ᐅᖃᓚᐅᑎᓯᐅᑏᑦ

You are here

ᐅᖅᓱᐊᓗᓕᕆᔨᒃᑯᑦ

ᐅᕙᒍᑦ

ᐅᖅᓱᐊᓗᓕᕆᔨᒃᑯᑦ ᐱᔭᒃᓴᖃᖅᐳᑦ ᓯᓚᑖᓂ ᓂᐅᕈᑎᖃᖅᐸᒃᖢᑎᑦ, ᐃᓂᖃᖅᑎᑦᑎᕙᒃᖢᑎᑦ ᐊᒻᒪ ᓴᖅᑭᑎᑦᑎᕙᒃᖢᑎᑦ ᓄᓇᕗᒻᒥᑦ ᐅᖅᓱᐊᓗᖏᓐᓂᑦ.

ᑖᓐᓇ ᐃᑭᐊᕿᕝᕕᐊ ᑐᓴᖅᑎᑦᑎᓂᐊᖅᐳᖅ ᐅᖅᓱᐊᓗᓕᕆᔨᒃᑯᓐᓂᑦ, ᒪᑭᒪᔾᔪᑎᕗᑦ ᐅᖅᓱᐊᓗᖃᕐᕕᖕᓄᑦ ᖃᓄᕐᓗ ᐊᐅᓚᑦᑎᖃᑦᑕᕐᒪᖔᑕ. ᑎᑎᕋᖅᓯᒪᔪᓂᓗ ᑐᑯᓂᐊᕆᕗᑎᑦ ᐅᖅᓱᐊᓗᒃᑖᖅᑎᑦᑎᔨᓄᑦ ᓇᖕᒥᓂᖃᖅᑎᓄᑦ, ᓂᐅᕕᖅᐸᒃᑐᓄᑦ ᐊᑭᖏᑦ, ᐅᖅᓱᐊᓗᖃᖁᔭᐅᔪᓂ, ᐅᖅᓱᐊᓗᖕᒥᑦ ᐊᑐᖅᑕᐅᓯᐅᖑᔪᑦ ᐊᒻᒪ ᑐᓴᒐᒃᓴᖅ ᖃᓄᖅ ᐊᑭᓕᒃᓴᖃᕐᕕᐅᔪᓐᓇᖅᑐᒧᑦ ᐅᕝᕙᓘᓐᓃᑦ ᐅᓂᒃᑳᓕᐊᑦ ᑯᕕᔪᖃᖅᑎᓪᓗᒍ ᓄᓇᓕᖕᓂᑦ. 

ᐱᒋᐊᓚᐅᖅᓯᒪᔪᑦ

ᐅᖅᓱᐊᓗᕆᔨᒃᑯᑦ ᐱᒋᐊᓚᐅᖅᓯᒪᕗᑦ 1972-ᒥᑦ ᐅᖅᓱᐊᓗᖃᖅᑎᑦᑎᓇᓱᒃᖢᑎᑦ ᓄᓇᑦᑎᐊᕐᒥᑦ. 1994−ᒥᑦ, ᐊᖓᔪᖅᑳᖃᕐᕕᐊ ᐅᖅᓱᐊᓗᓕᕆᔨᒃᑯᑦ ᓄᒃᑎᖅᑕᐅᓚᐅᖅᓯᒪᕗᑦ ᔭᓗᓇᐃᒥᑦ ᑲᖏᖅᖠᓂᕐᒧᑦ ᒫᓐᓇᐅᔪᖅ ᐊᐅᓚᑦᑎᕕᐊ ᑎᑎᕋᕐᕕᖃᖅᐳᑦ. 1999−ᒥᑦ, ᐱᖁᔭᒃᓴᖃᖅᐳᑦ ᐅᖅᓱᐊᓗᓕᕆᔨᒃᑯᑦ ᓄᒃᑎᖅᑕᐅᓚᐅᖅᓯᒪᓪᓗᑎ ᓄᓇᕗᑦ ᒐᕙᒪᖓᓂ.

1999−ᒥᑦ, ᐅᖅᓱᐊᓗᓕᕆᔨᒃᑯᑦ ᓯᓚᑖᓂ ᓂᐅᕈᑎᖃᖅᓯᒪᕗᑦ 110 ᒥᓕᐊᓐᓂᑦ ᓖᑕᔅ ᐅᖅᓱᐊᖕᓗᒥᑦ ᓄᓇᕗᒻᒥᐅᓄᑦ. ᐅᓪᓗᒥ, ᐅᖅᓱᐊᓗᓕᕆᔨᒃᑯᑦ ᓯᓚᑖᓂ ᓂᐅᕈᑎᖃᖅᓯᒪᕗᑦ 215 ᓗᐊᒥᑦ ᓖᑕᓂ ᐅᖅᓱᐊᓗᖕᒥᑦ, ᑭᒡᒐᖅᑐᐃᓗᑎ ᐊᕐᕌᒍᑕᒫᖅ ᐱᕈᖅᐸᓪᓕᐊᓪᓗᓂ 4.5%−ᓗᐊᒥᑦ. 

ᐱᓕᕆᐊᖃᓪᓗᐊᑕᖃᑦᑕᖅᐳᑦ


ᓂᒡᓚᓱᕐᔪᐊᖅᑎᓪᓗᒍ ᐅᖄᓚᖃᑦᑕᖁᔨᓪᓗᑎᑦ ᐅᖅᓱᐊᓗᖕᓂᑦ ᓇᓗᓇᐃᖅᑕᐅᓯᒪᔪᓂᑦ ᐱᓕᕆᖃᑦᑎᐊᕐᓂᖅᐹᖑᓇᓱᒃᖢᑎᑦ ᐅᖅᓱᐊᓗᖃᕐᕕᒃᑖᖁᓪᓗᒋᑦ. ᐃᓚᒋᔭᐅᓂᕐᒥᓄᑦ ᑲᓇᑕᒥᑦ ᐊᑐᖅᑕᐅᓯᐅᓄᑦ ᑲᑎᒪᔨᖏᓐᓂᑦ (CGSB), ᐅᖅᓱᐊᓗᓕᕆᔨᒃᑯᑦ ᑭᒡᒐᖅᑐᐃᖃᑦᑕᖅᐳᑦ ᓄᓇᕗᒻᒥᑦ ᐱᕙᓪᓕᐊᔪᒪᔪᓂᑦ ᐅᖅᓱᐊᓗᓕᕆᓂᕐᒧᑦ ᐊᑐᖅᑕᐅᓯᐅᖑᔪᓂ ᐅᖓᓯᒌᒃᑐᓂᑦ ᐅᑭᐅᖅᑕᖅᑐᒥᑦ. 

ᒑᓯ ᖃᐅᔨᓴᖅᑕᐅᑎᓪᓗᒍ ᐳᔪᐊ ᐳᓪᓚᖃᖅᑎᓪᓗᒍ (RVP) ᐊᐅᓚᔾᔭᒍᓐᓇᖅᐳᑦ ᓂᒡᓚᓱᒡᔪᐊᖅᑎᓪᓗᒍ; ᐊᑭᑐᓂᕆᔭᖓᑦ ᐃᖏᕐᕋᔾᔪᑎᕕᑦ ᐊᐅᓚᔾᔭᒍᓐᓇᖅᓯᔪᓐᓇᖅᐳᖅ. 2013−ᒥᑦ, ᐅᖅᓱᐊᓗᓕᕆᔨᒃᑯᑦ ᑐᒃᓯᕋᖅᓯᒪᕗᑦ ᐅᖅᓱᐊᓗᖕᒥᑦ ᐊᑭᑦᑐᕆᐊᕐᓗᓂ RVP ᒑᓴᓖᒧᑦ ᐅᓄᓛᖓᑦ ᐱᔪᓇᖅᑎᑕᐅᒐᔭᖅᐳᖅ CGSB−ᒥᑦ ᓇᓗᓇᐃᖅᓯᒪᕗᖅ. ᐅᓄᖅᓯᒋᐊᕐᓂᖓ ᑖᔅᓱᒪ ᓇᓗᓇᐃᖅᓯᒪᖓᔭᖓᑦ ᓴᐳᒻᒥᔪᓐᓇᖅᓯᑎᑦᑎᔪᓐᓇᖅᐳᖅ ᓄᓇᒃᑯᕈᑎᖃᖅᑐᓕᒫᓄᑦ ᐊᒻᒪ ᐊᐅᓪᓛᖃᑦᑕᖅᑐᓂ.

ᑐᓴᒃᑲᓐᓂᕈᒪᓐᓂᕈᕕᑦ ᓄᓇᕗᒻᒥᑦ ᐅᖅᓱᐊᓗᖏᓐᓂᑦ, ᐅᓇ ᓇᕿᓪᓗᒍ.

ᐱᖁᔭᒃᓴᖅ ᑮᓇᐅᔭᓕᕆᓂᕐᓗ

ᐅᖅᓱᐊᓗᓕᕆᔨᒃᑯᑦ ᐊᐅᓚᑦᑎᖃᑦᑕᖅᐳᑦ ᑮᓇᐅᔭᑦ ᐊᑐᖅᑐᐊᒐᑦ ᐅᑎᖅᑐᒃᓴᓕᐅᕆᔭᐅᓯᒪᔪᑦ ᐱᖁᔭᖅ. ᐱᖁᔭᖅ ᐋᖅᑭᒃᓯᒪᕗᖅ ᓂᐅᕕᕈᓐᓇᖁᓗᒋᑦ, ᐊᐅᓪᓚᖅᑎᑦᑎᓗᑎᑦ, ᐃᓂᖃᖅᑎᑦᑎᓗᑎᑦ, ᓴᖅᑭᑎᑦᑎᓗᑎᑦ, ᓂᐅᕈᑎᖃᖅᑎᓪᓗᒋᑦ ᐊᒻᒪ ᐅᖅᓱᐊᓗᖃᖅᑎᑦᑎᓗᑎᑦ ᓄᓇᕗᒻᒥᐅᓄᑦ ᓄᓇᓖᑦ ᐊᑦᑕᕐᓇᖅᑐᒦᖏᓪᓗᑎᑦ, ᐊᑭᑭᑦᑑᔪᓐᓇᖁᓗᒋᑦ, ᐊᑐᐃᓐᓇᐅᓗᑎᑦ ᐊᒻᒪ ᑲᑎᒪᑦᑎᐊᕈᓐᓇᖁᓗᒋᑦ.

ᐅᖅᓱᐊᓗᓕᕆᔨᒃᑯᑦ ᑮᓇᐅᔭᑦ ᐊᑐᖅᑐᐊᒐᑦ ᐅᑎᖅᑐᒃᓴᓕᐅᕆᔭᐅᓯᒪᔪᑦ ᑮᓇᐅᔭᓕᕆᔾᔪᑕᐅᖃᑦᑕᕈᓐᓇᖁᓗᒍ ᓂᐅᕕᖅᑕᐅᔪᓐᓇᖁᓗᒋᑦ.

ᐅᖅᓱᐊᓗᓕᕆᔨᒃᑯᑦ ᑮᓇᐅᔭᑦ ᐊᑐᖅᑐᐊᒐᑦ ᐅᑎᖅᑐᒃᓴᓕᐅᕆᔭᐅᓯᒪᔪᑦ ᐊᑭᑐᔫᑎᓂᑦ ᑮᓇᐅᔭᓂ ᓈᓴᖅᑕᐅᔾᔪᑎᐅᖃᑦᑕᖅᐳᑦ ᓇᖕᒥᓂᖁᑎᒋᔭᑦ ᐱᖁᑎᑦ, ᐊᑭᓕᖅᑕᐅᔾᔪᑎᒃᓴᓂ, ᐊᐅᓚᑕᐅᔪᓂᑦ ᐊᑭᓕᒃᓴᓂ ᐊᒻᒪ ᑖᒃᓰᔭᐅᑎᓂ. ᐱᔪᓐᓇᖅᑕᐅᔪᑦ ᑭᒡᓕᖏᑦ ᐅᖅᓱᐊᓗᓕᕆᔨᒃᑯᑦ ᑮᓇᐅᔭᑦ ᐊᑐᖅᑐᐊᒐᑦ ᐅᑎᖅᑐᒃᓴᓕᐅᕆᔭᐅᓯᒪᔪᑦ $200 ᒥᓕᐊᙳᕗᖅ, ᐊᑭᑐᓛᖓᑦ ᐱᖁᑎᑦ ᐅᖓᑖᓄᑐᐃᓐᓇᕆᐊᓖᑦ ᐊᑭᓕᒐᒃᓂᑦ. ᐅᖅᓱᐊᓗᓕᕆᔨᒃᑯᑦ ᐱᖁᔭᐅᓯᒪᕗᖅ ᐱᖁᔭᖅᑎᒍᑦ ᐸᓚᖅᓯᐅᒪᖁᓗᒋᑦ ᐱᔭᐅᓯᒪᕙᒌᓚᐅᖅᑐᓂᑦ ᐅᖅᓱᐊᓗᓕᕆᔨᒃᑯᑦ ᑮᓇᐅᔭᑦ ᐊᑐᖅᑐᐊᒐᑦ ᐅᑎᖅᑐᒃᓴᓕᐅᕆᔭᐅᓯᒪᔪᑦ ᐱᖁᑎᓂ ᓂᐅᕈᑎᒋᔭᐅᖃᑦᑕᖅᑐᓂ.

ᐱᖁᔭᖅᑎᒍᑦ ᐅᖅᓱᐊᓗᓕᕆᔨᒃᑯᑦ ᑮᓇᐅᔭᑦ ᐊᑐᖅᑐᐊᒐᑦ ᐅᑎᖅᑐᒃᓴᓕᐅᕆᔭᐅᓯᒪᔪᑦ ᐊᐅᓚᑦᑎᓗᑎᑦ “ᓇᓕᒧᒌᒋᐊᖃᖅᑎᓪᓗᒋᑦ”, ᐊᑭᖏᑦ ᐊᒡᕕᐊᕈᑎᐅᓕᖃᑦᑕᖅᐳᑦ ᐊᑭᖏᑦ ᐅᖅᓱᒃᓴᒧᑦ ᑮᓇᐅᔭᒃᓴᕈᑎᐅᖃᑦᑕᖅᑐᑦ ᐊᓯᔾᔨᖅᑕᖃᑦᑕᖅᑎᓪᓗᒋᑦ ᐊᕐᕌᒍᑕᒫᖅ ᑮᓇᐅᔭᒃᓴᖅᑕᐅᔪᓂᑦ ᐊᒻᒪ ᑮᓇᐅᔭᖃᕈᓐᓂᖅᑎᓪᓗᒋᑦ. ᐅᖅᓱᐊᓗᓕᕆᔨᒃᑯᑦ ᑮᓇᐅᔭᑦ ᐊᑐᖅᑐᐊᒐᑦ ᐅᑎᖅᑐᒃᓴᓕᐅᕆᔭᐅᓯᒪᔪᑦ ᐃᓕᓴᕆᔭᐅᓚᐅᖅᓯᒪᕗᑦ ᐅᖅᓱᐊᓘᑉ ᐊᑭᖏᑦ ᐊᕐᕌᒍᑕᒫᖅ ᑲᒪᒋᔭᐅᔪᓐᓇᖁᓗᒋᑦ ᐊᓯᔾᔨᖅᑕᖅᑐᑦ. ᑭᒡᓕᖓ ᑮᓇᐅᔭᑦ ᐊᑐᖅᑐᐊᒐᑦ ᐅᑎᖅᑐᒃᓴᓕᐅᕆᔭᐅᓯᒪᔪᑦ +/- $10−ᒥᑦ ᒥᓕᐊᓐ, 

ᓄᓇᓖᑦ ᓇᖕᒥᓂᖃᖅᑎᓄᓪᓗ ᑐᓴᒐᒃᓴᑦ

ᑎᑎᖃᖅᑕᕋᓱᒡᓗᓂ ᓇᖕᒥᓂᖃᖅᑎᓂᑦ ᐊᑐᐃᓐᓇᐅᔪᓂᒡᓗ ᐅᖅᓱᐊᓗᖕᒥᑦ ᓄᓇᕗᒻᒥᑦ, ᒫᓂ ᓇᕿᓪᓗᒍ. 

ᐅᖅᓱᐊᓗᑦ ᐊᑐᖅᑕᐅᓯᐅᖑᔪᑦ

ᐅᖅᓱᐊᓗᓕᕆᔨᒃᑯᑦ ᐅᖅᓱᐊᓗᖕᒥᑦ ᓂᐅᕕᖃᑦᑕᖅᐳᑦ ᐊᐅᔭᒃᑯᑦ ᐅᒥᐊᕐᔪᐊᖅᑕᖃᓕᕌᖓᒥᑦ ᐅᕝᕙᓘᓐᓃᑦ ᐅᑭᐅᒃᑯᑦ (ᓂᐅᕕᖅᐸᒌᕌᖓᒥᑦ), ᒪᓕᒡᓗᒍ ᑮᓇᐅᔭᒃᓴᕈᑎᐅᓇᓱᐊᖃᑦᑕᖅᑐᑦ ᐱᓪᓗᒋᑦ. ᐅᖅᓱᐊᓗᓕᕆᔨᒃᑯᑦ ᓂᐅᕕᒃᖃᖅᑕᖅᐳᑦ ᓄᓇᕗᒻᒥᑦ ᐅᖅᓱᐊᓕᕆᔨᒃᑯᑦ ᑕᐃᑲᓂ ᒪᕐᕉᖕᓂᑦ ᐊᑐᖅᑕᐅᓯᐅᓂᑦ ᐊᐅᓪᓚᖅᑎᑕᐅᕙᒃᖢᑎᑦ ᓇᖕᒥᓂᖃᖅᑎᓄᑦ ᕗᑦᕙᐅᑦ ᐅᖅᓱᒃᓴᑦ ᓕᒥᑎᑦ. ᐅᖅᓱᐊᓗᒃ ᐊᑐᖅᑕᐅᒐᔪᒃᐳᑦ ᓴᓇᕕᒡᔪᐊᓂ ᑲᓇᖕᓇᖓᓂ ᑲᓇᑕᒥᑦ, ᐊᒥᐊᓕᑲᓂ ᐅᕝᕙᓘᓐᓃᑦ, ᐃᓛᓂᒃᑯᑦ ᑕᕆᐅᑉ ᐊᑭᐊᓂ ᓲᕐᓗ ᕕᓐᓚᓐ ᐅᕝᕙᓘᓐᓃᑦ ᔮᐸᓃᓯᒃᑯᑦ. ᐅᖅᓱᐊᓗᖃᐅᑎᔾᔪᑎᐊᑦ ᐊᐅᓪᓚᖅᑎᑕᐅᖃᑦᑕᖅᑐᑦ ᓄᓇᕗᒻᒥᑦ ᑲᓇᖕᓇᖓᓂ ᑲᓇᑕᒥᑦ ᐊᒥᐊᕐᔪᐊᒃᑰᖏᓐᓇᐅᔭᖅᖢᑎᑦ ᓇᖕᒥᓂᕆᔭᐅᔪᑦ ᐊᐅᓚᑦᑕᐅᓪᓗᑎᑦ ᕗᑦᕙᐅᑦᑯᓐᓂ. 

ᐅᖅᓱᐊᓗᒋᖁᔭᐅᔪᑦ 

ᖃᓄᐃᑦᑑᕙ CAN/CGSB ᓄᓇᕗᑦ ᒐᕙᒪᖓᓂ ᐊᔾᔨᒌᖏᑦᑐᑎᑦ ᐃᖏᕐᕋᔾᔪᑎᒧᑦ

ᖃᓄᐃᑦᑑᕙ CAN/CGSB ᓄᓇᕗᑦ ᒐᕙᒪᖓᓂ ᐊᔾᔨᒌᖏᑦᑐᑎᑦ ᐃᖏᕐᕋᔾᔪᑎᒧᑦ
ᐅᖅᓱᒃᓴᖅ 3.517-2007

ᓂᒡᓕᓇᖅᑎᓪᓗᒍ ᐊᐅᔪᓐᓇᕐᓂᖓ - ᐸᑎᐅᔭᐅᔭᖅ ᐳᔪᙳᓯᐅᖑᑎᓪᓗᓂ − 43◦C ᐅᐊᔭᓕᕆᔾᔪᑕᐅᖃᑦᑕᖅᑐᑦ − 100pS/m ᓂᒡᓚᓱᓛᖑᓂᖓ @4◦C ᓱᕈᖕᓇᖅᑐᖅ ᐅᖅᓱᖅᓴᖅ − ᐃᖏᕐᕋᔪᑎ ASTM D613 ᐃᖏᕐᕋᔾᔪᑎ ᖃᐅᔨᓴᖅᑕᐅᑎᓪᓗᒍ

ᐅᖅᓱᒃᓴᖅ

ᐃᖏᕐᕋᔾᔪᑎ
3.517-2015  
ᒑᓯᒧᑦ 3.5-2011 ᐋᖅᑭᒋᐊᖅᑕᐅᑎᓪᓗᒍ ᓈᓴᐅᑕ 2

ᖁᑦᑎᖕᓂᖓ 3, ᐊᖁᑦᑐᓐᓇᐅᑎ D ᒑᓯ ᐃᓚᖃᖅᑐᖅ ᐊᑐᖅᑎᓪᓗᒍ − ᐅᓄᖏᓛᖓᑦ 92 ᐳᔪᖅ ᐳᓪᓚᖃᖅᑐᑦ − ᐅᓄᖏᓛᖓᑦ 95kPa ᐊᓂᕐᓂᖅᓴᖅ ᒑᓯᖃᖅᖢᓂ − ᐋᒃᑲᕼᐊᖃᖏᑦᑐᑦ, MTBE ᐅᕝᕙᓘᓐᓃᑦ ᐊᓯᖏᓪᓗ ᐊᓂᕐᓂᖅᓴᑦ ᐱᔪᓐᓇᖅᑐᓂᑦ

ᖃᖓᑕᓲᑦ ᐅᖅᓱᐊᓗᐊᓂ

3.23-2012

ᐋᖅᑭᒋᐊᖅᑕᐅᔪᖅ ᓈᓴᐅᑕ 2

ᖃᓄᐃᑦᑑᓂᖓ − ᓱᒃᑲᔪᑦ ᖃᖓᑕᓲᑦ Jet A-1

ᐅᐊᔭᓕᕆᔾᔪᑕᐅᓲᑦ − ᐅᓄᖏᓛᖓᑦ 250pS/m ᓂᒡᓚᓱᓛᖓᑦ @4◦C  

 

ᐅᖅᓱᐊᓗᖃᐅᑎ 

ᐅᖅᓱᐊᓗᐃᑦ ᓄᓇᓕᓕᒫᓂᑦ ᐅᖅᓱᐊᖕᓗᒦᑎᑕᐅᖃᖅᑕᖅᑐᑦ, ᐃᓚᖏᑦ ᐅᓄᕐᓂᖏᑦ ᐅᖅᓱᐊᓗᖃᐅᑎᒥᑦ ᒥᕝᕕᖕᓂᑦ ᖃᖓᑕᓲᑦ ᐅᖅᓱᐊᓗᖏᓐᓂᑦ. ᐅᓪᓗᒥᐅᔪᖅ ᐅᖅᓱᐊᓗᖃᐅᑎᑦ ᐊᑖᓂ ᓇᓗᓇᐃᖅᓯᒪᔪᑦ. ᐋᖅᑭᒋᐊᖅᑕᐅᓯᒪᔪᑦ ᐅᖅᓱᐊᓗᖃᐅᑎᑦ ᐱᕙᒌᔭᖅᑕᐅᓯᒪᕗᑦ ᓄᓇᓕᒐᓚᖕᓂᑦ ᐅᖓᑖᓂ ᐊᕐᕌᒍᑦ ᖁᓕᓂᑦ. ᐋᖅᑭᒋᐊᖅᑕᐅᓱᒃᐳᖅ ᒪᓕᒡᓗᒍ ᐊᖏᓛᖓᓃᖓᖅᑐᓂᑦ ᐊᒻᒪ ᐅᖅᓱᓗᖃᐅᑎᓄᑦ. ᐃᓂᑖᓕᒑᔪᑦ ᐅᖅᓱᐊᓗᖃᐅᑎᑦ ᓇᓂᔭᐅᔪᓐᓇᕆᕗᑦ ᓄᓇᓕᓕᒫᓂ ᐅᖅᓱᐊᒥᑦ ᑐᐊᕕᕐᓇᖅᑐᖃᖅᑎᓪᓗᒍ. 

ᐅᖅᓱᐊᓗᐃᑦ ᓂᐅᕕᖅᑕᐅᖃᑦᑕᖅᑐᑦ ᐊᑭᖓ ᑎᑎᕋᖅᓯᒪᔪᑦ

ᐅᖅᓱᐊᓗᐃᑦ ᐊᑭᖏᑦ ᓄᓇᓕᓕᒫᓂ ᐋᖅᑭᒃᑕᐅᓯᒪᕗᑦ ᑮᓇᐅᔭᓕᕆᓂᕐᒧᑦ ᐊᐅᓚᑦᑎᔨᑦ ᑲᑎᒪᔨᖏᓐᓂᑦ ᐊᖅᒪ ᒪᓕᖃᑦᑕᖅᐳᑦ ᐱᔾᔪᑎᒐᓚᖕᓂᑦ. ᑖᒃᑯᐊ ᐱᔾᔪᑎᑦ ᐱᖃᓯᐅᔾᔨᓚᐅᖅᐳᖅ  ᓴᓇᔨᐅᖃᑦᑕᖅᑐᓂ ᐊᑭᖏᑦ, ᐃᖏᕐᕋᔪᑎᐅᑉ ᐊᑭᖏᑦ, ᐊᐅᓚᑎᔨᑦ ᐊᒻᒪ ᑲᒪᒋᔭᐅᓂᖓ ᐊᑭᓕᒃᓴᑦ ᐊᒻᒪ ᓴᓇᔨᐅᖃᑦᑕᖅᑐᑦ ᐃᑲᔫᓯᐊᓂ. ᓂᐅᕕᒃᓴᐅᑉ ᐊᑭᖏᑦ ᐋᖅᑭᒃᓯᒪᖃᑦᑕᖅᐳᖅ ᐊᕐᕌᒍᑕᒫᖅ, ᐱᓗᐊᖅᑐᒥᑦ ᐊᕐᕌᒍᑕᒫᖅ 

ᖃᓂᓛᖑᔪᒃᑯᑦ ᓂᐅᕕᐊᒃᓴᒃᓴᑦ ᐊᑭᖏᓐᓂ ᑎᑎᕋᖅᓯᒪᔪᑦ ᓄᑖᖑᕆᐊᖅᑎᑕᐅᓚᐅᖅᑐᑦ ᓄᓇᕗᒻᒥ ᓄᓇᓕᓕᒫᖏᓐᓂ ᔭᓄᐊᕆ 30, 2017. ᑖᓐᓇ ᐊᓯᔾᔨᖅᑐᖅ ᓂᐅᕕᐊᒃᓴᒃᓴᑦ ᐊᑭᖏᓐᓄᑦ ᐱᔾᔪᑎᖃᓚᐅᖅᑐᖅ ᐊᓯᔾᔨᖅᑐᓄᑦ ᓄᓇᕐᔪᐊᒥ ᑮᓇᐅᔭᓕᐅᕋᓱᐊᖅᑎᓄᑦ ᐊᑭᖏᓐᓄᑦ, ᖃᐅᔨᓴᕐᓂᖅ ᐊᑐᖅᑎᑦᑎᓂᕐᒧᑦ ᐊᑭᖏᓐᓂ ᐊᑐᓂ ᓄᓇᓕᖕᓂ ᐊᕕᒃᑐᖅᓯᒪᓂᐅᔪᓂ ᐱᔭᐅᓂᖓᓗ ᐊᔾᔨᒌᓕᖅᑎᑦᑎᓂᕐᓂ ᐊᑭᓂᑦ ᐊᑭᓕᖅᓱᐃᓂᕐᓂ ᐋᖅᑭᒃᓯᒪᓂᖓᓂ. ᑖᒃᑯᐊ ᐊᓯᔾᔨᖅᑐᑦ ᐱᑎᑦᑎᓯᒪᔪᑦ ᐅᓄᕈᓐᓃᕆᐊᕐᖢᑎᒃ ᓂᐅᕕᐊᒃᓴᒃᓴᓄᑦ ᐊᑭᓕᖅᓱᐃᓂᕐᓂ ᓄᓇᓕᓕᒫᑲᓴᖕᓄᑦ ᐊᒻᒪᓗ ᓇᓃᓐᓂᖓ ᐅᖅᓱᐊᓗᓕᕆᔾᔪᑎᑦ 

https://www.gov.nu.ca/sites/default/files/ppd_retail_price_list_jan_30_2...

ᐊᑭᓕᒃᓴᓂ ᓂᐅᕈᑎᖃᖃᑦᑕᖅᑐᑦ

ᓄᓇᓕᓕᒫᑦ ᐅᖅᓱᐊᓗᖏᓐᓂᑦ ᓂᐅᕕᖃᑦᑕᖅᐳᑦ ᐊᖏᕋᕆᔭᐅᔪᓄᑦ ᐅᕝᕙᓘᓐᓃᑦ ᓇᖕᒥᓂᖃᖅᑎᓂ ᓄᓇᓕᖕᓂᑦ ᓇᖕᒥᓂᖃᖅᑐᓂᑦ ᑮᓇᐅᔭᑎᒍᑦ ᐊᑭᓕᒃᓴᓂᒃᓗᑎᒡᓗ ᐅᖅᓱᐊᓗᓕᕆᔨᒃᑯᓐᓂᑦ.

ᑐᒃᓯᕋᕋᓱᒡᓗᓂ ᐅᖅᓱᐊᓗᓕᕆᔨᒃᑯᓐᓄᑦ ᐊᑭᓕᒃᓴᓂ ᑮᓇᐅᔭᒃᑯᕕᐊᓂ: 

ᑕᑕᑎᕐᓗᑎᑦ ᐊᑭᓕᒃᓴᓂ ᑐᒃᓯᕋᐅᑎᒧᑦ ᑕᑕᑎᒐᒃᓴᓂ [A14]

ᐊᖏᖅᑕᐅᓯᒪᔪᑦ ᑮᓇᐅᔭᒃᕕᖕᒧᐊᖅᑕᐅᔪᑦ ᐊᑭᒋᖁᔭᐅᔪᑦ ᐊᑐᕐᓗᑎᑦ ᓇᖕᒥᓂᖅ ᓯᒃᑭᓂ, ᑮᓇᐅᔭᒃ ᓇᒃᓯᐅᔾᔭᐅᓗᑎᑦ ᐅᕝᕙᓘᓐᓃᑦ ᐊᑭᓕᒃᓴᓂᐅᑎᒧᑦ ᐱᔪᓐᓇᖅᑎᑕᐅᔪᓄᑦ ᑕᑕᑎᒐᒃᓴᓂ (ᐊᑐᐃᓐᓇᐅᕗᑦ ᑮᓇᐅᔭᒃᑯᕕᖕᓂᑦ). 

ᑮᓇᐅᔭᒃᑯᕕᖕᒧᐊᖅᑕᐅᔪᑦ ᐊᖏᕋᕆᔭᐅᔪᓄᑦ ᑮᓇᐅᔭᒃᕕᑦ − $300.00

ᑮᓇᐅᔭᒃᑯᕕᖕᒧᐊᖅᑕᐅᔪᑦ ᓇᖕᒥᓂᖃᖅᑎᓂᑦ ᑮᓇᐅᔭᒃᕕᑦ − $1000.00

ᓇᒃᓯᐅᔾᔨᓗᑎᑦ ᑐᒃᓯᕋᐅᑎᒥᑦ ᐊᒻᒪ ᑮᓇᐅᔭᒃᕕᖕᒧᐊᖅᑕᐅᓗᑎᑦ ᐅᖅᓱᐊᓗᓕᕆᔨᒃᑯᓐᓄᑦ ᐊᖓᔪᖅᑳᖃᕐᕕᐊᓂᑦ

ᓄᓇᓕᖕᓂᑦ ᒐᕙᒪᒃᑯᓪᓗ ᐱᔨᑦᑎᕋᖅᑎᑦ
ᐅᖅᓱᐊᓗᓕᕆᔨᒃᑯᑦ
ᓄᓇᕗᑦ ᒐᕙᒪᖓᑦ
ᑎᑎᖅᑲᑯᕕᐊ 590
ᑲᖏᖅᖠᓂᖅ, ᓄᓇᕗᑦ
X0C 0G0
ᓱᒃᑲᔪᒃᑯᑦ: (867) 645-3554

ᐊᖏᖅᑕᐅᓯᒪᔪᑦ ᑐᒃᓯᕋᖅᑐᑦ ᓇᓗᓇᐃᖅᑕᐅᓛᑐᑦ ᐊᒻᒪ ᑮᓇᐅᔭᒃᑯᕕᓕᐅᖅᑕᐅᒐᔭᖅᑐᑦ ᐃᓕᖕᓄᑦ. ᑐᒃᓯᕋᐅᑎᓕᐅᕋᓱᒃᑎᓪᓗᒋᑦ ᐱᓇᓱᐊᕈᓯᒐᓚᖕᓂᑦ ᐱᓕᕆᐊᖑᒐᔭᖅᑐᑦ.

ᐊᑭᓕᒃᓴᓂᐅᑎ ᐊᖏᖅᑕᐅᓐᓂᖏᑉᐸᑦ, ᑮᓇᐅᔭᒃᑯᕕᖕᒧᐊᓯᑎᓪᓗᒋᑦ ᐃᓕᖕᓄᑦ ᐅᑎᖅᑎᑕᐅᒐᔭᖅᑐᑦ.

ᐊᖏᖅᑕᐅᓯᒪᔪᑦ ᐊᑭᓕᒃᓴᓂᖃᑦᑕᖅᑐᑦ ᑮᓇᐅᔭᒃᑯᕕᖏᑦ ᐱᓯᒪᔭᐅᒐᔭᖅᑐᑦ ᓈᒻᒪᒃᐸᑦ ᐊᑭᓕᒃᓴᒍᑎᐅᖃᑦᑕᖅᑐᕕᓃᑦ (ᑕᖅᑭᓂᓪᓗᐊᖅ ᐱᖓᓱᓂ ᐊᑭᓕᖅᑕᐅᓲᔭᖃᑦᑕᖅᑐᓄᑦ ᐅᕝᕙᓘᓐᓃᑦ ᑮᓇᐅᔭᒃᕕᐊ ᒪᑐᔭᐅᓐᓂᕈᓂ ᐅᖅᓱᐊᓗᒃᑖᖃᑦᑕᖅᑐᓄᑦ. 

ᐊᑭᓕᖅᑕᐅᔪᒪᔾᔪᑎᑦ ᐅᖅᓱᐊᓗᖕᒧᑦ ᐱᔨᑦᑎᐅᑎᑦ ᐊᑭᓕᖅᑕᐅᒋᐊᓖᑦ ᐅᓪᓗᓂ 30−ᓂᑦ ᐊᑭᓕᖅᑕᐅᔾᔪᑎᑖᓚᐅᖅᑎᓪᓗᒋᑦ. ᖃᓄᑐᐃᓐᓇᖅ ᐊᐱᖅᑯᑎᑦ ᐅᕝᕙᓘᓐᓃᑦ ᐃᓱᒪᓗᑎᒋᔭᐅᔪᑦ ᑐᒃᓯᕋᖅᑐᖃᖅᑎᓪᓗᒍ ᐊᑭᓕᒃᓴᐅᒥᑦ ᐅᖅᓱᐊᓗᓕᕆᔨᒃᑯᓐᓄᑦ, ᖃᐅᔨᒋᐊᕈᓐᓇᖅᐳᑎᑦ ᑮᓇᐅᔭᒃᓴᕐᕕᒋᔭᐅᔪᓄᑦ ᐊᐅᓚᑦᑎᔨᐊᓄᑦ ᐅᕝᕙᓘᓐᓃᑦ ᐃᕐᖏᓇᖅᓯᐅᑎᒃᑯᑦ ᑎᑎᕋᕐᓗᑎᑦ ᐅᖄᓚᓗᑎᒡᓘᓐᓃᑦ (867) 645-8425.  JGreen@gov.nu.ca

 

ᐊᕙᑎᓕᕆᔾᔪᑕᐅᖃᑦᑕᖅᑐᑦ

ᐅᖅᓱᐊᓗᓕᕆᔨᒃᑯᑦ ᐱᔭᒃᓴᖃᖃᑦᑕᖅᐳᑦ ᑭᐅᑦᑎᐊᕋᓱᒃᖢᑎᑦ ᓴᓗᒻᒪᖅᓴᐅᕙᒃᖢᑎᒡᓗ ᑯᕕᔪᓂ ᐅᖅᓱᓗᖃᕐᕕᐊᓂ ᐊᒻᒪ ᐅᖅᓱᓗᐊᖃᖅᑎᑦᑎᓗᑎᑦ ᓄᓇᕗᒻᒥᑦ. ᑖᓐᓇ ᐱᖃᓯᐅᔾᔨᕗᖅ ᖃᐅᔨᓴᕐᓂᖅ ᐊᐅᓚᑦᑎᓂᕐᓗ ᑯᕕᔪᖃᖅᑎᓪᓗᒍ ᐅᖅᓱᐊᓗᖕᒥᑦ ᓇᖕᒥᓂᖃᖅᑎᓄᑦ ᓄᓇᕗᒻᒥᓕᒫᖅ ᐊᑦᑕᕐᓇᖏᑦᑐᒦᒃᑲᓗᐊᕐᒪᖔᑕ ᓄᓇᕗᒻᒥᐅᑦ ᐊᒻᒪ ᐊᕙᑎᓕᕆᓂᕐᒧᑦ ᓴᐳᒻᒥᒃᖠᖅᖢᑎᑦ ᓄᓇᕗᒻᒥᑦ ᓄᓇᓕᒫᖏᓐᓂᑦ.

ᐃᓄᐃᑦ ᓄᓇᓕᖕᓂᑦ ᑭᐅᖃᑦᑕᖅᐳᖅ ᐱᕙᒌᔭᖅᓯᕙᒃᖢᑎᒡᓗ ᐋᖅᑭᒃᓯᒪᔪᒥᑦ ᓴᖅᑭᑎᑦᑎᖃᑦᑕᖅᐳᖅ ᓄᓇᓕᓕᒪᓂᑦ ᓄᓇᕗᒻᒥᑦ. ᐃᑲᔪᖃᑦᑕᖅᐳᖅ ᓇᖕᒥᓂᖃᖅᑎᓂ ᐊᒻᒪ ᐃᓄᖕᓂᑦ ᑯᕕᔪᖃᖅᑎᓪᓗᒍ ᑭᐅᖃᑦᑕᖅᐳᑦ. ᑖᒃᑯᐊ ᐱᕙᒌᔭᖅᑕᐅᓯᒪᔪᑦ ᒪᓕᖃᑦᑕᖅᐳᖅ ᐊᑐᐊᒐᕐᓂᑦ, ᐱᖃᑕᐅᓪᓗᑎᑦ ᐊᕙᑎᓕᕆᔨᒃᑯᑦ ᑲᓇᑕᒥᑦ, ᐃᖏᕐᕋᔪᑎᓕᕆᔨᒃᑯᑦ ᑲᓇᑕᒥᑦ ᐊᒻᒪ ᑲᓇᑕᒥᐅᕐ ᐅᒥᐊᕐᔪᐊᓕᕆᔨᒃᑯᑦ, ᐱᖃᑕᐅᒋᓪᓗᑎᑦ ᑲᓇᑕᒥᑦ ᑭᐅᖃᑦᑕᖅᑐᓂᑦ ᐱᕙᒌᔭᖅᑕᐅᓯᒪᔪᒥᑦ.

ᐅᖅᓱᐊᓗᓕᕆᔨᒃᑯᑦ ᓈᓴᐃᓯᒪᖃᑦᑕᖅᐳᑦ ᓇᖕᒥᓂᖁᑎᒋᔭᐅᔪᓂᑦ ᐱᖁᑎᖏᓐᓂᑦ ᑯᕕᔪᖃᖅᑎᓪᓗᒍ ᐱᖁᑎᒋᔭᐅᔪᓂᑦ ᓄᓇᓕᓕᒫᓂ ᐊᐅᓚᑕᐅᓂ ᓄᓇᓕᖕᓂᑦ ᐅᖅᓱᐊᓗᖕᒥᑦ ᓇᖕᒥᓂᖃᖅᑐᓂ. ᑯᕕᔪᖃᖅᑎᓪᓗᒍ ᑭᐅᖃᑦᑕᖅᐳᖅ ᐱᖁᔭᑎᓂ ᐱᖃᓯᐅᔾᔨᕗᑦ ᑭᓯᐊᓂ ᑭᓪᓕᖃᖏᖢᑎᑦ ᐅᑯᓂᖓ, ᑯᕕᔪᒧᑦ ᓴᓗᒻᒪᖅᓴᐅᑎᓂ, ᑯᕕᔪᒥᑦ ᓴᓂᐅᑎᓂ, ᓴᐳᒻᒥᔾᔪᑎᓂ ᐊᓐᓄᕌᓂ ᐊᒻᒪ ᐊᑦᑕᕐᓇᖅᑐᓂᑦ ᐴᕐᓂ ᐃᒋᑕᐅᔪᒃᓴᓂ. 

ᑲᓇᑕᒥᑦ ᐅᒥᐊᕐᔪᐊᑦ ᑯᕕᔪᖃᖅᑎᓪᓗᒍ ᐊᑐᐃᓐᓇᐅᖃᖅᐳᑦ ᓄᓇᓕᓕᒫᑲᓴᖕᓂᑦ ᓄᓇᕗᒻᒥᑦ. ᓄᓇᓖᑦ ᐱᖃᑕᐅᔾᔨᕗᑦ ᖁᕐᓗᒃᑑᖅ, ᐃᖃᓗᒃᑑᑎᐊᖅ, ᐅᖅᓱᖅᑑᖅ, ᖃᐅᓱᐃᑦᑐᖅ, ᐅᒃᐱᐊᕐᔪᒃ, ᒥᑦᑎᒪᑕᓕᒃ, ᑲᖏᖢᒑᐱᒃ, ᕿᑭᖅᑕᕐᔪᐊᖅ, ᐸᖕᓂᖅᑑᖅ, ᐃᖃᓗᐃᑦ, ᑭᒻᒥᕈᑦ, ᑭᙵᐃᑦ, ᓴᓪᓕᖅ, ᖃᒪᓂ`ᑐᐊᖅ, ᐃᒡᓗᓕᒑᕐᔪᒃ ᐊᒻᒪ ᑲᖏᖅᖠᓂᖅ. ᐱᖁᑎᐊ ᐊᑐᐃᓐᓇᐅᕗᑦ ᐊᕕᒃᑐᖅᓯᒪᔪᓂᑦ ᐅᖅᓱᐊᓕᕆᔨᒃᑯᑦ ᑎᑎᕋᕐᕕᖏᓐᓂᑦ ᐅᕝᕙᓘᓐᓃᑦ ᐸᓖᓯᒃᑯᑦ.

ᑐᐊᕕᕐᓇᖅᑐᖃᖅᑎᓪᓗᒍ ᑯᕕᔪᖃᖅᑎᓪᓗᒍ, ᓄᓇᕗᒻᒥᐅᑦ ᑲᔪᖏᖅᓴᖅᑕᐅᕗᑦ ᐅᖄᓚᓗᑎᑦ 24-ᓂᑦ ᐃᑲᕋᓂ ᑯᕕᔪᖃᖅᑎᓪᓗᒍ ᐅᖄᓚᕕᐊᓄᑦ ᐊᐅᓚᑕᐅᔪᖅ ᓄᓇᑦᑎᐊᖅ ᒐᕙᒪᖓᓂ:

(ᐅᖄᓚᐅᑕ) 867-920-8130

(ᓱᒃᑲᔪᒃᑯᑦ) 867-873-6924

(ᐃᕐᖏᓇᖅᓯᐅᑕ) spills@gov.nt.nu

ᐊᑕᔪᖅ ᑎᑎᕋᒐᒃᓴᖅ  (NT-NU Spill Report Form 2016.pdf) ᑕᑕᑎᖅᑕᐅᔭᕆᐊᓕᒃ ᓇᒃᓯᐅᔾᔭᐅᓗᓂᓗ ᑯᕕᔪᓕᕆᔨᒃᑯᓐᓄᑦ. ᑕᑕᑎᕐᑎᓪᓗᒍ ᑎᑎᕋᒐᒃᓴᖅ ᐃᓚᐅᑎᑦᑎᓗᑎᑦ ᑕᑕᑎᒐᒃᓴᓕᒫᖏᓐᓂ ᐱᑎᑦᑎᖁᓪᓗᑎᑦ ᑕᒪᒃᑭᖅᑐᓂ ᐱᓕᕆᐊᒃᓴᓂᑦ ᐊᑐᐊᒐᓕᕆᔨᓄᑦ ᐃᖅᑲᓇᐃᔭᕐᕕᖕᓄᑦ ᐱᓕᕆᐊᕆᔪᓐᓇᕐᓂᐊᕐᒪᔾᔪᒃ.

ᐃᓚᒃᑲᓐᓂᖓ ᖁᕕᔪᓕᕆᔨᒃᑯᓐᓄᑦ, ᓄᓇᓕᖕᒥ ᐅᖅᓱᐊᓗᖕᓄᑦ ᑳᓐᑐᐊᒃᓯᔨ ᖃᐅᔨᒃᑲᖅᑕᐅᔭᕆᐊᓕᒃ ᐊᒻᒪᓗᑦᑕᐅᖅ ᐅᖅᓱᐊᓗᓕᕆᔨᒃᑯᑦ ᓄᓇᓕᖕᓂ ᐊᕕᒃᑐᖅᓯᒪᓂᐅᔪᓂ ᑎᑎᕋᕐᕕᖓ.

ᖃᐅᔨᒪᒋᑦ ᐅᖅᓱᐊᓗᓕᕆᔨᒃᑯᑦ ᐱᑎᑦᑎᔨᐅᙱᑦᑐᑦ ᐃᓄᖕᓄᑦ ᓇᖕᒥᓂᖅ ᐃᒡᓗᓕᖕᓄᑦ ᐅᖅᓱᐊᓗᖕᓂ ᑯᕕᔪᖃᖅᑐᓄᑦ ᐅᕝᕙᓘᓐᓃᑦ ᓄᓇᕗᒻᒥ ᒐᕙᒪᒃᑯᑦ ᐃᖅᑲᓇᐃᔭᕐᕕᖏᓐᓄᑦ ᑯᕕᔪᓄᑦ ᓲᕐᓗ ᐃᓕᓐᓂᐊᕐᕖᑦ, ᐋᓐᓂᐊᕖᑦ, ᐃᖅᑲᓇᐃᔭᕐᕕᖏᓐᓂ ᐃᒡᓗᕐᔪᐊᑦ, ᐊᓯᖏᓪᓗ. ᑕᐃᒪᐃᒃᑲᓗᐊᖅᑎᓪᓗᒍ, ᐃᑲᔪᖅᑕᐅᔭᕆᐊᖃᕈᕕᑦ, ᐅᖅᓱᐊᓗᓕᕆᔨᒃᑯᑦ ᐱᑎᑦᑎᔪᓐᓇᕋᔭᖅᑐᑦ ᒪᓕᒃᑎᑦᑎᓂᕐᓂ. 

ᖃᐅᔨᒋᐊᕐᓗᒍ ᐅᖅᓱᐊᓗᓕᕆᔨᒃᑯᑦ:

ᐅᖅᓱᐊᓗᓕᕆᔨᒃᑯᑦ ᑐᖅᑲᖅᑕᕐᕕᖏᑦ

ᑐᑭᒧᐊᒃᑎᑦᑎᔨ, ᐅᖅᓱᐊᓗᓕᕆᔨᒃᑯᑦ
ᓇᑖᓂᐅᓪ Hᐊᑦᓯᓐᓴᓐ
ᐅᖃᓘᑖ: (867) 645- 8411
ᐃᕐᖐᓐᓈᕈᑦ: NHutchinson@gov.nu.ca 

ᑮᓇᐅᔭᓕᕆᔨᒻᒪᕆᒃ
ᕗᐊᑦ ᕕᑦᕆᒡ
ᐅᖃᓘᑖ: (867) 645-8414
ᐃᕐᖐᓐᓈᕈᑦ: fwidrig@gov.nu.ca 

ᐊᐅᓚᑦᑎᔨ, ᓄᓇᕗᒻᒥ ᐃᓂᖏᓐᓂ ᐊᐅᓚᓃᑦ
ᕆᑦᓱᑦ ᑲᓚᑦ
ᐅᖃᓘᑖ: (867) 645-8443
ᐃᕐᖐᓐᓈᕈᑦ: rkellett@gov.nu.ca 

ᐊᐅᓚᑦᑎᔨ, ᓴᓇᔭᕆᐊᓕᖕᓄᑦ ᐊᕙᑎᓕᕆᓂᕐᒧᓪᓗ ᐱᔨᑦᑎᕋᖅᑏᑦ
ᑲᐃᑦᓕᓐ Hᐅᕋᓐ
ᐅᖃᓘᑖ: (867) 645-8444
ᐃᕐᖐᓐᓈᕈᑦ: KHeron@gov.nu.ca 

ᐊᐅᓚᑦᑎᔨ, ᑮᓇᐅᔭᓕᕆᔨᒃᑯᑦ
ᐊᒧᓕᓐᑕ ᐱᒪᓐᑎᐅᓪ
ᐅᖃᓘᑖ: (867) 645-8416
ᐃᕐᖐᓐᓈᕈᑦ: epimentel@gov.nu.ca 

ᐊᐅᓚᑦᑎᔨ, ᐊᑭᓕᐅᑕᓕᕆᔨ
ᔪᐃᔅ ᒍᕇᓐ
ᐅᖃᓘᑖ: (867) 645-8425
ᐃᕐᖐᓐᓈᕈᑦ: JGreen@gov.nu.ca 

ᑭᕙᓪᓕᕐᒥ ᓄᓇᓕᖕᓂ ᐊᕕᒃᑐᖅᓯᒪᓂᐅᔪᓂ ᑎᑎᕋᕐᕕᖓ

ᑐᖅᑲᖅᑕᕐᕕᒃ, ᑭᕙᓪᓕᖅ ᓄᓇᓕᖕᓂ ᐊᕕᒃᑐᖅᓯᒪᓂᐅᔪᓂ ᐊᐅᓚᓃᑦ
ᑑᓂ ᑕᐃᐊᔅ
ᐅᖃᓘᑖ: (867) 645-8430
ᑐᐊᕕᕐᓇᖅᑐᓄᑦ: (867) 645-6526
ᐃᕐᖐᓐᓈᕈᑦ: TDias@gov.nu.ca 

ᕿᑎᕐᒥᐅᑦ ᓄᓇᓕᖕᓂ ᐊᕕᒃᑐᖅᓯᒪᓂᐅᔪᓂ ᑎᑎᕋᕐᕕᖓ

ᑐᖅᑲᖅᑕᕐᕕᒃ, ᕿᑎᕐᒥᐅᑦ ᓄᓇᓕᖕᓂ ᐊᕕᒃᑐᖅᓯᒪᓂᐅᔪᓂ ᐊᐅᓚᓃᑦ
ᓘᒃ ᕆᑦᓱᑦ
ᐅᖃᓘᑖ: (867) 983-4135
ᑐᐊᕕᕐᓇᖅᑐᓄᑦ: (867) 983-5069
ᐃᕐᖐᓐᓈᕈᑦ: LRichard@gov.nu.ca 

ᕿᑭᖅᑖᓗᒃ ᓄᓇᓕᖕᓂ ᐊᕕᒃᑐᖅᓯᒪᓂᐅᔪᓂ ᑎᑎᕋᕐᕕᖓ

ᑐᖅᑲᖅᑕᕐᕕᒃ, ᕿᑭᖅᑖᓗᒃ ᓄᓇᓕᖕᓂ ᐊᕕᒃᑐᖅᓯᒪᓂᐅᔪᓂ ᐊᐅᓚᓃᑦ
ᓰᓇ ᐊᑯᒪᓕᒃ
ᐅᖃᓘᑖ: (867) 899-7308
ᑐᐊᕕᕐᓇᖅᑐᓄᑦ: (867) 899-1422
ᐃᕐᖐᓐᓈᕈᑦ: SAkoomalik@gov.nu.ca