Hivuliqti Savikataaq kiudjutiqaqtuq kavamatuqainnut TB tigut mamiahuurutimik
Tuhaqtidjut
Hivuliqti Savikataaq kiudjutiqaqtuq kavamatuqainnut TB tigut mamiahuurutimik
Hivuliqti Joe Savikataaq ublumi tuhaqtipkaidjutikhamik piyuq haffuminga titirarhimayumik:
"Aulahimmaagutaata Tibiiq (TB) Inungnun pidjutauyuq ukiuqaqtunun ulurianangnirmun, quglukhimanirmun uvalu nikalirnirmun. Nunavunmi, tamaita tamatkiqpalliavaktut nakuunggittumik pidjutivaktut kavamatuqainnit ihuittumik munaqhiliqivaktauvakkamik TBiiktunut 1940 s ni, 1950 s ni, 1960 s nilu.
Pihiqtunaitpiaqhunilu amigaittut pikpagiyavut huiqpangmatta avaliittutik aggitjaunggittutiklu aimmavingmingnut ihuaqtumik takudjutiffaaqtauhimaittut hadja atuguminaittuq huli taimailiuqtuqhaunggittuugaluaq.
Pidjutigiplugit Nunavut Kavamanga, quyagiyara Hivuliqti Kanatamun tunihiyuq mamianaarunmun, uvalu kanatap kavamait uqaqtait kiunautiriyait. Kihiana, talvakpiaq pidjutihimmaaqtuq Nunavut Inuit ulugiahuutigiyaat haffumanga taangnirmun atuqtamingnik, uvalu aulahimaaqtumik hnaglikhaaqtut TBiikkut.
Nakuuyuugaluaq Kanatap Kavamanga ikayuqpangmatigut ihumagiqunggittugu una aanniarut hadja - amigaikyuummiqtut maniqhaaqhat inikhaqaqtittiplutiklu inuuhirittiarutikhanut ikayuqtauyukhanik ikayuqtiinnik, ihuaqtunik igluqhanik, inuuhirittiarnikkut nunallaami, ilinniarnikkut ayuqhaqtitauyutlu ikayuutikhainnik. Avaliittumik pilimaitaqqut, ihumagiyakhaqqutlu una hivunikhaq uvagut tamapta.”
###
Tuhaqtipkainikkut Uqaqvigiyakhaq:
Cate Macleod
Taigualiuqtiinni Titiraqtia
Havagvia Hivuliqti Savikataaq
867-975-5059
@email