ᖃᕋᓴᐅᔭᓕᕆᔨᒃᑯᑦ ᐱᔨᑦᑎᕈᑎᖏᓪᓗ

ᖃᕋᓴᐅᔭᓕᕆᔨᒃᑯᑦ ᐱᔨᑦᑎᕈᑎᖏᓪᓗ ᐱᓕᕆᕕᖓᑦ ᐱᔨᑦᑎᖅᑎᐅᖕᒪᑕ ᓄᓇᕘᒥ ᒐᕙᒪᒃᑰᓐᓂᐅᓗᒃᑖᖅ ᖃᐅᔨᔭᐅᔪᒪᕙᒃᑐᓄᑦ ᐊᐅᓚᑦᑎᓂᕐᒧᑦ ᐊᒻᒪᓗ ᖃᐅᔨᔭᐅᔪᒪᕙᒃᑐᓄᑦ ᐱᔨᑦᑎᕐᓂᕐᒥᒃ ᓄᓇᕘᒥ ᒐᕙᒪᒃᑯᓐᓂ ᐱᓕᕆᕝᕕᐅᔪᓗᒃᑖᓄᑦ ᐊᒻᒪᓗ ᐱᓕᕆᐊᓄᑦ.  

ᐸᕐᓇᐃᓂᐅᔪᑦ ᐃᒪᐃᑎᑦᑎᖃᑦᑕᖅᐳᑦ:

• ᖃᐅᔨᔭᐅᔭᕆᐊᓕᖕᓄᑦ ᖃᐅᔨᒋᐊᖅᑎ ᐃᑲᔪᖃᑦᑕᕐᒪᑦ ᐱᐅᓯᑎᑦᑎᒋᐊᕐᓂᕐᒧᑦ ᐱᔨᑦᑎᕈᑕᐅᕙᒃᑐᓂᒃ ᐊᒻᒪᓗ ᐸᕐᓇᐃᕙᒃᖢᓂ ᖃᐅᔨᔭᐅᕙᓪᓕᐊᔪᒪᔪᓂᒃ ᓄᑖᓄᑦ ᐱᓕᕆᐊᓄᑦ ᑖᒃᑯᓇᙵᑦ ᓄᓇᕘᒥ ᒐᕙᒪᒃᑯᓐᓂᑦ ᑲᒪᒋᔭᐅᕙᓪᓕᐊᔾᓂᐊᖅᑐᓂᒃ.
• ᑎᑎᖅᑲᖁᑎᒋᔭᐅᔪᓂᒃ ᐊᐅᓚᑦᑎᕕᖕᒥ ᐱᓕᕆᔨᒻᒪᕇᑦ ᐃᑲᔪᓲᑦ ᑕᒪᐃᓐᓂᒃ ᓄᓇᕘᒥ ᒐᕙᒪᒃᑯᓐᓂ ᐱᓕᕆᕝᕕᐅᔪᓂᒃ ᐊᐅᓚᑦᑎᓂᕐᒧᑦ ᐸᐃᐹᖁᑎᖏᓐᓂᒃ ᐊᒻᒪᓗ ᖃᕋᓴᐅᔭᒃᑯᑦ ᑎᑎᖅᑲᖁᑎᒋᔭᐅᔪᓂᒃ ᐊᒻᒪᓗ ᓄᐊᑕᐅᓯᒪᔪᓂᒃ.
• ᖃᐅᔨᔭᐅᕙᒃᑐᑦ ᐱᓕᕆᔾᔪᑎᑎᒍᑦ ᑕᒻᒪᖅᓯᒪᔪᖅᓯᐅᖅᑎᒧᑦ ᑲᒪᒋᔭᐅᕙᒃᑐᑦ ᓇᐅᑦᑎᖅᓱᐊᖑᓪᓗᑎᒃ ᐊᒻᒪᓗ ᓴᙱᒃᑎᑦᑎᒋᐊᕐᓂᕐᒧᑦ ᖃᐅᔨᔭᐅᔪᒪᕙᒃᑐᓄᑦ ᐊᐅᓚᑦᑎᓂᕐᒥ ᐊᒻᒪᓗ ᐊᑐᐊᒐᑦ ᓄᓇᕘᒥ ᒐᕙᒪᒃᑯᓐᓂ, ᐱᓗᐊᙳᐊᖅᖢᒋᑦ ᓄᐊᑕᐅᓯᒪᔪᑦ, ᐊᑦᑕᕐᓇᖅᑐᒦᖁᓇᒋᑦ ᐊᒻᒪᓗ ᑲᙳᓇᕐᖢᑎᒃ. 
• ᐃᑭᐊᖅᑭᕕᓕᕆᔨᒻᒪᕇᑦ ᐃᑲᔪᓲᑦ ᓄᓇᕘᒥ ᒐᕙᒪᒃᑯᑦ ᐱᓕᕆᐊᖏᓐᓂᒃ ᓇᒧᙵᖅᓯᔭᕆᐊᖃᕐᓂᕐᒧᑦ ᖃᐅᔨᔭᐅᔪᒪᕙᒃᑐᓂᒃ ᐊᑐᖅᖢᑎᒃ ᓄᓇᕘᒥ ᒐᕙᒪᒃᑯᑦ ᐃᑭᐊᖅᑭᕕᖓᓐᓂᒃ ᐅᕝᕙᓘᓐᓂᑦ ᒐᕙᒪᒃᑯᑦ ᐃᑭᐊᖅᑭᕕᖓᒍᑦ.

ᐱᔨᑦᑎᕐᓂᐅᔪᑦ ᐃᒪᐃᑎᑦᑎᖕᒪᑕ:

• ᐱᓕᕆᔾᔪᑎᓂᒃ ᖃᐅᔨᒪᔨᑕᒻᒪᕇᑦ ᐊᐅᓚᑦᑎᓲᑦ ᐊᒻᒪᓗ ᑲᒪᓪᓗᑎᒃ ᒐᕙᒪᒃᑯᑦ ᖃᕋᓴᐅᔭᓕᕆᔾᔪᑎᓕᒫᖏᓐᓂᒃ, ᐅᖄᓚᐅᑎᕈᔪᖖᓂᒃ ᐊᒻᒪᓗ ᓄᐊᑦᑎᕕᖕᓂᒃ ᐊᑐᓕᖅᑎᑦᑎᕙᒃᖢᑎᒃ ᑕᒪᐃᓐᓂᒃ ᓄᓇᕘᒥ ᒐᕙᒪᒃᑯᑦ ᐊᐅᓚᑦᑎᓂᕆᔭᖏᓐᓂᒃ.
• ᐱᓕᕆᐊᓄᑦ ᑲᒪᔩᑦ ᐱᓕᕆᐊᖃᖅᑎᑕᐅᔪᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᓂᕐᒥᒃ ᐊᒻᒪᓗ ᐱᐅᓯᑎᑦᑎᒋᐊᕐᓂᕐᒧᑦ.
• ᖃᐅᔨᒋᐊᕈᒪᔪᓂᑦ ᐅᖄᓚᕝᕕᐅᑦᑕᖅᑐᑦ ᐊᒻᒪᓗ ᖃᔅᓯᒐᓴᖕᓂᒃ ᐱᔨᑦᑎᕐᕕᖃᐅᖅᖢᑎᒃ ᑲᒪᕙᓪᓕᐊᕙᒃᑐᑦ ᖃᐅᔨᒪᓇᓱᒃᖢᑎᒃ ᐊᒻᒪᓗ ᑭᐅᔨᐅᕙᒃᖢᑎᒃ ᐃᖅᑲᓇᐃᔭᖅᑎᓄᑦ ᐊᒻᒪᓗ ᓄᓇᖃᖅᑐᓂᑦ ᐅᖃᓗᒡᕕᐅᕙᖕᒥᔪᑦ ᖃᐅᔨᓇᓱᒡᕕᐅᓪᓗᑎᒃ, ᐱᐅᓯᑎᑦᑎᒋᐊᕐᓂᕐᒧᑦ, ᐊᔪᕈᓐᓃᖅᓴᖅᑎᑦᑎᓂᕐᒧᑦ, ᐅᕝᕙᓘᓐᓃᑦ ᐃᑲᔪᖅᑐᐃᓂᕐᒧᑦ ᓄᓇᕘᒥ ᒐᕙᒪᒃᑯᑦ ᐱᓕᕆᐊᖏᓐᓂᒃ, ᐱᓕᕆᔾᔪᑎᖏᓐᓂᒡᓗ ᐱᖁᑎᖏᓐᓂᒡᓗ.  

ᖃᐅᔨᒋᐊᕐᕕᒃ:

ᖃᕋᓴᐅᔭᓕᕆᔨᒃᑯᑦ ᐱᔨᑦᑎᕈᑎᖏᓪᓗ
P.O. Box 1000, Station 660,
Iqaluit, Nunavut X0A 0H0
ᐅᖄᓚᐅᑦ (867)975-6411
helpdesk@gov.nu.ca