ᐅᖃᓚᐅᑎᓯᐅᑏᑦ

You are here

ᐃᖏᕐᕋᓂᕆᔭᖓ ᓇᓅᒃ ᐱᓕᕆᐊᒃᓴᖏᑦ ᓄᓇᕗᒻᒥᑦ

ᐊᒐᓯ 12, 2022

ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᑦ

ᐃᖏᕐᕋᓂᕆᔭᖓ ᓇᓅᒃ ᐱᓕᕆᐊᒃᓴᖏᑦ ᓄᓇᕗᒻᒥᑦ 

ᐃᖏᕐᕋᓂᕆᔭᖓ ᓇᓅᒃ ᑲᓇᑕᒥᑦ ᐅᓇᑕᖅᑐᒃᓴᓄᑦ, ᐊᑎᓕᐅᖅᓯᒪᔪᖅ ᐅᑭᐅᖅᑕᖅᑐᒥᑦ ᐃᖏᕐᕋᓂᕆᔭᐅᔪᓂ ᐱᓕᕆᑎᑦᑎᓪᓗᓂ ᐅᑭᐅᖅᑕᖅᑐᒥᑦ ᐱᓕᒻᒪᒃᓴᐃᓂᕐᒥᑦ, ᐱᕙᓪᓕᐊᑎᑦᑎᓂᖅ ᐱᓕᕆᖃᑎᒋᖕᓂᕐᒥᑦ, ᐊᒻᒪᓗ ᐱᐅᓯᕚᓪᓕᖅᑎᑦᑎᓂᕐᒥᑦ ᐸᕐᓇᐅᑎᓂ ᐃᓚᐅᖃᑕᐅᔪᓕᒫᓄᑦ. ᐃᖏᕐᕋᓂᕆᔭᐅᔪᑦ ᓇᓅᒃ ᐱᖃᓯᐅᑎᔪᖅ ᑎᓴᒪᓂ ᑲᒪᒋᔭᖃᕐᓂᐊᖅᑐᖅ ᑲᓇᑕᒥᑦ ᐅᑭᐅᖅᑕᖅᑐᒥᑦ ᐱᖃᓯᐅᑎᔪᖅ ᐃᖏᕐᕋᓂᕆᔭᐅᔪᖅ ᓇᓅᒃ − ᓄᓇᒃᐳᑦ ᐱᓕᕆᐊᖑᔪᑦ ᐅᑭᐅᖅᑕᖅᑑ ᐃᒪᖓᓂ.

ᑐᕌᒐᒋᔭᐅᔪᖅ ᐊᐅᓚᓂᕆᔭᐅᔪᒥᑦ ᐱᐅᓯᕚᓪᓕᖅᑎᑕᐅᓗᓂ ᑲᓇᑕᒥᑦ ᐅᓇᑕᖅᑐᒃᓴᐃᑦ ᐱᔪᓐᓇᕐᓂᖏᑦ ᐊᐅᓚᑦᑎᔪᓐᓇᕐᓯᓗᓂ ᐊᔾᔨᒋᖏᑦᑐᓂ. ᑲᓇᑕᒥᑦ ᐅᓇᑕᖅᑐᒃᓴᐃᑦ ᑐᕌᕆᔭᖃᖅᑐᑦ ᐱᓕᕆᖃᑎᖃᕐᓂᕐᒥᑦ ᐅᑭᐅᖅᑕᖅᑐᒥᑦ ᐱᓕᕆᖃᑎᒋᔭᐅᔪᓂ ᐱᔾᔪᑎᒋᓗᒋᑦ ᐅᑭᐅᖅᑕᖅᑐᒥᑦ ᓯᓚᐅᑉ ᖃᓄᐃᓐᓂᕆᕙᒃᑕᖏᑦ, ᓇᓃᓐᓂᖓ ᐊᒻᒪᓗ ᒪᓕᑦᑎᐊᕐᓗᓂ ᒐᕙᒪᒃᑯᑦ ᐊᐅᓚᑕᖏᓐᓂᑦ ᐱᔾᔪᑎᒋᓪᓗᒋᑦ ᐊᑦᑕᕐᓇᖏᑦᑐᒥᑦ ᐊᒻᒪᓗ ᓇᐅᑦᑎᖅᓱᐃᓂᕐᒥᑦ ᐊᑲᐅᖏᓕᐅᕈᑕᐅᕙᒃᑐᓂᑦ ᐅᑭᐅᖅᑕᖅᑐᒥᑦ.

ᐊᖏᕐᕋᓂᕆᔭᐅᔪᑦ ᓇᓅᒃ − ᓄᓇᒃᐳᑦ ᐱᒋᐊᖅᑎᑕᐅᓂᐊᖅᑐᖅ ᐃᖃᓗᒃᑑᑦᑎᐊᖅᒥᑦ ᐳᓛᖅᑕᐅᓗᓂᓗ ᒥᑦᑎᒪᑕᓕᒃ. ᐃᓚᒋᐊᕐᓗᒍ, ᐱᖃᓯᐅᑎᑐᐃᓐᓇᕆᐊᓕᒃ ᐃᓚᒋᐊᖅᑕᐅᔪᓂ ᓄᓚᒃᑕᕐᕕᖕᓂᑦ ᐅᒥᐊᕐᔪᐊᓂᑦ ᐃᒃᐱᐊᕐᔪᖕᒥᑦ ᐊᒻᒪᓗ ᕿᑭᖅᑕᕐᔪᐊᒥᑦ.

ᑕᐃᒪᐃᑎᓪᓗᒍ ᐃᖏᕐᕋᓂᕆᔭᐅᔪᑦ ᐱᒋᐊᕐᕕᒃᓴᓕᒃ ᐋᒌᓯ 15−29, 2022, ᐃᓕᓴᐃᔨᓂ ᑎᑭᑦᑐᖃᕐᓗᓂ ᐃᖃᓗᒃᑑᑦᑎᐊᖅᒧᑦ ᐃᑉᐸᒃᓴᖅ ᐋᒌᓯ 11, ᐊᒻᒪᓗ ᑎᑭᑕᐅᕙᓪᓕᐊᓕᖅᖢᑎᒃ ᐱᖁᑎᓂ.

ᐊᐱᖁᑎᒃᓴᖃᕈᕕᑦ ᐃᖏᕐᕋᓕᕆᔭᐅᔪᓂᒃ ᓇᓅᒃ ᓄᓇᕗᒻᒥᑦ, ᖃᐅᔨᒋᐊᕈᓐᓇᖅᐳᑎᑦ communications@gov.nu.ca.

###

ᑐᓴᒐᒃᓴᓂᑦ ᖃᐅᔨᒋᐊᕐᕕᒃᓴᖅ:

ᓱᓕᑳ ᑐᐊᐃᐅᓪ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ
867-975-5406
sdualel@gov.nu.ca

Document(s):