ᓯᕗᒧᐊᖃᑎᒌᑦ ᐃᖅᑲᓇᐃᔭᕐᕕᖓ ᐃᖅᑲᓇᐃᔭᖅᑐᓕᕆᔨᒃᑯᑦᓐᓂ ᐊᐅᓚᑦᑎᓲᖅ ᑭᒃᑯᑐᐃᓐᓇᕐᓄᑦ ᐱᔨᑦᑎᕋᕐᓂᕐᒥᑦ ᐱᓕᒻᒪᒃᓴᓂᕐᒧᑦ ᐱᕕᒃᓴᐅᔪᓂᑦ ᓄᓇᕗᒻᒥ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓂᑦ, ᐃᓚᐅᓪᓗᓂ ᖃᓄᑐᐃᓐᓇᖅ ᐱᓕᒻᒪᒃᓴᓂᕐᒥ ᐃᓕᓐᓂᐊᓚᐅᑲᒃᑎᑦᑎᓂᕐᓂ, ᐃᓕᓐᓂᐊᖅᑎᑦᑎᓂᕐᓂᑦ, ᑐᑭᓯᐅᒪᔾᔪᑎᒃᓴᓂᑦ ᑲᑎᒪᑎᑦᑎᖃᑦᑕᕐᓂᕐᓂᑦ ᐃᓕᓐᓂᐊᒐᒃᓴᓅᖓᔪᓄᓪᓗ ᐃᓕᓐᓂᐊᒐᒃᓴᓂᑦ. ᓄᑖᓂᒃ ᐱᓕᒻᒪᒃᓴᓂᕐᒧᑦ ᐱᕕᒃᓴᑦ ᐃᓚᒋᐊᖅᑕᐅᓲᑦ ᑖᔅᓱᒧᖓ ᐅᓪᓗᖅᓯᐅᑎᒧᑦ ᑲᒪᒋᔭᐅᒐᔪᒃᖢᑎᒃ..
ᖃᓄᖅ ᐱᓇᔪᒍᓐᓇᕐᒪᖔᑦ ᐱᓕᒻᒪᒃᓴᓂᕐᒧᑦ ᐱᕕᒃᓴᐅᔪᒥᑦ
ᐱᓇᔪᒃᓗᓂ ᖃᓄᑐᐃᓐᓇᖅ ᐱᓕᒻᒪᒃᓴᓂᕐᒧᑦ ᐱᕕᒃᓴᐅᔪᓂᑦ ᑎᑎᕋᖅᓯᒪᔪᑦ ᐊᑖᓂ, ᓇᕿᓪᓗᒍ ᐃᓕᓐᓂᐊᖅᑕᐅᔪᒃᓴᐅᑉ ᐊᑎᖓ ᑕᑯᔪᒪᓗᓂ ᐃᓕᓐᓂᐊᒐᒃᓴᐅᑉ ᓇᓗᓇᐃᔭᕈᑎᖓᓂᒃ.
ᐱᔭᕇᖅᓯᒪᔪᑦ ᐱᓇᔫᑎᒧᑦ ᑎᑎᕋᕐᕕᒃᓴᑦ ᐴᖅᑲᖅᑕᐅᔭᕆᐊᓖᑦ ᖃᕋᓴᐅᔭᕐᒧᑦ, ᑎᑎᕋᙳᖅᑎᑕᐅᓗᓂ ᐊᑎᓕᐅᖅᑕᐅᓗᓂᓗ ᐃᖅᑲᓇᐃᔭᖅᑎᒧᑦ ᐃᖅᑲᓇᐃᔭᖅᑎᐅᓪᓗ ᑲᒪᔨᖓᓄᑦ. ᐃᓚᐅᖃᑕᐅᓇᓱᒍᑎᓕᒫᑦ ᐊᖏᖅᑕᐅᓲᑦ ᓯᕗᓪᓕᐅᔪᓄᑦ−ᖃᐃᔪᓄᑦ, ᓯᕗᓪᓕᐅᔪᓄᑦ ᐱᔨᑦᑎᕋᖅᑕᐅᓗᑎᒃ.
ᐃᓕᓐᓂᐊᒐᒃᓴᓂᒃ ᐃᓱᒪᒋᔭᖃᓲᖑᕕᑦ?
ᐃᓱᒪᒋᔭᖃᕈᔅᓯ ᑐᓴᕈᒪᑐᐃᓐᓇᑦᑎᐊᖅᑕᕗᑦ ᐱᔨᑦᑎᕋᑦᑎᐊᕐᓂᖅᓴᐅᖃᑦᑕᕈᒪᓪᓗᑎᒍᑦ ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᑦ. ᐃᕐᖐᓐᓈᖅᑕᐅᒃᑯᑦ ᓇᒃᓯᐅᑎᖃᑦᑕᕐᓂᐊᖅᐸᓯᐅᒃ ᐃᓕᓐᓂᐊᒐᒃᓴᐅᔪᒥᒋᔭᓯ ᐅᑯᓄᖓ training@gov.nu.ca.
ᖃᐅᔨᒋᐊᕐᕕᒃᓴᓄᑦ ᓇᓗᓇᐃᔭᕈᑎ
ᖃᐅᔨᒋᐊᕈᑕᐅᒐᔪᒃᑐᓄᑦ ᐃᓚᒃᑲᓐᓂᖏᓐᓄᓪᓘᓐᓃᑦ ᐊᐱᖅᑯᑎᓄᑦ, ᖃᐅᔨᒋᐊᕐᓗᒍ: training@gov.nu.ca
