Hivuliqti Savikataaq quviahuutigijaa Arctic Inpiration Prize-mik akimajuq
Tuhaqtidjut
Hivuliqti Savikataaq quviahuutigijaa Arctic Inpiration Prize-mik akimajuq
Hivuliqti Joe Savikataaq ublumi tuhaqtittijuq uuminnga uqautimik:
“Unnuaq, quviahuktunga tunigama 1 million taalamik Arctic Inspiration Prize-kut akimadjutimik pijukhauqpiaqtumun, Nunavunmiutaujumik havaktaujumi, Pirurvik - A Place to Grow.
Kangiqhimaraanginnaqtara anginiqarnia nutarannuani iliharutikhainni pidjutiqaqtun naliinni ihariagijainni pitquhikkullu nutaqqanik-pamiqhimanirnik. Havangniit haffumuuna havaktauhimajumi pilaqhuutikkut nutaqqanik ajuiqharianginni inmikkut pidjutimikni anginiqaqtuq, pipkaidjutijaillu nutaqqat talvunga hivituniraalungmun nakuujumik inirutikhanun. Pinahuaruti atuqpaktuq ihariagijainnik nunallaaptikni piliuqnikkut pinahuarutikhanik aturutiqaqtunik taapkununga.
Aliahuktunga takujaami Pirurvik - A Place to Grow angiklijuummiqtuq nakuujuniklu inirutiqaqtuq, aliahuktungalu qanuriliurutikhanun hivunikhani. Quviahuutigijaulik ukuak Tessa Lochhead unalu Karen Nutarak, Atauttikkut-Aulapkaijiit uvani Pirurvik Iliharvilraami, taapkunungalu tamainnun ilauvaktunun, havakpiaqpangnirnun tautukhimanirnunlu.
Quviahuutiriyumayatkallu Ikaluktuutiarmiut pilaqlungnin havakhimayumik inmi $100,000 akimayut uvani inulramiiqnun pihimayunun havaangitigut havakhugit naunaitkutitik, quvianangnitik uvalu nunallaat inuuhiqattianiq. Taapkunungalu tamainnun Arctic Inspiration Prize-kut niruaqtauvaktunun, quanaqquhi havakpiaqpaknirnun ikajuqpiaqpaknirnunlu Ukiuqtaqtumiittunun Ukiuqtaqtumullu.”
###
Tuhaqtipkainikkut Uqaqatigivikhaq:
Cate Macleod
Taigualiuqtiinni Titiraqtia
Havagvia Hivuliqti Savikataaq
867-975-5059
@email