ᐃᓕᓐᓂᐊᓕᓵᖅᑐᓂᑦ ᖁᕝᕙᓯᖕᓂᓕᖕᓄᑦ 12-ᒧᑦ ᐃᓕᓐᓂᐊᖅᑕᐅᔪᑦ ᐊᐅᓚᓂᕆᔭᖏᑦ
ᐃᓕᓐᓂᐊᓕᓵᖅᑐᓂᑦ ᖁᕝᕙᓯᖕᓂᓕᖕᓄᑦ 12-ᒧᑦ ᐃᓕᓐᓂᐊᖅᑕᐅᔪᑦ ᐊᐅᓚᓂᕆᔭᖏᑦ
ᐃᓕᓐᓂᐊᓕᓵᖅᑐᓂᑦ 12−ᒧᑦ ᐃᓕᓐᓂᐊᖅᑕᐅᔪᑦ ᐊᐅᓚᓂᕆᔭᖏᑦ ᐊᕕᒃᑐᖅᓯᒪᓂᐅᔪᒧᑦ ᐊᓪᓚᕝᕕᖓᓐᓂ ᐃᓕᓐᓂᐊᕐᓂᓕᕆᔨᒃᑯᓐᓂ ᑲᒪᒋᔭᖃᖅᐳᑦ ᑲᒪᒋᔭᖃᕐᓂᕐᒧᑦ ᐊᒻᒪᓗ ᐃᑲᔪᖅᓱᐃᓂᕐᒧᑦ ᑐᓂᓯᓂᖓᓂᒃ ᓄᓇᕘᑉ ᐃᓕᓐᓂᐊᕐᓂᓕᕆᓂᖓᓂᒃ ᐱᓕᕆᐊᒃᓴᒥᒃ ᐃᓕᓐᓂᐊᕐᕕᓂ ᓄᓇᕗᓕᒫᒥ.
ᐊᕕᑦᑐᑦᓯᒪᓂᐅᔪᒥ ᐃᓕᓐᓂᐊᕐᕕᓐᓄᑦ ᐊᐅᓚᑦᓯᕕᒃ/ᑲᒥᓴᓐ ᐅᐃᕖᑦ ᐃᓕᓐᓂᐊᕐᓂᓕᕆᓂᕐᒧᑦ ᑲᑐᔾᔨᖃᑎᒌᖏᑦ ᓄᓇᕗᒻᒥ ᐊᓪᓚᕕᓂ ᖁᕐᓗᖅᑑᒥ, ᖃᒪᓂᖅᑐᐊᖅ, ᒥᑦᑎᒪᑕᓕᒃ ᐃᖃᓗᓐᓂᓗ ᑲᒪᖃᑦᑕᕆᐊᓖᑦ ᐅᓪᓗᑕᒫᖅᓯᐅᑎᓂᒃ ᐃᓕᓴᕐᕕᑦ ᐊᐅᓚᔾᔪᓯᖏᓐᓂᒃ, ᖃᐅᔨᓴᖅᐸᓪᓗᑎᒃ
ᐃᖅᑲᓇᐃᔭᖅᑎᓂᒃ ᐃᓕᓐᓂᐊᖅᑎᑦᓯᓂᕐᒧᑦ, ᑐᓴᐅᒪᑎᑦᓯᓗᑎᒃ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᓐᓂᑦ, ᖃᐅᔨᓴᕐᓂᖃᓗᑎᓪᓗ ᐃᓕᓐᓂᐊᕈᑎᒃᓴᓂᒃ ᐊᒻᒪ ᐃᑲᔪᕈᑎᒃᓴᓂᒃ ᐃᓕᓐᓂᐊᓕᓵᖅᑐᓂᑦ ᖁᕝᕙᓯᓐᓂᓕᓐᓄ 12-ᒧᑦ.
ᑖᒃᑯᐊ ᐊᓪᓚᕝᕕᐅᔪᑦ ᑐᓂᓯᕙᒃᐳᑦ ᑐᕌᖓᑦᑎᐊᖅᑐᒥᒃ ᐃᑲᔪᖅᓱᐃᓂᕐᒥᒃ ᐃᓕᓐᓂᐊᕐᕕᓄᑦ ᑲᒪᒋᔭᖃᕐᓂᒃᑯᑦ ᐊᒻᒪᓗ ᐃᑲᔪᖅᓱᐃᓂᒃᑯᑦ ᐃᓕᓴᐃᔩᑦ ᐊᖓᔪᖅᑳᖏᓐᓄᑦ, ᐃᓕᓴᐃᔨᓄᑦ ᐊᒻᒪᓗ ᐊᓯᖏᓐᓄᑦ ᐃᓕᓐᓂᐊᕐᕕᖕᒥ ᐃᖅᑲᓇᐃᔭᖅᑎᐅᔪᓄᑦ ᓇᓗᓇᐃᖅᓯᓂᕐᒥᒃ ᖁᑦᑎᒃᑐᒥᒃ ᐱᐅᑦᑎᐊᖅᑐᒥᒃ ᐃᓕᓴᐃᓂᕐᒧᑦ, ᖃᐅᔨᓴᕐᓂᕐᒧᑦ ᐊᒻᒪᓗ ᐃᓕᓐᓂᐊᖅᑎᓄᑦ ᐃᑲᔪᖅᓱᐃᓂᐅᔪᑦ ᐱᓕᕆᐊᖑᕙᓪᓕᐊᓂᖏᓐᓂᒃ ᐱᔭᕆᐊᖃᕆᔭᐅᑎᓪᓗᒋᑦ ᒥᓂᔅᑕᒧᑦ. ᑖᒃᑯᐊ ᐊᓪᓚᕝᕖᑦ ᑲᒪᒋᔭᖃᕆᕗᑦ ᐃᖅᑲᓇᐃᔮᖅᑖᖅᑎᑦᑎᓂᕐᒧᑦ, ᐊᓯᐊᓄᑦ ᓄᓇᒧᑦ ᓅᑕᐅᓂᖏᓐᓂᒃ, ᑲᒪᒋᔭᐅᓂᖏᓐᓂᒃ ᐊᒻᒪᓗ ᐱᓕᕆᑦᑎᐊᕐᓂᖏᓐᓄᑦ ᐊᐅᓚᑕᐅᓂᖏᓐᓂᒃ ᐃᓕᓐᓂᐊᕐᕕᐅᑉ ᐃᖅᑲᓇᐃᔭᖅᑎᖏᓐᓄᑦ.