ᐅᖃᓚᐅᑎᓯᐅᑏᑦ

You are here

Note for Inuit and Nunavut Businesses

ᓇᖕᒥᓂᖃᕈᕕᑦ ᐊᐅᓚᑦᑎᕙᒃᑯᕕᓪᓘᓐᓃ ᐃᓄᐃᑦ ᐅᕝᕙᓘᓐᓃ ᓄᓇᕗᒻᒥ ᓇᖕᒥᓂᒋᔭᐅᔪᒥᑦ, ᖃᐅᔨᒪᔭᕆᐊᖃᖅᐳᑎᑦ ᓄᓇᕗᑦ ᒐᕙᒪᖓᑦᑕ ᐱᔪᒥᓴᐅᑎ ᓄᓇᕗᒻᒥ ᓇᖕᒥᓂᖃᖅᑐᓂᒃ ᐃᑲᔫᑎᓄᑦ ᐊᑐᐊᒐᖓᓂ. ᐊᓯᔾᔩᔪᓐᓇᕐᒪᑦ ᒐᕙᒪᒃᑯᓐᓂ ᑐᒃᓯᕋᐅᑕᐅᖁᔭᐅᔪᒥᒃ ᐅᕝᕙᓘᓐᓃᑦ ᐊᑐᖅᑐᐊᖁᔭᐅᔪᓂᒃ ᐋᒃᑳᖅᑕᐅᓗᑎᑦ ᐅᕝᕙᓘᓐᓃᑦ ᓵᓚᒃᓴᕐᓗᑎᑦ.

ᑎᑭᑕᐅᓇᓱᐊᖅᑑᑉ ᐆᒪ ᐊᑐᐊᒐᐅᑉ, ᑕᐅᔭᐅᓲᖅ ᓄᓇᕗᒻᒥᑦ ᓇᖕᒥᓂᖃᖅᑐᓂᒃ ᐃᑲᔫᑎ, ᑐᕌᖓᓂᕐᓴᐅᔪᑦ ᐃᓄᖕᓂᑦ ᓄᓇᕗᒻᒥᓪᓗ ᓇᖕᒥᓂᖁᑎᒋᔭᓂᑦ ᐊᑭᑦᑐᕋᐅᑎᑎᓪᓗᒋᑦ ᒐᕙᒪᒃᑯᑦ ᑐᒃᓯᕌᖏᓐᓂᑦ. ᑕᐃᒪᐃᓲᑦ ᓂᕈᐊᖕᓂᕐᓴᐅᓪᓗᑎᒃ ᓇᖕᒥᓂᖃᖅᑎᐅᔫᑉ ᐱᖁᑖᓂ, ᐃᒡᓗᖃᑖᓂ ᓇᒦᓐᓂᖓᓂᒡᓗ. ᐆᒃᑑᑎᒋᓗᒍ, ᐊᑭᑐᓛᖅ ᐋᖅᑭᒋᐊᕈᑕᐅᓲᖅ ᐊᑐᕋᔭᖅᑐᑦ ᐃᓄᖕᓄᑦ ᓇᖕᒥᖁᑎᓖᑦ ᐊᑭᑦᑐᕋᐅᑎᑎᓪᓗᒋᑦ ᓄᓇᕗᑦ ᒐᕙᒪᒃᑯᖏᑦᑕ ᑐᒃᓯᕋᐅᑎᖏᓐᓄᑦ ᐱᔨᑦᑎᕋᖕᓂᖕᒧᑦ ᓄᓇᕗᒻᒥᑦ ᓄᓇᓕᖏᓐᓂᑦ ᐊᐅᓚᕝᕕᒋᔭᖓᓂᑦ.

ᐃᓄᐃᑦ ᓇᖕᒥᓂᖁᑎᖏᑦ ᓄᓇᕗᒻᒥᑦ ᓇᖕᒥᖃᖅᑐᓂᒃ ᐃᑲᔫᑎᓄᑦ ᐊᑐᒐᖓᓃᑉᐳᑦ ᓇᖕᒥᓂᖁᑖ ᒪᓕᒐᑎᒍᑦ ᐊᐅᓚᔪᑦ ᓄᓇᕗᒻᒥᑦ 51−ᐳᓴᓐᑎᓂᒡᓗ ᓇᖕᒥᓂᖁᑎᒋᔭᐅᓪᓗᓂ ᐊᐅᓚᑕᐅᓪᓗᓂᓘᓐᓃᑦ ᐃᓄᖕᓄᑦ ᑎᑎᕋᖅᑕᐅᓯᒪᔪᑦ ᓄᓇᕗᑦ ᑐᙵᕕᒃᑯᑦ ᐃᓄᐃᑦ ᓇᖕᒥᓂᖁᑎᖏᑦᑕ ᑎᑎᕋᖅᑕᐅᕕᐊᓂᑦ. ᐊᔾᔨᐸᓗᐊᓂᑦ, ᓄᓇᕗᒻᒥᑦ ᓇᖕᒥᓂᖁᑎᒋᔭᑦ ᒪᓕᒋᐊᖃᖅᐳᑦ ᓄᓇᕗᒻᒥᑦ ᒪᓕᒐᖏᓐᓂᑦ 51−ᐳᓴᓐᑎᒧᓪᓗ ᓇᖕᒥᓂᖁᑕᐅᓗᓂ ᐊᐅᓚᑕᐅᓗᓂᓘᓐᓃᑦ ᓄᓇᕗᒻᒥᐅᒧᑦ ᐊᒥᓲᓂᕐᓴᐃᑦ ᐃᑲᔫᑎᑦ ᓄᓇᕗᒻᒧᐊᖁᓪᓗᒋᑦ. ᓄᓇᕗᑦ ᒐᕙᒪᒃᑯᖏᑦ ᐱᓯᒪᒃᓯᕙᒃᐳᑦ ᑎᑎᖃᖅᑕᐅᓯᒪᔪᑦ ᐊᖏᖅᑕᐅᓯᒪᓪᓗᑎᒃ ᓄᓇᕗᒻᒥᑦ ᓇᖕᒥᓂᖁᑎᓖᑦ.

ᑐᒃᓯᕌᕆᔭᑦ ᐱᓕᕆᐊᖑᑦᑎᐊᖁᓪᓗ, ᐱᒻᒪᕆᐅᕗᖅ ᓇᓗᓇᐃᕐᓯᓗᑎᒃ ᓇᖕᒥᓂᖁᑎᕕᑦ ᖃᓄᐃᓕᖓᓂᖓ ᑐᒃᓯᕌᕆᔭᒃᑯᑦ ᑎᑎᕋᖅᑕᐅᓯᒪᓃᓪᓗ ᓄᑖᖑᑏᓐᓇᖅᐸᒡᓗᒍ. ᓇᖕᒥᓂᖁᑎᒋᔭᑦ ᓄᓇᕗᑦ ᒐᕙᒪᒃᑯᖏᑦ ᓄᓇᕗᑦ ᑐᙵᕕᒃᑯᓐᓂᓪᓗ ᐱᓯᒪᔭᐅᕗᑦ ᐃᑭᐊᖅᑭᕕᖁᑖᒍᑦ ᐱᑕᖃᖅᖢᑎᒡᓗ ᓂᐅᕕᕐᕕᐅᕙᒃᑐᓕᒫᓂᑦ ᓄᓇᕗᒻᒥᑦ ᐱᖁᑎᓂᒃ ᐱᔨᑦᑎᕋᐅᑎᓂᒡᓗ.

ᑎᑎᕋᖅᑕᐅᓂᐊᕐᓗᑎᑦ ᐃᓄᖕᓄᑦ ᓇᖕᒥᓂᖁᑎᓕᖕᓄᑦ, ᖃᐅᔨᒋᐊᕆᑦ ᓄᓇᕗᑦ ᑐᙵᕕᒃᑯᑦ ᐊᑐᐊᒐᓕᕆᔨᖏᓐᓄᑦ ᐱᕙᒌᔭᐃᔪᓕᕆᔨᒃᑯᓐᓄᓪᓗ:

ᑦᕌᕕᔅ ᑰᐳ, ᐱᕙᓪᓕᐊᔪᓕᕆᓂᖕᒧᑦ ᐊᑐᒐᓕᕆᔨ
ᐅᖄᓚᐅᑖ: (867)-975-4966
ᓱᑲᑦᑐᒃᑯᑦ: (867)-975-4910

ᖃᐅᔨᒋᐊᕐᓗᑎᒡᓘᓐᓃᑦ ᐊᖓᔪᖅᑳᖃᕐᕕᑦᑕ ᑎᑎᕋᕐᕕᐊᓄᑦ ᐅᕗᖓ:

ᓄᓇᕗᒻᒥᑦ ᑐᙵᕕᒃᑯᑦ
ᑎᑎᖅᑲᒃᑯᕕᐊ ᑎᑎᖅᑲᒃᑯᕕᐊ 638, ᐃᖃᓗᐃᑦ, ᓄᓇᕗᑦ  X0A 0H0
888-646-0006 (ᐊᑭᖃᙱᑦᑐᖅ)
867-975-4900 (ᐅᖄᓚᐅᑖ)
867-975-4949 (ᓱᑲᑦᑐᒃᑯᑦ).

ᑎᑎᕋᖅᑕᐅᓂᐊᕐᓗᑎᑦ ᓄᓇᕗᒻᒥᑦ ᓇᖕᒥᓂᖅᑎᑐᑦ, ᖃᐅᔨᒋᐊᕐᓗᑎᑦ ᓄᓇᕗᒻᒥ ᓇᖕᒥᓂᖃᖅᑐᓂᒃ ᐃᑲᔫᑎᑦ ᑎᑎᕋᕐᕕᖓ ᐅᕘᓇ ᑲᓱᕐᕕᒃᑯᑦ: http://www.nni.gov.nu.ca.

ᑐᑭᓯᒋᐊᒃᑲᓐᓂᕈᒪᓐᓂᕈᕕᑦ ᖃᐅᔨᒋᐊᕐᕕᒋᑎᒍᑦ:

ᐱᓇᓱᐊᕐᓂᖅ, ᐱᓕᕆᐊᖑᔪᑦ ᐃᓗᓕᖏᑦ ᐊᒻᒪᓗ ᑳᓐᑐᕌᒃᑯᑦ ᐃᑲᔪᖅᑐᕐᓂᖅ
ᓄᓇᓕᓐᓂ ᒐᕙᒪᒃᑯᓐᓂᓗ ᐱᔨᑦᓯᕋᖅᑎᒃᑯᑦ
ᑎᑎᖅᑲᒃᑯᕕᐊ ᑎᑎᖅᑲᒃᑯᕕᖓ 1000 ᐅᕙᖓ 700,
ᐃᖃᓗᐃᑦ, ᓄᓇᕗᑦ
X0A 0H0
ᐅᖄᓚᐅᑖ: (867) 975-5450
ᓱᑲᑦᑐᒃᑯᑦ: (867) 975-5427
ᐃᙱᓈᒃᑰᕈᑖ: procurement@gov.nu.ca