ᖁᑦᑎᖕᓂᖅᓴᒧᑦ ᐅᓐᓂᕐᓗᖕᓂᖅ, ᓂᖃᐃᓱᖅᑎᓄᑦ
ᓂᖃᐃᓱᖅᑎᓄᑦ ᖁᑦᑎᖕᓂᖅᓴᒧᑦ ᕿᒥᕐᕈᔭᐅᑎᑦᑎᓂᕐᒧᑦ ᐱᓕᕆᕙᓪᓕᐊᓂᑦ
ᓂᖃᐃᓱᖅᑐᓕᕆᓂᕐᒧᑦ ᐱᖁᔭᖅᒪᓕᒐᖏᓪᓗ ᐱᕕᖃᖅᑎᑦᑎᔪᑦ ᐅᓐᓄᕐᓗᖕᓂᕐᒧᑦ ᐱᓕᕆᔾᔪᓯᕐᒥᑦ ᐱᓇᓱᐊᖅᓯᒪᔪᓄᑦ ᐅᕝᕙᓘᓐᓃᑦ ᓂᖃᐃᓱᖅᐸᒃᑐᓄᑦ ᐊᖏᖃᑎᖃᖅᓯᒪᙱᑦᑐᓄᑦ ᐃᑲᔫᓯᐊᖅᑖᕆᔭᖏᓐᓂᑦ.
ᐃᓄᒃ ᓈᒻᒪᒃᓴᙱᑉᐸᑦ ᓂᖃᐃᓱᖅᑐᓕᕆᔨᐅᑉ (IAW) ᐃᓱᒪᓕᐊᕆᔭᖓᓐᓂᑦ ᐱᔪᓐᓇᖅᑕᖏᓐᓂᑦ ᐃᑲᔪᖅᑕᐅᔾᔪᑎᒃᓴᖏᓐᓂᑦ ᐅᕝᕙᓘᓐᓃᑦ ᐊᑭᓕᖅᑕᐅᔾᔪᓯᐊᖏᓐᓂᑦ, ᓯᕗᓪᓕᕐᒥᑦ ᐅᓐᓂᕐᓗᒍᓐᓇᖅᑐᑦ ᐃᑲᔪᖅᑕᐅᔪᒪᓗᑎᒃ ᐃᑲᔫᓯᐊᖓᑕᓘᓐᓃᑦ ᐊᑭᖓ ᐱᔾᔪᑎᒋᓗᒍ, ᐅᓐᓂᕐᓗᒍᓐᓇᖅᑐᑦ, ᐃᑲᔫᓯᐊᖅᑐᓕᕆᔨᒃᑯᑦ ᐅᓐᓂᕐᓗᒡᕕᐅᓲᑦ ᑲᑎᒪᔨᕋᓛᓄᑦ (IAAC).
ᐱᓇᔪᒃᑐᖅ/ᓂᖃᐃᓱᖅᑐᖅ ᐅᓪᓗᓂᒃ 7-ᓂᒃ ᐱᕕᖃᖅᐳᖅ ᖃᐅᔨᓴᖅᑕᐅᓚᐅᖅᑎᓪᓗᒍ ᐅᓂᕐᓗᒍᑕᐅᔪᖅ ᑎᑎᕋᖅᑕᐅᖁᓗᒍ.
ᓂᖃᐃᓱᖅᑎᓄᑦ ᐋᒃᑳᖅᑕᐅᔪᓄᑦ ᐅᓐᓂᕐᓘᑕᐅᔪᓂᑦ ᑲᑎᒪᔨᕋᓛᖏᑦ ᐅᓪᓗᓂᑦ 30−ᓂᑦ ᓈᓚᒍᓐᓇᖃᑦᑕᖅᑐᑦ ᐅᓐᓂᕐᓘᑕᐅᔪᒥᑦ.
ᓂᖃᐃᓱᖅᑐᓕᕆᔨᒧᑦ ᖃᐅᔨᒋᐊᕐᓗᑎᑦ ᐅᓐᓂᕐᓗᖕᓂᕐᒧᑦ ᑕᑕᑎᕆᐊᓕᖕᒥᒃ ᐱᔾᔪᑎᖃᕐᓗᑎᑦ. ᐱᔭᕇᕐᓗᒍ ᖁᑦᑎᖕᓂᖅᓴᒧᑦ ᐅᓐᓂᕐᓗᖕᓂᕐᒧᑦ ᑕᑕᑎᕆᐊᓕᒃ ᐅᑎᖅᑎᓪᓗᒍᓗ ᓂᖃᐃᓱᖅᑐᓕᕆᔨᒧᑦ. ᓂᖃᐃᓱᖅᑐᓕᕆᔨ ᑐᓂᓯᓂᐊᖅᐳᖅ ᐱᓕᕆᐊᖑᒃᑲᓐᓂᖁᔨᔪᓂᒃ ᑕᑕᑎᕆᐊᓕᖕᒥᒃ ᐊᒻᒪ ᑎᑎᖅᑲᑦ ᕿᒥᕐᕈᔭᐅᖁᓪᓗᒋᑦ ᓂᖃᐃᓱᖅᑎᓄᑦ ᐋᒃᑳᖅᑕᐅᔪᓄᑦ ᐅᓐᓂᕐᓗᒡᕕᐅᓲᑦ ᑲᑎᒪᔨᕋᓛᓄᑦ.
ᑐᒃᓯᕋᖅᑐᖅ/ᓂᖃᐃᓱᖅᑐᖅ ᐱᖃᑕᐅᔪᓐᓇᖅᑐᖅ ᖁᑦᑎᖕᓂᖅᓴᒧᑦ ᐅᓐᓂᕐᓗᖕᓂᕐᒧᑦ ᓈᓚᖕᓂᖃᖅᑎᓪᓗᒋᑦ. ᓂᖃᐃᓱᖅᑐᓕᕆᔨ ᐱᓇᔪᒃᑐᓂᒃ/ᓂᖃᐃᓱᖅᑎᒥᒃ ᑐᓴᖅᑕᐅᔭᕆᐊᓕᓕᒫᓂᒃ ᐱᓯᒪᔭᕆᐊᖃᖅᐳᖅ ᐃᓚᐅᓂᐊᕐᓗᓂ ᓈᓚᖕᓂᐅᓂᐊᖅᑐᒥᒃ.
ᐱᓇᔪᒃᑐᖅ/ᓂᖃᐃᓱᖅᑐᖅ ᖃᐅᔨᒋᐊᕐᕕᐅᓂᐊᖅᐳᖅ ᐃᓱᒪᓕᐊᕆᔭᐅᔪᒧᑦ ᐊᔾᔨᖓᓗ ᑎᑎᖅᑲᐅᑉ ᑐᖅᑯᖅᑕᐅᓗᓂ ᑎᑎᖅᑲᖁᑎᖏᓐᓄᑦ ᐊᒻᒪ ᐱᔾᔪᑎᒧᑦ ᑎᑎᖅᑲᑦ ᐃᓚᓕᐅᔾᔭᐅᓗᑎᒃ. ᐱᓇᔪᕐᒃᑐᖅ/ᓂᖃᐃᓱᖅᑐᖅ ᐊᔾᔨᖓᓂᒃ ᐱᑎᑕᐅᔪᓐᓇᕆᕗᖅ ᐱᔪᒪᑐᐊᖅᐸᑦ.
ᑖᓐᓇ ᐃᓄᒃ ᓈᒻᒪᒃᓴᙱᑉᐸᑦ ᐃᑲᔫᓯᐊᖅᑐᓕᕆᔨᒃᑯᑦ ᐅᓐᓂᕐᓗᒡᕕᐅᓲᑦ ᑲᑎᒪᔨᕋᓛᖏᓐᓄᑦ ᐃᓱᒪᓕᐊᖑᔪᒥᑦ ᐱᔪᓐᓇᖅᑎᑕᐅᓂᕆᔭᖓᑕ ᒥᒃᓵᓄᑦ ᐅᕝᕙᓘᓐᓃᑦ ᑮᓇᐅᔭᑦ ᐊᑭᓕᐅᑕᐅᔪᑦ ᓈᒻᒪᒋᙱᑉᐸᒋᑦ, ᐅᓐᓂᕐᓘᑎᖃᕈᓐᓇᖅᑐᑦ ᖁᑦᑎᓂᖅᓴᒧᑦ ᓯᕗᓪᓕᐅᔪᓂᑦ ᐅᓐᓂᕐᓗᒡᕕᐅᓲᓄᑦ, ᐃᑲᔫᓯᐊᖅᑐᓕᕆᔨᒃᑯᑦ ᐅᓐᓂᕐᓗᒡᕕᐅᓲᑦ ᑲᑎᒪᔨᖏᓐᓄᑦ (IAAB).
ᐅᓪᓗᓄᑦ 7−ᓄᑦ ᑐᓂᓯᔭᕆᐊᖃᓲᑦ ᐊᐃᑉᐸᖓᓂ ᖁᑦᑎᖕᓂᖅᓴᒧᑦ ᐅᓐᓂᕐᓗᖕᓂᕐᒧᑦ ᑕᑕᑎᕆᐊᓕᖕᒥᒃ ᓂᖃᐃᓱᖅᑐᓕᕆᔨᒧᑦ,
ᓂᖃᐃᓱᖅᑎᓄᑦ ᑲᑎᒪᔨᓄᑦ ᐅᓐᓂᕐᓘᑕᐅᔪᓂᑦ ᑲᑎᒪᔨᕋᓛᖏᑦ ᐅᓪᓗᓂᑦ 30−ᓂᑦ ᓈᓚᒍᓐᓇᖃᑦᑕᖅᑐᑦ ᐅᓐᓂᕐᓘᑕᐅᔪᒥᑦ. ᐋᖅᑭᒃᑕᐅᔪᖅ ᓂᖃᐃᓱᖅᑎᓄᑦ ᑲᑎᒪᔨᓄᑦ ᑭᖑᓪᓕᖅᐹᖑᕗᖅ ᐊᓯᖏᓐᓂᒃ ᐃᑲᔫᑎᒃᓴᖅᑕᖃᙱᖦᖢᓂ.