ᓇᖕᒥᓂᖁᑎᒋᔭᐅᔪᓄᑦ ᐱᔪᓐᓇᐅᑎᓄᑦ ᓄᑖᙳᕆᐊᕆᓂᖅ

ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ

ᓇᖕᒥᓂᖁᑎᒋᔭᐅᔪᓄᑦ ᐱᔪᓐᓇᐅᑎᓄᑦ ᓄᑖᙳᕆᐊᕆᓂᖅ

ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ ᓂᐅᕕᐊᒃᓴᖃᖅᑐᓕᕆᔨᒃᑯᑦ ᐱᔪᓐᓇᖅᓯᕗᑦ ᓇᖕᒥᓂᖃᕐᓂᕐᒧᑦ ᓚᐃᓴᓐᓯᓂᒃ ᓄᑖᙳᕆᐊᕈᑎᓄᑦ ᐱᓇᔫᑎᓂᒃ 2023-2024−ᒧᑦ ᑮᓇᐅᔭᓕᕆᓐᓇᖅ ᐊᕐᕌᒍᒧᑦ.

ᓇᒻᒥᓂᖁᑎᒋᔭᐅᔪᑦ ᐊᐅᓚᑕᑦ ᕼᐋᒻᒪᓚᒃᑯᑦ ᓯᓚᑖᓂ ᐱᓕᕆᐊᖃᕐᑐᓪᓘᓐᓃᑦ ᓄᓇᕗᒻᒥᑦ ᑐᒃᓯᕋᕈᓐᓇᕐᑐᑦ ᓂᐅᕕᐊᒃᓴᖃᖅᑐᓕᕆᔨᒃᑯᓐᓄᑦ.

ᐱᓇᔪᒃᑐᑦ ᓇᓂᓯᔪᓐᓇᕐᑐᑦ ᓇᖕᒥᓂᖃᕐᓂᕐᒧᑦ ᐱᔪᓐᓇᐅᑎᓄ ᓄᑖᙳᕆᐊᕈᑎᓂᑦ ᐅᑯᐊ ᓂᐅᕕᐊᒃᓴᖃᖅᑐᓕᕆᔨᒃᑯᑦ ᐃᑭᐊᖅᑭᕕᐊᓂ ᐅᕝᕙᓘᓐᓃᑦ ᑐᒃᓯᕋᕐᓗᑎᒃ ᓂᐅᕕᐊᒃᓴᖃᖅᑐᓕᕆᔨᒃᑯᓐᓂᑦ. ᓇᖕᒥᓂᖃᕐᕖᑦ ᑎᑎᕋᕆᐊᖃᕐᓂᐊᖅᐳᑦ ᓇᖕᒥᓂᕆᔭᕐᒧᑦ ᐱᓇᔫᑎᒥᒃ ᑕᑕᑎᕆᐊᓕᖕᒥᒃ ᐊᒻᒪ ᐊᐅᒃᑕᔫᒥᒃ ᓇᒃᓯᐅᔾᔨᓂᕐᒧᑦ ᑎᑎᕋᕆᐊᓕᖕᒥᒃ ᐊᑭᓖᔪᒪᒃᐸᑕ ᐊᐅᒃᑕᔫᒥᒃ ᐊᐅᒃᑕᔫᒥᒃ ᐊᑐᕈᒪᒃᐸᑕ. ᓇᖕᒥᓂᖃᕐᓂᕐᒧᑦ ᓚᐃᓴᓐᓰᑦ ᐊᑐᕈᓐᓇᖅᐳᑦ ᑮᓇᐅᔭᓄᑦ ᐊᕐᕌᒍᒋᔭᐅᔪᒧᑦ, ᐊᐃᕐᕆᓕ 1−ᒥᑦ ᒫᑦᓯ 31−ᒧᑦ ᐊᕐᕌᒍᑕᒫᑦ.

ᐊᑭᓕᒃᓴᕆᔭᐅᔪᓄᑦ ᐊᑭᓖᑎᑦᑎᔩᑦ ᑐᑦᑕᕐᕕᖏᓐᓄᑦ, ᓂᐅᕕᖅᑎᑦᑎᔨᓄᑦ ᓂᐅᕐᕈᑎᖃᑲᐅᑎᒋᕙᒃᑐᓄᓪᓗ ᑎᑎᕋᕈᓐᓇᕐᒥᔪᑦ ᐱᔪᓐᓇᐅᑎᒧ ᑐᒃᓯᕋᐅᒻᒥᑦ. ᑕᑯᒋᐊᕐᓗᒍ ᓇᖕᒥᓂᖃᕐᓂᖕᒧᑦ ᐊᑭᖏᑦᑕ ᑎᑎᕋᕐᑕᐅᓯᒪᓂᖏᑦ ᐊᑭᓕᒃᑲᓐᓂᕆᐊᓕᖕᓄᑦ.

ᐱᓇᔫᑎᑦ, ᐊᐱᖅᑯᑎᒃᓴᑦ, ᐊᒻᒪ ᐃᓱᒫᓘᑕᐅᔪᑦ ᐃᕐᖐᓐᓈᖅᑕᐅᒃᑯᑦ ᓇᒃᓯᐅᔾᔭᐅᔪᓐᓇᖅᑐᑦ, ᓱᒃᑲᔪᒃᑯᑦ ᐊᐅᓪᓚᖅᑎᑕᐅᓗᑎᒃ, ᐅᕝᕙᓘᓐᓃᑦ ᑎᑎᖅᑲᒃᑯᕕᒃᑯᑦ ᐊᐅᓪᓚᖅᑎᓪᓗᒋᑦ ᓂᐅᕕᐊᒃᓴᖃᖅᑐᓕᕆᔨᒃᑯᓐᓄᑦ ᐅᕗᖓ ConsumerProtection@gov.nu.ca ᐅᕝᕙᓘᓐᓃᑦ
867-793-3321 ᐅᕝᕙᓘᓐᓃᑦ ᑎᑎᖅᑲᒃᑯᕕᐊ 440,
3090 6th Street, Baker Lake, NU, X0A 0H0.

###

ᑐᓴᒐᒃᓴᓂᑦ ᖃᐅᔨᒋᐊᕐᕕᒃᓴᖅ:

ᕼᐊᓚ ᑑᓪ
ᑐᓴᒐᒃᓴᓕᕆᔨᒻᒪᕆᒃ
ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ
867-975-5406
hduale@gov.nu.ca