ᐅᖃᓚᐅᑎᓯᐅᑏᑦ

You are here

ᐱᓕᕆᐊᒃᓴᑦ

ᐱᙳᐊᖅᑎᑦ ᓄᓇᕗᒻᒥ 

ᐱᙳᐊᖅᑐᓕᕆᓂᕐᒧᑦ ᑭᐱᙳᐃᔭᖅᑎᑦᑎᕙᖕᓂᕐᒧᓪᓗ ᐱᓕᕆᕝᕕᒃ ᑲᒪᒋᔭᒃᓴᖃᖅᐳᖅ ᐊᐅᓚᑦᑎᓂᕐᒥ ᐱᙳᐊᖅᑏᑦ ᓄᓇᕗᒻᒥ ᐃᓚᐅᕙᖕᓂᖏᓐᓂᑦ ᐊᖏᔪᓄᑦ ᐱᙳᐊᖅᑕᐅᔪᓄᑦ ᐱᓕᕆᐊᖑᕙᒃᑐᓄᑦ. 
ᐱᙳᐊᖅᑎᑦ ᓄᓇᕗᒻᒥ ᐃᓚᐅᕙᒃᐳᑦ ᐅᑯᓄᖓ:

ᑲᓇᑕᒥ ᐱᙳᐊᖃᑎᒌᖕᓂᕐᓄᑦ(ᐅᑭᐅᒃᑯᑦ/ᐊᐅᔭᒃᑯᑦ) https://www.canadagames.ca/
ᓄᐊᑦ ᐊᒥᐊᓕᒃᑲᒥ ᓄᓇᖃᖅᑳᖅᑐᑦ ᐱᙳᐊᕐᓂᖏᑦ http://www.naigcouncil.com/
ᐅᐊᓕᓂᕐᒥᐅᓂ ᐊᐅᔭᒃᑯᑦ ᐱᙳᐊᕐᓂᖏᑦ - http://2019wcsg.ca/
ᐅᑭᐅᖅᑕᖅᑐᒥ ᐅᑭᐅᒃᑯᑦ ᐱᙳᐊᕕᒡᔪᐊᕐᓃᑦ - http://www.arcticwintergames.org/

ᒪᓕᒡᓗᒋᑦ ᐱᙳᐊᖅᑏᑦ ᓄᓇᕗᒻᒥ ᑭᒃᑯᑐᐃᓐᓇᓄᑦ ᖃᐅᔨᒋᐊᕐᕕᐅᔪᓐᓇᖅᑐᑎᒍᑦ

https://www.facebook.com/GoTeamNunavut/
Twitter−ᑯᑦ: @TeamNunavut
ᐃᓐᔅᑕᒡᕌᒻ: Team_Nunavut

ᒪᒃᑯᑦᑐᓄᑦ ᑭᒡᒐᖅᑐᐃᔨᒧᑦ ᐱᓕᕆᐊᖅ

ᓄᓇᕗᒻᒥ ᒪᒃᑯᒃᑐᓄᑦ ᑭᒡᒐᖅᑐᐃᔨᓄᑦ ᐱᓕᕆᐊᒃᓴᖅ ᓇᓗᓇᐃᕆᓲᖅ ᐱᕙᓪᓕᐊᑎᑦᑎᕙᒃᖢᓂᓗ ᒪᒃᑯᒃᑐᑦ ᓯᕗᓕᖅᑎᓂᒃ ᐅᑭᐅᓕᖕᓂ 16-21 ᐱᙳᐊᖅᑐᓕᕆᓂᒃᑯᑦ ᕿᑎᒃᑐᓕᕆᓂᒃᑯᓪᓗ ᐊᑐᖅᖢᑎᒃ ᐃᓅᖃᑎᒌᓕᖅᑎᑦᑎᓂᕐᒥᑦ, ᐱᑦᑎᐊᕐᓂᕐᒥᑦ ᐊᒻᒪ ᖃᓄᐃᙱᑦᑎᐊᕐᓂᕐᒥᑦ, ᑲᔪᓯᔪᓐᓇᑦᑎᐊᖅᑐᒃᑯᑦ ᐊᒃᓱᕉᑕᐅᕙᒃᑐᓂᑦ ᐅᓪᓗᒥᐅᔪᖅ ᐃᓅᓯᕐᒥᑦ.  ᒪᒃᑯᒃᑐᑦ ᑭᒡᒐᖅᑐᐃᔨᒋᕙᒃᑕᖓᓄᑦ ᐱᓕᕆᐊᖑᕙᒃᑐᖅ ᐊᑐᖅᐸᒃᐳᖅ ᐱᙳᐊᖅᑐᓕᕆᓂᕐᒥᒃ ᑭᐱᙳᐃᔭᖅᑎᑦᑎᕙᖕᓂᕐᒥᒡᓗ ᐋᖅᑭᒃᓱᐃᕙᓪᓕᐊᔪᒪᓪᓗᓂ ᐃᒃᐱᒋᔭᐅᑦᑎᐊᕐᓂᕐᒥᒃ, ᐊᑐᕐᕕᖃᕈᓐᓇᕐᓂᕐᒥᒃ ᑲᔪᓯᑎᑦᑎᓗᓂᓗ ᐃᓕᖅᑯᓯᖃᑎᒌᙱᑦᑐᓂᒃ ᐅᔾᔨᕈᓱᖕᐸᖕᓂᒥᒃ ᐃᓅᖃᑎᒌᖕᓂᐅᕙᒃᑐᓂᒡᓗ.

ᐱᙳᐊᖅᑐᓕᕆᓂᕐᒧᑦ ᑐᓐᓂᖅᑯᑕᐅᕙᒃᑐᑦ

ᐱᙳᐊᖅᑐᓕᕆᓂᕐᒧᑦ ᑐᓐᓂᖅᑯᑕᐅᕙᒃᑐᓄᑦ ᐱᓕᕆᐊᖑᕙᒃᑐᖅ ᐃᓕᓴᖅᓯᕙᒃᐳᖅ ᐱᐅᔪᒻᒪᕆᖕᓂᒃ ᐊᓂᒍᐃᑎᑦᑎᓯᒪᓂᖏᓐᓂᒃ ᐃᑲᔪᖃᑦᑕᖅᓯᒪᓂᖏᓐᓄᓪᓗ ᐱᙳᐊᖅᑎᖁᑎᕗᑦ, ᑲᒪᔨᖁᑎᕗᑦ ᐱᙳᐊᖅᑎᓂᒃ, ᐱᓕᕆᔨᓪᓚᕇᑦ, ᐱᓕᕆᖃᑎᒋᒃᑐᓂᒃ ᐊᑭᓕᖅᓱᖅᑕᐅᓇᑎᒡᓗ ᐱᓕᕆᕙᒃᑐᑦ.  ᐱᙳᐊᖅᑐᓕᕆᓂᕐᒧᑦ ᑭᐱᙳᐃᔭᖅᑎᑦᑎᓂᕐᒧᓪᓗ ᐱᓕᕆᕝᕕᒃ ᑐᙵᓵᕆᕗᖅ ᐊᕕᒃᓯᒪᓂᕐᓂ ᐱᙳᐊᖅᓕᕆᓂᕐᒧᑦ ᑭᐱᙳᐃᔭᖅᑎᑦᑎᕙᑉᓂᕐᒧᓪᓗ ᑲᑐᔾᔨᖃᑎᒌᓂᑦ, ᕼᐋᒻᓚᒃᑯᑦ ᑲᑎᒪᔨᖏᓐᓂᒃ, ᑮᓇᐅᔭᓕᐅᕋᓱᒃᑎᐅᙱᑦᑐᓂᒃ ᐃᓄᑐᐃᓐᓇᓂᒡᓗ ᑐᓂᓯᖁᓪᓗᒋᑦ ᓂᕈᐊᒐᒃᓴᙳᖅᑎᑕᒥᓂᒃ ᑐᓐᓂᖅᑯᑕᐅᕙᒃᑐᓄᑦ ᐊᕐᕌᒍᑕᒫᑦ ᐅᑯᑎᒎᓇᖅ

ᐊᖑᑎ ᐊᒻᒪᓗ ᐊᕐᓇᖅ ᐱᙳᐊᖅᑎ ᐊᕐᕌᒍᒧᑦ
ᐱᙳᐊᖃᑎᒌᑦᑎᐊᓛᑦ ᐊᕐᕌᒍᒧᑦ.
ᑭᒡᒐᖅᑐᐃᔨᐅᔪᖅ ᐊᕐᕌᒍᒧᑦ.
ᕿᑎᒃᐸᒃᑐᓄᑦ ᑲᒪᔨ ᐊᕐᕌᒍᒧᑦ.
ᐊᔾᔨᐅᙱᑦᑐᒥᑦ ᐃᓕᑕᕆᔭᐅᔾᔪᑎ.

ᐱᙳᐊᖅᑐᓕᕆᓂᕐᒧᑦ ᑭᐱᙳᐃᔭᖅᑐᓕᕆᓂᕐᒧᓪᓗ ᐊᔪᕈᓐᓃᖅᓴᕐᓂᕐᒧᑦ ᐃᓕᓐᓂᐊᕐᓂᐊᕐᓗᓂ ᐱᓕᕆᐊᖑᕙᒃᑐᖅ

ᐱᙳᐊᖅᑐᓕᕆᓂᕐᒧᑦ ᑭᐱᙳᐃᔭᖅᑎᑦᑎᕙᖕᓂᕐᒧᓪᓗ ᐱᓕᕆᕝᕕᒃ ᐊᖏᖅᓯᕙᒃᐳᖅ ᐱᓇᔪᒍᑎᒋᔭᐅᔪᓂᒃ ᓄᓇᕗᒻᒥ ᐃᓕᓐᓂᐊᖅᑎᓂᑦ ᐱᓇᔪᒃᑐᓂᑦ ᐃᓕᓐᓂᐊᕐᕕᓪᓚᑦᑖᒥ ᐃᓕᓐᓂᐊᕌᓪᓚᓚᐅᖅᖢᑎᒃ ᐃᓕᓐᓂᐊᒃᑲᓐᓂᓕᕐᓂᕐᒧᑦ ᐱᓕᕆᐊᖑᕙᒃᑐᒥᒃ ᐅᑯᓄᖓ, ᑎᒥᒃᑯᑦ ᐃᓕᓐᓂᐊᖅᑎᑕᐅᓂᕐᒥᒃ, kinesology−ᒥᒃ, ᐱᙳᐊᖅᑕᐅᔪᓂᒃ ᐊᐅᓚᑦᑎᕝᕕᖃᖅᐸᖕᓂᕐᒥᒃ, ᐱᙳᐊᕐᓂᕐᒧᑦ ᖃᐅᔨᓴᒐᒃᓴᐅᕙᒃᑐᓄᑦ ᑭᐱᙳᐃᔭᖅᑎᑦᑎᓂᕐᒧᓪᓘᓐᓃᑦ ᐃᓕᓴᕆᔭᐅᓯᒪᔪᒥ ᓯᓚᑦᑐᖅᓴᕐᕕᖕᒥ ᓯᓚᑦᑐᖅᓴᕐᕕᒡᔪᐊᒥᓘᓐᓃᑦ.

ᑐᓴᒐᒃᓴᒃᑲᓐᓂᓄᑦ ᖃᓄᑐᐃᓐᓇᖅ ᓇᓕᐊᑐᐃᓐᓇᓄᑦ ᐱᙳᐊᖅᑐᓕᕆᓂᕐᒧᑦ ᑭᐱᙳᐃᔭᖅᑎᑦᑎᕙᖕᓂᕐᒧᓪᓗ ᐱᓕᕆᐊᖑᕙᒃᑐᓄᒧᑦ, ᐅᕗᖓ ᖃᐅᔨᒋᐊᖅᑐᖃᕐᓗᓂ SRinfo@gov.nu.ca

ᖃᐅᔨᒋᐊᕐᕕᐅᔪᓐᓇᖅᑐᖅ:
ᑎᑎᖅᑲᒃᑯᕕᖓ 440, 3090 6th ᐊᖅᑯᑎ,
ᖃᒪᓂ'ᑐᐊᖅ, ᓄᓇᕗᑦ
X0C 0A0
ᐅᖃᓘᑖ: (888)765-5506 (ᐊᑭᖃᖏᑦᑐᖅ)
ᖃᓄᑐᐃᓐᓇᖅ ᖃᐅᔨᒋᐊᒃᑲᓐᓂᕈᑎᑦ: (867)793-3310
ᓱᒃᑲᔪᒃᑯᑦ: (867)793-3321
ᐃᕐᖐᓐᓈᖅᑕᐅᑦ: SRinfo@gov.nu.ca