ᐅᖃᓚᐅᑎᓯᐅᑏᑦ

You are here

ᓄᓇᕗᑦ ᒐᕙᒪᒃᑯᖏᑦ ᐅᐃᒍᐃᕗᑦ ᐃᖃᓗᐃᑦ ᑐᐊᕕᖕᓇᖅᑐᒦᓐᓂᖓᓂ

ᓄᕕᐱᕆ 09, 2021

ᐱᕙᓪᓕᐊᔪᑦ ᓴᖅᑭᑕᐅᔪᑦ

ᓄᓇᕗᑦ ᒐᕙᒪᒃᑯᖏᑦ ᐅᐃᒍᐃᕗᑦ ᐃᖃᓗᐃᑦ ᑐᐊᕕᖕᓇᖅᑐᒦᓐᓂᖓᓂ

ᐃᖃᓗᐃᑦ, ᓄᓇᕗᑦ (ᓄᕕᐱᕆ 9, 2021) – ᓄᓇᕗᒻᒥ ᒥᓂᔅᑕᖓ ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᓐᓂ ᐅᖓᕙᕆᐊᖅᓯᕗᖅ ᐃᖃᓗᖕᓂ ᑐᐊᕕᕐᓇᖅᑐᒦᓐᓂᖓᓄᑦ ᓄᕕᐱᕆ 23, 2021-ᒧᑦ ᑎᑭᓪᓗᒍ.

ᐅᓪᓗᒥᒧᑦ, ᓄᓇᕗᑦ ᒐᕙᒪᒃᑯᖏᑦ ᐃᑲᔪᖅᓯᒪᔪᑦ ᐃᖃᓗᖕᓂ ᓄᓇᓕᐸᐅᔭᒃᑯᓐᓂᑦ ᐃᒫᒃ:

  • ᓂᐅᕕᖅᖢᑎᒃ, ᐅᓯᔭᐅᑎᑦᑎᓪᓗᑎᒃ, ᑐᓂᐅᖅᑲᐃᓪᓗᑎᒃᓗ ᐃᒪᖃᐅᑎᓂ ᐃᒪᖃᕆᐊᖃᕐᓂᖏᓐᓄᑦ ᐃᖃᓗᖕᒥᐅᑦ.
  • ᐃᓕᐅᖅᑲᐃᓪᓗᑎᒃ ᓄᓇᕗᑦ ᒐᕙᒪᒃᑯᖏᑦᑕ ᐃᒥᕐᒥ ᓇᒦᑦᑐᓐᓇᕐᑐᓂ ᐃᒪᖃᐅᑎᓂᑦ.
  • ᐅᓯᐸᒃᖢᑎᒃ ᐃᒪᖕᒧᑦ ᐳᓪᓚᒃᑕᐅᑎᓂ ᖃᑦᑕᓂᒡᓗ.
  • ᐱᑐᐃᓐᓇᐅᙱᑦᑐᑎᒍ ᖃᐅᔨᓴᐃᓪᓗᑎᒃ ᓴᓇᒪᓂᖓᓂᓪᓗ ᐅᑎᕐᑎᑕᐅᓇᓱᒃᖢᑎᒃ ᓄᓇᓕᐸᐅᔭᑦ ᐃᒥᖅᑕᕐᐸᖕᓂᖏᑦ.
  • ᕿᒥᕐᕈᓪᓗᑎᒃ ᐃᒥᖕᒧᑦ ᓴᓗᒻᒪᕐᓴᐅᑎᓕᕆᔾᔪᑎᒃ ᐋᖅᑭᒋᐊᕈᑎᒃᓴᓂᓪᓗ ᓇᓖᕌᒐᒃᓴᓂ.
  • ᐃᑲᔪᖅᑕᐅᔪᒪᓪᓗᑎᒃ ᒐᕙᒪᑐᖃᒃᑯᓐᓂᑦ ᐃᒥᖅᑕᕐᕕᒃᓴᒃᑲᓐᓂᕐᒥᑦ. ᒪᕐᕉᒃ ᐃᒪᕐᒥ ᓴᓗᒻᒪᕐᓴᐃᕖᑦ ᐃᓕᔭᐅᓂᐊᕐᑑᒃ ᐃᖃᓗᐃᑦ ᐃᒥᕐᑕᕐᕕᖓᓂ ᑕᓯᖕᒥᑦ ᓴᓗᒻᒪᕐᓴᐃᕙᒃᓗᑎᒃ ᖃᐅᔨᓴᕐᐸᒃᓗᑎᒃᓗ ᐃᒻᒥᖅᑐᐃᓚᐅᙱᓐᓂᖏᓐᓂᑦ. ᐃᒪᖃᐅᑎᑦ ᓱᓕ ᑐᓂᐅᖅᑲᐅᑕᐅᖃᑦᑕᕐᓂᐊᕐᑐᑦ ᐃᓄᖕᓄᑦ ᐃᒪᖃᐅᑎᖃᕐᕕᖕᓅᕐᑐᓄᑦ.

ᓄᓇᕗᑦ ᒐᕙᒪᒃᑯᖏᑦ ᓱᓕ ᐱᓕᕆᖃᑎᖃᕐᓂᐊᕐᑐᑦ ᑲᓇᑕᐅᑉ ᒐᕙᒪᒃᑯᖏᓐᓂᑦ ᐃᖃᓗᖕᓂ ᓄᓇᓕᐸᐅᔭᒃᑯᖏᓐᓂᓪᓗ ᐃᖏᕐᕋᓯᒋᐊᕐᓂᐊᕐᓗᓂᔾᔪᑦ ᑲᓇᑕᒥᐅᑦ ᐅᓇᑕᕐᑐᒃᓴᖏᓐᓂᑦ ᐃᒪᖕᒧᑦ ᓴᓗᒻᒪᕐᓴᐅᑎᖏᓐᓂᑦ ᓯᐊᒻᒪᒃᑎᕆᓂᖕᓂᓪᓗ ᐊᐅᓚᑕᐅᔪᓂ ᐃᖃᓗᖕᓂᑦ.

ᑐᐊᕕᕐᓇᖅᑐᒦᓐᓂᖅ ᐊᑐᓕᖅᑎᑕᐅᓯᒪᕗᖅ ᐅᓪᓗᓄᑦ 14ᓄᑦ, ᐱᒋᐊᕐᓗᓂ ᓄᕕᐱᕆ 10−ᒥ ᓄᕕᐱᕆ 23-ᒧᑦ, 2021−ᒥ. ᐅᓇ ᑎᓕᐅᕆᔾᔪᑕᐅᔪᖅ ᐊᒃᑐᐃᔾᔪᑕᐅᔾᔮᙱᑦᑐᖅ ᐃᖏᕐᕋᐃᓐᓇᖅᑐᓄᑦ ᐋᓐᓂᐊᕕᖕᒥ ᑐᐊᕕᕐᓇᖅᑐᓄᑦ ᑲᒪᒋᔭᐅᒋᐊᓕᖕᓄᑦ ᓴᖅᑭᑕᐅᒋᐊᓕᖕᓄᑦ ᓄᕙᒡᔪᐊᕐᓇᖅ-19−ᒧᑦ ᖃᓂᒻᒪᒍᑕᐅᕙᓪᓕᐊᔪᒧᑦ.

###

ᑐᓴᒐᒃᓴᓂᑦ ᖃᐅᔨᒋᐊᕐᕕᒃᓴᖅ:

ᐊᕋᒪᐃᑦ (ᓘᓚ) ᐅᕗᐊᔾᔨ
ᐊᐅᓚᑦᑎᔨ, ᐊᑐᐊᒐᕐᓄᑦ ᒪᓕᒐᕐᓄᓪᓗ
ᓄᓇᓕᖕᓂᑦ ᒐᕙᒪᒃᑯᓪᓗ ᐱᔨᑦᑎᕋᖅᑎᒃᑯᑦ
867-975-5354
aowoaje2@gov.nu.ca