You are here

ᒥᓂᔅᑕ ᐊᕿᐊᕈᖅ ᒐᕙᒪᑐᖃᒃᑯᑦ ᐃᓱᒪᓕᐅᕈᑎᖓᓂ ᑭᐅᕗᖅ ᓄᓘᔮᖕᓂ ᐊᖏᒡᓕᒋᐊᖅᑕᐅᔪᒪᔪᖅ ᐱᔾᔪᑎᒋᓪᓗᒍ

ᓄᕕᐱᕆ 17, 2022

ᐅᖃᐅᓯᐅᔪᖅ

ᒥᓂᔅᑕ ᐊᕿᐊᕈᖅ ᒐᕙᒪᑐᖃᒃᑯᑦ ᐃᓱᒪᓕᐅᕈᑎᖓᓂ ᑭᐅᕗᖅ ᓄᓘᔮᖕᓂ ᐊᖏᒡᓕᒋᐊᖅᑕᐅᔪᒪᔪᖅ ᐱᔾᔪᑎᒋᓪᓗᒍ

ᒐᕙᒪᑐᖃᒃᑯᓐᓂ ᐃᓄᓕᕆᔨᑐᖃᒃᑯᑦ ᒥᓂᔅᑕᖓ ᑖᓐ ᕚᓐᑐᓪ ᐃᓱᒪᓕᐅᓚᐅᖅᑎᓪᓗᒍ ᓄᓘᔮᖕᓂ ᐅᔭᕋᖕᓂᐊᕐᕕᒃ ᑲᑐᔾᔨᖃᑎᒌᖏᑦ ᑐᒡᓕᐊᓂ ᐱᕙᓪᓕᐊᑎᑕᐅᔪᒪᔪᒧᑦ ᑐᒃᓯᕋᐅᑦ ᑲᔪᓯᑎᑕᐅᔭᕆᐊᖃᙱᓐᓂᖓᓂ, ᒥᓂᔅᑕ ᐱᕙᓪᓕᐊᔪᓕᕆᔨᒃᑯᓐᓄᑦ ᐃᖏᕐᕋᔪᓕᕆᔨᒃᑯᓐᓄᓪᓗ ᐊᒻᒪᓗ ᒥᓂᔅᑕ ᐊᕙᑎᓕᕆᔨᒃᑯᓐᓄᑦ ᑕᐃᕕᑦ ᐊᕿᐊᕈᖅ ᐅᓪᓗᒥ ᐅᑯᓂᖓ ᐅᖃᐅᓯᐅᔪᓂᒃ ᓴᖅᑭᑎᑦᑎᖅᑲᐅᕗᖅ.

"ᓄᓇᕗᑦ ᒐᕙᒪᒃᑯᑦ ᐃᑲᔪᖅᑐᐃᔪᑦ ᑲᒪᑦᑎᐊᕈᓐᓇᖅᑐᓂᒃ ᐃᑲᔫᑎᒃᓴᓂᒃ ᐱᕙᓪᓕᐊᑎᑦᑎᓂᕐᒧᑦ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᓪᓗ ᐱᓕᕆᐊᒃᓴᖏᓐᓂᒃ ᓄᓇᕗᒻᒥ ᐊᕙᑎᑦᑎᓐᓂ ᐊᐅᓚᑦᑎᔾᔪᑎᖓᓂ.

ᓄᓇᕗᑦ ᒐᕙᒪᒃᑯᑦ ᖃᐅᔨᒪᔪᑦ ᓄᓘᔮᓕᕆᔨᓂᑦ ᑐᒃᓯᕋᐅᑕᐅᓯᒪᔪᖅ ᐊᖏᒡᓕᒋᐊᖁᔨᓪᓗᑎᒃ ᐃᓅᓯᕐᒧᑦ ᒪᑭᒪᓇᓱᐊᕐᓂᕐᒧᑦ ᐃᑲᔫᑕᐅᓇᔭᕐᓂᖓᓂ ᓄᓇᕗᒻᒥᐅᓄᑦ, ᒥᓂᔅᑕ ᕚᓐᑑᓪ ᐃᓱᒪᓕᐅᕈᑎᖓ ᓴᖅᑭᑎᑦᑎᕗᖅ ᐃᓱᒫᓘᑕᐅᔪᓂᑦ ᐅᖃᐅᓯᐅᓚᐅᖅᑐᓂᑦ ᐃᓱᒪᒃᓴᖅᓯᐅᕈᑕᐅᒃᑲᓐᓂᖅᑐᑦ ᐅᓂᒃᑳᖓᓂ ᐊᑐᓕᖁᔭᐅᔪᓂᓪᓗ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᓐᓄᑦ ᓴᖅᑭᑎᑕᐅᓚᐅᖅᑐᒥᑦ ᒪᐃ 2022−ᖑᑎᓪᓗᒍ. ᖃᐅᔨᒪᔪᒍᑦ ᐃᑲᔫᑎᖃᕐᓂᖓᓂ ᒫᓐᓇ ᐊᐅᓚᓂᕆᔭᐅᔪᖅ ᓄᓘᔮᖕᓂ, ᐊᒻᒪᓗᑦᑕᐅᖅ ᓴᐳᔾᔭᐅᔭᕆᐊᖃᕐᓂᖓᓂ ᓄᓇᕗᑦ ᐃᒪᖅᐳᓪᓗ. ᐅᐱᒋᔪᒪᕙᕋ ᒥᓂᔅᑕ ᕚᓐᑕᓪ ᐊᔪᕐᓇᖅᑐᒥᒃ ᐊᔾᔨᒌᒥᒃ ᐃᓱᒪᓕᐅᕆᔪᓐᓇᓚᐅᕐᒪᑦ.

ᒥᓂᔅᑕᐃᑦ ᐊᖏᕈᑎᒋᓯᒪᔭᖓ ᒪᓕᒐᖅᑎᒍᑦ ᐱᓕᕆᔾᔪᓯᖏᑦ ᐃᓕᓴᕆᔭᐅᕗᑦ. ᓄᓇᕗᒻᒥᐅᑦ, ᐊᐅᓚᑦᑎᔨᑦ, ᐊᑯᓐᓂᖓᓃᑉᐸᒃᑐᑦ, ᑐᒃᓯᕋᖅᓯᒪᔪᓪᓗ ᑕᒪᐃᓐᓄᑦ ᐃᑲᔫᑕᐅᕗᖅ ᐊᑑᑎᖃᑦᑎᐊᖅᑐᖅ ᓴᖅᑭᔮᕐᓗᓂᓗ ᐊᐅᓚᑦᑎᔾᔪᑎᖏᑦ."

###

ᑐᓴᒐᒃᓴᓂᑦ ᖃᐅᔨᒋᐊᕐᕕᒃᓴᖅ:

ᓰᐅᕋ ᓕᑉᓛᖕ
ᐊᐅᓚᑦᑎᔨ, ᑐᓴᒐᒃᓴᓕᕆᔨᒃᑯᓐᓄᑦ
ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ
867-975-7818
sleblanc@gov.nu.ca