ᓄᓇᓕᖕᓂ ᐱᔨᑦᑎᕋᖅᑎᒃᑯᑦ

ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ ᐱᔨᑦᑎᕋᓲᖑᕗᑦ ᐃᑲᔪᖅᖢᑎᒡᓗ ᓄᓇᓕᖕᓂ ᐊᒻᒪᓗ ᓄᓇᓕᖕᓂ ᒐᕙᒪᓂᒃ ᓄᓇᕘᓕᒫᒥ ᐊᒻᒪᓗ ᐱᔨᑦᑎᕋᐅᑎᒻᒪᕇᑦ ᓄᓇᕘᒥ ᒐᕙᒪᒃᑯᓐᓄᑦ ᐱᓕᕆᕝᕕᖕᓄᑦ. 

ᓄᓇᓕᖕᓂ ᐱᕙᓪᓕᐊᓂᖅ

ᓄᓇᓕᖕᓂ ᐱᕙᓪᓕᐊᓂᖅ ᐱᓕᒻᒪᒃᓴᐃᖃᑦᑕᖅᐳᑦ ᐊᒻᒪᓗ ᐱᕚᓪᓕᕈᑎᒃᓴᓂᒃ ᐱᕕᖃᖅᑎᑦᑎᓲᖑᓪᓗᑎᒃ ᓄᓇᓕᖕᓂ ᑲᑎᒪᔨᓄᑦ ᐃᖅᑲᐃᓇᐃᔭᖅᑎᖏᓐᓄᓪᓗ, ᐊᒻᒪᓗ ᓇᐅᑦᑎᖅᓱᖅᐸᒃᖢᑎᒃ ᖃᐅᔨᓴᖅᐸᒃᖢᑎᒡᓗ ᓄᓇᓕᖕᓂ ᕼᐋᒻᒪᓚᒃᑯᑦ ᐊᐅᓚᑦᑎᔾᔪᓯᖏᓐᓂᒃ.  ᑖᓐᓇ ᐃᑲᔪᕐᓂᖅ ᓄᓇᓕᖕᓂ ᐱᕚᓪᓕᖅᑎᑦᑎᖃᖅᑕᖅᐳᖅ ᐃᒻᒥᒃᑰᕈᓐᓇᕐᓂᕐᒥᒃ ᐱᒋᐊᕈᑎᒃᓴᑎᒍᑦ ᓄᓇᓕᖕᓂ ᐱᔨᑦᑎᕋᕈᓐᓇᕐᓂᖏᑦ ᐊᐅᓚᑦᑎᐊᕈᓐᓇᖁᓪᓗᒋᑦ.

ᓄᓇᓕᖕᓂ ᐱᖁᑎᕐᔪᐊᓕᕆᓂᖅ

ᑐᕌᒐᖓ ᓄᓇᓕᖕᓂ ᐱᖁᑎᕐᔪᐊᓕᕆᓂᐅᑉ ᓴᐳᒻᒥᓗᒋᑦ ᐊᒻᒪᓗ ᑐᓐᓂᖅᑯᑎᒋᓗᒋᑦ ᑕᒪᐃᓐᓂ ᓄᓇᕘᒥ ᒐᕙᒪᒃᑯᓐᓂᑦ ᒐᕙᒪᑐᖃᒃᑯᓐᓂᓪᓗ ᑮᓇᐅᔭᖃᖅᑎᑕᐅᓂᖏᑦ ᓄᓇᓕᖕᓂ ᐱᖁᑎᕐᔪᐊᓕᕆᔪᓄᑦ.  ᐊᕕᒃᓯᒪᓂᐅᔪᖅ ᑕᐃᒪᐃᓕᐅᕆᐊᖃᖅᐳᖅ ᐊᔾᔨᒌᒃᑎᑦᑎᓗᑎᒃ, ᓈᒻᒪᒃᑐᒥᒃ ᐊᒻᒪᓗ ᑕᑯᒃᓴᐅᔪᒃᑯᑦ, ᓇᓕᒧᓕᖅᑎᓪᓗᒋᑦ ᓄᓇᓕᖕᓂ ᐱᔭᐅᔭᕆᐊᖃᖅᑐᑦ ᐊᒻᒪᓗ ᐱᔭᕆᐊᖃᖅᑐᓂᒃ ᐊᑐᐊᒐᐅᔭᕆᐊᖃᖅᑐᓂᒃ.

ᓂᐅᕕᖅᑐᓕᕆᓂᖅ

ᓂᐅᕕᖅᑐᓕᕆᓂᖅ ᐃᑲᔪᖃᑦᑕᖅᐳᖅ ᓄᓇᕘᒥ ᓄᓇᓕᖕᓂ ᐊᒻᒪᓗ ᑭᒃᑯᑐᐃᓐᓇᕐᓂᒃ ᐃᓱᒫᓘᑎᒃᓴᓂᒃ ᐊᐳᖅᓯᔭᕌᖓᑕ ᓂᐅᕕᖅᑐᓕᕆᓂᕐᒥ.

ᐱᓕᒻᒪᒃᓴᖅᑕᐅᓂᖏᓐᓄᑦ ᑲᑐᔾᔨᖃᑎᒌᑦ

ᓄᓇᕘᒥ ᓄᓇᓕᖕᓂ ᕼᐋᒪᓚᒃᑯᑦ ᐱᓕᒻᒪᒃᓴᖅᑕᐅᓂᖏᓐᓄᑦ ᑲᑐᔾᔨᖃᑎᒌᑦ (MTO) ᑮᓇᐅᔭᓕᐅᕋᓱᐊᖅᑎᐅᙱᑦᑐᑦ ᓴᖅᑭᑕᐅᓚᐅᖅᓯᒪᔪᖅ ᑲᑐᔾᔨᖃᑎᒌᒃᖢᑎᒃ ᓄᓇᕘᒥ ᑲᑐᔾᔨᖃᑎᒌᑦ ᓄᓇᓕᖕᓂ ᐊᐅᓚᑦᑎᔨᓄᑦ (NAMA) ᐊᒻᒪᓗ ᓄᓇᕘᒥ ᒐᕙᒪᒃᑯᖏᓐᓂ ᓄᓇᓕᖕᓄᑦ ᒐᕙᒪᒃᑯᓪᓗ ᐱᔨᑦᑎᕋᖅᑎᖏᑦ (CGS).

MTO-ᑯᑦ ᑐᕌᒐᖓ ᓇᓗᓇᐃᖅᓯᓗᑎᒃ, ᓴᓇᓗᑎᒃ ᐊᒻᒪᓗ ᐊᑐᓕᖅᑎᑦᑎᓗᑎᒃ ᐃᓕᓐᓂᐊᒐᒃᓴᓂ ᓄᓇᓕᖕᓂ ᕼᐋᒪᓚᒃᑯᓂ ᐃᖅᑲᓇᐃᔭᖅᑏᑦ ᐊᔪᕈᓐᓃᒃᑲᓐᓂᖁᓪᓗᒋᑦ ᖃᐅᔨᕚᓪᓕᕐᓗᑎᒡᓗ ᐱᐅᓂᖅᓴᒧᑦ ᓄᓇᓕᖕᓂ ᕼᐋᒪᓚᒃᑯᓂ ᐱᓕᕆᐊᒃᓴᖏᓐᓂᒃ ᐱᔨᑦᑎᕋᐅᑎᖏᓐᓂᒡᓗ ᓄᓇᕘᓕᒫᒥ.

ᑐᑭᓯᒋᐊᒃᑲᓐᓂᕈᒪᒍᕕᑦ ᐱᓕᒻᒪᒃᓴᒐᒃᓴᓂᒃ, ᓄᓇᕘᒥ  ᕼᐋᒪᓚᒃᑯᑦ ᑲᑐᔾᔨᖃᑎᒌᑦ ᐃᑭᐊᖅᑭᕕᖓᓄᐊᕐᓗᑎᑦ: http://www.nmto.ca/

ᐸᕐᓇᐃᓂᖅ ᓄᓇᓕᕆᓂᕐᓗ

ᐸᕐᓇᐃᓂᖅ ᓄᓇᓕᕆᓂᕐᓗ ᐱᔭᕆᑐᔪᓂᒃ ᑮᓇᐅᔭᓂᒃ ᐊᑐᐃᓐᓇᐅᔪᓂᒃ ᐱᕕᒃᓴᖃᖅᑎᑦᑎᓲᑦ ᓄᓇᓕᖕᓄᑦ ᐊᑐᒐᒃᓴᖏᓐᓂᒃ ᓄᓇᓂᒃ ᐸᕐᓇᐃᓂᕐᒥᒃ.

ᓴᐳᔾᔨᓂᕐᒥᒃ ᐱᔨᑦᑎᕋᕐᓂᖅ

ᓴᐳᔾᔨᓂᕐᒥᒃ ᐱᔨᑦᑎᕋᕐᓂᖅ ᑲᒪᒋᔭᖃᖅᐳᑦ ᑎᑎᕋᕐᕕᖓᓂᒃ ᐃᑭᑦᑐᔨᕆᔨᒃᑯᑦ ᐊᖓᔪᖅᑳᖓᑕ, ᑐᐊᕕᖕᓇᖅᑐᓕᕆᔨᒃᑯᑦ ᑲᑐᔾᔨᖃᑎᒌᖏᑦ (EMO), ᕿᓂᕐᓂᕐᒧᑦ ᐸᖅᓴᐃᓂᕐᒧᓪᓗ ᐊᐅᓚᑦᑎᓂᕐᒥᒃ, ᐊᒻᒪᓗ ᐃᒡᓗᕐᔪᐊᑦ ᐱᔭᕆᑐᔪᓄᑦ ᐊᑐᕆᐊᓖᑦ/ᐊᑦᑕᕐᓇᖅᑕᐃᓕᒪᓂᕐᒧᑦ ᖃᐅᔨᓴᕐᓃᑦ. ᐱᔨᑦᑎᕋᐅᑏᑦ ᐃᓚᖃᖅᐳᑦ ᕿᒥᕐᕈᓂᖅ ᐃᒡᓗᕐᔪᐊᓂᒃ ᐸᕐᓇᐃᓂᖅ ᐊᒻᒪᓗ ᖃᐅᔨᓴᕐᓂᕐᒥᒃ ᐱᓕᕆᕝᕕᐅᔪᓂᒃ ᒪᓕᑦᑎᐊᕋᓗᐊᕐᒪᖔᑕ ᐊᔾᔨᒌᙱᑦᑐᓂᒃ ᐃᑭᑦᑕᐃᓕᒪᓂᕐᒧᑦ ᐊᑦᑕᕐᓇᖅᑕᐃᓕᒪᓂᖅ ᐊᒻᒪᓗ ᐊᐅᓚᐅᑎᓄᑦ/ᐅᐊᔭᓄᑦ ᒪᓕᒋᐊᓖᑦ.  ᖃᐅᔨᓴᕐᓂᕐᒥᒃ ᐱᔨᑦᑎᕋᐅᑏ ᑭᒃᑯᑐᐃᓐᓇᕐᓄᑦ ᓇᖕᒥᓂᓕᖕᓄᓪᓗ ᐊᑐᐃᓐᓇᐅᓲᖑᕗᑦ. ᐊᕕᒃᓯᒪᓂᐅᖅᔪᖅ ᑲᒪᒋᔭᖃᖅᐳᖅ ᐊᑐᓕᖅᑎᑦᑎᓂᕐᒥᒃ ᐃᑭᑦᑕᐃᓕᒪᓂᕐᒧᑦ ᐸᕐᓇᐅᑎᓂᒃ.  ᐱᓕᒻᒪᒃᓴᐃᓂᖅ ᐃᑲᔪᕈᒪᔪᓄᑦ, ᑐᐊᕕᕐᓇᖅᑐᓕᕆᓲᑦ ᐊᒻᒪᓗ ᖃᑦᑎᕆᕙᒃᖢᑎᒃ ᓄᓇᕘᓕᒫᒥ.

ᐱᙳᐊᖅᑐᓕᕆᓂᖅ

ᐱᙳᐊᖅᑐᓕᕆᔩᑦ ᑲᒪᒋᔭᖃᖅᐳᑦ ᐱᐅᓯᒋᐊᖅᓯᓂᕐᒥᒃ, ᐱᕚᓪᓕᖅᑎᑦᑎᓂᕐᒥᒡᓗ ᐊᑐᓕᖅᑎᑦᑎᓂᕐᒥᒡᓗ ᐱᙳᐊᕈᓯᕐᓂᒃ, ᑭᐱᙳᐃᔭᐃᓂᕐᒥᒃ ᐊᒻᒪᓗ ᑎᒥᒃᑯᑦ ᐊᐅᓚᓂᓗᖕᓂᕐᒥᒃ ᐱᕕᒃᓴᓂᒃ ᓄᓇᕗᒥᐅᓄᑦ.  ᐱᙳᐊᖅᑐᓕᕆᓂᖅ ᑲᒪᒋᔭᐅᔪᑦ ᐃᓚᖃᖅᑐᑦ ᐊᑎᓕᐅᖅᑕᐅᓯᒪᔪᓂᒃ ᓄᓇᕘᒥ ᐱᙳᐊᕈᓘᔭᕐᓂᖅ/ᐱᙳᐊᖅᑐᓕᕆᓂᕐᒥᒡᓗ ᑲᑐᔾᔨᖃᑎᒌᑦ, ᓄᓇᓕᖕᓂ ᐱᙳᐊᕈᓘᔭᕐᓂᕐᒧᑦ ᑲᑐᔾᔨᖃᑎᒌᑦ, ᐊᑭᓕᖅᓱᖅᑕᐅᓇᑎᒃ ᐱᓕᕆᓲᑦ ᐊᒻᒪᓗ ᓵᒪᓚᒃᑯᑦ ᐱᓕᕆᕝᕕᖏᑦ.