ᓚᐃᓴᓐᓯᖃᙱᑦᑐᑦ ᓇᓚᐅᑦᑖᕈᑎᑦ ᓄᓇᕗᒻᒥ
ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ
ᓚᐃᓴᓐᓯᖃᙱᑦᑐᑦ ᓇᓚᐅᑦᑖᕈᑎᑦ ᓄᓇᕗᒻᒥ
ᐃᑲᔪᕋᓱᒃᐸᒃᑐᑦ ᐅᕝᕙᓘᓐᓃᑦ ᐅᒃᐱᕐᓂᓕᕆᔨᑦ ᑮᓇᐅᔾᔭᒃᓴᒐᓱᐊᖅᑎᐅᙱᑦᑐᑦ ᑮᓇᐅᔭᓕᐊᖏᑦ ᐊᑐᖅᑕᐅᓲᖑᕗᑦ ᐃᑲᔪᕋᓱᒃᐸᒃᑐᓄᑦ ᐅᕝᕙᓘᓐᓃᑦ ᐅᒃᐱᕐᓂᓕᕆᔨᓄᑦ ᐊᔪᙱᑦᑐᑑᕗᑦ ᓚᐃᓴᓐᓯᑖᕈᓐᓇᖅᖢᑎᒃ ᓇᓚᐅᑦᑖᖅᑎᑦᑎᓂᕐᒧᑦ ᓄᓇᕗᒻᒥ. ᑮᓇᐅᔾᔭᒐᓱᐊᖅᑎᐅᙱᒃᑲᓗᐊᕈᑎᒃ ᐅᕝᕙᓘᓐᓃᑦ ᐅᒃᐱᕐᓂᓕᕆᔨᐅᒐᓗᐊᕈᑎᒃ ᐃᑲᔪᕋᓱᒃᐸᒃᑑᓕᑲᐅᑎᒋᔪᓐᓇᙱᑦᑐᑦ.
ᐃᓄᐃᑦ ᑮᓇᐅᔾᔭᒃᓴᕈᒪᔪᑦ ᓇᖕᒥᓂᖅ ᑮᓇᐅᔭᖅᑖᕆᓂᐊᖅᑕᖏᓐᓂᒃ ᓇᓚᐅᑦᑖᖅᑎᑦᑎᓂᒃᑯᑦ ᐊᔪᖅᑎᑕᐅᔪᑦ ᓇᓚᐅᑦᑖᕈᑎᓄᑦ ᓚᐃᓴᓐᓯᑖᕈᓐᓇᙱᑦᑐᑦ.
ᓄᓇᕗᒥᐅᑦ ᐅᔾᔨᖅᓱᕆᐊᖃᖅᑐᑦ ᐃᓚᐅᓕᕌᖓᑕ ᐅᕝᕙᓘᓐᓃᑦ ᓂᐅᕕᕐᓂᐊᓕᕌᖓᑕ ᓇᓚᐅᑦᑖᕈᑎᓂᒃ ᓇᓕᐊᖕᓄᑐᐃᓐᓇᖅ ᓇᓚᐅᑦᑖᕈᑕᐅᔪᓄᑦ ᓚᐃᓴᓐᓯᒋᔭᐅᔫᑉ ᓈᓴᐅᑖ ᑕᑯᒃᓴᐅᑎᑕᐅᙱᑎᓪᓗᒍ.
ᓇᓚᐅᑦᑖᖅᑎᑦᑎᓗᓂ ᓚᐃᓴᓐᓯᖃᙱᓪᓗᓂ ᐱᕋᔭᖕᓂᐅᖕᒪᑦ. ᒪᓕᒐᕐᒥ ᓱᕋᐃᓂᐅᕗᖅ ᓚᐃᓴᓐᓯᖃᙱᓪᓗᓂ ᓇᓚᐅᑦᑖᖅᑎᑦᑎᒋᐊᒃᓴᖅ ᐅᕝᕙᓘᓐᓃᑦ ᑮᓇᐅᔾᔭᒃᓴᕋᓱᒋᐊᒃᓴᖅ ᓄᓇᕗᒻᒥ. ᐃᓱᒫᓘᑎᖃᑐᐊᕈᕕᑦ ᐱᕋᔭᒃᑐᖃᕐᓗᓂ ᓇᓚᐅᑦᑖᖅᑎᑦᑎᔪᖃᕋᓱᒋᓗᒍ ᓚᐃᓴᓐᓯᖃᙱᑦᑐᒥᒃ, ᑐᓴᖅᑎᖃᑦᑕᖅᓯᐅᒃ ᓄᓇᔅᓯᓐᓂ ᐸᓖᓯᒃᑯᑦ.
ᖃᐅᔨᔪᒪᒍᔅᓯ ᑲᑐᔾᔨᖃᑎᒌᒡᕕᒃᓯ ᓚᐃᓴᓐᓯᑖᕈᓐᓇᕐᒪᖔᑦ ᓇᓚᐅᑦᑖᕈᑎᓄᑦ, ᖃᐅᔨᒋᐊᖃᑦᑕᕐᓂᐊᖅᐳᓯ ᓂᐅᕕᐊᒃᓴᖃᖅᑐᓕᕆᔨᒃᑯᑦ ᑎᑎᕋᕐᕕᖕᒧᑦ ᐅᕗᖓ 1-866-223-8139.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᓈᔅᕋ ᐃᓴᒃ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᓄᓇᓕᖕᓂ ᒐᕙᒪᒃᑯᓂᓪᓗ ᐱᔨᑦᓯᕋᖅᑎᒃᑯᑦ
867-975-5342
@email