ᓄᓇᓕᓕᒫᓂᑦ ᐳᕙᒡᓗᓕᖅᑎᑦᑎᑦᑕᐃᓕᒪᓂᕐᒧᑦ ᖃᐅᔨᓴᑲᑕᖕᓂᐊᖅᑐᑦ ᑭᙵᓂ
ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ
ᓄᓇᓕᓕᒫᓂᑦ ᐳᕙᒡᓗᓕᖅᑎᑦᑎᑦᑕᐃᓕᒪᓂᕐᒧᑦ ᖃᐅᔨᓴᑲᑕᖕᓂᐊᖅᑐᑦ ᑭᙵᓂ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑐᓴᖁᔨᕗᑦ ᑭᙵᒥᐅᓂᑦ ᓄᓇᓕᓕᒫᓂᑦ ᐳᕙᒡᓗᖕᓂᖕᒧᑦ ᖃᐅᔨᓴᖕᓂᖃᓛᖕᒪᑕ ᐱᒋᐊᕐᓗᑎᒃ ᐊᐃᑉᐱᖕᒥᑦ, ᕕᕗᐊᕆ 12, 2019−ᒥᑦ.
ᐃᓄᐃᑦ ᓄᓇᓖᑦ ᐃᓚᒋᔭᐅᑦᑎᐊᖁᔭᐅᕗᑦ ᐃᑲᔪᖅᑎᒌᓐᓂᒃᑯᑦ ᐳᕙᓪᓗᓐᓇᖅ ᓄᖑᑎᑕᐅᒋᐊᕋᑦᑎᓪᓗᒍ ᐊᒻᒪ ᐃᔭᒐᐃᑦ ᐊᑐᐃᓐᓇᐅᑎᑕᐅᔪᓐᓇᑦᑎᐊᖁᓪᓗᒋᑦ ᑕᒪᐃᓐᓄᑦ ᓄᓇᓕᓐᓄᑦ.
ᖃᐅᔨᔭᖅᑕᐅᓂᕐᒧᑦ ᐃᓂᒃᓴᓕᐅᕐᓂᖅ ᐋᕿᒃᓱᖅᑕᐅᒐᔭᖅᑐᖅ ᐃᒡᓗᒥᐅᑕᐅᖃᑎᒌᓄᑦ; ᓄᓇᓕᐅᖃᑎᒌᑦ ᐱᓇᔪᖁᔭᐅᕗᑦ ᖃᐅᔨᓴᖅᑕᐅᔭᖅᑐᕐᓗᑎᒃ ᑭᙵᓂ ᐱᙳᐊᕐᕕᖓᓂ ᖃᐅᔨᓴᖅᑕᐅᔾᔪᑏᑦ ᐱᖃᓯᐅᑎᓯᒪᔪᖅ ᐊᐱᖅᓲᑎᓂᒃ, ᐅᕕᓂᒃᑯᑦ ᖃᐅᔨᓴᖅᑕᐅᓂᖅ, ᐳᕙᒃᑯᑦ ᐊᔾᔨᓕᐅᖅᑕᐅᓂᖅ ᐊᒻᒪᓗ ᐊᔪᕐᓇᖏᑉᐸᑦ ᐊᐅᒃᑯᑦ ᖃᐅᔨᓴᖅᑕᐅᓂᖅ.
ᑭᙵᓂ ᐋᓐᓂᐊᕕᖓ ᐊᑐᐃᓐᓇᕈᖅᓴᖅᑎᑕᐅᓯᒪᔪᑦ ᐊᒻᒪ ᐃᑲᔪᕆᐊᖅᓯᒪᔪᓂᑦ ᐃᖅᑲᓇᐃᔭᖅᑎᖃᖅᑎᑕᐅᔪᑦ, ᑖᒃᑯᐊ ᐳᕙᓪᓗᓇᖅᑐᓕᕆᔨᐅᔪᑦ ᐃᖅᑲᓇᐃᔭᕆᐊᖅᑎᑕᐅᓯᒪᔪᑦ ᖃᐅᔨᓴᕆᐊᕐᓗᑎᑦ. ᐃᓄᐃᑦ ᐳᕙᓪᓗᓇᖅᑐᖃᑐᐃᓐᓇᕆᐊᖃᕐᓂᕐᒧᑦ ᒪᓗᓐᓇᖃᑕ ᖃᐅᔨᓴᖅᑕᐅᖄᓚᐅᕐᓗᑎᑦ ᐱᖁᔭᐅᔪᑦ ᐊᐅᓚᓚᐅᖏᓐᓂᖏᓐᓂᑦ, ᑕᒪᓐᓇ ᓯᐊᒻᒪᖁᓇᒍ ᐋᓐᓂᐊᖑᔪᖅ, ᑭᓯᐊᓂ ᑕᐃᒪᐃᒃᑲᓗᐊᖅᑎᓪᓗᒍ ᐃᓱᒫᓗᓇᕈᑕᐅᒐᓗᐊᖅᑎᓪᓗᒍ ᐊᒥᓲᙱᑦᑐᑦ ᐱᑕᖃᑐᐃᓐᓇᕆᐊᓖᑦ. ᓄᓇᕗᒻᒥᐅᑦ ᐃᓱᒫᓗᙱᓪᓗᑎᑦ ᓄᓇᕗᒻᒥᑦ ᐊᐅᓪᓚᖃᑦᑕᕈᓐᓇᕆᐊᖃᕐᖓᑕ.
ᑐᑭᓯᒋᐊᒃᑲᓐᓂᕈᑎᒃᓴᐃᑦ ᓴᖅᑭᑕᐅᓂᐊᖅᐳᑦ ᓄᓇᓕᖕᓄᑦ ᓈᓚᐅᑎᒃᑯᑦ ᐅᖃᐅᓯᐅᓗᑎᒃ ᐊᒻᒪ ᑭᙵᓂ ᕼᐋᒪᓚᒃᑯᓐᓂ.
ᐳᕙᒡᓗᖕᒪᖔᑦ ᐅᕕᓂᒃᑯᑦ ᖃᐅᔨᓴᖅᑕᐅᔪᓄᑦ ᐅᖃᓕᒫᒐᒃᓴᖅ: https://www.gov.nu.ca/sites/default/files/skin_test_pamphlet_en_-_in.pdf
ᐳᕙᒡᓗᖕᒪᖔᑦ ᓇᓗᓇᐃᖅᓯᔾᔪᑎᑦ: https://www.gov.nu.ca/sites/default/files/tb_fact_sheet_-_inuktitut_201…
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᓴᐃᕋ ᐋᕐᓯᓅ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5949
@email