ᐅᖃᓚᐅᑎᓯᐅᑏᑦ

You are here

ᓄᓇᓖᑦ ᐃᑲᔪᖅᑐᕐᓗᒋᑦ ᓄᓇᕗᒦᑦᑐᑦ

ᔪᓚᐃ 26, 2021

ᐱᕙᓪᓕᐊᔪᑦ ᓴᖅᑭᑕᐅᔪᑦ

ᓄᓇᓖᑦ ᐃᑲᔪᖅᑐᕐᓗᒋᑦ ᓄᓇᕗᒦᑦᑐᑦ

ᐃᖃᓗᐃᑦ, ᓄᓇᕗᑦ, ᔪᓚᐃ 26, 2021 - ᐋᓐᓂᐊᖃᖅᑕᐃᓕᒪᔪᓕᕆᓂᖅ ᐊᒻᒪ ᐊᑦᑕᕐᓇᖅᑐᒧᐊᖅᑎᑦᑎᑦᑕᐃᓕᓂᖅ ᑲᓇᑕᒥᐅᓕᒫᓄᑦ ᓯᕗᓪᓕᐅᔾᔭᐅᖏᓐᓇᓲᖑᕗᑦ ᑲᓇᑕᒥ ᒐᕙᒪᒃᑯᓐᓄᑦ. ᓄᓇᓖᑦ ᑲᓇᑕᒥ ᓄᕙᒡᔪᐊᕐᓇᖅ-19 ᖃᓂᒻᒪᒍᑕᐅᕙᓪᓕᐊᔪᒧᑦ ᐊᕙᑖᓃᑎᓪᓗᒍ, ᐃᕐᖐᓐᓇᕐᓗ ᐃᑲᔪᖅᑕᐅᒋᐊᖃᖅᑎᓪᓗᒋᑦ ᖃᐅᔨᒪᖁᓪᓗᒋᑦ ᐃᓄᖕᓄᑦ ᐊᐅᓚᔪᓐᓇᐅᑎᑦ ᐊᑦᑕᕐᓇᖅᑐᒦᙱᒃᑲᓗᐊᕐᒪᖔᑕ ᐊᒻᒪ ᑕᑎᒋᔭᒃᓴᐅᒐᓗᐊᕐᒪᖔᑕ. ᑖᓐᓇ ᐱᔾᔪᑎᒋᓪᓗᒍ ᑲᓇᑕᒥ ᒐᕙᒪᒃᑯᑦ ᐱᓕᕆᕗᑦ ᐃᑲᔪᖅᑐᐃᓇᓱᒃᖢᑎᒃ ᓄᓇᓕᖕᓂ ᓱᕐᕌᓗᐊᕈᓐᓃᖅᑎᓪᓗᒋᑦ ᒪᑭᒪᔾᔪᑎᑦ.

ᐅᓪᓗᒥ, ᒪᓕᒐᓕᐅᖅᑎ ᑳᑐᕆᓐ ᒪᑭᐊᓇ, ᐊᐅᓚᔪᓐᓇᐅᑎᓕᕆᔨᒃᑯᓐᓄᑦ ᓄᓇᓕᖕᓄᓪᓗ ᒥᓂᔅᑕ, ᑐᓴᖅᑎᑦᑎᖅᑲᐅᕗᖅ ᓄᓇᕗᒥᐅᑦ ᐱᑎᑕᐅᓂᐊᕐᓂᖏᓐᓂᒃ $17.25 ᒥᓕᐊᓂᒃ ᓄᑖᖅ ᑲᓇᑕᒥ−ᐃᒡᓗᕐᔪᐊᓄᑦ ᑮᓇᐅᔭᓂᒃ 2021-22 ᐊᕐᕌᒍᒧᑦ, ᐊᒻᒪᓗ ᐃᓚᔭᐅᓂᐊᕆᓪᓗᓂ $16.5 ᒥᓕᐊᒃᑲᓐᓂᕐᓂᒃ. ᐅᑯᐊ ᐃᓚᔭᐅᒃᑲᓐᓂᕐᓂᐊᖅᑐᑦ ᑮᓇᐅᔭᓄᑦ ᐃᓚᒋᐊᕈᑕᐅᓂᐊᖅᐳᑦ ᓄᓇᕗᒻᒥ ᓄᓇᓕᖕᓄᑦ ᐱᔭᐅᓚᐅᖅᑐᑦ ᐱᓕᕆᐊᖅᑎᒍᑦ 2020-21−ᒥ, ᐊᔪᕈᓐᓃᕈᑎᒋᓗᒋᑦ ᐱᓕᕆᔪᓐᓇᖅᓯᓗᑎᒃ ᐊᐅᓚᔪᓐᓇᐅᑎᓄᑦ ᐱᓕᕆᐊᓂᒃ ᐃᑲᔪᖅᑐᐃᔪᓂᒃ ᖃᓄᐃᙱᑦᑎᐊᕈᓯᕐᓄᑦ ᓄᓇᓕᖕᒥᐅᑕᐅᖃᑎᒌᓄᑦ.

ᓄᑖᖅ ᑲᓇᑕᒥ−ᐃᒡᓗᕐᔪᐊᓄᑦ ᑮᓇᐅᔭᑦ ᐊᑐᐃᓐᓇᐅᑎᑦᑎᓲᖑᕗᑦ ᓄᓇᓕᖕᓄᑦ ᑐᙵᓂᖃᑦᑎᐊᖅᑐᓂᒃ ᐊᒻᒪ ᐊᓯᔾᔨᒐᒃᓴᐅᔪᓂᒃ ᑮᓇᐅᔭᓂᒃ ᐊᐅᓚᔪᓐᓇᐅᑎᒋᔭᖏᓐᓄᑦ ᓯᕗᓪᓕᐅᑎᖁᔭᓄᑦ ᐱᓕᕆᐊᒃᓴᕈᓘᔭᕐᓄᑦ ᐊᔾᔨᒌᙱᑦᑐᓄᑦ. ᓲᕐᓗ, ᑮᓇᐅᔭᑦ ᐃᑲᔪᖅᓯᒪᕗᑦ ᐸᖕᓂᖅᑑᒥ ᕼᐋᒻᒪᓚᒃᑯᓐᓂ ᐱᐅᓯᒋᐊᕈᑕᐅᓪᓗᓂ ᓯᐊᕐᕆᔮᕐᕕᖓᓐᓄᑦ ᐊᒻᒪ ᓄᓇᓕᖕᓂ ᐱᙳᐊᕐᕕᖕᒧᑦ ᐃᑲᔪᖅᑐᕐᓗᒋᑦ ᖃᓄᐃᙱᑦᑎᐊᖅᑐᑦ ᐊᒻᒪ ᐃᓅᓯᕆᑦᑎᐊᖅᑐᑦ ᓄᓇᖅᑲᑎᒌᓄᑦ ᖃᓄᒥᐊᖅ ᐅᑭᐅᓕᖕᓄᑦ. ᖁᔭᒋᔭᐅᔪᑦ ᓄᑖᖅ ᑲᓇᑕᒥ−ᐃᒡᓗᕐᔪᐊᓄᑦ ᑮᓇᐅᔭᓄᑦ ᐃᑲᔪᖅᑐᐃᔾᔪᑎᑦ, ᓴᓂᑭᓗᐊᕐᒥᐅᑦ ᐊᒻᒪ ᐃᖃᓗᒃᑑᑦᑎᐊᕐᒥᐅᑦ ᐊᖅᑯᑎᖏᓐᓂᒃ ᐃᑳᕐᕕᖏᓐᓂᒡᓗ ᐋᖅᑭᒋᐊᖅᓯᒃᑲᓐᓂᕈᓐᓇᓲᖑᖕᒪᑕ ᖃᐅᔨᒪᔭᐅᖁᓪᓗᒋᑦ ᐱᐅᓯᒋᐊᖅᓯᒪᓂᖏᓐᓂᒃ ᐊᑦᑕᕐᓇᖅᑐᒧᐊᖅᑎᑦᑎᑦᑕᐃᓕᓂᖅ ᐊᒻᒪ ᐊᑑᑎᖃᑦᑎᐊᖅᑐᓂᒃ ᓄᓇᖅᑲᑎᒥᓄᑦ.

ᐱᒋᐊᖅᖢᒍ ᔫᓂ 29, 2021, ᖃᐅᔨᒪᔭᐅᓚᐅᖅᓯᒪᔫᒐᓗᐊᖅ ᐅᖅᓱᐊᓗᖕᒥᒃ ᑖᒃᓰᔭᕈᑎᓄᑦ ᑮᓇᐅᔭᑦ ᐊᑦᑎᖅᑕᐅᒃᑲᓐᓂᕐᓂᖓᓂᒃ ᑲᓇᑕᒥ ᓄᓇᓕᖕᓂ−ᐃᒡᓗᕐᔪᐊᓄᑦ ᑮᓇᐅᔭᓂᒃ. ᐅᓇ ᐊᑎᖓᓐᓄᑦ ᐊᓯᔾᔨᖅᑐᖅ ᑕᑯᒃᓴᐅᑎᑦᑎᕗᖅ ᐱᓕᕆᐊᕐᒧᑦ ᐊᓯᔾᔨᖅᐸᓪᓕᐊᔪᒧᑦ ᖃᖓᙳᖅᐸᓪᓕᐊᑎᓪᓗᒍ ᐊᓯᔾᔨᕈᑕᐅᔾᔮᙱᖦᖢᓂᓗ ᐋᖅᑭᒋᐊᕈᑕᐅᔾᔮᙱᖦᖢᓂᓗ ᑎᑭᑕᐅᓇᓱᐊᖅᑐᓄᑦ ᐅᕝᕙᓘᓐᓃᑦ ᐱᔭᐅᒋᐊᓕᖕᓄᑦ ᐱᓕᕆᐊᖅ ᐱᓕᕆᐊᖑᑎᓪᓗᒍ.

ᖃᑦᑎᕆᕝᕖᑦ ᐊᒻᒪ ᖃᑦᑎᕆᔨᒃᑯᑦ ᐃᒡᓗᖁᑎᖏᑦ ᐃᓚᓕᐅᔾᔭᐅᓯᒪᓕᕐᒥᔪᑦ ᑮᓇᐅᔭᓕᐅᕈᑕᐅᓇᓱᐊᖅᑐᓂᒃ ᐱᓕᕆᐊᕐᒧᑦ. ᐅᓇ ᐃᓚᒋᐊᕈᑕᐅᔪᖅ ᐃᑲᔫᑕᐅᓂᐊᖅᐳᖅ ᐱᓕᕆᐊᕐᒧᑦ ᑐᕌᒐᕆᔭᐅᔪᓄᑦ ᐱᕙᓪᓕᐊᔾᔪᑕᐅᓗᑎᒃ ᓴᙱᓂᖅᓴᐅᓕᕐᓗᑎᒃ ᖁᓚᓕᖅᓴᕋᐃᙱᓪᓗᑎᒡᓗ ᓄᓇᓖᑦ.
ᐊᔪᕈᓐᓃᖅᑎᓪᓗᒋᑦ ᓄᓇᓖᑦ ᐸᕐᓇᐃᓂᐊᖅᑎᓪᓗᒋᑦ ᒫᓐᓇ ᐊᒻᒪ ᓯᕗᓂᒃᓴᒥ ᐱᔭᐅᒋᐊᓕᖕᓄᑦ, ᐱᕙᓪᓕᐊᑎᓪᓗᒋᓪᓗ ᐅᕝᕙᓘᓐᓃᑦ ᐱᐅᓯᒋᐊᕐᓗᒋᑦ ᐊᐅᓚᔪᓐᓇᐅᑎᑦ ᐃᑲᔫᑎᒋᔪᓐᓇᖅᑕᖏᑦ ᐱᕙᓪᓕᐊᑐᐃᓐᓇᕐᓗᑎᒃ ᖃᓄᑐᐃᓐᓇᖅ ᐱᓕᕆᒐᓗᐊᖅᑎᓪᓗᒋᑦ, ᓄᑖᖅ ᑲᓇᑕᒥ−ᐃᒡᓗᕐᔪᐊᓄᑦ ᑮᓇᐅᔭᑦ ᐃᑲᔫᑎᒃᓴᐅᕐᔪᐊᕐᒪᑕ ᖃᐅᔨᒪᔾᔪᑕᐅᔪᓐᓇᕐᓗᑎᒃ ᓄᓇᕗᒥᐅᑦ ᓄᓇᑦᑎᐊᕙᐅᔪᒦᖏᓐᓇᖃᑕᐅᓗᑎᒃ ᓄᓇᕐᔪᐊᕐᒥ ᐃᓅᓇᓱᐊᕐᓗᑎᒃ ᐊᕐᕌᒍᒐᓴᖕᓄᑦ.

ᐅᖃᐅᓯᐅᓯᒪᔪᑦ

"ᑲᓇᑕᒥ ᒐᕙᒪᒃᑯᑦ ᑐᑭᓯᐊᖕᒪᑕ ᐱᒻᒪᕆᐅᓂᖓᓂᒃ ᐃᑲᔪᕐᓗᒋᑦ ᕼᐋᒻᒪᓚᒃᑯᑦ ᑮᓇᐅᔭᓕᐅᕈᓐᓇᕐᓗᑎᒃ ᐱᕐᔪᐊᓂᒃ ᐊᐅᓚᔪᓐᓇᐅᑎᓂᒃ ᓲᕐᓗ ᐃᒪᖅ ᐃᒪᑦᑎᐊᕙᒃ ᐃᒥᒐᒃᓴᐅᓗᓂ, ᖃᕆᑕᐅᔭᓕᕆᔪᓐᓇᐅᑎᖃᕐᓗᑎᒃ ᐊᒻᒪ ᐱᙳᐊᕐᕕᖃᑦᑎᐊᕐᓗᑎᒃ. ᑕᒪᓐᓇ ᐱᔾᔪᑎᒋᓪᓗᒍ ᐱᓕᕆᖃᑎᖃᖅᐳᒍᑦ ᓄᓇᕗᒥᐅᓂᒃ ᐊᖅᑯᑎᒋᓪᓗᒍ ᑲᓇᑕᒥ−ᓄᓇᓕᖕᓂ−ᐃᒡᓗᓕᐅᖅᑎᓄᑦ ᑮᓇᐅᔭᑦ ᐃᑲᔪᖅᑐᐃᔾᔪᑎᒃᓴᑦ ᐱᓕᕆᐊᓄᑦ ᓄᓇᕘᓕᒫᒥ ᓴᖅᑭᑦᑎᔪᓐᓇᕐᓗᑎᒃ ᐃᖅᑲᓇᐃᔮᒃᓴᑦᑎᐊᕙᖕᓂᒃ, ᑲᒪᒋᔪᓐᓇᕐᓗᒍᓗ ᓯᓚ ᐊᓯᔾᔨᖅᐸᓪᓕᐊᔪᖅ ᐊᒻᒪᓗ ᓄᓇᓖᑦ ᐃᓚᓕᐅᔾᔨᒐᔪᖕᓂᖅᓴᐅᓕᑎᓪᓗᒋᑦ.

ᒪᓕᒐᓕᐅᖅᑎ ᑳᑐᕆᓐ ᒪᑭᐊᓇ, ᒥᓂᔅᑕ ᓄᓇᓖᑦ ᐊᐅᓚᔪᓐᓇᐅᑎᖏᓐᓄᑦ ᐊᒻᒪ ᓄᓇᓕᖕᓄᑦ

"ᑲᓇᑕᒥ ᒐᕙᒪᒃᑯᑦ ᓄᓇᓕᖕᓂ−ᐃᒡᓗᓕᐅᖅᑎᓄᑦ ᑮᓇᐅᔭᑦ ᐃᑲᔪᖅᑐᐃᓲᖑᕗᑦ ᒐᕙᒪᑦᑕ ᐱᓇᔪᒃᑕᖓᓐᓄᑦ ᐋᖅᑭᒃᓯᓇᓱᒃᖢᑎᒃ ᓄᓇᓕᖕᓂ ᐊᐅᓚᔪᓐᓇᐅᑎᓂᒃ ᐃᑲᔪᖅᑐᐃᔪᓂᒃ ᐱᐅᔪᒥᒃ ᓯᕗᓂᒃᓴᒥ ᓄᓇᕗᒥᐅᓄᑦ. ᑮᓇᐅᔭᓕᐅᕋᓱᐊᕈᑎᑦ ᖃᑦᑎᕆᔨᒃᑯᑦ ᐃᒡᓗᖁᑎᖏᓐᓄᑦ ᐊᐅᓚᔪᓐᓇᐅᑎᓄᑦ ᐅᖓᓯᒋᔭᐅᔪᓂᒃ ᓄᓇᓕᖕᓂ ᐱᓕᕆᔨᒋᔭᐅᓪᓗᐊᑕᕐᓂᐊᖅᐳᑦ ᐃᑲᔪᖅᑐᐃᔨᐅᓗᑎᒃ ᐊᑦᑕᕐᓇᖅᑎᑦᑎᑦᑕᐃᓕᓂᕐᒧᑦ ᖃᓄᐃᙱᑦᑎᐊᕈᓯᕐᒧᓪᓗ ᐃᓄᖕᓄᑦ ᓄᓇᕘᓕᒫᒥ."

ᒪᓕᒐᓕᐅᖅᑎ ᔩᓂ ᐃᕼᐊᓪᓗᐊᖅ, ᒥᓂᔅᑕ ᓄᓇᓕᖕᓂ ᒐᕙᒪᒃᑯᓂᓪᓗ ᐱᔨᑦᑎᕋᖅᑎᒃᑯᓐᓄᑦ

ᓱᓕᔪᑦ

• ᑲᓇᑕᒥ ᓄᓇᓕᖕᓂ−ᐃᒡᓗᕐᔪᐊᓄᑦ ᑮᓇᐅᔭᑦ ᐊᑯᓂᐅᔪᒃᑯᑦ, ᓇᓗᓇᐃᒃᑯᑦᑎᖅᓯᒪᓪᓗᑎᒃ ᑮᓇᐅᔭᑦ ᓇᑭᙶᕐᓂᖏᑦ 3,600 ᓄᓇᓖᑦ ᐅᖓᑖᓂ ᓇᓂᕈᓘᔭᖅ ᑲᓇᑕᒥ. ᑭᖑᓂᖔᑦᑎᓐᓂ ᐊᕐᕌᒍᓂ ᐃᑲᔪᖅᑐᐃᖃᑦᑕᖅᓯᒪᔪᑦ ᑕᐅᓴᖏᓐᓂᒃ ᐱᓕᕆᐊᓂᒃ ᐊᕐᕌᒍᑕᒫᑦ.
• ᓄᑖᖅ ᑲᓇᑕᒥ−ᐃᒡᓗᕐᔪᐊᓄᑦ ᑮᓇᐅᔭᑦ 19-ᓂᒃ ᐱᓕᕆᐊᒃᓴᖃᖅᑐᑦ ᐊᔪᖅᑕᐅᙱᑦᑐᓂᒃ ᐱᓕᕆᐊᒃᓴᓂᒃ, ᐃᓚᒋᔭᐅᓪᓗᓂ ᐱᔪᓐᓇᕐᓂᖅᑖᕋᓱᖃᑦᑕᕐᓂᖅ, ᐱᙳᐊᖅᑐᓕᕆᓂᕐᒧᑦ ᐊᐅᓚᔪᓐᓇᐅᑎᓂᒃ ᐊᒻᒪ ᖃᕆᑕᐅᔭᓕᕆᔪᓐᓇᐅᑎᓂᒃ. ᓄᓇᓖᑦ ᑖᒃᑯᓂᖓ ᑮᓇᐅᔭᓂᒃ ᐊᑐᓯᑲᐅᑎᒋᔪᓐᓇᖅᐳᑦ ᓯᕗᓪᓕᐅᑎᑕᐅᔪᒪᔪᓄᑦ ᐱᓕᕆᐊᒃᓴᓄᑦ, ᑮᓇᐅᔭᑦ ᑐᖅᑯᖅᑕᐅᓗᑎᒃ ᐊᑐᖅᑐᒃᓴᐅᓛᕐᓗᑎᒃ, ᑮᓇᐅᔭᐃᑦ ᑲᑎᖃᓯᐅᑎᓗᒋᑦ ᐊᓯᖏᓐᓄᑦ ᓄᓇᓕᖕᓄᑦ ᑲᑐᔾᔨᓗᑎᒃ ᒪᑭᒪᔾᔪᑎᓄᑦ ᐱᓕᕆᐊᒃᓴᓄᑦ ᐅᕝᕙᓘᓐᓃᑦ ᐊᑐᖅᑕᐅᓗᑎᒃ ᑮᓇᐅᔭᖃᖅᑎᑦᑎᓗᑎᒃ ᐊᖏᔪᓄᑦ ᒪᑭᒪᔾᔪᑎᑦ ᐊᑭᓕᐅᑎᖏᓐᓄᑦ.

ᐊᔾᔨᖏᑦᑕᐅᖅ ᐅᑯᐊ

ᐱᔾᔪᑎᐊ

ᐊᒃᑐᐊᓂᓖᑦ ᐊᑦᑕᑕᕐᕕᐅᔪᓐᓇᖅᑐᑦ

ᑲᓇᑕᐅᑉ ᐊᖓᔪᖅᑳᕐᔪᐊᖓ ᑐᓴᖅᑎᑦᑎᕗᖅ ᐃᑲᔪᖅᑑᑎᒃᓴᓂᒃ ᓄᓇᓕᖕᓄᑦ ᐃᖅᑲᓇᐃᔮᒃᓴᓂᒃ ᓴᖅᑭᑦᑎᔪᓐᓇᕐᓗᑎᒃ ᐱᒋᐊᖅᑎᑦᑎᒃᑲᓐᓂᕈᓐᓇᕐᓗᑎᒡᓗ ᒪᑭᒪᐅᑎᒃᓴᓂᒃ
ᑲᓇᑕᐅᑉ ᒐᕙᒪᒃᑯᖏᓐᓄᑦ ᐃᑲᔫᑎᒃᓴᑦ − ᓄᕙᒡᔪᐊᕐᓇᒧᑦ ᖃᓂᒪᔪᑦ (ᓄᕙᒡᔪᐊᕐᓇᖅ-19)
ᑲᓇᑕᒥ ᐅᖅᓱᐊᓗᖕᒥᒃ ᑖᒃᓰᔭᕈᑎᓄᑦ ᑮᓇᐅᔭᑦ (ᑲᓇᑕᒥ ᓄᓇᓕᖕᓂ−ᐃᒡᓗᕐᔪᐊᓄᑦ ᑮᓇᐅᔭᑦ)
ᑲᓇᑕᐅᑉ ᒐᕙᒪᖓᓂ ᐊᐅᓚᔪᓐᓇᐅᑎᓄᑦ ᑮᓇᐅᔭᓕᐅᕈᑕᐅᓇᓱᒃᑐᑦ ᓄᓇᕗᒻᒥ

- 30 -

ᖃᐅᔨᒋᐊᕐᕕᒃᓴᑦ

ᐃᒥᐊᓕᔮᓇ ᑎᑕᕆᓐᑰ
ᑎᑎᕋᖅᑎ
ᒥᓂᔅᑕᐅᑉ ᑎᑎᕋᕐᕕᖓᑦ ᐊᐅᓚᔪᓐᓇᐅᑎᓕᕆᔨᒃᑯᓐᓄᑦ ᓄᓇᓕᖕᓄᓪᓗ
873-355-9576
emelyana.titarenko@infc.gc.ca

ᐊᕋᒪᐃᑦ (ᓘᓚ) ᐅᕗᐊᔾᔨ
ᐊᐅᓚᑦᑎᔨ, ᐊᑐᐊᒐᕐᓄᑦ ᒪᓕᒐᕐᓄᓪᓗ
ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ
ᓄᓇᕗᑦ ᒐᕙᒪᖓ
867-975-5354
aowoaje2@gov.nu.ca

ᐊᐅᓚᔪᓐᓇᐅᑎᓕᕆᔩᑦ ᑲᓇᑕᒥ
613-960-9251
ᐊᑭᖃᙱᑦᑐᖅ: 1-877-250-7154
ᐃᕐᖐᓐᓈᖅᑕᐅ: infc.media.infc@canada.ca
Twitter: @INFC_eng
ᐃᑭᐊᖅᑭᕕᒃ: Infrastructure Canada
 

 

ᐱᔾᔪᑎᐊ

ᓄᓇᕗᒻᒥ 2021‒22−ᒥ ᑲᓇᑕᒥ ᓄᓇᓕᖕᓂ−ᐱᕈᖅᐸᓪᓕᐊᓂᕐᒧᑦ ᑮᓇᐅᔭᖁᑏᑦ ᓴᓂᕐᕙᒃᑕᐅᓯᒪᔪᑦ ᐃᓚᓯᒃᑲᓐᓂᕈᑏᓪᓗ ᐊᑭᖏᑦ

ᑲᓇᑕᐅᑉ ᒐᕙᒪᒃᑯᖏᑦ ᐊᑐᐃᓐᓇᐅᑎᑦᑎᔪᑦ ᑲᑎᖦᖢᒋᑦ $17.25 ᒥᓕᐊᓐᓂᒃ ᑲᓇᑕᐅᑉ ᓄᓇᓕᖕᓂ−ᐱᕈᖅᐸᓪᓕᐊᓂᕐᒧᑦ ᑮᓇᐅᔭᖁᑎᓂᒃ (CCBF) ᐅᑯᓄᖓ ᓄᓇᕗᒻᒥ ᑐᓂᔭᐅᔪᓄᑦ. ᐃᓚᒋᓗᒍ, ᑲᓇᑕᐅᑉ ᒐᕙᒪᒃᑯᖏᑦ ᐊᑐᐃᓐᓇᐅᑎᑦᑎᖕᒥᔪᑦ ᑲᑎᖦᖢᒋᑦ $16.5 ᒥᓕᐊᓐᓂᒃ ᐃᓚᓯᒃᑲᓐᓂᕈᑎᓂᒃ, ᑲᑎᖅᓱᖅᑕᐅᓯᒪᔪᑦ ᒪᓕᒃᖢᑎᒃ 2020-21−ᒥ ᑲᓇᑕᐅᑉ ᒐᕙᒪᖓᓂ ᐅᖅᓱᐊᓗᖕᒧᑦ ᑖᒃᓰᔭᕈᑎᓄᑦ ᓴᓂᕐᕙᒃᑕᐅᓯᒪᔪᓂ ᐅᑯᓄᖓ ᑐᓂᔭᐅᔪᓄᑦ.

ᑕᒪᑐᒪᓂ ᐊᕐᕌᒍᒥ ᐱᒋᐊᕐᓗᒍ, ᖃᑦᑎᕆᔨᒃᑯᑦ ᐊᐅᓚᔪᓐᓇᐅᑎᖏᑦ ᐊᔪᙱᑎᑕᐅᓕᖅᑐᑦ ᐱᓕᕆᐊᒃᓴᕆᔭᐅᔪᒥ.

ᐱᑎᑕᐅᓪᓗᐊᑕᖅᑎᐅᔪᑦ ᓴᓂᕐᕙᒃᑕᐅᓯᒪᔪᑦ 2021-22−ᒧᑦ ᐊᑕᐅᓯᐊᕐᓗᓂ ᐃᓚᓯᒃᑲᓐᓂᕈᑏᑦ
ᓄᓇᕗᑦ ᒐᕙᒪᖓ $14,662,500 $14,025,000
ᐃᖃᓗᖕᓂ ᓄᓇᓕᐸᐅᔭᒃᑯᑦ $2,587,500 $2,475,000