ᑲᓇᑕ ᐊᒻᒪ ᓄᓇᕗᑦ ᐃᑲᔪᖅᓱᐃᕗᑦ ᐋᖅᑭᒃᓯᒪᓂᒃᓴᖓᓄᑦ ᒪᕐᕉᖕᓄᑦ ᓄᑖᖕᓄᑦ ᐃᒪᕐᒧᑦ ᓴᓗᒻᒪᖅᓴᐃᕕᖕᓄᑦ

ᐱᕙᓪᓕᐊᔪᑦ ᓴᖅᑭᑕᐅᔪᑦ

ᑲᓇᑕ ᐊᒻᒪ ᓄᓇᕗᑦ ᐃᑲᔪᖅᓱᐃᕗᑦ ᐋᖅᑭᒃᓯᒪᓂᒃᓴᖓᓄᑦ ᒪᕐᕉᖕᓄᑦ ᓄᑖᖕᓄᑦ ᐃᒪᕐᒧᑦ ᓴᓗᒻᒪᖅᓴᐃᕕᖕᓄᑦ

ᑲᖏᖅᖠᓂᖅ, ᓄᓇᕗᑦ, ᕕᕗᐊᕆ 24, 2023—ᐅᓪᓗᒥ, ᒪᓕᒐᓕᐅᖅᑎ ᑖᒥᓂᒃ ᓚᑉᓛᖕᒃ, ᒥᓂᔅᑕ ᒐᕙᒪᓕᕆᔨᒃᑯᓐᓄᑦ, ᐊᐅᓚᔪᓐᓇᐅᑎᓕᕆᔨᒃᑯᓐᓄᑦ ᐊᒻᒪ ᓄᓇᓕᖕᓄᑦ, ᐊᒻᒪ ᒪᓕᒐᓕᐅᖅᑎ ᑕᐃᕕᑦ ᔪᐊᓇᓯ, ᒥᓂᔅᑕ ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᓐᓄᑦ ᓄᓇᕗᑦ ᒐᕙᒪᒃᑯᓐᓄᑦ, ᑐᓴᖅᑎᑦᑎᖅᑲᐅᕗᑦ ᑲᑐᔾᔨᓪᓗᑎᒃ ᑮᓇᐅᔭᖃᖅᑎᑦᑎᓂᐊᕐᓂᕐᒥᓂᒃ $1.9 ᒥᓕᐊᓐ ᐋᖅᑭᒃᓯᒪᓂᒃᓴᖓᓄᑦ ᒪᕐᕉᖕᓄᑦ ᓄᑖᖕᓄᑦ ᐃᒪᕐᒧᑦ ᓴᓗᒻᒪᖅᓴᐃᕝᕕᖕᓄᑦ ᑲᖏᖅᖠᓂᕐᒥ ᐊᒻᒪ ᐊᐅᓱᐃᑦᑐᒥ.

ᑖᒃᑯᐊ ᑮᓇᐅᔭᑦ ᐊᑐᕐᓗᒋᑦ, ᓇᓗᓇᐃᖅᓯᒪᔪᑦ ᐋᖅᑭᒃᓯᒪᓂᒃᓴᖏᑦ ᐋᖅᑭᒃᑕᐅᓛᖅᑐᑦ. ᑖᓐᓇ ᐱᓕᕆᐊᖅ ᐱᕈᖅᐸᓪᓕᐊᑎᑦᑎᕗᖅ ᐸᕐᓇᐃᓂᕐᒧᑦ ᖃᐅᔨᓴᖅᑕᐅᓚᐅᖅᑐᓂᒃ ᑭᖑᓂᖔᑦᑎᓐᓂ ᐱᑎᑕᐅᓚᐅᖅᑐᓂᒃ ᑲᑐᔾᔨᖃᑎᒌᒍᑕᐅᓪᓗᓂ ᑮᓇᐅᔭᓂᒃ ᔪᓚᐃ 2022−ᒥ ᖃᐅᔨᒪᔾᔪᑕᐅᓂᐊᖅᖢᓂᓗ ᑖᒃᑯᐊ ᓄᓇᓖᑦ ᐱᕈᖅᐸᓪᓕᐊᔪᑦ ᐃᒪᕐᒧᑦ ᓴᓗᒻᒪᖅᓴᐃᔾᔪᑎᑖᖁᓪᓗᒋᑦ ᐱᔭᕆᐊᖃᖅᑕᖏᓐᓂᒃ ᐊᕐᕌᒍᓄᑦ ᐊᒡᒋᖅᑐᓄᑦ.

ᐅᓪᓗᒥ ᐅᖃᐅᓯᐅᖅᑲᐅᔪᖅ ᐃᑲᔫᑎᕗᖅ ᑲᓇᑕᐅᑉ ᒐᕙᒪᒃᑯᖏᑦᑕ ᐊᖏᕐᓯᒪᓂᖏᓐᓂᑦ ᑲᔪᓰᓐᓇᖅᑐᓂ ᐱᕙᓪᓕᐊᓂᕐᓂᑦ ᐅᑭᐅᖅᑕᖅᑐᒥᑦ. ᐃᒥᕐᒧᑦ ᓴᓗᒻᒪᖅᓴᐃᕖᑦ ᐱᓕᕆᐊᖃᖅᐸᒃᐳᑦ ᐱᒻᒪᕆᐅᔪᓂᒃ ᐊᐅᓚᓂᖃᖅᖢᑎᒃ ᐃᑲᔪᖅᖢᑎᒃ ᓄᓇᓕᕗᑦ ᖃᓄᐃᙱᓂᖅᓴᐅᖁᓪᓗᒋᑦ ᐊᒻᒪ ᒪᑭᒪᑦᑎᐊᕐᓂᖅᓴᐅᖁᓪᓗᒋᑦ. ᑕᒪᒃᑯᑎᒎᓇ ᐱᓕᕆᐊᒃᑯᑦ, ᐅᑭᐅᖅᑕᖅᑐᒥ ᐊᒻᒪᓗ ᐅᑭᐅᖅᑕᖅᑐᒥ ᓄᓇᓖᑦ ᐃᑲᔪᖅᑕᐅᕙᓪᓕᐊᖕᒪᑕ ᐱᔭᕆᐊᖃᖅᑕᒥᓂᒃ ᐱᕚᓪᓕᖁᓪᓗᒋᑦ ᐱᔨᑦᑎᕈᑎᖏᑦ.

ᑮᓇᐅᔭᖃᖅᑎᑦᑎᓂᕐᒥᑦ ᒪᑭᒪᔾᔪᑎᓂᑦ, ᑲᓇᑕᐅᑉ ᒐᕙᒪᒃᑯᖏᑦ ᐱᕈᖅᐸᓪᓕᐊᑎᑦᑎᔪᑦ ᑲᓇᑕᐅᑉ ᒪᑭᒪᔾᔪᑎᖏᓐᓂᑦ, ᐅᓄᖅᓯᑎᑦᑎᓂᕐᒥᑦ ᐊᓐᓇᒍᓐᓇᕐᓂᖏᓐᓂᑦ ᓄᓇᓕᕗᑦ, ᐱᐅᓯᕚᓪᓕᑎᑦᑎᓂᕐᒥᒡᓗ ᐃᓅᓯᖏᓐᓂᑦ ᐃᓄᐃᑦ ᑲᓇᑕᒥᐅᓕᒫᓪᓗ.

ᐅᖃᐅᓯᐅᓯᒪᔪᑦ

"ᓄᓇᓕᓕᒫᑦ ᐱᔭᕆᐊᖃᕐᒪᑕ ᐱᔪᓐᓇᕐᓗᑎᒃ ᒫᓐᓇᓕᓴᕐᓂᒃ, ᑕᑎᒋᔭᒃᓴᐅᔪᓂᒃ ᐃᒪᓕᕆᔾᔪᑎᓂᒃ. ᒐᕙᒪᕗᑦ ᐱᓕᕆᖃᑎᖃᐃᓐᓇᕐᓂᐊᖅᐳᑦ ᓄᓇᕘᒥ, ᓄᓇᓕᖕᓂ ᐊᒻᒪ ᐃᓄᖕᓂᒃ ᐱᓕᕆᔨᐅᖃᑎᖏᓐᓂᒃ ᑭᐅᔪᓐᓇᖁᓪᓗᒋᑦ ᐱᔭᐅᔭᕆᐊᓕᖕᓄᑦ ᓄᓇᕗᒥᐅᓄᑦ ᐊᒻᒪ ᓴᙱᓂᖅᓴᓂᒃ, ᓴᐱᓕᖅᓴᕋᐃᙱᑦᑐᓂᒃ ᐅᑭᐅᖅᑕᖅᑐᒥ ᓄᓇᓕᖕᓂ."
ᒪᓕᒐᓕᐅᖅᑎ ᑖᒥᓂᒃ ᓚᑉᓛᖕᒃ, ᒐᕙᒪᓕᕆᔨᒃᑯᓐᓄᑦ ᒥᓂᔅᑕ, ᐊᐅᓚᔪᓐᓇᐅᑎᓕᕆᔨᒃᑯᓐᓄᑦ ᐊᒻᒪ ᓄᓇᓕᖕᓄᑦ

"ᐊᑦᑕᕐᓇᙱᑦᑐᒥᑦ ᓴᓗᒪᔪᒥᒡᓗ ᐃᒪᖃᖅᑎᑦᑎᓂᖅ ᓄᓇᓕᓕᒫᓂᑦ ᐅᑭᐅᖅᑕᖅᑐᒥᑦ ᓯᕗᓪᓕᐅᔾᔭᐅᓯᒪᕗᖅ ᓄᓇᕗᑦ ᒐᕙᒪᒃᑯᖏᓐᓄᑦ. ᐊᖏᖅᓯᒪᓂᖏᑦ ᐃᖅᑲᓇᐃᔭᖅᑎᖁᑎᑦᑕ ᐱᓕᕆᖃᑎᖃᐃᓐᓇᕐᓂᖏᓪᓗ ᑲᓇᑕᐅᑉ ᒐᕙᒪᒃᑯᖏᓐᓂᑦ ᐃᑲᔫᑕᐅᓂᐊᖅᑐᑦ ᑖᒃᑯᐊ ᐱᕐᔪᐊᑦ ᒪᑭᒪᐅᑎᓄᑦ ᐱᓕᕆᐊᒃᓴᑦ ᐱᐊᓂᒃᑕᐅᖁᓪᓗᒋᑦ."
ᒪᓕᒐᓕᐅᖅᑎ ᑕᐃᕕᑎ ᔪᐊᓇᓯ, ᒥᓂᔅᑕ ᒐᕙᒪᒃᑯᓐᓄᑦ ᓄᓇᓕᖕᓄᓪᓗ ᐱᔨᑦᑎᕋᖅᑎᒃᑯᓐᓄᑦ

ᓱᓕᔪᑦ

• ᑲᓇᑕᐅᑉ ᒐᕙᒪᒃᑯᖏᑦᑕ ᑮᓇᐅᔭᖁᑎᖏᑦ $1.425 ᒥᓕᐊᓐᓂᙶᖅᑐᑦ ᓱᕈᖅᑎᕆᓗᐊᙱᑦᑐᓄᑦ ᒪᑭᒪᔾᔪᑎᓄᑦ ᐊᑐᖅᑕᐅᕙᒃᑐᒥᑦ ᑲᓇᑕᒥ ᑮᓇᐅᔭᖅᑐᕈᑎᖃᕐᓂᖅ ᒪᑭᒪᔾᔪᑎᓄᑦ ᐱᓕᕆᐊᓂᙶᖅᑐᑦ. ᓄᓇᕗᑦ ᒐᕙᒪᒃᑯᖏᑦ ᑮᓇᐅᔭᓕᐅᕋᓱᐊᕐᓂᐊᖅᑐᑦ $475,000−ᓂᑦ.
• ᐱᓕᕆᐊᒃᓴᑦ ᓄᓇᒥᑦ ᓱᕈᐃᙱᓂᖅᓴᑦ ᒪᑭᒪᔾᔪᑎᖏᑦ ᐃᑲᔪᖅᑐᐃᕗᑦ ᓱᕈᖅᑎᕆᓗᐊᙱᑦᑐᓂᑦ ᓄᓇᓕᖕᓂᑦ ᐃᑲᔪᕐᓂᒃᑯᑦ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᐱᕙᒌᔭᖅᓯᒪᓂᕐᒥᑦ, ᓯᓚᕐᔪᐊᑉ ᐅᔅᓯᒃᓯᕙᓪᓕᐊᔾᔪᑎᖏᑦᑕ ᐃᓯᐊᕿᓂᖏᓐᓂᑦ, ᐃᑲᔪᖅᑐᐃᓪᓗᑎᒡᓗ ᐊᑐᒃᑲᓐᓂᕈᓐᓇᖅᑐᓂᑦ ᐱᓕᕆᔾᔪᑎᓂᑦ ᑲᓇᑕᒥᑦ. 
• ᐊᖅᑯᑕᐅᓪᓗᓂ ᑮᓇᐅᔭᓕᐅᕋᓱᐊᕐᓂᖅ ᑲᓇᑕᒥ ᐸᕐᓇᐅᑎᒃᑯᑦ, ᑲᓇᑕᐅᑉ ᒐᕙᒪᒃᑯᑦ ᑮᓇᐅᔭᓕᐅᕋᓱᖕᓂᐊᖅᐳᑦ $180-ᐱᓕᐊᓐ ᐅᖓᑖᓂ 12 ᐅᑭᐅᑦ ᐅᖓᑖᓂ ᐊᑐᕐᓂᐊᖅᑐᓂᑦ ᓅᑕᐅᓂᕐᒧᑦ ᐱᓕᕆᐊᒃᓴᓄᑦ, ᓄᓇᒥᙶᖅᑐᓂᒃ ᐊᐅᓚᔪᓐᓇᐅᑎᓄᑦ, ᐃᓄᖕᓄᑦ ᒪᑭᒪᔾᔪᑎᓄᑦ, ᑕᐅᖅᓰᖃᑎᒌᖕᓂᕐᒧᑦ ᐊᒻᒪ ᐃᖏᕐᕋᔾᔪᑎᑦ ᐊᖅᑯᑎᖏᓐᓄᑦ, ᐊᒻᒪ ᑲᓇᑕᒥ ᓄᓇᓕᕋᓛᖑᓂᖅᓴᓂ ᐊᒻᒪ ᐅᑭᐅᖅᑕᖅᑐᒥ ᓄᓇᓕᖕᓄᑦ.
• ᐊᕐᕌᒍᑦ ᐊᕐᕕᓂᓕᐅᓕᖅᑐᑦ, ᑲᓇᑕᐅᑉ ᒐᕙᒪᒃᑯᖏᑦ ᐱᕈᖅᓴᐃᖕᒪᑕ $338 ᒥᓕᐊᓐ ᐅᖓᑖᓂ ᑖᒃᑯᓄᖓ 15-ᓄᑦ ᒪᑭᒪᐅᑎᓄᑦ ᐱᓕᕆᐊᓄᑦ ᓄᓇᕗᒻᒥᑦ ᐱᕈᕐᓴᐃᓂᒃᑯᑦ ᑲᓇᑕᒥ ᒪᑭᒪᐅᑎᓄᑦ ᐱᓕᕆᐊᒃᓴᑎᒍᑦ.
• ᑕᒪᓐᓇ ᐊᑐᖅᑎᓪᓗᒍ, $50−ᐱᓕᐊᓐ ᐅᖓᑖᓂ ᑮᓇᐅᔭᓂᒃ ᐊᑐᓚᐅᖅᐳᑦ ᓄᓇᓕᖕᓂ ᑲᓇᑕᓕᒫᒥ ᐃᑲᔪᖅᑐᐃᖁᓪᓗᒋᑦ ᓄᓇᕐᔪᐊᓕᒫᒥ, ᒫᓐᓇᓕᓴᕐᓂᒃ ᐃᓄᖕᓄᑦ ᐊᐅᓚᔪᓐᓇᐅᑎᓂᒃ, ᐅᑯᓂᖓᓗ $2−ᐱᓕᐊᓐ ᐃᒥᖅᑕᕐᓂᕐᒧᑦ ᐊᐅᓚᔪᓐᓇᐅᑎᓄᑦ ᐱᓕᕆᐊᒃᓴᓄᑦ.
• ᐊᐅᓚᔪᓐᓇᐅᑎᓕᕆᔩᑦ ᑲᓇᑕᒥ ᐃᑲᔪᓲᖑᕗᑦ ᓴᖅᑭᖦᖢᒋᑦ ᐱᔭᕆᑐᓪᓗᑎᒃ ᐊᓂᒍᖅᑎᑦᑕᕆᐊᓖᑦ ᑲᓇᑕᒥ ᖃᐅᑕᒫᑦ ᑲᒪᒋᔭᐅᔭᕆᐊᖃᓲᑦ—ᓴᖅᑭᖃᑦᑕᖅᓯᒪᔪᑦ ᓄᓇᓕᐸᐅᔭᐃᑦ ᐃᓄᒋᐊᒃᓯᕙᓪᓕᐊᖏᓐᓇᖅᑎᓪᓗᒋᑦ, ᓯᓚᒧᑦ ᐊᓯᔾᔨᖅᐸᓪᓕᐊᔪᒧᑦ, ᐊᒻᒪ ᐊᕙᑎᑦᑎᓐᓄᑦ ᓯᕘᕋᓵᕈᑎᓄᑦ ᐃᒪᖁᑎᑦᑎᓐᓄᑦ ᓄᓇᑦᑎᓐᓄᓪᓗ.

ᐊᒃᑐᐊᓂᓖᑦ ᖃᕆᑕᐅᔭᒃᑰᕈᑎᑦ

ᑲᓇᑕᐅᑉ ᒐᕙᒪᖓᓂ ᒪᑭᒪᔾᔪᑎᓄᑦ ᑮᓇᐅᔭᓕᐅᕈᑕᐅᓇᓱᒃᑐᑦ ᓄᓇᕗᒻᒥ
https://www.infrastructure.gc.ca/plan/prog-proj-nu-eng.html

ᑮᓇᐅᔭᓕᐅᕋᓱᐊᕐᓂᖅ ᑲᓇᑕᒥ ᐸᕐᓇᐅᑎᒧᑦ ᐱᓕᕆᐊᕐᒧᑦ
http://www.infrastructure.gc.ca/gmap-gcarte/index-eng.html

ᑲᓇᑕᓗ ᓄᓇᕗᓪᓗ ᐱᕈᖅᓴᐃᕗᑦ ᐃᒥᕐᒧᑦ ᑭᓈᓗᖃᕐᕕᖕᓄᓪᓗ ᓴᓗᒻᒪᖅᓴᐃᕝᕕᖕᓂᑦ ᐅᑭᐅᖅᑕᖅᑐᒥ ᓄᓇᓕᖕᓄᑦ
ᑲᓇᑕᓗ ᓄᓇᕗᓪᓗ ᐱᕈᖅᓴᐃᕗᑦ ᐃᒥᕐᒧᑦ ᑭᓈᓗᖃᕐᕕᖕᓄᓪᓗ ᓴᓗᒻᒪᖅᓴᐃᕝᕕᖕᓂᑦ ᐅᑭᐅᖅᑕᖅᑐᒥ ᓄᓇᓕᖕᓄᑦ - Canada.ca

- 30 -

ᖃᐅᔨᒋᐊᕐᕕᒃᓴᑦ

ᑐᑭᓯᒋᐊᒃᑲᓐᓂᕈᒪᒍᕕᑦ (ᑐᓴᒐᒃᓴᑐᐊᓂᒃ), ᐅᓇ ᖃᐅᔨᒋᐊᕐᕕᒋᓗᒍ:

ᔮᓐ−ᓯᐹᔅᑕᓐ ᑯᒨ
ᐱᕙᓪᓕᐊᔪᓄᑦ ᑎᑎᕋᖅᑎ ᐊᒻᒪ ᑐᓴᐅᒪᔪᓕᕆᔨᒃᑯᓐᓄᑦ ᐅᖃᐅᔾᔨᒋᐊᖅᑎ
ᒪᓕᒐᓕᐅᖅᑎ ᑖᒥᓂᒃ ᓚᑉᓛᖕᒃ ᑎᑎᕋᕐᕕᖓᑦ
ᒐᕙᒪᓕᕆᔨᒃᑯᓐᓄᑦ ᒥᓂᔅᑕ, ᐊᐅᓚᔪᓐᓇᐅᑎᓕᕆᔨᒃᑯᑦ ᐊᒻᒪ ᓄᓇᓕᖕᓄᑦ
343-574-8116
Jean-Sebastien.Comeau@iga-aig.gc.ca

ᑐᓴᒐᒃᓴᓕᕆᔨᑦ

ᐊᐅᓚᔪᓐᓇᐅᑎᓕᕆᔩᑦ ᑲᓇᑕᒥ
613-960-9251
ᐊᑭᖃᙱᑦᑐᖅ: 1-877-250-7154
ᐃᕐᖐᓈᖅᑕᐅᑦ: media-medias@infc.gc.ca
ᒪᓕᒃᑎᒍᑦ Twitter−ᑯᑦ , Facebook, Instagram ᐊᒻᒪ LinkedIn
ᐃᑭᐊᖅᑭᕕᒃ: ᐊᐅᓚᔪᓐᓇᐅᑎᓕᕆᔩᑦ ᑲᓇᑕᒥ

ᕼᐊᓚ ᑑᓪ
ᑐᓴᒐᒃᓴᓕᕆᔨᒻᒪᕆᒃ
ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ
867-975-5406
hduale@gov.nu.ca