ᐅᖃᓚᐅᑎᓯᐅᑏᑦ

You are here

ᓚᐃᓴᓐᓯᖃᙱᖦᖢᑎᒃ ᓇᓚᐅᑦᑖᖅᑎᑦᑎᖃᑦᑕᖅᑐᑦ ᓄᓇᕗᒻᒥ

ᕕᕝᕗᐊᓕ 17, 2020


ᑭᒃᑯᓕᒫᓄᑦ ᑐᓴᒐᒃᓴᖅ

ᓚᐃᓴᓐᓯᖃᙱᖦᖢᑎᒃ ᓇᓚᐅᑦᑖᖅᑎᑦᑎᖃᑦᑕᖅᑐᑦ ᓄᓇᕗᒻᒥ

ᐅᓄᖅᓯᕚᓪᓕᖅᓯᒪᓂᖏᓐᓄᑦ ᓚᐃᓴᓐᓯᖃᙱᖦᖢᑎᒃ ᓇᓚᐅᑦᑖᖅᑎᑦᑎᓲᑦ ᐃᓄᖕᓄᑦ, ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ ᐃᖅᑲᐃᓯᑎᑦᑎᔪᒪᕗᑦ ᓄᓇᕗᒥᐅᓂᒃ ᒪᓕᒐᕐᒥᒃ ᓱᕋᐃᓂᐅᖕᒪᑦ ᓚᐃᓴᓐᓯᑖᖅᓯᒪᙱᖦᖢᓂ ᓇᓚᐅᑦᑖᖅᑎᑦᑎᓂᖅ ᓄᓇᕗᒻᒥ.

ᐃᓄᐃᑦ ᑮᓇᐅᔾᔭᒃᓴᕈᒪᔪᑦ ᓇᖕᒥᓂᖅ ᑮᓇᐅᔭᖅᑖᕆᓂᐊᖅᑕᖏᓐᓂᒃ ᓇᓚᐅᑦᑖᖅᑎᑦᑎᓂᒃᑯᑦ ᐊᔪᖅᑎᑕᐅᔪᑦ ᓇᓚᐅᑦᑖᕈᑎᓄᑦ ᓚᐃᓴᓐᓯᑖᕆᐊᒃᓴᖅ. ᐃᑲᔪᕋᓱᒃᐸᒃᑐᑦ ᐅᕝᕙᓘᓐᓃᑦ ᐅᒃᐱᕐᓂᓕᕆᔨᑦ ᑮᓇᐅᔾᔭᒃᓴᕋᓱᐊᖅᑎᐅᙱᑦᑐᑦ ᑮᓇᐅᔭᓕᐊᖏᑦ ᐊᑐᖅᑕᐅᓲᖑᕗᑦ ᐃᑲᔪᕋᓱᒃᐸᒃᑐᓄᑦ ᐅᕝᕙᓘᓐᓃᑦ ᐅᒃᐱᕐᓂᓕᕆᔨᑦ ᐊᔪᙱᑦᑐᑑᕗᑦ ᓚᐃᓴᓐᓯᑖᕈᓐᓇᖅᖢᑎᒃ ᓇᓚᐅᑦᑖᖅᑎᑦᑎᓂᕐᒧᑦ ᓄᓇᕗᒻᒥ.

ᓄᓇᕗᒥᐅᑦ ᐅᔾᔨᖅᓱᕆᐊᖃᖅᑐᑦ ᐃᓚᐅᓕᕌᖓᑕ ᐅᕝᕙᓘᓐᓃᑦ ᓂᐅᕕᕐᓂᐊᓕᕌᖓᑕ ᓇᓚᐅᑦᑖᕈᑎᓂᒃ ᓇᓕᐊᖕᓄᑐᐃᓐᓇᖅ ᓇᓚᐅᑦᑖᕈᑕᐅᔪᓄᑦ ᓚᐃᓴᓐᓯᒋᔭᐅᔫᑉ ᓈᓴᐅᑖ ᑕᑯᒃᓴᐅᑎᑕᐅᙱᑎᓪᓗᒍ. ᓇᓗᓇᐃᖅᑕᐅᖁᔨᒍᕕᑦ ᓇᓚᐅᑦᑖᕈᑎᑦ ᐅᕝᕙᓘᓐᓃᑦ ᐊᒧᔭᐅᓗᓂ ᓄᒡᓗᖕᓂᐊᖅᑐᖅ ᓚᐃᓴᓐᓯᒃᑯᑦ ᐱᓇᔪᒃᑕᐅᓯᒪᖕᒪᖔᑦ, ᑕᕐᕋᖓᓐᓂ ᐊᑐᖅᑐᒥᒃ ᓚᐃᓴᓐᓯᐅᑉ ᓈᓴᐅᑖᓂᒃ ᑕᑯᔪᒪᖃᑦᑕᕐᓂᐊᖅᐳᓯ ᓇᓚᐅᑦᑖᕈᑎᑖᓚᐅᙱᓐᓂᔅᓯᓐᓂᒃ.

ᓇᓚᐅᑦᑖᖅᑎᑦᑎᓗᓂ ᓚᐃᓴᓐᓯᖃᙱᓪᓗᓂ ᐱᕋᔭᖕᓂᐅᖕᒪᑦ. ᒪᓕᒐᕐᒥ ᓱᕋᐃᓂᐅᕗᖅ ᓚᐃᓴᓐᓯᖃᙱᓪᓗᓂ ᓇᓚᐅᑦᑖᖅᑎᑦᑎᒋᐊᒃᓴᖅ ᐅᕝᕙᓘᓐᓃᑦ ᑮᓇᐅᔾᔭᒃᓴᕋᓱᒋᐊᒃᓴᖅ ᓄᓇᕗᒻᒥ. ᐃᓱᒫᓘᑎᖃᕈᕕᑦ ᐱᕋᔭᒃᑐᖃᕐᓗᓂ ᓇᓚᐅᑦᑖᖅᑎᑦᑎᔪᖃᕋᓱᒋᓗᒍ ᓚᐃᓴᓐᓯᖃᙱᑦᑐᒥᒃ, ᑐᓴᖅᑎᖃᑦᑕᖅᓯᐅᒃ ᓄᓇᔅᓯᓐᓂ ᐸᓖᓯᒃᑯᑦ.

ᖃᐅᔨᔪᒪᒍᔅᓯ ᑲᑐᔾᔨᖃᑎᒌᒡᕕᒃᓯ ᓚᐃᓴᓐᓯᑖᕈᓐᓇᕐᒪᖔᑦ ᓇᓚᐅᑦᑖᕈᑎᓄᑦ, ᖃᐅᔨᒋᐊᖃᑦᑕᕐᓂᐊᖅᐳᓯ ᓂᐅᕕᐊᒃᓴᖃᖅᑐᓕᕆᔨᒃᑯᑦ ᑎᑎᕋᕐᕕᖕᒧᑦ ᐅᕗᖓ 1-866-223-8139. ᑐᑭᓯᒃᑲᓐᓂᕈᒪᒍᔅᓯ, ᐅᕗᙵᕈᓐᓇᖅᑐᓯ https://www.gov.nu.ca/community-and-government-services/information/cons....

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᒪᔅᑖᕙ ᐃᐅᕆᒃ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᓄᓇᓕᖕᓂ ᒐᕙᒪᒃᑯᓂᓪᓗ ᐱᔨᑦᓯᕋᖅᑎᒃᑯᑦ
867-975-5406
meric@gov.nu.ca