑕᐃᓕᒪᓂᕐᒧᓪᓕ ᐱᐅᓛᖑᔪᖅ ᑲᐱᔭᐅᓂᖅ. ᐋᓐᓂᐊᕕᓕᐊᕐᓗᑎᑦ ᓄᓇᔅᓯᓐᓂ ᑐᑭᓯᒋᐊᒃᑲᓐᓂᕆᐊᖅᑐᕐᓗᑎᑦ ᐅᕝᕙᓘᓃᑦ ᑲᐱᔭᐅᔭᖅᑐᕐᓗᑎᑦ.
ᑐᑭᓯᒋᐊᒃᑲᓐᓂᕈᒪᒍᕕᑦ, ᐅᓇ ᑕᑯᒋᐊᕐᓗᒍ: https://www.gov.nu.ca/sites/default/files/measles_fact_sheet_in.pdf
ᓄᓇᕗᒻᒥᐅᑦ ᐊᑐᕆᐊᖃᖅᑕᖏᓐᓄᑦ ᓄᑕᖅᑲᐃᑦ ᑲᐱᔭᐅᔾᔪᑎᒋᔭᕆᐊᖃᖅᑕᖏᓐᓄᑦ ᖃᖓᒃᑰᖃᑦᑕᕐᒪᖔᑕ, ᐅᕗᖓ ᑕᑯᒋᐊᕐᓗᑎᑦ: https://www.gov.nu.ca/sites/default/files/nunavut_routine_childhood_imm…
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᓴᐃᕋ ᐋᕐᓯᓅ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5949
@email