ᐅᖃᓚᐅᑎᓯᐅᑏᑦ

You are here

ᐅᒃᑯᐃᕐᓯᓂᖅ ᑭᕙᓪᓕᖕᒥᑦ ᐳᓚᕋᖅᑎᓄᑦ ᑕᑯᔭᖅᑐᕐᕕᖕᒥᒃ

ᔫᓂ 16, 2018

ᐱᕙᓪᓕᐊᔪᑦ ᓴᖅᑭᑕᑦ

ᓴᖅᑭᑕᐅᑲᐅᑎᒋᔭᕆᐊᓕᒃ

 

ᐅᒃᑯᐃᕐᓯᓂᖅ ᑭᕙᓪᓕᖕᒥᑦ ᐳᓚᕋᖅᑎᓄᑦ ᑕᑯᔭᖅᑐᕐᕕᖕᒥᒃ

ᑲᖏᖅᖠᓂᖅ, ᓄᓇᕗᑦ (ᔫᓂ 16, 2018) – ᑭᕙᓪᓕᕐᒥ ᐳᓚᕋᖅᑎᓄᑦ ᑕᑯᔭᖅᑐᕐᕕᒃ ᒪᑐᐃᖅᑕᐅᓪᓚᑦᑖᖅᓯᒪᓕᖅᐳᖅ ᑲᖏᖅᖠᓂᕐᒥ, ᓄᓇᕗᒻᒥ.

"ᑭᕙᓪᓕᕐᒥ ᐳᓚᕋᖅᑎᓄᑦ ᑕᑯᔭᖅᑐᕐᕕᒃ ᐱᑎᑦᑎᖃᑦᑕᕐᓂᐊᖅᐳᖅ ᐱᒻᒪᕆᐊᓗᖕᒥᒃ ᐊᑕᓂᖃᕐᓂᕐᒥᒃ ᒪᑯᓄᖓ, ᐊᐅᓪᓚᕈᔾᔨᔨᓄᑦ, ᐳᓚᕋᖅᑎᓄᑦ ᐋᖅᑭᒃᑕᐅᓯᒪᔪᓄᑦ ᓇᒧᙵᐅᔾᔨᔨᓄᓪᓗ ᐳᓚᕋᖅᑎᓄᓪᓗ," ᑕᐃᒪᓐᓇ ᓯᕗᓕᖅᑎ ᓴᕕᑲᑖᖅ. "ᓄᓇᕗᑦ ᒐᕙᒪᖓ ᐱᓕᕆᐊᖃᒻᒪᕆᒍᒪᕗᖅ ᐃᑲᔪᖅᑐᐃᓂᕐᒥᒃ ᐳᓚᕋᖅᑐᓕᕆᓂᕐᒧᒃ ᑮᓇᐅᔭᓕᐅᕐᕕᐅᕙᒃᑐᒥᒃ, ᓇᓗᙱᑦᑎᐊᕈᒪᓂᕐᒧᓪᓗ ᓄᓇᕗᒻᒥᐅᑦ ᐱᕚᓪᓕᖅᑎᑕᐅᒐᓗᐊᒪᖔᑕ ᑕᒪᑐᒪᙵᑦ ᐊᖏᒡᓕᕙᓪᓕᐊᒧᒥᑦ ᐱᓕᕆᕝᕕᐅᕙᒃᑐᒥᑦ ᓄᓇᕗᒻᒥᐅᑦ ᑮᓇᐅᔭᓕᐅᕐᓂᕆᕙᒃᑕᖏᓐᓂᑦ. ᑐᙵᓇᕐᓂᖅ−ᑲᔪᓯᑎᑦᑎᓂᖅ ᐱᐅᔪᓂᒃ ᐃᒃᐱᒋᔭᖃᕐᓂᕐᓂᒃ ᒪᑐᐃᙶᕐᓂᒃᑯᑦ, ᑐᙵᓇᕐᓂᒃᑯᑦ ᐃᓚᐅᑎᑦᑎᓂᒃᑯᓪᓗ−ᑖᓐᓇ ᐃᓚᒋᔭᐅᕗᖅ ᑕᓯᐅᖅᓯᔾᔪᑕᐅᕙᒃᑐᓂᒃ ᐆᒧᖓ, ᑐᕌᖅᑕᕗᑦ. ᐳᓚᕋᖅᑎᓄᑦ ᐃᓂᒋᔭᐅᔪᖅ ᐱᑎᑦᑎᓂᐊᖅᐳᖅ ᑭᕙᓪᓕᕐᒥᐅᓂᒃ ᓄᓇᓕᖕᓂᒃ ᐱᕕᒃᓴᒥᒃ ᑕᑯᒃᓴᐅᑎᑦᑎᔪᓐᓇᕐᓗᑎᒃ ᓴᓇᙳᐊᖅᐸᒃᑕᒥᓂᒃ ᐃᓕᖅᑯᓯᕐᒥᓂᒡᓗ, ᐱᑎᑦᑎᓗᓂᓗ ᐳᓚᕋᖅᑎᓂᒃ ᑐᙵᓱᒃᑎᑕᐅᓂᕐᒥᒃ."

ᑖᓐᓇ ᓯᕗᓪᓕᖅᐹᖑᕗᖅ ᐅᑭᐅᖅᑕᖅᑐᒥ ᐊᕕᒃᓯᒪᓂᕐᒥ ᐃᓂᒋᔭᐅᓇᔭᖅᑐᒥᒃ ᐳᓚᕋᖅᑎᓄᑦ ᑭᕙᓪᓕᕐᒧᑦ. ᑖᓐᓇ ᓴᓇᔭᐅᓚᐅᖅᐳᖅ ᐊᑭᖃᖅᖢᓂ $3.8 ᒥᓕᐊᓂᒃ, ᑮᓇᐅᔭᖃᖅᑎᑕᐅᓪᓗᓂ ᓄᓇᕗᑦ ᒐᕙᒪᒃᑯᖏᓐᓄᑦ. ᑖᓐᓇ ᐃᓂ ᐃᖅᑲᓇᐃᔭᖅᑎᑦᑎᓂᐊᖅᐳᖅ ᐱᖓᓱᓂᒃ ᐃᖅᑲᓇᐃᔭᖅᑎᓂᒃ, ᑖᒃᑯᐊᓗ ᑐᙵᓱᒃᑎᑦᑎᖃᑦᑕᕐᓂᐊᖅᖢᑎᒃ ᐳᓚᕋᖅᑎᓂᒃ ᑕᑯᒃᓴᐅᑎᑦᑎᓗᑎᒡᓗ ᓂᕐᔪᑎᓂᒃ ᐋᖅᑭᒃᓱᖅᑕᐅᓯᒪᔪᓂᒃ ᓂᕐᔪᑎᙳᐊᙳᖅᑎᑕᐅᓯᒪᔪᓂᒃ. ᑖᒃᑯᐊᑦᑕᐅᖅ ᑎᓕᐅᕆᖃᑦᑕᕐᓂᐊᖅᐳᑦ ᐳᓚᕋᖅᑎᓂᒃ ᑕᑯᔭᖅᑐᖁᓗᒋᑦ ᐊᓯᖏᓐᓂᒃ ᑭᕙᓪᓕᕐᒥ ᓄᓇᓕᖕᓂᒃ.

ᑖᓐᓇ ᐃᓂᒋᔭᐅᔪᖅ ᒪᓂᓴᕈᑎᖃᕐᓂᐊᖅᐳᖅ ᑭᕙᓪᓕᕐᒥ ᐳᓚᕋᖅᑐᓕᕆᓂᕐᒧᑦ ᐊᐅᓪᓚᕈᔾᔨᔨᓂᒃ, ᐱᑎᑦᑎᓗᓂᓗ ᐱᕕᒃᓴᐅᔪᓐᓇᖅᑐᒥᒃ ᐊᕕᒃᓯᒪᓂᕆᔭᐅᔪᒥ ᓇᖕᒥᓂᕆᔭᐅᔪᓂᒃ ᐅᔾᔨᕐᓇᖅᓯᑎᑦᑎᔪᓐᓇᕐᓂᕐᒥᒃ ᐱᔨᑦᑎᕋᕐᓂᕆᕙᒃᑕᒥᓂᒃ. ᓄᓇᕗᒻᒥ ᐱᕙᓪᓕᐊᑎᑦᑎᓂᕐᒧᑦ ᑯᐊᐳᕇᓴᒋᔭᐅᔪᖅ ᓂᐅᕐᕈᑎᖃᖃᑦᑕᕐᓂᐊᕆᕗᖅ ᓄᓇᕗᒻᒥ ᓴᓇᙳᐊᖅᑕᐅᓯᒪᔪᓂᒃ ᑕᐃᑲᓂ ᐃᓂᒥ, ᑕᒪᑐᒧᖓ ᐱᓕᕆᖃᑎᖃᕐᓗᑎᒃ ᐱᕙᓪᓕᐊᔪᓕᕆᔨᒃᑯᓐᓂᒃ ᐃᖏᕐᕋᔪᓕᕆᔨᒃᑯᓐᓂᒡᓗ.

###

ᑐᓴᒐᒃᓴᓕᕆᔨᑦ:

ᒫᑎᐅ ᐃᓛᓯᕗᐃᒃᔅ
ᐊᐅᓚᑦᑎᔨ, ᑐᓴᒐᒃᓴᓕᕆᔨᒃᑯᓐᓄᑦ
ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ
867-222-0122
millaszewicz@gov.nu.ca