ᐅᖃᓚᐅᑎᓯᐅᑏᑦ

You are here

ᐃᑭᑎᑦᓯᑦᑕᐃᓕᒪᕐᓂᕐᒧᑦ ᐱᓇᓱᐊᕈᓯᖅ 2020 − ᓂᕿᓕᐅᕐᕕᒻᒦᓪᓗᓂ ᐃᑭᑎᑦᓯᑕᐃᒪᓂᖅ!

ᐊᒃᑐᐸ 05, 2020

ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ

ᐃᑭᑎᑦᓯᑦᑕᐃᓕᒪᕐᓂᕐᒧᑦ ᐱᓇᓱᐊᕈᓯᖅ 2020 − ᓂᕿᓕᐅᕐᕕᒻᒦᓪᓗᓂ ᐃᑭᑎᑦᓯᑕᐃᒪᓂᖅ!

ᐃᑭᑎᑦᓯᑦᑕᐃᓕᒪᓂᕐᒧᑦ ᐱᓇᓱᐊᕈᓯᐅᓂᐊᓕᖅᐳᖅ ᐋᑦᑑᕝᕙ 4-ᒥ 10-ᒧᓄ, 2020. ᑕᕝᕙᓂ ᐊᕐᕌᒍᒥ ᐱᔾᔪᑕᐅᔪᖅ “ᓂᕿᓕᐅᕐᕕᒻᒦᓪᓗᓂ ᐃᑭᑎᑦᓯᑕᐃᓕᒪᓂᖅ!”.

ᓂᕿᓕᐅᕐᓂᖅ ᐊᖏᕐᕋᕆᔭᕐᒥ ᐃᑭᕝᕕᐅᓯᒋᐊᒐᔪᓲᖑᕗᖅ ᐊᖏᕐᕋᒥᓪᓗ ᐃᑭᑦᑐᓄᑦ ᐋᓐᓂᕈᑕᐅᖃᑦᑕᖅᓱᓂ ᑲᓇᑕᒥ.  ᐃᓚᖏᑦ ᐊᖏᕐᕋᒥ ᐃᑭᓯᒋᐊᓲᖑᕗᑦ ᓂᕿᓂᐅᕐᕕᕐᒥ, ᐃᑭᑎᑦᓯᔾᔪᑕᐅᓗᑎᑦ ᓂᖀᑦ ᐊᓯᖏᓪᓘᓐᓃᑦ ᓂᕿᓕᐅᕈᑏᑦ. ᓄᓇᕗᒻᒥ ᖃᑦᑎᕆᔨᒃᑯᑦ ᐊᖓᔪᖅᑳᖓᑕ ᐊᓪᓚᕖᖓ ᓄᓇᕗᒻᒥᐅᓂᒃ ᐃᖅᑲᐃᑎᑦᓯᒍᒪᕗᑦ ᐅᑯᓂᖓ ᐊᖏᕐᕋᒥᓂ ᐃᑭᑦᑕᐃᓕᒪᑎᑦᓯᓂᕐᒧᑦ ᐃᑲᔫᑎᑦᓴᓄᑦ:

  • ᓂᕿᓕᐅᕐᓗᑎᑦ ᕿᒪᐃᖃᑦᑕᖏᓪᓗᑎᑦ. ᓂᕿᓕᐅᕐᕕᖕᒦᖏᓐᓇᕐᓗᑎᑦ ᐅᖅᓱᕐᒧᑦ ᑭᓱᓕᐅᕈᕕᑦ, ᐃᑯᒪᖅᑯᖅᑐᔪᒧᑦ ᑭᓱᓕᐅᕈᕕᑦ ᐅᕝᕙᓘᓐᓃᑦ ᑎᖅᑎᑎᑦᓯᒍᕕᓪᓘᓐᓃᑦ ᓂᕆᔭᑦᓴᒥᒃ.  ᕿᒪᕉᑎᒋᐊᖃᓚᐅᑲᒃᑯᕕᑦ, ᕿᓚᒥᒻᒪᕆᑯᓗᓪᓘᓐᓃᑦ, ᐃᒐ ᖃᒥᓪᓗᒍ.
  • ᐆᓇᖅᓯᑦᑏᒍᕕᑦ, ᐆᑎᕆᒍᕕᑦ, ᐃᒐᐅᑉ ᐃᓗᐊᒍᑦ ᐆᑦᑎᒍᕕᑦ, ᐆᔪᓕᐊᕆᔭᓪᓘᓐᓃᑦ, ᖃᐅᔨᒋᐊᕋᔪᓪᓗᒍ. ᐊᑐᕐᓗᑎᓪᓗ ᖃᐅᔨᓴᐅᑎᒥ ᖃᐅᔨᓴᕐᓂᕐᒧᑦ ᓂᕿᐅᑉ ᐊᑐᐃᓐᓇᕈᖅᐸᓪᓕᐊᓂᖓᓂᑦ.
  • ᓂᕿᓕᐅᕐᓗᑎᑦ ᐅᔾᔨᖅᓱᑦᑎᐊᕆᐊᖃᖅᑐᑎᑦ. ᐅᔾᔨᖅᓱᑦᑎᐊᕈᓐᓃᕋᔭᖅᑐᑎᑦ ᐅᐃᕐᖓᕈᕕᑦ, ᐃᓅᓕᓴᐅᑎᑐᖅᓯᒪᒍᕕᑦ ᐋᖓᔮᕐᓇᖅᑐᓂᓘᓐᓃᑦ ᐃᒥᐊᓗᑦᓯᒪᒍᕕᓪᓘᓐᓃᑦ.
  • ᐃᒐᒧᑦ ᐳᐊᓗᒻᒥ ᐊᒻᒪᓗ ᐆᑦᑎᓯᐅᑉ ᒪᑐᖓᓂᒃ ᖃᓂᑦᑐᒦᑎᑦᓯᖏᓐᓇᖃᑦᑕᕐᓗᑎᑦ ᓂᕿᓕᐅᕐᓗᑎᑦ.  ᐅᖅᓱᕐᒧ ᐃᑭᓯᒋᐊᖅᐸᑦ, ᐆᑦᑎᓯ ᒪᑐᓗᒍ ᐃᑭᓯᒋᐊᖅᑐᖅ ᖃᒥᒋᐊᕐᓗᒍ. ᐃᑯᒪᔪᖅ ᖃᒥᓪᓗᒍ, ᐆᑦᑎᓯᓗ ᒪᑐᓯᒪᑏᓐᓇᓕᕐᓗᒍ ᑭᓯᐊᓂ ᓂᒡᓕᑦᑎᐊᖅᐸᑦ.
  • ᓄᑕᖅᑲᑦ ᐃᒻᒪᖄ 1 ᒦᑕᒥᒃ ᐅᖓᓯᒋᔮᓃᖁᕙᓪᓗᒋᑦ "ᓄᑕᕋᖃᕆᐊᖃᙱᑎᓪᓗᒍ" ᐃᒐᐅᑉ ᖃᓂᒋᔮᓂ ᐊᒻᒪ ᓇᓂᑐᐃᓐᓇᖅ ᓂᖀᑦ ᐆᓇᖅᑎᓪᓗᒋᑦ ᓂᐅᖅᑲᒐᒃᓴᓕᐅᖅᑐᖃᖅᑎᓪᓗᒍᓘᓐᓃᑦ ᐊᒡᔭᖅᓯᔪᖃᖅᑎᓪᓗᒍᓘᓐᓃᑦ. 

ᐃᓕᓐᓂᐊᖅᑏᑦ ᐃᓕᓐᓂᐊᓕᓵᖅᑐᑦ ᖁᕝᕙᓯᓐᓂᓕᒻᒧᓄ 9 ᖃᐃᖁᔭᐅᒻᒥᔪᑦ ᐃᓚᐅᖁᔭᐅᑦᓱᑎᒃ ᐊᕐᕌᒍᓕᒫᖅᓯᐅᑎᒧ ᐃᑭᑦᑕᐃᓕᒪᑎᑦᓯᓂᕐᒧᑦ ᐱᓇᓱᐊᕐᕈᓯᕐᒥ ᐊᒥᐊᕆᓂᐊᖅᓱᑎᒃ, ᐊᑭᓐᓇᕐᒥᐅᑕᓂ ᓴᓇᒪᖏᓐᓂᑦ ᐅᓂᒃᑳᓕᐅᕐᓂᕐᒧᓪᓗ ᓵᓚᖃᕋᓱᐊᕐᓂᕐᒧᑦ. ᖃᐅᔨᒃᑲᕐᓗᒍ ᐃᓕᓐᓂᐊᕐᕕᓯ ᑐᑭᓯᒋᐊᑲᓐᓂᕈᒪᒍᕕᑦ ᖃᓄᖅ ᐱᓇᓱᐊᕐᓂᕐᒧᑦ.

ᐊᑐᐃᓐᓇᐅᓯᒪᓂᖅ ᐃᓕᓐᓂᑦ ᐃᓅᑎᑦᓯᔪᓐᓇᖅᑐᖅ. ᐃᑭᑦᑕᐃᓕᒪᑎᑦᓯᓂᕐᒧᑦ ᐱᓇᓱᐊᕈᓯᕐᒥ, ᐃᓚᑎᑦ ᐊᒻᒪ ᓄᑕᖅᑲᐃᑦ ᐅᖃᖃᑎᒋᓗᒋᑦ ᐃᑭᑦᑕᐃᓕᒪᑎᑦᓯᓂᐅᑉ ᒥᒃᓵᓄᑦ ᐊᖏᕐᕋᒥ ᓄᓇᓕᓐᓂᓪᓗ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᒪᔅᑖᕙ ᐃᐅᕆᒃ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᓄᓇᓕᖕᓂ ᒐᕙᒪᒃᑯᓂᓪᓗ ᐱᔨᑦᓯᕋᖅᑎᒃᑯᑦ
867-975-5406
meric@gov.nu.ca