ᒪᑐᐃᖅᑕᐅᓂᖓᓄᑦ ᒥᑦᑎᒪᑕᓕᒃᒥ ᓄᓇᓕᓐᓂ ᑐᓚᑦᑕᕐᕕᖓᓂᑦ

ᐱᕙᓪᓕᐊᔪᑦ ᓴᖅᑭᑕᐅᔪᑦ

ᓴᖅᑭᑲᐅᑎᒋᒋᐊᓕᒃ

ᒪᑐᐃᖅᑕᐅᓂᖓᓄᑦ ᒥᑦᑎᒪᑕᓕᒃᒥ ᓄᓇᓕᓐᓂ ᑐᓚᑦᑕᕐᕕᖓᓂᑦ

ᒥᑦᑎᒪᑕᓕᒃ, ᓄᓇᕗᑦ (ᔪᒪᐃ 26, 2022) − ᑲᓇᑕᐅᑉ ᒐᕙᒪᖓ ᐱᖃᑎᖃᕐᖢᑎᑦ ᓄᓇᕘᑦ ᒐᕙᒪᖓᓂᑦ ᒥᑦᑎᒪᑕᓕᒃ Hᐊᒻᓚᒃᑯᖏᑦ, ᖁᕕᐊᓲᑎᖃᖃᐅᖕᒪᑕ ᒪᑐᐃᖅᓯᑎᓪᓗᒋᑦ ᒥᑦᑎᒪᑕᓕᐅᑉ ᑐᓚᒃᑕᕐᕕᖓᓂᑦ.

“ᐅᐱᓐᓇᖅᑐᒻᒪᕆᐅᕗ ᒫᓐᓇ. ᑖᓐᓇ ᑐᓚᒃᑕᕐᕕᒃ ᐊᑐᐃᓐᓇᐅᓂᐊᖅᐳᖅ ᓄᓇᓕᖕᓄᑦ ᐊᑦᑕᕐᓇᖏᑦᑐᒦᑲᓐᓂᖁᓪᓗᒋᑦ ᐅᒥᐊᖅᑐᖅᑎᓪᓗᒋᑦ ᐃᑲᔫᑎᓂᐊᕆᓪᓗᓂ ᓄᓇᓕᖕᓄᑦ ᐊᕕᒃᑐᖅᑕᐅᓯᒪᔪᓄᓪᓗ ᐱᕙᓪᓕᐊᔪᓕᕆᓂᕐᒧᑦ ᐱᕕᒃᓴᖃᖅᑎᓪᓗᒋᑦ” ᑕᐃᕕᑎ ᐊᕿᐊᕈ ᐅᖃᖅᐳ, ᒥᓂᔅᑕ ᐱᕙᓪᓕᐊᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ. ᖁᕕᐊᓱᑦᑎᐊᖅᐳᒍᑦ ᐱᔭᕇᖅᑎᓪᓗᒋᑦ ᐱᓕᕆᖃᑎᒋᓪᓗᑎᕗᑦ ᑲᓇᑕᐅᕐ ᒐᕙᒪᒃᑯᖏᑦ ᖁᕕᐊᓱᑦᑎᐊᖅᐳᒍᑦ ᓯᕗᓂᑦᑎᓐᓂᑦ ᑲᑐᔾᔨᖃᑎᒋᒡᓗᑕ ᒐᕙᒪᑐᖃᒃᑯᓐᓂᑦ ᓴᓇᓗᑎ ᐱᕚᓪᓕᖁᓪᓗᒋᑦ ᑕᕆᐅᕐᒥᐅᑦ ᐃᓂᒋᔭᖏᑦ ᓄᓇᓖᑦ ᐊᓯᖏᓐᓂᑦ.

“ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ ᐅᐱᒍᓱᑦᑎᐊᖅᐳᑦ ᐱᓕᕆᖃᑕᐅᓚᐅᕐᒪᑕ ᑲᔪᓯᓂᖃᑦᑎᐊᖅᖢᓂ ᐱᔭᕇᕐᒪᑦ ᑐᓚᒃᑕᕐᕕᖕᒥᑦ ᐱᐅᓯᕚᓪᓕᖁᓪᓗᒋᓪᓗ ᐅᒥᐊᕐᔪᐊᒃᑯᑦ ᑎᑭᑉᐸᒃᑐᑦ ᒥᑦᑎᒪᑕᓕᖕᒧᑦ” ᑕᐃᕕᑎ ᔪᐊᓇᓯ ᐅᖃᖅᑐ, ᒥᓂᔅᑕ ᓄᓇᓕᖕᓂᑦ ᒐᕙᒪᒃᑯᓐᓄᑦ ᐱᔨᑦᑎᕋᖅᑎᒃᑯᓐᓄᑦ. ᑮᓇᐅᔭᓕᐅᕈᑕᐅᒃᑲᓐᓂᕐᓗᓂ ᓄᓇᓕᖕᓄᑦ ᒪᑭᒪᔾᔪᑎᓄᑦ,ᓱᕐᓗ ᐅᑯᓄᖓ ᐃᑲᔫᑎᕚᓪᓕᖁᓪᓗᒍ ᒪᑭᑕᓇᓱᐊᕐᓂᖅᒧᑦ ᐱᓕᕆᐊᑦ ᓄᓇᓕᖕᓄᑦ ᐱᔭᕇᖅᑎᓪᓗᒍ ᑖᓐᓇ ᐱᕚᓪᓕᕈᑕᐅᓂᐊᕐᒪᑦ ᓄᓇᓕᖕᓄᑦ. ᓂᕆᐅᖕᓂᖃᑦᑎᐊᖅᐳᒍᑦ ᐃᖃᓇᐃᔭᖃᑎᒌᖏᓐᓇᓂᐊᕋᑦᑕ ᑲᓇᑕᐅᑉ ᒐᕙᒪᑯᖓᓂᑦ  ᐱᔭᕆᐊᖃᖅᑕᖏᓐᓂᑦ ᒪᑭᒪᔾᔪᑎᖏᓐᓂᑦ ᓄᓇᕘᑦ ᐃᓗᐊᓂᑦ.”

ᓄᓇᕗᑦ ᒐᕙᒪᖓ ᐅᐱᒍᓱᒃᐳᑦ ᐃᑲᔪᖅᑐᐃᓗᑎᒃ ᒥᑦᑎᒪᑕᓕᐅᑉ ᑐᓚᒃᑕᕐᕕᑦ ᓴᓇᔭᐅᑎᓪᓗᒍ, ᓂᕿᓄᑦ ᐱᕚᓪᓕᕈᑎᒋᒃᑲᓐᓂᕐᓗᒍ, ᐱᖁᑎᓪᓗ ᐳᓚᕋᖅᑐᓕᕆᓂᖅᓗ ᐱᕕᖃᖁᓪᓗᒋᑦ ᐅᑭᐅᖅᑕᖅᑐᒥ ᕿᑭᑦᑕᓂᑦ ᐊᕕᒃᑐᖅᓯᒪᔪᓄᑦ,” ᑖᒪᓂᒃ ᓚᐸᖕᒃ ᐅᖃᐳ, ᒐᕙᒪᑐᖃᒃᑯᓐᓄᑦ ᒥᓂᔅᑕ ᒐᕙᒪᓕᕆᔨᒃᑯᓐᓄᑦ, ᒪᑭᒪᔾᔪᑎᑦ ᓄᓇᓕᖕᓄᓪᓗ. “ᑖᓐᓇ ᓴᓇᔭᐅᕋᑖᖅᑐ ᐱᖁᑎ ᐃᑲᔫᑎᓂᐊᕐᒪᑦ ᑮᓇᐅᔭᓕᐅᕋᓱᓐᓂᕐᒧᑦ ᐱᕙᓪᓕᐊᓂᕐᒧᓪᓗ ᐱᐅᓯᒋᐊᕐᓗᓂᓗ ᐊᑦᑕᕐᓇᖅᑐᒦᖁᓇᒋᑦ ᑕᕆᐅᖅᒥᑦ ᖃᓄᐃᓕᐅᕐᓂᐅᖃᑦᑕᖅᑐᑦ ᐊᕕᒃᑐᖅᓯᒪᔪᓄᑦ.

ᑖᓐᓇ ᐱᓕᕆᐊᖑᓚᐅᖅᑐ ᑲᑐᑎᓪᓗᑎ ᑮᓇᐅᔭᖃᖅᑎᑕᐅᓚᐅᖅᐳ ᑲᓇᑕᐅᑉ ᒐᕙᒪᒃᑯᖏᓐᓂᑦ ᑖᑯᓇᖓᑦ ᑲᓇᑕᒥ ᓄᑖᒥᒃ ᐃᒡᓗᕐᔪᐊᓕᐅᕐᓂᕐᒧᑦ ᑮᓇᐅᔭᖅᑖᕐᕕᒃᒥᑦ− ᑲᓇᑕᓕᒫᒥᑦ ᐊᕕᒃᑐᖅᓯᒪᔪᓄᑦ ᐱᓕᕆᔩᑦᐊᒻᒪᓗ $11ᒥᓕᐊᓐ ᓄᓇᕗᑦ ᒐᕙᒪᒃᑯᖏᓐᓂᑦ.

###

ᑐᓴᒐᒃᓴᓂᑦ ᖃᐅᔨᒋᐊᕐᕕᒃᓴᖅ:

ᐃᐅᕆᑲ ᔨᐅᓪ 
ᑐᑭᒧᐊᒃᑎᑦᑎᔨ, ᐊᑐᐊᒐᓕᕆᓂᕐᒧᑦ, ᐸᕐᓇᐃᓂᕐᒧᑦ ᑐᓴᒐᒃᓴᓕᕆᓂᕐᒧᓪᓗ
ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ
867-975-7871
EZell@gov.nu.ca

Suleikha Duale

ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ

ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ

867-975-5406

sduale1@gov.nu.ca