ᐱᓕᕆᐊᒃᓴᑦ, ᑐᕌᖅᑕᐅᓇᓱᐊᖅᑐᑦ, ᐱᒻᒪᕆᐅᒋᔭᖏᓪᓗ

ᑐᑦᑕᕐᕕᖓ ᐃᖃᓗᓐᓃᑦᑐᖅ, ᐊᕕᒃᑐᖅᓯᒪᔪᓂᓪᓗ ᐊᐅᓚᓂᖃᖅᓱᑎᒃ ᑲᖏᖅᖠᓂᕐᒥ, ᐃᖃᓗᒃᑑᑦᑎᐊᕐᒥ, ᐃᒡᓗᓕᒃᒥᓪᓗ, ᑮᓇᐅᔭᓕᕆᔨᒃᑯᑦ ᐱᑕᖃᖅᑐᑦ ᑐᑦᑕᕐᕕᒋᔭᐅᑦᓱᑎᒃ ᒐᕙᒪᒃᑯᓐᓄᑦ ᓄᓇᕗᒻᒥ.

ᑕᐅᑐᖅᑰᖅᑕᕗᑦ

ᑮᓇᐅᔭᓕᕆᔨᒃᑯᑦ ᐱᓕᕆᐊᖃᖅᐸᒃᐳᑦ ᑐᕌᕆᔭᖃᖅᓱᑎᒃ ᑕᐅᑐᖅᑰᖅᑕᐅᔪᒥᒃ ᐃᒪᐃᑦᑐᒥᒃ:

• ᒐᕙᒪᒃᑯᑦ ᐋᖅᑭᒃᓯᒪᑦᑎᐊᖅᑐᓂᒃ ᐋᖅᑭᒃᓯᒪᓕᖅᑎᑦᑎᕙᒡᓗᑎᒃ ᐊᑐᖅᓯᕙᖕᓂᕐᒧᑦ ᑭᒃᑯᑐᐃᓐᓇᓄᑦ ᐊᑐᖅᑕᐅᔪᓐᓇᖅᑐᓂᒃ ᑐᙵᕕᖃᖅᑎᑕᐅᓪᓗᑎᒃ ᑕᒻᒪᖅᑕᖅᓯᒪᙱᑦᑎᐊᖅᑐᓂᒃ ᓈᒻᒪᖅᑯᑦᑎᔪᓂᒡᓗ ᑐᓴᖅᑕᐅᔪᒃᓴᓂᒃ, ᖃᐅᔨᓴᕐᓂᕐᒧᑦ, ᐅᖃᐅᔾᔪᐃᓂᕐᓂᒡᓗ;
• ᒐᕙᒪᒃᑯᑦ ᐊᐅᓚᓂᕆᔭᖏᑦ ᐃᖏᕐᕋᑦᑎᐊᖅᐳᑦ ᑲᔪᓯᓂᖃᑦᑎᐊᖅᖢᑎᒡᓗ, ᐃᑲᔪᖅᑐᖅᑕᐅᓯᒪᓪᓗᑎᒃ ᐊᔾᔨᒌᙱᑦᑐᓂᑦ ᐱᓕᕆᔨᓪᓚᕆᖕᓂᑦ ᐱᓕᕆᕝᕕᒋᔭᐅᔪᓄᓪᓗ−ᑕᐅᑐᒐᖃᓪᓗᐊᑕᖅᑐᓂᒃ ᐊᑕᐅᓰᓐᓇᕐᒦᑎᑕᐅᔪᓂ ᐱᔨᑦᑎᕋᕐᓂᕆᔭᐅᕙᒃᑐᓂ;
• ᒐᕙᒪᒃᑯᑦ ᓵᑕᐅᓕᕈᓐᓇᖅᐳᑦ ᓄᓇᕗᒻᒥᐅᓂᑦ, ᑖᒃᑯᐊ ᐅᒃᐱᕆᔭᖃᑦᑎᐊᕐᓂᖏᓐᓄᑦ ᐊᑐᖅᑕᐅᕙᒃᑐᓂᒃ ᑲᔪᓯᔾᔪᑕᐅᕙᒃᑐᓂᒡᓗ ᐃᓕᔭᐅᓯᒪᔪᓂᒃ ᑕᒻᒪᖅᑕᙱᓪᓗᑎᒃ ᐊᐅᓚᑦᑎᖁᓪᓗᒋᑦ ᑭᒃᑯᑐᐃᓐᓇᓄᑦ ᑮᓇᐅᔭᖁᑎᒋᔭᐅᔪᓂᒃ.

ᖃᓄᖅ ᐱᓕᕆᓲᖑᖕᒪᖔᑦᑕ

ᐃᑲᔪᖅᑐᕐᓂᕐᒧᑦ ᒐᕙᒪᒃᑯᓐᓂᑦ ᓄᓇᕗᒻᒥ ᖃᐅᑕᒫᑦ ᐊᐅᓚᓂᕆᔭᖏᓐᓄᑦ, ᓯᕗᒧᐊᒃᑎᑦᓯᓂᕐᒥᑦ ᒪᓕᒐᓕᐅᕐᕕᐅᑉ ᒪᓕᒐᓕᕆᓂᕐᒧᑦ ᐱᓕᕆᐊᒃᓴᖏᓐᓂᑦ, ᑲᔪᓯᑎᑦᓯᓂᕐᒧᓪᓗ ᑕᐅᑐᖅᑰᖅᑕᕗᓐᓂᑦ ᐱᓕᕆᕝᕕᑦᑕ, ᑮᓇᐅᔭᓕᕆᔨᒃᑯᑦ:

• ᐊᑐᐃᓐᓇᐅᑎᑦᓯᓂᕐᒧᑦ ᓈᒻᒪᖅᑐᓂᑦ ᑭᖑᕙᙱᑦᑐᒥᓪᓗ ᐅᖃᐅᔾᔨᒋᐊᕐᓂᕐᒧᑦ ᖃᐅᔨᓴᕐᓂᕐᒧᓪᓗ ᐃᑲᔪᖅᑐᐃᓂᕐᒧᑦ ᐃᓱᒪᓕᐅᕐᓂᕐᒧᑦ ᐊᑐᖅᑕᐅᓂᖏᓐᓄᑦ ᑭᒃᑯᑐᐃᓐᓇᕐᓄᑦ ᐃᑲᔫᑎᑦᓴᐅᔪᓂᑦ.
• ᑲᔪᓯᑎᑦᓯᔪᖅ ᐊᔾᔨᒌᖏᑦᑐᓂᑦ ᐱᓕᕆᐊᓂᑦ ᓱᓕᕆᓂᐅᔪᓂᓪᓗ ᐃᑲᔪᖅᑐᕐᓂᕐᒧᑦ ᒐᕙᒪᒃᑯᑦ ᐊᑐᐊᒐᖏᓐᓂᑦ ᐊᐅᓚᓂᖏᓐᓂᓪᓗ;
• ᓴᖅᑭᔮᖅᑎᑦᓯᓂᕐᒥᑦ ᓵᑕᐅᔪᓐᓇᕐᓂᖅᒥ ᐊᑐᓕᖅᑎᑦᓯᓂᕐᒧᑦ ᐱᓕᕆᔾᔪᑕᐅᓂᐊᖅᑐᓂᑦ ᐊᐅᓚᑦᓯᓂᕐᒧᑦ, ᖃᐅᔨᓴᕐᓂᕐᒧᑦ ᐅᓂᒃᑳᓕᐅᕐᓂᕐᒧᓪᓗ ᐊᑐᖅᑕᐅᓂᖏᓐᓄᑦ ᑭᒃᑯᑐᐃᓐᓇᕐᓄᑦ ᑮᓇᐅᔭᖁᑎᓂᑦ.

ᐆᒃᑑᑎᐅᔪᑦ ᐊᒥᓱᓄᑦ ᐱᔭᒃᓴᑎᓐᓄᑦ ᑲᒪᒋᖃᑦᑕᖅᑕᑎᓐᓄᑦ, ᒐᕙᒪᒃᑯᑦ ᓄᓇᕗᒻᒥ ᑮᓇᐅᔭᓕᕆᔨᒃᑯᑦ:

• ᐃᑲᔪᖅᑐᐃᓐᓂᖅ ᐅᖃᐅᔾᔨᒋᐊᖃᑦᑕᕐᓂᕐᓗ ᑮᓇᐅᔭᕆᓕᕆᓂᕐᒧᑦ ᑲᒪᓂᕐᒧᑦ ᑲᑎᒪᔩᑦ (FMB) ᒥᓂᔅᑕᓄᑦ;
• ᐊᐅᓚᑦᓯᓂᕐᒧᑦ ᐊᑭᓕᖅᑕᐅᔾᔪᑎᓂᑦ ᐃᑲᔫᑎᓂᓪᓗ ᒐᕙᒪᒃᑯᓐᓄᑦ ᓄᓇᕗᒻᒥ ᐃᖅᑲᓇᐃᔭᖅᑎᓄᑦ;
• ᐊᑭᓕᖅᑐᐃᓂᕐᒧᑦ ᐊᑭᓕᖅᑕᐅᔪᒪᔾᔪᑎᓂᑦ ᑭᒡᒐᖅᑐᐃᓗᑎᒃ ᐱᓕᕆᕝᕕᐅᔪᓂᑦ;
• ᓄᐊᑦᓯᓂᕐᒧᑦ ᑮᓇᐅᔭᖅᑖᕆᔭᐅᕙᓪᓕᐊᔪᓂᑦ ᐊᑭᓕᒃᓴᐅᔪᓂᑦ ᒐᕙᒪᒃᑯᓐᓄᑦ ᓄᓇᕗᒻᒥ;
• ᐊᑐᐃᓐᓇᕈᖅᑎᕆᓂᖅ ᐅᓂᒃᑳᓕᐅᕐᓂᕐᒧᑦ ᑮᓇᐅᔭᓕᕆᓂᕐᒧᑦ ᐊᕐᕌᒎᑉ-ᐃᓱᐊᓂ; 
• ᐱᕙᓪᓕᐊᑎᑦᓯᓂᕐᒧᑦ ᑲᒪᒋᔭᖃᕐᓂᕐᒧᓪᓗ ᒐᕙᒪᒃᑯᑦ ᓄᓇᕗᒻᒥ ᑮᓇᐅᔭᓕᕆᓂᕐᒧᑦ ᐊᑐᖅᑕᐅᖃᑦᑕᖅᑐᓄᑦ;
• ᐊᐅᓚᑦᓯᓂᕐᒧᑦ ᓄᓇᕗᒻᒥ ᑖᒃᓰᔭᕈᑎᓄᑦ ᐊᑐᑦᑕᐅᖃᑦᑕᖅᑐᓄᑦ;
• ᖃᐅᔨᓴᕐᓂᕐᒧᑦ ᐃᓗᐊᓂ ᐱᓕᕆᐊᓂᑦ ᑲᔪᓯᑎᑕᐅᓂᖏᓐᓄᓪᓗ;
• ᐊᐅᓚᑦᓯᓂᕐᒧᑦ ᒐᕙᒪᒃᑯᑦ ᓄᓇᕗᒻᒥ ᓇᓪᓕᐅᒃᑯᒻᒫᖏᓐᓂᑦ ᐱᓕᕆᐊᖏᓐᓂᑦ;
• ᑐᑭᒧᐊᒃᑎᑦᓯᓂᕐᒧᑦ ᒐᕙᒪᒃᑯᓐᓂᓕᒫᖅ ᓄᓇᕗᒻᒥ ᑮᓇᐅᔭᐃᑦ ᐊᑐᖅᑕᐅᓂᕆᔭᖏᓐᓂᑦ ᑮᓇᐅᔭᐃᓪᓗ ᐊᖏᖅᑕᐅᓯᒪᔪᑦ ᑲᔪᓯᑎᑕᐅᓂᖏᓐᓄᑦ;
• ᑭᒡᒐᖅᑐᐃᔪᖅ ᒐᕙᒪᒃᑯᑦ ᓄᓇᕗᒻᒥ ᐱᔪᒪᓂᖏᓐᓂᑦ ᑲᓇᑕᓕᒫᒥᑦ ᑮᓇᐅᔭᐃᑦ ᒥᒃᓵᓅᖓᔪᑦ ᑮᓇᐅᔭᓕᕆᓂᕐᒧᓪᓗ ᐱᓕᕆᐊᑦ;
• ᐊᐅᓚᑦᓯᓂᕐᒧᑦ ᒐᕙᒪᒃᑯᑦ ᓄᓇᕗᒻᒥ ᐱᖃᑎᒌᓐᓂᑦ ᓄᓇᕗᒻᒥ ᑯᐊᐳᕇᓴᖏᑦ ᑭᒃᑯᑐᐃᓐᓇᕐᓄᓪᓗ ᑐᑦᑕᕐᕕᐅᔪᓂᑦ;
• ᐊᐅᓚᑦᓯᓂᕐᒧᑦ ᑭᒃᑯᑐᐃᓐᓇᕐᓄᑦ ᑮᓇᐅᔭᖁᑎᒋᔭᐅᔪᑦ;
• ᑲᒪᒋᔭᖃᕐᓂᕐᒧᑦ ᑮᓇᐅᔭᒃᓴᕈᓐᓇᕐᓂᕐᒥᑦ ᖃᐅᔨᓴᕐᓂᕐᒧᑦ ᕿᒥᕐᕈᓂᕐᒧᓪᓗ;
• ᓯᕗᒃᑲᖅᑕᐃᔪᖅ ᒐᕙᒪᒃᑯᑦ ᓄᓇᕗᒻᒥ ᑐᕌᖅᑕᐅᓇᓱᐊᖅᑐᒥ ᐃᒥᐊᓗᒧᑦ ᓱᕐᕋᓇᖅᑐᖅᒧᓪᓗ ᐊᑐᐊᒐᕐᒥ
• ᐱᔪᓐᓇᐅᑏᑦ ᐊᐅᓚᑦᓯᓂᕐᒧᓪᓗ ᐃᒥᐊᓗᒧᑦ ᓱᕐᕋᓇᖅᑐᒧᓪᓗ ᓴᓇᕕᐅᔪᓂ ᓄᓇᕗᒻᒥ.

ᐃᓗᐃᑦᑐᒥᒃ ᑕᑯᓪᓗᒍ

ᑮᓇᐅᔭᓕᕆᔨᒃᑯᑦ ᐊᒡᒍᖅᑐᖅᓯᒪᐅᔭᖅᖢᑎᒃ ᑎᑎᕋᕐᕕᖓᑦ ᐋᖅᑭᒃᓯᒪᓂᖃᕐᒪᑦ, ᐊᑐᓂ ᑐᑭᒧᐊᒃᑎᑦᑎᔨᖃᖅᖢᑎᒃ ᓯᕗᓕᖅᑎᐅᖃᑕᐅᔪᒥ.

• ᐊᐅᓚᑦᑎᕕᒃ (ᒥᓂᔅᑕᐅᑉ ᑐᒡᓕᐊ)
• ᑮᓇᐅᔭᓕᕆᔨᓄᑦ ᐊᖓᔪᖅᑳᒻᒪᕆᒃ (ᑮᓇᐅᔭᓕᕆᔨᒻᒪᕇᑦ, ᐃᑲᔪᖅᑎᖃᖅᖢᓂ ᑮᓇᐅᔭᓕᕆᔨᒥᒃᑕᐅᖅ) ᐊᒻᒪᓗ
• ᑮᓇᐅᔭᓕᕆᓂᕐᒧᑦ ᐊᐅᓚᑦᑎᔩᑦ  (ᒥᓂᔅᑕᐅᑉ ᑐᒡᓕᐊᑕ ᐃᑲᔪᖅᑎᖓ).

ᑎᓴᒪᖓᑦ ᐱᓕᕆᕝᕕᐅᓲᖅ, ᑐᑦᑕᕐᕕᖕᒥᒃ ᐊᐅᓚᑕᐅᔪᑦ ᑮᓇᐅᔭᐃᑦ, ᐃᓚᒋᔭᐅᔪᖅ ᑮᓇᐅᔭᖅᑑᑎᒋᔭᐅᔪᓂᒃ ᒪᑭᒪᔾᔪᑎᐅᔪᖅ ᐊᑭᓕᖅᓱᖅᑕᐅᔭᕆᐊᓕᖕᓄᑦ ᐅᓄᖅᑐᓄᑦ ᐊᑭᓖᕝᕕᐅᖃᑦᑕᖅᖢᓂ ᑭᓯᐊᓂᓕ ᐱᓕᕆᔨᓪᓚᕆᖃᙱᑦᑐᖅ.

ᒥᓂᔅᑕᐅᑉ ᑐᒡᓕᐊ ᓯᕗᓕᖅᑎᐅᖃᑦᑕᖅᑐᖅ ᑮᓇᐅᔭᓕᕆᔨᒃᑯᑦ ᐱᓕᕆᕝᕕᐊᓂ ᐃᓗᐃᑦᑐᒥᒃ.

ᐊᑐᓂ ᐱᓕᕆᕝᕕᖕᓂ ᐊᒡᒍᖅᑐᖅᓯᒪᐅᕐᒪᑕ ᐱᓕᕆᐊᒃᓴᓕᕆᔩᑦ, ᑲᒪᔨᖃᐅᖅᖢᑎᒃ ᑐᑭᒧᐊᒃᑎᑦᑎᔨᓂᒃ. ᑮᓇᐅᔭᓕᕆᕝᕕᖕᒥ ᑮᓇᐅᔭᖅᑑᑎᑦ ᐅᓂᒃᑲᐅᓯᐅᖃᑦᑕᖅᑐᑦ ᐊᒡᒍᖅᑐᖅᓯᒪᔪᓂᑐᐊᖅ, ᑭᓯᐊᓂᑦᑕᐅᖅ ᐊᒡᒍᖅᑐᖅᓯᒪᐅᕋᓗᐊᖅᑎᓪᓗᒋᑦ ᐃᓚᖏᑦ ᐱᓕᕆᐊᖑᖃᑦᑕᖅᑐᑦ ᐊᑕᐅᓯᐅᙱᑦᑐᓄᑦ ᐱᓕᕆᕝᕕᖕᓄᑦ ᑲᑐᔾᔭᐅᓪᓗᑎᒃ. ᐊᒡᒍᖅᑐᖅᓯᒪᐅᖅᑐᓂ ᐊᑐᓃᖅᑐᖅᓯᒪᐅᒃᑲᓐᓂᕆᕗᑦ, ᑖᒃᑯᐊ ᐊᐅᓚᑦᑎᔨᖃᐅᖅᖢᑎᒃ. ᐃᓄᑭᓐᓂᖅᓴᐅᓪᓗᑎᒃ ᐱᓕᕆᔨᖏᑦ ᐊᑕᐅᓯᕐᒧᑦ ᑐᕌᒐᖃᒐᔪᒃᑐᑦ ᐱᐊᓂᒐᓱᒃᑕᖏᑦ.

ᑲᑎᑕᐃᓐᓇᕆᓪᓗᒋᑦ, ᑮᓇᐅᔭᓕᕆᔨᒃᑯᑦ ᐃᒻᒪᖄ 200−ᓂᒃ ᐃᖅᑲᓇᐃᔭᖅᑎᖃᖅᑐᖅ ᐊᐅᓚᑦᑎᕝᕕᖕᒥᐅᑕᐅᓪᓗᑎᒃ ᒪᑭᒪᑎᑦᑎᔨᐅᖃᑕᐅᔪᑦ. ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᓱᕐᕋᖕᓇᖅᑐᓕᕆᓂᕐᒧᓪᓗ ᑲᑎᒪᔨᖏᑦ, ᐃᓄᓕᒫᓄᑦ ᑐᕌᖓᓪᓗᓂ ᑎᒥᓕᐊᖑᓚᐅᖅᓯᒪᔪᖅ ᐅᓂᒃᑲᐅᓯᐅᓲᖑᓪᓗᓂ ᑮᓇᐅᔭᓕᕆᔨᒃᑯᓐᓄᑦ, ᐃᖅᑲᓇᐃᔭᖅᑎᖁᑎᖃᖅᑐᖅ 30−ᐅᓪᓗᐊᖅᑐᓂᒃ ᐃᓚᒋᔭᐅᓪᓗᑎᒃ ᐱᓕᕆᔨᐅᔪᓄᑦ.

ᐊᖓᔪᖅᑳᖃᕐᕕᖕᒥ ᐊᐅᓚᑦᑎᕕᒃ

ᐊᖓᔪᖅᑳᖃᕐᕕᖕᒥᐊᐅᓚᑦᑎᕕᒃᑲᒪᖃᑦᑕᖅᐳᖅ, ᐊᔪᕆᖅᓲᔾᔨᕙᒃᖢᑎᒃ ᐊᒻᒪ ᐃᑲᔪᖅᐸᒃᖢᑎᒃ ᐱᓕᕆᕝᕕᐅᑉ ᐱᓕᕆᐊᕆᔭᖏᓐᓂᒃ, ᐊᒻᒪ ᑲᑎᙵᔾᔪᑕᐅᕙᒃᑭᓪᓗᑎᒃ ᑮᓇᐅᔭᓕᕆᔨᒃᑯᑦ ᒥᓂᔅᑕᖓᓄᑦ.

ᐃᓱᒪᑕᖃᖅᖢᑎᒃ ᒥᓂᔅᑕᐅᑉ ᑐᒡᓕᐊᓂᒃ,ᐊᐅᓚᑦᑎᕕᒃ ᐱᖓᓱᓂᒃ ᓯᕗᓕᖅᑎᐅᖃᑕᐅᔪᓂᒃ ᑮᓇᐅᔭᓕᕆᔨᒃᑯᓐᓂ ᐱᓕᕆᔨᖃᖅᑐᖅ−ᑮᓇᐅᔭᓕᕆᔨ ᐊᖏᔪᖅᑳᒪᕆᒃ, ᑮᓇᐅᔭᓕᕆᔨ ᐊᖏᔪᖅᑳᒪᕆᒃ ᐃᑲᔪᖅᑎᖓ ᐊᒻᒪᓗ ᒥᓂᔅᑕᐅᑉ ᑐᒡᓕᐊᑕ ᐃᑲᔪᖅᑎᖓ − ᐃᓚᐅᖃᑕᐅᖕᒥᔪᖅᑕᐅᖅ ᐊᒡᓚᒡᕕᖕᒥ ᐊᑐᐊᒐᕐᓂᒃ ᐱᓕᕆᔨᐅᔪᑦ.

ᐊᒡᓚᒡᕕᖕᒥ ᐊᑐᐊᒐᓄᑦ ᐃᖅᑲᓇᐃᔭᕐᕕᒃ ᐊᐅᓚᑦᑎᓪᓗᓂ ᐃᖅᑲᓇᐃᔭᕐᕕᑦ ᐊᕕᒃᑐᖅᓯᒪᔪᓄᑦ ᖃᓄᐃᓕᐅᕈᑎᓂᒃ, ᐱᓗᐊᖅᑐᒥᒃ ᑕᐃᒃᑯᐊ ᐊᒃᑐᐊᓂᓖᑦ ᒪᓕᒐᓕᐊᓄᑦ, ᐊᑐᐊᒐᒃᓴᓄᑦ ᐊᑐᐊᒐᓄᓪᓗ ᐱᕙᓪᓕᐊᑎᑦᑎᓂᕐᓂ. ᐃᖅᑲᓇᐃᔭᕐᕕᒃ ᐃᑲᔪᖅᑐᖅ ᑐᑦᑕᕐᕕᖃᕐᕕᐅᓪᓗᓂᓗ ᒥᓂᔅᑕᖓᓄᑦ ᑮᓇᐅᔭᓕᕆᔨᒃᑯᑦ ᑎᑎᕋᕐᕕᖓᓂ ᐊᐅᓚᑦᑎᓪᓗᓂᓗ ᐃᖅᑲᓇᐃᔭᕐᕕᐅᑉ ᑐᓴᐅᒪᔪᓕᕆᓂᕐᒧᑦ ᖃᓄᐃᓕᐅᕈᑎᖏᓐᓂᒃ. ᐃᖅᑲᓇᐃᔭᕐᕕᒃ ᑲᒪᒋᔭᒃᓴᖏᓐᓂᒃ ᑲᒪᔨᐅᔪᑦ ᐊᐅᓚᓪᓗᒋᑦ ᓄᓇᕗᒻᒥ ᒐᕙᒪᒃᑯᑦ ᐱᓕᕆᖃᑎᖏᑦ ᒐᕙᒪᒃᑯᑦ ᐱᓕᕆᕝᕕᖏᓐᓂ, ᐃᑲᔪᖅᐸᒃᖢᒍ ᓄᓇᕗᒻᒥ ᐃᒥᐊᓕᓗᕆᔨᒃᑯᑦ ᓱᕐᕋᖕᓇᖅᑐᓕᕆᔨᒃᑯᓪᓗ ᑲᑎᒪᔨᖏᑦ, ᑕᑯᓇᒃᐸᒃᖢᒋᑦ ᓄᓇᕗᒻᒥ ᒐᕙᒪᒃᑯᑦ ᐱᒋᐊᕈᑎᖏᑦ ᐃᒥᐊᓗᓕᕆᓂᕐᓄᑦ ᓱᕐᕋᖕᓇᖅᑐᓄᓪᓗ ᐊᑐᐊᒐᖓ, ᒐᕙᒪᓄᑦ ᒪᓕᒃᑕᐅᔭᕆᐊᖃᕐᓂᖓᓄᑦ ᐊᔭᐅᖅᑐᕈᑕᐅᓗᓂ.

ᑭᒡᒐᖅᑐᖅᖢᒍ ᑮᓇᐅᔭᓕᕆᔨᒃᑯᑦ ᐃᓂᓪᓗᐊᑕᐅᓂᕐᒥᓄᑦ, ᐃᖅᑲᓇᐃᔭᕐᕕᒃ ᐊᐃᑦᑑᑎᖃᕐᖢᓂ ᓄᓇᕗᒻᒥ ᒐᕙᒪᒃᑯᑦ ᑕᐅᕗᖓᐅᔨᖓᓂᖅᓴᒥᒃ ᒪᓕᒐᓕᐊᓂᒃ ᐊᑐᐊᒐᓕᕆᓂᕐᓂᒡᓗ ᕿᒥᕐᕈᓂᒃᑯᑦ ᑕᒪᐃᓐᓂᒃ ᒥᓂᔅᑕᐅᑎᖃᕐᕕᖕᒧᑦ ᑐᓂᔭᕐᓂᑦ. ᐃᖅᑲᓇᐃᔭᕐᕕᖕᒥ ᐃᖅᑲᓇᐃᔭᖅᑎᑦ ᖃᔅᓯᑲᓪᓚᖕᓂᒃ ᐊᓯᖏᓐᓂᒃ ᐃᖅᑲᓇᐃᔮᖃᕐᒥᔪᑦ, ᐃᓚᐅᓪᓗᑎᒃ ᐊᐅᓚᑦᑎᓂᖅ ᐃᖅᑲᓇᐃᔭᕐᕕᐅᑉ ᐊᑐᕈᓐᓇᕐᓂᖅ ᑐᓴᖅᑕᐅᔪᒃᓴᓂᒃ ᓴᐳᔾᔨᓯᒪᓂᕐᓗ ᖃᐅᔨᔭᐅᔭᕆᐊᖃᙱᑦᑐᓂᒃ ᐱᕙᓪᓕᐊᓂᖏᓐᓂ ᓯᕗᓕᖅᓯᓪᓗᑎᒡᓗ ᐃᖅᑲᓇᐃᔭᕐᕕᐅᑉ ᐃᓄᐃᑦ ᖃᐅᔨᒪᔭᑐᖃᖏᓐᓄᑦ ᐱᓕᕆᐊᖑᕙᓪᓕᐊᔪᒪᔪᑦ. 

ᑮᓇᐅᔭᓕᕆᔨᒻᒪᕇᑦ ᐃᖅᑲᓇᐃᔭᕐᕕᖕᒥ ᐊᕕᒃᑐᖅᓯᒪᓂᖏᑦ

ᑮᓇᐅᔭᓕᕆᔨᒻᒪᕇᑦ ᐊᐅᓚᑦᑎᔨᖏᑦᓄᓇᕗᒻᒥᐅᓂᒃ ᓵᑕᐅᔾᔪᑎᖃᕈᑎᒃ ᑭᐅᔭᕆᐊᖃᖅᑎᑦᑎᖕᒪᑕ ᑮᓇᐅᔭᓕᕆᔾᔪᑎᓄᑦ ᑎᑎᖅᑲᓕᕆᔭᐅᔭᕆᐊᖃᓲᓂᒃ ᐊᒻᒪ ᓇᓗᓇᐃᖅᓯᔾᔪᑕᐅᕙᒃᑐᓂᒃ ᐃᑲᔪᖅᓯᕈᑕᐅᓲᖑᓪᓗᑎᒃ ᑎᑎᕋᖅᑎᓄᑦ ᓄᓇᕗᑦ ᒐᕙᒪᖓᑦᑕ ᐱᓕᕆᐊᖏᓐᓄᑦ ᑐᕌᑦᑎᐊᕋᓗᐊᕐᒪᖔᑕ. 

ᑮᓇᐅᔭᓕᕆᓂᕐᒧᑦ ᐅᓂᒃᑳᓕᐅᕐᓂᖅ ᐊᐅᓚᔾᔪᑎᖏᓪᓗ ᐱᓕᕆᐊᒃᓴᖃᖅᐳᖅ ᒐᕙᒪᓕᒫᒥ ᑲᔪᓯᑎᑦᑎᓂᕐᒧᑦ ᑐᑦᑕᕐᕕᐊᓂ ᑮᓇᐅᔭᓕᕆᓂᕐᒧᑦ ᐊᐅᓚᔾᔪᑎᖓᓂ ᓇᓗᓇᐃᖅᐸᒃᖢᓂᓗ ᑕᒻᒪᖅᑕᖅᓯᒪᙱᒻᒪᖔᑦ, ᒪᓕᑦᑎᐊᕐᒪᖔᑦ ᐱᔭᕇᖅᓯᒪᑦᑎᐊᕐᒪᖔᓪᓗ ᑮᓇᐅᔭᓕᕆᓂᕐᒧᑦ ᑐᖅᑯᖅᑕᐅᔪᑦ. ᑖᓐᓇ ᐃᖅᑲᓇᐃᔭᕐᕕᒃ ᐱᕙᒌᔭᐃᕙᒃᖢᓂ ᓴᖅᑭᑦᑎᕙᒃᖢᓂᓗ ᓄᓇᕗᒻᒥ ᒐᕙᒪᒃᑯᑦ ᐊᕐᕌᒍᑕᒫᑦ ᑮᓇᐅᔭᑦ ᐅᓂᒃᑳᖏᓐᓂᒃ (ᒐᕙᒪᒃᑯᑦ ᑮᓇᐅᔭᖁᑎᖏᓐᓂᒃ), ᐅᓂᒃᑳᓕᐅᖅᐸᒃᖢᑎᒡᓗ ᒐᕙᒪᒃᑯᑦ ᑮᓇᐅᔭᓕᕆᕝᕕᖓᑕ ᐃᖅᑲᓇᐃᔮᓄᑦ ᐃᓂᒃᓴᓂᒃ ᐊᐅᓚᓂᖏᑕᓗ ᖃᓄᐃᓕᖓᓂᖏᓐᓂᒃ. ᑐᓴᐅᒪᑎᑦᑎᔨᐅᕗᖅ ᒐᕙᒪᒃᑯᓐᓂ ᑕᒻᒪᖅᓯᒪᔪᖅᓯᐅᖅᑎᒻᒪᕆᖕᒥᓗ ᐊᕐᕌᒍᑕᒫᖅᓯᐅᑎᒧᑦ ᑮᓇᐅᔭᓂᒃ ᑕᒻᒪᖅᓯᒪᔪᖅᓯᐅᕐᓂᖅ ᑭᒃᑯᑐᐃᓐᓇᑦ ᑮᓇᐅᔭᖁᑎᖏᓐᓂᒃ. 

ᐱᓕᕆᕝᕕᖕᒥ ᑕᒻᒪᖅᓯᒪᔪᖅᓯᐅᕐᓂᖅᓄᓇᕗᑦ ᒐᕙᒪᒃᑯᖏᓐᓂ ᒐᕙᒪᒃᑯᓪᓗ ᓴᖅᑭᑕᖏᓐᓂᒃ ᑎᒥᐅᔪᓂᒃ ᐃᑲᔪᖅᐸᒃᑐᑦ ᐊᐅᓚᑦᑎᑦᑎᐊᕈᑎᐅᔪᓂᒃ ᑎᑭᑉᐸᓪᓕᐊᔪᑦ ᐊᑐᖅᑕᐅᕙᓪᓕᐊᔪᓪᓗ ᑲᒪᒋᔭᐅᑦᑎᐊᕈᑎᖏᓐᓂᒃ ᑕᒪᒃᑯᐊᓗ ᐊᐅᓚᑦᑎᔾᔪᓰᑦ ᕿᒥᕐᕈᔭᐅᕙᒃᑭᓪᓗᑎᒃ, ᐃᖏᕐᕋᓂᕆᕙᒃᑕᖏᑦ ᐅᖃᐅᓯᐅᕙᒃᖢᑎᒃ ᐱᓕᕆᐊᖑᓯᓐᓈᖅᑎᓪᓗᒋᓪᓗ ᓄᖅᑲᖅᑕᕈᑎᖃᕐᒪᖔᑕ ᑭᓱᓂᒃ, ᖃᓄᒃᑲᓐᓂᕐᓗ ᐱᐅᓯᒋᐊᕈᑎᑦ ᐊᑐᓕᖁᔨᕙᒃᑭᓪᓗᑎᒃ. 

ᑮᓇᐅᔭᓕᕆᓂᐅᑉ ᐊᐅᓚᑕᐅᓂᖏᑦᑐᑦᑕᕐᕕᖕᒥ ᐱᓕᕆᐊᖑᓪᓗᐊᑕᖅᑐᓄᑦ ᐃᑲᔪᖅᐸᒃᑐᐃᑦ ᑎᒥᐅᔪᓂᒃ ᐊᒻᒪᓗ ᓄᓇᕗᑦ ᒐᕙᒪᖓᓐᓂ ᐱᓕᕆᕝᕖᑦ, ᓄᓇᕗᑦ ᒐᕙᒪᖓᓐᓄᑦ ᐊᑭᓕᐅᑕᐅᔪᕕᓃᑦ ᐃᓯᖅᐸᓪᓕᐊᔪᑦ ᐊᒻᒪ ᐊᑭᓕᖅᑕᐅᕙᓪᓕᐊᔪᓄᑦ ᐊᓂᕙᓪᓕᐊᔪᐃᑦ, ᐊᑭᓕᖅᓱᐃᓂᖅ ᑕᖅᑭᑕᒫᖅᓯᐅᑎᓂᒃ, ᐃᓯᐊᕙᓪᓕᐊᔪᓂᒃ ᓇᓗᓇᐃᔭᕐᓂᖅ, ᐃᖅᑲᓇᐃᔭᖅᑐᐃᓪᓗ ᑐᑭᒧᐊᒃᑎᑕᐅᓗᑎᒃ ᓅᑉᐸᓪᓕᐊᖃᑦᑕᖅᑐᑦ ᐃᓕᓐᓂᐊᖅᖢᑎᒃ ᐃᖏᕐᕋᐃᓐᓇᕐᒥᓗᑎᒃ.

ᑮᓇᐅᔭᓕᕆᔾᔪᑎᓂᒃ ᐊᐅᓚᑦᑎᔨᑦ ᐱᕙᓪᓕᐊᑎᑦᑎᓲᑦ ᑲᔪᓯᑎᑦᑎᕙᒃᖢᑎᒡᓗ ᑮᓇᐅᔭᓕᕆᔾᔪᑎᓪᓗᐊᑕᓂᒃ, ᐃᖅᑲᓇᐃᔭᖅᑐᓂᒃ ᑮᓇᐅᔭᓕᕆᓂᕐᒥᒡᓗ ᑲᒪᒋᔭᖃᖅᖢᑎᒃ ᐊᒻᒪ ᐱᓇᔪᒍᑕᐅᔪᓂᒃ ᐃᖅᑲᓇᐃᔮᒃᓴᖅᓯᐅᖅᑐᓄᑦ, ᑕᒪᒃᑯᐊ ᐱᑕᖃᕆᐊᖃᓪᓚᕆᒃᖢᑎᒃ ᓄᓇᕗᑦ ᒐᕙᒪᖓᑦᑕ ᐊᐅᓚᑕᖏᓐᓄᑦ.  

ᐊᑭᓕᖅᑕᐅᔾᔪᑎᑦ ᐃᑲᔫᑏᓪᓗᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᓐᓂᒃ ᐱᕚᓪᓕᕈᑎᒃᓴᖏᓐᓄᓪᓗ ᐱᓕᕆᐊᖃᓲᑦ ᐱᔨᑦᑎᕋᖅᖢᓂᒋᑦ ᒐᕙᒪᒃᑯᓐᓂ ᐃᖅᑲᓇᐃᔭᖅᑐᓕᒫᑦ. ᐱᓕᕆᕝᕕᐊᓂᑦᑕᐅᖅ ᖃᐅᔨᒪᔨᒋᔭᐅᕙᒃᑭᕗᑦ ᐃᖏᕐᕋᑎᑦᑎᓂᕐᒧᓪᓗ ᐃᑲᔪᖅᑕᐅᔭᕆᐊᖃᕈᑎᒃ ᐊᐅᓚᑦᑎᔾᔪᑎᓂᒃ ᐃᑲᔪᖅᑕᐅᕙᒃᖢᑎᒃ ᑖᒃᑯᓇᖓᑦ ᐱᖓᓱᓂᒃ ᐊᒡᒍᖅᑐᖅᓯᒪᔪᐃᑦ ᑎᑎᕋᕐᕕᖏᓐᓂ. ᕿᑭᖅᑖᓗᖕᒥ ᐊᐅᓚᓂᓕᕆᔩᑦ, ᐃᓂᖃᖅᑐᑦ ᐃᒡᓗᓕᖕᒥ, ᐋᖅᑭᒃᓯᔪᑦ ᐱᓪᓚᕆᐅᔪᒥᒃ ᐃᓚᖓᓂ ᐱᓂᖅᓴᒥᒃ ᐊᐃᑦᑑᑎᑦ ᐃᑲᔫᑎᓪᓗ ᐃᖅᑲᓇᐃᔭᕐᕕᖓᓂ.  

ᐱᓕᕆᕝᕕᖕᒥ ᒪᕐᕈᐃᑦ ᐊᕕᒃᑐᖅᓯᒪᔪᑦ, ᑭᕙᓪᓕᕐᒥ ᐊᐅᓚᑦᑎᕕᒃᑲᖏᖅᖠᓂᕐᒥ ᐊᒻᒪ ᕿᑎᕐᒥᐅᑦ ᐊᐅᓚᑦᑎᔨᑦᐃᖃᓗᒃᑑᑦᑎᐊᕐᒥ, ᐊᐅᓚᑦᑎᕙᒃᐳᑦ ᓄᒃᑎᖅᑎᕆᓂᕐᒥᒃ, ᐊᑭᓕᖅᓱᕆᐊᓕᖕᓂᒃ, ᐊᑭᓕᐅᑕᐅᔪᕕᓂᕐᓂᒃ, ᐊᑭᓖᑎᑦᑎᓇᓱᐊᕐᓂᕐᒧᑦ ᐱᓕᕆᐊᖃᕐᓂᕐᒥᒃ, ᑮᓇᐅᔭᓕᕆᓂᒃᑯᑦ ᓇᓕᒧᒌᓕᖅᑎᕆᓂᕐᒥᒃ ᑕᐃᒃᑯᓄᖓᓗ ᐱᕚᓪᓕᕈᑎᑖᕆᐊᓕᖕᓄᑦ ᐱᔨᑦᑎᕋᖅᐸᒃᑭᓪᓗᑎᒃ ᓄᓇᕗᑦ ᒐᕙᒪᖓᓐᓂ ᑐᑦᑕᕐᕕᒋᔭᐅᔪᐃᑦ ᑎᑎᕋᕐᕕᖏᓐᓄᑦ ᐊᒡᒍᖅᑐᖅᓯᒪᔪᓃᑦᑐᓄᑦ ᐃᖃᓗᐃᑦ ᓯᓚᑖᓃᑦᑐᓄᑦ. ᑖᒃᑯᐊ ᐱᓕᕆᐊᑦ ᒪᓕᒋᐊᓕᖕᓂᒃ ᕿᒥᕐᕈᖃᑦᑕᖅᐳᑦ, ᐱᒻᒪᕆᐅᔪᓂ ᕿᒥᕐᕈᖃᑦᑕᖅᐳᑦ, ᐊᕕᒃᑐᖅᓯᒪᓂᐅᔪᓂ ᐊᑐᖅᐸᒃᑐᓂᒃ ᐱᓕᒻᒪᒃᓴᐃᖃᑦᑕᖅᐳᑦ ᐃᑲᔪᖅᓱᐃᖏᓐᓇᖅᐸᒃᖢᓗ ᐅᖃᖃᑎᖃᐃᓐᓇᖅᐸᒃᖢᓂᑎᒡᓗ ᐱᓕᕆᕝᕕᖕᓂ ᑭᒃᑯᑐᐃᓐᓇᕐᓄᓪᓘᓐᓃᑦ ᑐᑦᑕᕐᕕᖕᓂᑦ ᑕᒪᒃᑯᓂᖓ ᐊᕕᒃᑐᖅᓯᒪᓂᐅᔪᓂᑦ. 

ᐃᖅᑲᓇᐃᔭᕐᕕᖕᒥ ᐊᕕᑦᑐᖅᓯᒪᓂᖏᑦ ᐃᓂᒋᔭᐅᖕᒥᔪᖅ ᑮᓇᐅᔭᓕᕆᓂᕐᒧᑦ ᐱᕙᓪᓕᐊᑎᑦᑎᓂᕐᒧᑦ ᐱᓕᕆᐊᒃᓴᓂᒃ, ᓄᑖᖑᓪᓗᓂ ᐱᓕᒻᒪᒃᓴᕐᓂᕐᒧᑦ ᐱᓕᕆᐊᒃᓴᖅ. ᐃᖅᑲᓇᐃᔭᕐᕕᒃ ᑕᐅᑐᒃᑐᖅ ᑖᔅᓱᒥᖓ ᐱᓕᕆᐊᒃᓴᒥᑦ, ᐱᕙᓪᓕᐊᓕᓵᖅᑐᖅ, ᒪᑐᐃᕈᑎᐅᓪᓗᓂ ᐊᑐᓕᖅᑎᑕᖅ ᐃᑲᔪᕐᓗᑎᒃ ᐱᐅᓯᒋᐊᖅᓯᒪᔪᓂᒃ ᐃᓄᖕᓂᒃ ᐃᖅᑲᓇᐃᔭᖅᑎᑦᑎᓂᕐᒧᑦ ᐱᕙᒌᔭᐅᑦᑕ ᑐᕌᕆᔭᖏᓐᓂ. ᐱᓕᕆᐊᒃᓴᖅ ᓇᖕᒥᓂᖅ ᐱᑎᑦᑎᓇᓱᒃᑐᖅ ᐃᑲᔪᕐᓗᒋᑦ ᐃᓄᐃᑦ ᐊᓯᖏᓪᓗ ᐃᖅᑲᓇᐃᔭᖅᑎᑦ ᓄᓇᕗᒻᒥ ᒐᕙᒪᒃᑯᓐᓂ ᐱᕙᓪᓕᐊᓗᑎᒃ ᑐᑭᓯᐅᒪᓂᖏᓐᓂ −ᐱᒋᐊᓕᓵᕐᓂᕐᒥᒃ ᐊᔪᙱᓐᓂᕐᓂ ᐱᔪᓐᓇᑦᑎᐊᕐᓂᖅᓴᒧᑦ −− ᐃᓗᓕᖏᓐᓂ ᐱᕙᓪᓕᐊᓂᕆᒋᐊᖃᖅᑕᖏᓐᓂᒡᓗ ᐊᐅᓚᓪᓗᒋᑦ ᑭᒃᑯᑐᐃᓐᓇᕐᓄᑦ ᐱᑕᖃᖅᑐᑦ.

ᑮᓇᐅᔭᑎᒍᑦ ᐊᐅᓚᑦᑎᕕᒃ

ᑮᓇᐅᔭᑎᒍᑦ ᐊᐅᓚᑦᑎᕕᒃᐊᒡᒍᖅᑐᖅᓯᒪᔪᖅ ᐱᖓᓱᓄᑦ, ᐃᓚᖃᖅᖢᑎᒃ ᓄᓇᕗᒻᒥ ᐃᒥᐊᓕᓗᕆᔨᒃᑯᑦ ᓱᕐᕋᖕᓇᖅᑐᓕᕆᔩᓪᓗ ᑲᑎᒪᔩᖏᓐᓂᒃ.

ᐊᕐᕌᒍᒥ ᑮᓇᐅᔭᓕᕆᓂᖅ ᐊᒻᒪ ᐱᕙᓪᓕᐊᔪᓕᕆᓂᕐᒧᑦ ᐊᑐᐊᒐᓕᕆᔩᑦ ᓇᓚᐅᑦᑖᖃᑦᑕᖅᐳᑦ ᑮᓇᐅᔭᖅᑖᕆᔭᐅᕙᓪᓕᐊᓂᐊᖅᑐᓂᒃ, ᐊᐅᓚᑦᑎᕙᒃᖢᑎᒃ ᓄᓇᕗᑦ ᒐᕙᒪᒃᑯᑦ ᑮᓇᐅᔭᖅᑖᕈᑎᖏᑕ ᖃᐅᔨᓴᕈᑎᖏᑦ, ᖃᐅᔨᓴᖅᐸᒃᖢᑎᒡᓗ ᓄᓇᕗᒻᒥ ᑕᒪᐃᓐᓂᒃ ᐊᕐᕌᒍᒥ ᑮᓇᐅᔭᓕᕆᓂᕐᒧᑦ ᒪᑭᒪᓇᓱᐊᕐᓂᕐᒧᓪᓗ ᖃᓄᐃᙱᓐᓂᖏᓐᓂᒃ. ᑕᒪᒃᑯᐊ ᑲᑐᔾᔨᖃᑎᖃᖃᑦᑕᖅᐳᑦ ᐱᓕᕆᕝᕕᐅᖃᑎᒌᙱᑦᑐᓂᒃ ᑭᓱᑯᓘᔭᑦ ᖃᓄᐃᓕᐅᕈᑕᐅᔪᓂᒃ ᓲᕐᓗ ᓇᖕᒥᓂᖅᓱᕐᓂᖅ, ᑭᒡᒐᖅᑐᐃᕙᒃᖢᑎᒡᓗ ᓄᓇᕗᑦ ᒐᕙᒪᒃᑯᓐᓂᒃ ᐊᓯᖏᓐᓄᑦ ᑲᓇᑕᒥ ᒐᕙᒪᒋᔭᐅᔪᓄᑦ ᐊᑕᐅᓯᐅᙱᑦᑐᒥᒃ ᑮᓇᐅᔭᓕᕆᓂᕐᒧᑦ ᒪᑭᒪᓇᓱᐊᕐᓂᕐᒧᓪᓗ ᖃᓄᐃᓕᐅᕈᑕᐅᔪᓂᒃ. ᑖᒃᓯᓕᕆᔩᑦ ᓇᓪᓕᐅᒃᑯᒫᓕᕆᔩᓪᓗ ᐊᐅᓚᑦᑎᕗᑦ ᓄᓇᕗᑦ ᒐᕙᒪᐅᑉ ᑖᒃᓯᓕᕆᔾᔪᑎᖓᓂ ᐊᑐᖅᑎᑦᑎᓂᖅᑎᒍᑦ ᑖᒃᓯᓕᕆᓂᕐᒧᑦ ᒪᓕᒐᓕᐊᓂᒃ, ᕿᒥᕐᕈᓂᕐᒥᒃ ᑖᒃᓯᓕᕆᓂᕐᒧᓪᓗ ᐊᑐᐊᒐᓕᐅᕐᓂᖅ ᐊᑭᒃᓴᓕᐅᕐᓂᕐᓗ, ᐱᓕᕆᐊᒃᓴᖃᖅᑎᑦᑎᓂᕐᒧᓪᓗ. ᑮᓇᐅᔭᓄᑦ ᐊᑐᐊᒐᓕᕆᔩᑦ ᐊᐅᓚᑦᑎᔭᕆᐊᖃᕆᕗᖅ ᓄᓇᕘᑉ ᓇᓪᓕᐅᒃᑯᒫᓕᕆᔨᖏᓐᓂ ᐱᔪᓐᓇᐅᑎᖃᓕᖅᑎᑦᑎᓂᖅᑎᒍᑦ ᓇᓪᓕᐅᒃᑯᒫᓕᕆᔨᓂᒃ. 

ᑮᓇᐅᔭᖅᑑᑕᐅᔪᓄᑦ ᐊᐅᓚᑦᑎᓂᖅ ᐊᐅᓚᑦᑎᖃᑕᐅᓲᖅ, ᐃᑲᔪᖅᐸᒃᖢᓂ, ᐊᑐᐊᒐᖃᖅᑎᑦᑎᓪᓗᓂᓗ ᑮᓇᐅᔭᓕᕆᓂᕐᒧᓪᓗ ᑐᑭᒧᐊᒃᑎᑦᑎᓪᓗᓂ ᓄᓇᕗᑦ ᒐᕙᒪᐅᑉ ᑮᓇᐅᔭᖅᑑᑎᒃᓴᓕᐅᕈᑎᖓᓄᑦ. ᑮᓇᐅᔭᓂᒃ ᐊᐅᓚᑦᑎᓂᕐᒧᑦ ᖃᓄᐃᖁᔨᕙᒃᖢᓂ, ᐊᑐᐊᒐᖃᖅᖢᓂ ᐊᐅᓚᑦᑎᓂᕐᒧᓪᓗ ᐃᑲᔪᖅᐸᒃᖢᓂ ᑮᓇᐅᔭᓕᕆᔨᒃᑯᑦ ᒥᓂᔅᑕᖓᓄᑦ, ᑮᓇᐅᔭᓂᒃ ᐊᐅᓚᑦᑎᓂᕐᒧᑦ ᑲᑎᒪᔨᓄᑦ. ᐱᓕᕆᕝᕕᖕᓄᑦ ᑭᒃᑯᑐᐃᓐᓇᕐᓄᓪᓗ ᑐᑦᑕᕐᕕᐅᔪᓄᑦ. ᑮᓇᐅᔭᖅᑑᑕᐅᔪᓄᑦ ᐊᐅᓚᑦᑎᓂᖅ ᒪᓕᑦᑎᐊᖅᑎᑦᑎᓲᖑᕗᖅ ᐊᑐᖅᑎᑦᑎᓲᖑᒋᕗᖅ ᐱᓕᕆᕝᕕᐅᑉ ᑮᓇᐅᔭᖅᑑᑎᖏᓐᓂ, ᐱᓕᕆᐊᒃᓴᖃᓪᓗᐊᑕᖅᖢᑎᒡᓗ ᒐᕙᒪᒃᑯᑦ ᐊᑭᑐᔫᑎᓂᒃ ᐸᕐᓇᒃᐸᓪᓕᐊᔭᖏᓐᓂᒃ. ᐃᖅᑲᓇᐃᔭᕐᕕᐅᑉ ᑮᓇᐅᔭᖁᑎᖏᓐᓄᑦ ᐊᐅᓚᓂᖏᓐᓂ ᑕᑯᓇᒃᐸᒃᖢᑎᒃ ᓄᓇᕗᒻᒥ ᒐᕙᒪᒃᑯᑦ ᑮᓇᐅᔭᖏᓐᓂ ᐊᑭᓕᒃᓴᖏᓐᓂᒡᓗ ᐊᐅᓚᑦᑎᓂᕐᒥᒃ. 

ᐱᓕᕆᕝᕕᖕᒥ ᐊᐅᓚᑦᑎᓂᕐᒧᑦ ᐱᔨᑦᑎᕋᖅᑏᑦ  ᐃᑲᔪᖅᑐᐃᖃᑦᑕᖅᐳᑦ ᐱᓕᕆᕝᕕᖕᒥᐅᑦ ᖃᐅᑕᒫᑦ ᐊᐅᓚᓂᕆᔭᖏᓐᓂᒃ ᐊᔾᔨᒌᙱᑦᑐᓂᒃ ᑮᓇᐅᔭᖃᖅᑎᑦᑎᓪᓗᑎᒃ, ᐊᐅᓚᑦᑎᓪᓗᑎᒃ ᐊᒻᒪ ᐃᖅᑲᓇᐃᔭᖅᑐᓕᕆᓂᕐᒧᑦ ᐱᔨᑦᑎᕋᖅᑕᐅᓪᓗᑎᒃ. ᐱᓕᕆᖃᑎᒌᑦ ᑲᒪᒋᔭᖃᖅᑐᑦ ᐱᕙᓪᓕᐊᑎᑦᑎᓂᕐᒥᒃ ᐊᐅᓚᑦᑎᓂᕐᒥᒡᓗ ᐃᖅᑲᓇᐃᔭᕐᕕᐅᑉ ᑮᓇᐅᔭᖅᑐᕈᑎᒃᓴᖏᓐᓂᒃ, ᐱᕙᓪᓕᐊᑎᓪᓗᒋᑦ ᐃᖅᑲᓇᐃᔭᕐᕕᐅᑉ ᐊᑭᓕᒐᒃᓴᖏᑦ, ᐊᐅᓚᓪᓗᒋᓪᓗ ᑐᑦᑕᕐᕕᐅᔪᓂ ᑎᑎᕋᕐᕕᖕᒥᐅᑕᓕᕆᔭᑦ ᑮᓇᐅᔭᖃᖅᑎᑕᐅᔾᔪᑎᑦ. ᐊᐅᓚᑦᑎᕕᒃ ᑕᑯᓇᖃᑦᑕᕐᒥᔪᑦ ᑮᓇᐅᔭᖁᑎᒋᔭᑦ ᐊᑦᑕᕐᓇᖅᑐᒦᓕᙱᒃᑲᓗᐊᕐᒪᖔᑕ ᖃᐅᔨᓴᕐᓂᖅ ᐊᐅᓚᓂᖏᓐᓂ ᓄᓇᕗᒻᒥ ᒐᕙᒪᖓᓄᑦ, ᐃᓚᐅᓪᓗᓂ ᓄᓇᕗᒻᒥ ᒐᕙᒪᒃᑯᑦ ᓇᓪᓕᐅᒃᑯᒫᓄᑦ ᑎᒍᒥᐊᖅᑐᖅ ᐱᓕᕆᐊᒃᓴᖏᓐᓂ. ᐃᒃᐱᒋᓪᓗᒍ ᐃᖅᑲᓇᐃᔭᖅᑐᓕᕆᔨᒃᑯᑦ, ᐊᐅᓚᑦᑎᕕᒃ ᐃᑲᔪᖃᑦᑕᖅᑐᑦ ᐃᓂᑖᖅᑎᑦᑎᓂᕐᓂ ᐃᖅᑲᓇᐃᔭᖅᑎᑦᑎᓗᓂᓗ ᐃᖅᑲᓇᐃᔭᕐᕕᖕᒥ, ᖁᕝᕙᖅᐹᓪᓕᖅᑎᑦᑎᓂᕐᓂᒃ ᖃᓄᐃᙱᑦᑎᐊᕐᓇᖅᑐᓂᒃ ᐱᓕᕆᐊᖃᑦᑎᐊᕐᓂᕐᓂᒡᓗ ᐃᖅᑲᓇᐃᔭᕐᕕᖕᒥ, ᐃᖅᑲᓇᐃᔭᖅᑎᓪᓗᐊᑕᐅᓪᓗᑎᒡᓗ ᐱᐅᓯᒋᐊᖅᑎᓪᓗᒍ ᐃᖅᑲᓇᐃᔭᕐᕕᐅᑉ ᐃᓄᖕᓂᒃ ᐃᖅᑲᓇᐃᔭᖅᑎᑦᑎᓂᕐᒧᑦ ᐱᕙᒌᔭᐅᑦ. 

ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᓱᕐᕋᖕᓇᖅᑐᓄᓪᓗ ᑲᑎᒪᔨᖏᑦ

ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᓱᕐᕋᓐᓇᖅᑐᓕᕆᓂᕐᒧᓪᓗ ᑲᑎᒪᔨᖏᑦ ᐃᒻᒥᒃᑰᖅᖢᓂ ᑎᒥᐅᔪᖅ ᑎᑎᖅᑲᓕᕆᕙᒃᑐᖅ ᑮᓇᐅᔭᓕᕆᔨᒃᑯᓐᓄᑦ ᐊᒻᒪ ᐱᓕᕆᖃᑎᒋᕙᒃᖢᓂᒋᑦ.

ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᓱᕐᕋᓐᓇᖅᑐᓕᕆᓂᕐᒧᓪᓗ ᑲᑎᒪᔨᖏᑦ ᓴᖅᑭᑕᐅᓚᐅᖅᓯᒪᔪᖅᐃᒥᐊᓗᓕᕆᓂᕐᒧᑦ ᐱᖁᔭᖅᐊᖅᑯᑎᒋᔭᐅᓪᓗᓂ ᐊᒻᒪᓗᐊᔪᙱᓐᓂᖃᕆᓪᓗᓂᓱᕐᕋᖕᓇᖅᑐᓄᑦ ᐱᖁᔭᖅ ᓂᐅᕐᕈᑎᖃᕈᓐᓇᖅᖢᑎᒃ ᐊᐅᓪᓚᖅᑎᑦᑎᔪᓐᓇᖅᖢᑎᒡᓗ ᐃᒥᐊᓗᖕᓂᒃ ᓱᕐᕋᖕᓇᖅᑐᓂᒡᓗ ᓄᓇᕗᒻᒥ. ᑲᑎᒪᔨᖏᑦ ᐱᓕᕆᐊᒥᓂᒃ ᒪᓂᓴᐅᑎᖃᖅᐸᒃᑐᑦ ᓇᖕᒥᓂᖅ ᑮᓇᐅᔭᓕᐊᑎᒃ ᐊᑐᖅᖢᓂᒋᑦ ᐊᒻᒪ ᖄᖏᐅᑎᓕᐊᖑᔪᑦ ᓄᓇᕗᑦ ᒐᕙᒪᖓᓐᓄᑦ ᑐᓂᔭᐅᕙᒃᖢᑎᒃ ᐃᓄᓕᒫᓄᑦ ᑐᕌᖓᔪᓄᑦ ᐱᔨᑦᑎᕈᑕᐅᓕᖅᐸᒃᖢᑎᒃ ᓄᓇᕗᒻᒥᐅᓄᑦ.

ᒥᓂᔅᑕ ᑮᓇᐅᔭᓕᕆᔨᒃᑯᓐᓄᑦ ᐱᓕᕆᐊᖃᖅᑐᖅᐃᒥᐊᓗᓕᕆᓂᕐᒧᑦ ᐱᖁᔭᖅᐊᒻᒪᓗᓱᕐᕋᖕᓇᖅᑐᓄᑦ ᐱᖁᔭᕐᒥᒃᑕᐃᒪᐃᓐᓂᖓᓄᑦ ᑲᒪᔨᐅᕙᒃᐳᖅ ᑲᑎᒪᔨᓂᒃ. ᐃᖏᕐᕋᓂᖃᑦᑎᐊᖅᑎᑦᑎᓇᓱᒧᑦ ᐊᒻᒪᓗ ᐅᔾᔨᖅᓱᑦᑎᐊᕋᓱᒧᑦ, ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᓱᕐᕋᓐᓇᖅᑐᓕᕆᓂᕐᒧᓪᓗ ᑲᑎᒪᔨᖏᑦ ᑎᑎᖅᑲᓕᕆᓲᖑᔪᑦ ᑮᓇᐅᔭᓕᕆᔨᒃᑯᑦ ᐱᓕᕆᕝᕕᖓᓂ ᐅᓂᒃᑳᖅᐸᒃᖢᑎᒃ ᒥᓂᔅᑕᒧᑦ ᑐᒡᓕᐊᑕ ᐃᑲᔪᖅᑎᖓᓄᑦ ᐅᓂᒃᑲᐅᓯᐅᕙᒃᖢᑎᒃ.

ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᓱᕐᕋᓐᓇᖅᑐᓕᕆᓂᕐᒧᓪᓗ ᑲᑎᒪᔨᖏᑦ ᐱᓕᕆᔨᖃᖅᑐᐃᑦ ᐃᖃᓗᖕᓂ ᑲᖏᖅᖠᓂᕐᒥᓗ, ᐃᒻᒪᖄ 30−ᖑᔪᑦ ᐃᖅᑲᓇᐃᔭᖅᑐᐃᑦ.

ᑐᑭᓯᒋᐊᒃᑲᓂᕈᒪᒍᕕᑦ ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᓱᕐᕋᓐᓇᖅᑐᓕᕆᓂᕐᒧᓪᓗ ᒥᒃᓵᓄᑦ, ᖃᐅᔨᒋᐊᕈᓐᓇᖅᐳᑎᑦ ᐃᑭᐊᕿᕕᒃᑯᑦ.

ᓯᕗᓪᓕᖅᐸᐅᑎᓂᐊᖅᑕᕗᑦ

ᑐᕌᖅᑕᕗᑦ

ᑐᕌᖅᑕᕗᑦ ᐱᓕᕆᐊᒃᓴᓂᒃ ᓇᓗᓇᐃᕈᑕᐅᕗᖅ 22-ᖑᔪᓄᑦ ᒪᓕᒐᓕᐅᖅᑎᓄᑦ ᑕᓪᓕᒪᒋᓕᖅᑕᖓᓂ ᒪᓕᒐᓕᐅᕐᕕᖕᒥ ᑲᑎᒪᓂᕆᔭᖓᓐᓂ. ᑎᑎᖅᑲᐅᕗᖅ ᑐᑭᒧᐊᒍᑕᐅᓂᐊᖅᖢᓂ ᓄᓇᕗᑦ ᒐᕙᒪᒃᑯᑦ ᐱᓕᕆᐊᕆᔭᖓᓄᑦ ᑎᑭᓪᓗᒍ 2021−ᒧᑦ, ᑕᑯᒃᓴᐅᑎᑦᑎᔪᖅ ᐱᔭᐅᔭᕆᐊᓕᖕᓂᑦ ᓯᕗᓪᓕᐅᔾᔭᐅᔪᒪᔪᓂᒡᓗ ᓄᓇᕗᒻᒥ.

ᐱᓕᕆᕝᕖᑦ ᓯᕗᓪᓕᐅᑎᖁᔭᖏᑦ ᐊᕕᒃᑐᖅᓯᒪᐅᖅᖢᑎᒃ

ᐱᓕᕆᐊᑦᑕ ᐃᓚᒋᓪᓗᓂᐅᒃ ᓯᕗᒧᐊᒃᑎᒃᑲᓐᓂᕋᓱᒃᖢᒍᓗᑐᕌᖅᑕᕗᑦ,ᖃᐅᑕᒫᖅᓯᐅᑎᓕᕆᓐᓇᖃᑦᑕᖅᑎᓪᓗᒍᑦᑕᐅᖅ ᐃᖅᑲᓇᐃᔮᑦᑎᓐᓂᐱᐊᓂᒃᓯᓇᓱᐊᖅᖢᑕ, ᑮᓇᐅᔭᓕᕆᔨᒃᑯᑦ ᓇᓗᓇᐃᖅᓯᓯᒪᓕᖅᐳᑦ ᐊᑖᓃᖦᖢᑎᒃ ᐱᐊᓂᒃᑕᐅᓇᓱᐊᕐᓂᐊᖅᑐᑦ 2020-21−ᒥ ᐱᓕᕆᐊᖑᔪᒃᓴᑦ ᐸᕐᓇᒃᑕᐅᓯᒪᔪᑦ ᒪᓕᒡᓗᒋᑦ. ᓄᓇᕗᑦ ᒐᕙᒪᖓᑦᑕ ᐃᑭᐊᖅᑭᕕᐊᓂ ᐊᔾᔨᐊᓂᒃ ᐱᔪᓐᓇᖅᐳᑎᑦ 2020-21 ᐱᓕᕆᐊᒃᓴᓄᑦ ᐸᕐᓇᐅᑎᑦᐅᕙᓂ.

ᓇᐃᓈᖅᓯᒪᔪᖅ ᐱᓕᕆᕝᕕᖕᓂᖔᖅᑐᑦ ᐱᓕᕆᐊᒃᓴᓄᑦ ᓯᕗᓪᓕᐅᑎᔭᒃᓴᑦ
ᑮᓇᐅᔭᓕᕆᔨᒃᑯᑦ 2021-22

ᐊᐅᓚᑦᓯᕕᐅᔪᖅ

• ᐱᓕᕆᐊᕆᓗᒋᑦ ᑲᒪᒋᔭᐅᑦᑎᐊᕐᓂᖅᓴᐅᓕᕐᓗᓂ ᐃᓚᓕᐅᔾᔭᐅᓂᐊᕐᓂᖓ ᐃᓄᐃᑦ ᖃᐅᔨᒪᔭᑐᖃᖏᑦ ᐃᖅᑲᓇᐃᔭᕐᕕᖕᒥ ᐃᓕᖅᑯᓯᕆᔭᐅᔪᓄᑦ ᐊᒻᒪ ᐊᐅᓚᓂᕆᔭᐅᔪᓄᑦ.
• ᕿᒥᕐᕈᔭᐅᖏᓐᓇᕐᓗᓂ ᐃᒥᐊᓗᓕᕆᓂᕐᒧᑦ ᐱᖁᔭᖅ ᐊᑐᓕᖁᔨᓂᕐᒧᓪᓗ ᐊᓯᔾᔨᖅᑕᐅᑐᐃᓐᓇᕆᐊᓕᓐᓄᑦ ᑕᐃᒪᐃᑦᑕᕆᐊᖃᑐᐊᖅᐸᑦ.
• ᕿᒥᕐᕈᔭᐅᕙᓪᓗᑎᒃ ᓇᓗᓇᐃᖅᑕᐅᓗᑎᒃ ᐊᒃᑐᐃᔾᔪᑕᐅᔪᑦ ᐃᖃᓗᓐᓂ ᕕᐊᑖᕐᕕᒻᒥ ᐅᐊᐃᓂᑖᕐᕕᖕᒥᓪᓗ ᐊᓯᖏᓐᓂᒃ ᓄᓇᓕᖕᓂᒃ ᖃᓂᕝᕕᓯᐅᖅᑐᓂᒃ.
• ᖃᐅᔨᓴᖅᐸᓪᓕᐊᖏᓐᓇᕐᓗᒋᑦ ᐊᑐᓕᖅᑎᑕᐅᔪᑦ ᓱᕐᕋᖕᓇᖅᑐᒧᑦ ᐱᖁᔭᕐᒥ ᐊᒃᑐᐊᓂᓖᓪᓗ ᐊᑐᐊᒐᐃᑦ ᒪᓕᒋᐊᓖᓪᓗ, ᐅᑯᐊᓗ ᑲᔪᓯᑦᑎᐊᖅᓯᒪᔪᑦ ᓂᐅᕐᕈᑕᐅᔪᑦ, ᐊᑐᓕᖅᑎᑦᑎᓂᖅ, ᐊᒻᒪ ᐱᔪᓐᓇᐅᑎᓕᕆᔾᔪᑎᑦ.
• ᓴᖅᑭᓪᓗᒋᑦ ᐊᒻᒪ ᓄᑖᙳᕆᐊᖅᑎᓪᓗᒋᑦ ᐃᓕᓐᓂᐊᕈᑎᒃᓴᓄᑦ ᐃᑲᔫᑎᒃᓴᑦ ᐊᒻᒪ ᐱᓕᕆᔾᔪᑎᒃᓴᑦ ᐃᒥᐊᓗᓕᕆᔨᒃᑯᓐᓂ ᓱᕐᕋᖕᓇᖅᑐᓕᕆᔨᒃᑯᓐᓂᓪᓗ ᖃᐅᔨᓴᖅᑎᑦ ᐃᑲᔪᖅᓱᖅᑕᐅᓗᑎᒃ ᐱᓕᕆᐊᒃᓴᖏᑦ ᐊᒻᒪ ᑲᒪᒋᔭᒃᓴᖏᑦ.
• ᑮᓇᐅᔭᓕᕆᔨᒃᑯᑦ ᐃᑭᐊᖅᑭᕕᒃᑰᕈᑖ ᓄᑖᙳᕆᐊᖅᑎᓪᓗᒍ ᑐᑭᓯᓇᑦᑎᐊᕐᓂᖅᓴᐅᓕᖁᓪᓗᒍ, ᐊᒻᒪ ᓄᓇᕗᑦ ᒐᕙᒪᒃᑯᑦ ᓴᖅᑭᔮᑦᑎᐊᕐᓂᖅᓴᐅᓕᕐᓗᑎᒃ ᑕᑎᒋᔭᐅᔪᓐᓇᖅᓯᒃᑲᓐᓂᕐᓗᑎᒡᓗ.
• ᐊᑐᓕᖅᑎᓪᓗᒋᑦ ᐋᖅᑭᒃᑕᐅᔪᑦ ᐱᓕᕆᔨᒻᒪᕆᖕᓄᑦ ᑲᑎᒪᔨᕋᓛᓄᑦ ᑭᒡᒐᖅᑐᖅᑎᖃᕐᓗᑎᒃ ᑕᒪᐃᓐᓂᒃ ᓄᓇᕗᒻᒥ ᑯᐊᐳᕇᓴᕆᔭᐅᔪᓂᒃ, ᐃᑲᔫᑎᒋᓗᒋᑦ ᐱᓕᕆᔾᔪᓯᑦᑎᐊᕙᐅᓛᑦ ᐊᒻᒪ ᖃᐅᔨᔾᔪᑕᐅᓪᓗᑎᒃ ᐱᓕᕆᐊᖑᖃᑦᑕᖅᓯᒪᔪᑦ ᑕᒪᐃᓐᓂᒃ ᑐᑦᑕᕐᕕᖕᓂᒃ. 
   

ᑮᓇᐅᔭᓕᕆᓂᕐᒧᑦ ᐊᐅᓚᑦᓯᓂᖅ

• ᖃᐅᔨᓴᖅᐸᒡᓗᑎᒃ ᓄᓇᕗᒻᒥ ᑮᓇᐅᔭᓕᕆᔾᔪᓯᖏᓐᓂᒃ ᐃᒪᓐᓇ ᖃᐅᔨᒪᔪᒪᓗᑎᒃ, ᒪᓕᖕᓂᖏᓐᓂᒃ ᑲᓇᑕᒥ ᐊᒡᒌᓯ 2019−ᒥ ᐊᖏᕈᑕᐅᓚᐅᖅᑐᖅ, ᐸᐅᕐᒧᑦ ᐊᑭᖓ ᑮᓇᐅᔭᓕᐅᕋᓱᐊᕈᑎᑦ ᐊᑭᕋᖅᑑᑕᐅᓯᒪᙱᑦᑐᖅ.
• ᑐᕌᒐᒃᓴᕆᔭᐅᔪᑦ ᐋᖅᑭᒃᓱᕐᓗᒋᑦ ᖃᐅᔨᓴᕐᓗᒋᓪᓗ ᐱᓕᕆᐊᒃᓴᓄᑦ ᓇᓗᓇᐃᒃᑯᑕᓪᓗᐊᑕᑦ ᖃᓄᐃᑉᐸᓪᓕᐊᖕᒪᖔᑕ ᖃᐅᔨᔾᔪᑎᒃᓴᑦ ᐃᖅᑲᓇᐃᔭᕐᕕᖕᒧᑦ ᐊᒻᒪ ᓄᑖᙳᕆᐊᖅᑎᑉᐸᒡᓗᒋᑦ ᐱᔨᑦᑎᕋᐅᑎᑦ ᓄᑖᙳᕆᐊᖅᑎᑦᑕᕆᐊᖃᓕᕌᖓᑕ.
• ᓄᑖᙳᕆᐊᖅᑎᓪᓗᒋᑦ ᓄᓇᕗᒻᒥ ᑖᒃᓯᓕᕆᓂᕐᒧᑦ ᖃᕆᓴᐅᔭᕐᒥ ᑐᖅᑯᖅᑐᐃᕕᖕᒥ ᐊᑑᑎᔪᓂᒡᓗ ᓄᑖᙳᖅᐸᓪᓕᐊᔪᓂᒃ.
• ᐱᕙᒌᔭᕐᓗᒋᑦ ᑎᑎᖅᑲᙳᖅᑎᓪᓗᒋᓪᓗ ᓄᑖᑦ ᓴᖅᑭᑉᐸᓪᓕᐊᔪᑦ ᐊᒃᑐᐊᓂᓖᑦ ᓄᓇᕗᒻᒥ ᑮᓇᐅᔭᓕᕆᔾᔪᑎᓄᑦ, ᑮᓇᐅᔭᑦ ᐊᑐᖅᑐᒃᓴᓄᑦ, ᒪᑭᒪᔾᔪᑎᓄᑦ, ᐊᒻᒪ/ᐅᕝᕙᓘᓐᓃᑦ ᑮᓇᐅᔭᑎᒍᑦ ᖃᓄᖅᑑᕈᑎᓄᑦ (ᓲᕐᓗ ᐊᕐᕌᒎᑉ ᕿᑎᐊᒍᑦ ᑮᓇᐅᔭᓕᕆᔾᔪᑎᑦ ᓄᑖᙳᕆᐊᖅᑕᐅᓗᑎᒃ).
• ᐱᖁᔨᕗᖔᓕᐊᕆᔭᐅᓯᒪᑎᓪᓗᒍ ᑲᓇᑕᒥ ᖃᐅᔨᓴᖅᑕᐅᔪᑦ ᐊᕐᓇᐃᑦ ᓂᕕᐊᖅᓵᓪᓗ ᓄᓇᖃᖅᑳᖅᓯᒪᔪᑦ ᐱᔾᔪᑎᒋᓪᓗᒋᑦ ᐃᓄᐊᖅᑕᐅᖃᑦᑕᖅᓯᒪᔪᑦ ᓇᓂᔭᐅᙱᓴᐃᓐᓇᖅᓯᒪᔪᓪᓗ, ᐃᓱᒪᒋᓗᒋᑦ ᐊᕐᓇᐃᑦ/ᐊᖑᑎᑦ ᐋᓐᓂᖅᑎᕆᓂᐅᖃᑦᑕᖅᑐᖅ ᐊᒃᑐᐊᓂᓖᓪᓗ ᐱᔾᔪᑕᐅᔪᑦ ᓄᓇᕗᑦ ᒐᕙᒪᒃᑯᓐᓂ ᑮᓇᐅᔭᑦ ᐊᑐᖅᑐᒃᓴᑦ ᐱᕙᓪᓕᐊᑎᑕᐅᑎᓪᓗᒋᑦ.

ᑮᓇᐅᔭᓕᕆᔨᒻᒪᕇᑦ

• ᐋᖅᑭᒃᓱᐃᓗᑎᒃ ᑎᑎᕋᕐᓗᑎᒡᓗ ᐱᓕᕆᐊᕆᓪᓗᐊᑕᖅᑕᖏᓐᓄᑦ ᓇᓗᓇᐃᖅᓯᔾᔪᑎᑦ ᓄᑖᙳᕆᐊᖅᑎᓪᓗᒋᓪᓗ ᐱᔨᑦᑎᕋᖅᑐᓄᑦ ᒪᓕᒃᑕᐅᕙᒃᑐᑦ ᑮᓇᐅᔭᓕᕆᓂᕐᒧᑦ ᐊᐅᓚᑦᑎᔨᑦ ᑮᓇᐅᔭᓕᕆᔨᒃᑯᓐᓂ ᐊᐅᓚᓂᕆᔭᖏᑦ.
• ᐊᑐᓕᖅᑎᑕᐅᓗᓂ ᐃᑲᔪᑐᐃᓂᕐᒧᑦ ᐱᓕᕆᐊᒃᓴᖅ ᑮᓇᐅᔭᓕᕆᔨᒻᒪᕆᐅᓂᕐᒧᑦ ᑎᒃᑯᐊᖅᑕᐅᔪᓄᑦ ᐃᖅᑲᓇᐃᔭᓕᓵᖅᑐᓄᑦ ᐃᖅᑲᓇᐃᔭᖅᑎᐅᖏᓐᓇᖅᑐᓄᓪᓗ.
• ᐋᖅᑭᒃᓱᐃᓗᑎᒃ ᐸᕐᓇᒍᑎᒥᒃ ᐱᓕᕆᕝᕕᓕᒫᑦ ᐱᓕᕆᖃᑎᒋᓗᒋᑦ ᐊᑲᐅᓂᖅᓴᒥᑦ ᓂᐅᕕᕐᕕᐅᔪᑦ ᐊᑭᓖᕙᓪᓕᐊᖃᑦᑕᖁᓪᓗᒋᑦ.
• ᐋᖅᑭᒃᓯᓗᑎᒃ ᓇᓗᓇᐃᔭᑦᑎᐊᖅᓯᒪᔪᒥᒃ ᑐᑭᓯᑎᑕᐅᕚᓪᓕᕐᓂᕐᒧᑦ ᐅᖃᓕᒫᒐᕐᒥᒃ ᐃᖅᑲᓇᐃᔭᖅᑎᑖᓵᑦ ᐃᓂᓪᓚᒃᐸᓪᓕᐊᓕᕌᖓᑕ ᐃᖅᑲᓇᐃᔭᕐᕕᖕᒧᑦ.
• ᖃᐅᔨᓇᓱᒡᓗᒋᑦ ᐱᓕᕆᐊᖑᖔᑐᐃᓐᓇᕆᐊᓕᑦ ᖃᕆᑕᐅᔭᒃᑯᑦ ᐊᑎᓕᐅᖅᑕᐅᓯᒪᔪᓐᓇᕐᓗᑎᒃ ᓄᓇᕗᑦ ᒐᕙᒪᒃᑯᓐᓄᑦ.

ᐃᑲᔫᑏᑦ

ᑮᓇᐅᔭᓕᕆᔨᒃᑯᑦ ᐊᐅᓚᑦᑎᕗᑦ ᒪᑯᓂᖓ ᐃᑲᔫᑎᓂᒃ ᓄᓇᕗᒻᒥᐅᓄᑦ ᓇᖕᒥᓂᕆᔭᖏᓐᓄᓪᓗ ᐃᑲᔫᑕᐅᖁᔭᐅᓪᓗᓂᑦ:

ᓄᓇᕗᒻᒥᑦ ᐆᒻᒪᖅᑯᑎᓕᕆᓂᕐᒧᑦ ᐃᑲᔫᓯᐊᑦ
ᓄᓇᕗᒻᒥ ᐳᔪᕐᓗᖕᒧᑦ ᑮᓇᐅᔭᖅᑖᕈᑎᑦ​

ᑮᓇᐅᔭᓕᕆᔨᒃᑯᑦ ᐅᓂᒃᑲᐅᓯᓕᐅᖃᑦᑕᕆᕗᑦ ᐊᕐᕌᒍᑕᒫᑦ ᐊᔾᔨᒌᙱᑦᑐᑦ ᐊᐃᑦᑑᑏᑦ ᐃᑲᔫᑏᓪᓗ ᒥᒃᓵᓄᑦ ᐊᐅᓚᑕᒥᖕᓂ ᓄᓇᕗᑦ ᒐᕙᒪᖓᓂ. ᐅᓂᒃᑲᐅᓯᐅᓵᖅᑐᑦ ᐊᑐᐃᓐᓇᐅᕗᑦ ᐅᕙᓂ.

ᐱᓕᕆᔨᐅᖃᑎᒌᒡᕕᒋᔭᕗᑦ ᐃᓚᐅᕝᕕᒋᔪᓐᓇᖅᑕᑎᑦ!

ᑮᓇᐅᔭᓕᕆᔨᒃᑯᑦ ᐊᒻᒪ ᓄᓇᕗᒻᒥ ᐃᒥᐊᓗᓕᕆᔨᒃᑯᑦ ᓱᕐᕋᖕᓇᖅᑐᓕᕆᔨᒃᑯᓪᓗ ᑲᑎᒪᔨᖏᑦ ᖃᐅᔨᒪᓇᓱᐃᓐᓇᖃᑦᑕᖅᐳᑦ ᐱᓕᕆᔨᐅᖃᑎᒋᒃᑯᒥᒋᔭᖏᓐᓂᒃ. 

ᐃᖅᑲᓇᐃᔭᓯᒋᐊᕈᕕᑦ, ᒐᕙᒪᒃᑯᓐᓂ ᐱᔨᑦᑎᕋᖅᑎᒃᑯᓐᓂ ᐃᖅᑲᓇᐃᔭᖃᑕᐅᓕᕈᕕᑦ, ᐅᕝᕙᓘᓐᓃ ᐃᖅᑲᓇᐃᔭᖅᑎᐅᔅᓲᔭᓕᖅᑐᒥᒃ ᖃᓄᑐᐃᓐᓇᖅ ᖃᐅᔨᒪᔭᖃᖅᑐᒥᒃ, ᑮᓇᐅᔭᓕᕆᔨᒃᑯᑦ ᒪᓂᒻᒪᐃᓯᒪᕗᑦ ᐊᔾᔨᒌᙱᑦᑐᓂᒃ ᐃᖅᑲᓇᐃᔮᒃᓴᓂᒃ ᐃᖃᓗᖕᓂ, ᐃᖃᓗᒃᑑᑦᑎᐊᒥ, ᑲᖏᖅᖠᓂᕐᒥ ᐊᒻᒪ ᐃᒡᓗᓕᖕᒥ.

• ᐱᔨᑦᑎᕋᕆᐊᓕᖕᓂᒃ ᑲᒪᒋᔭᖃᕈᓐᓇᑦᑎᐊᖅᐱᑦ? ᐊᑭᓕᖅᑕᐅᔾᔪᓯᐊᖅᑐᓕᕆᔨ ᐃᑲᔫᑎᓂᒡᓗ ᑲᒪᔨᑦ ᐃᑲᔫᑕᐅᔪᓐᓇᖅᐳᑦ ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓂᒃ ᓇᓂᓕᒫᖅ ᐱᓕᕆᕝᕕᖃᖅᑐᓂᒃ ᖃᐅᑕᒫᑦ. 
• ᐱᔭᒃᓴᓕᓪᓛᓗᖕᓂ ᓂᐅᕕᕐᕕᐅᓲᓂᒃ ᓴᓇᖃᑕᐅᔪᒪᖃᑦᑕᖅᐱᑦ? ᐃᒻᒪᖄ ᐃᓄᖕᓄᑦ ᐱᔨᑦᑎᕋᖅᑎᐅᖃᑕᐅᓕᕈᕕᑦ ᓄᓇᕗᒻᒥ ᐃᒥᐊᓗᓕᕆᔨᒃᑯᓐᓂ ᓱᕐᕋᖕᓇᖅᑐᓕᕆᔨᒃᑯᓐᓂᓪᓗ ᐱᐅᑦᑎᐊᕋᔭᖅᑰᖅᑐᖅ. 
• ᒪᑭᒪᔾᔪᑎᓄᑦ ᐱᔾᔪᑕᐅᓲᓂᒃ ᑲᓇᑕᓕᒫᒥ ᐱᓂᐊᕐᓂᐅᔪᓂᒃ ᖃᐅᔨᓇᓱᕈᓘᔭᖃᑕᐅᔪᒪᖃᑦᑕᕋᔭᖅᐱᑦ? ᐊᖏᕈᕕᑦ, ᐃᓱᒪᒋᓪᓗᐊᖅᑕᑎᑦ ᒪᑭᒪᔾᔪᑎᓄᑦ ᑮᓇᐅᔭᓕᕆᔨᕗᑦ. 
• ᐃᕝᕕᓯᐅᑕᐅᕗᖃᐃ? ᑮᓇᐅᔭᓂᒃ ᐊᐅᓚᑦᑎᔨᒋᔭᕗᑦ ᑮᓇᐅᔭᓕᕆᔾᔪᑎᑦᑎᓐᓂ ᐊᒻᒪ ᐃᖅᑲᓇᐃᔭᖅᑐᓕᕆᔨᒃᑯᓐᓂ ᐃᖏᕐᕋᑎᑦᑎᑦᑎᐊᖏᓐᓇᓲᑦ.

ᖃᓄᑐᐃᓐᓇᖅ ᐱᓕᕆᐊᒃᓴᓂᒃ ᖁᕕᐊᒋᔭᖃᕈᕕᑦ, ᖃᐅᔨᓇᓱᒍᓐᓇᑦᑎᐊᖅᑕᑎᑦ ᑮᓇᐅᔭᓕᕆᔨᒃᑯᓐᓂ ᐃᖅᑲᓇᐃᔮᒃᓴᑦ ᐊᓯᖏᓪᓗ ᓄᓇᕗᑦ ᒐᕙᒪᒃᑯᓐᓂ ᐃᖅᑲᓇᐃᔮᒃᓴᑦ ᐅᕙᙵᑦ: https://www.gov.nu.ca/iu/public-jobs.

ᐃᖅᑲᓇᐃᔭᑲᐃᓐᓇᖃᑦᑕᕐᓂᖅ

ᑮᓇᐅᔭᓕᕆᔨᒃᑯᑦ ᐃᖅᑲᓇᐃᔭᑲᐃᓐᓇᖅᑎᑦᑎᖃᑦᑕᖅᑐᑦ ᓇᓂᓕᒫᖅ ᐱᓕᕆᕝᕕᒋᔭᐅᔪᓂᒃ ᑮᓇᐅᔭᓕᕆᔨᒃᑯᓐᓂ. ᑐᑭᓯᒋᐊᒃᑲᓐᓂᕈᒪᒍᔅᓯ ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᑦᑎᑲᐃᓐᓇᕈᓯᖏᓐᓂᒃ, ᐃᖅᑲᓇᐃᔮᒧᓪᓗ ᐱᔪᒥᓴᐅᑎᑦ ᐃᓚᓕᐅᑎᓂᐊᕐᓗᒍ ᓄᓇᕗᑦ ᒐᕙᒪᒃᑯᑦ ᖃᕆᑕᐅᔭᓕᕆᔾᔪᑎᖏᓐᓄᑦ, ᐃᕐᖐᓐᓈᖅᑕᐅᒃᑯᑦ ᑎᑎᕋᕈᓐᓇᖅᑐᑎᑦ ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑐᓕᕆᔨᒃᑯᖏᓐᓄᑦ ᐅᕗᖓ[DC1] : @email.

ᐃᓄᖕᓂᒃ ᐃᖅᑲᓇᐃᔭᖅᑎᑦᑎᓂᖅ

ᑮᓇᐅᔭᓕᕆᔨᒃᑯᑦ ᐊᒻᒪ ᓄᓇᕗᒻᒥ ᐃᒥᐊᓗᓕᕆᔨᒃᑯᑦ ᓱᕐᕋᖕᓇᖅᑐᓕᕆᔨᒃᑯᓪᓗ ᑲᑎᒪᔨᖏᑦ ᐃᑲᔪᖅᓱᐃᑦᑎᐊᓲᑦ ᐃᓄᖕᓂᒃ ᐃᖅᑲᓇᐃᔭᖅᑎᓂᒃ, ᓄᓇᕗᒥᐅᓂᒡᓗ ᐃᓄᖕᓂᒃ ᕿᓂᕋᔪᒃᖢᑎᒃ ᐃᖅᑲᓇᐃᔭᖃᑎᒃᓴᖏᓐᓂᒃ.

ᐃᖅᑲᓇᐃᔭᖃᑎᒌᑦ ᐃᓕᓐᓂᐊᒐᒃᓴᑦᑎᐊᕙᖕᓂᒃ ᐱᕙᓪᓕᐊᔾᔪᑎᒃᓴᑦᑎᐊᕙᖕᓂᓪᓗ ᒪᓂᒻᒪᒃᑎᑦᑎᓲᑦ. ᐊᔪᕈᓐᓃᖅᑕᑎᑦ ᐅᕙᑦᑎᓐᓂ ᓅᔾᔪᑕᐅᔪᓐᓇᑦᑎᐊᖅᑐᑦ, ᑐᙵᕕᑦᑎᐊᕙᐅᓪᓗᑎᓪᓗ ᓯᕗᓂᒃᓴᒥ ᐃᖅᑲᓇᐃᔮᒃᓴᓄᑦ, ᓄᓇᕗᑦ ᒐᕙᒪᒃᑯᓐᓂ ᐊᒻᒪ ᓯᓚᑖᓂ ᑲᑐᔾᔨᖃᑎᒌᒡᕕᖕᓂ, ᐃᓚᓕᐅᑎᓪᓗᒋᑦ ᓇᖕᒥᓂᖃᖅᑏᑦ.

ᑐᑭᓯᒋᐊᒃᑲᓐᓂᕈᒪᒍᔅᓯ ᑮᓇᐅᔭᓕᕆᔨᒃᑯᓐᓂ ᐃᓅᓪᓗᑎᒃ ᐃᖅᑲᓇᐃᔭᖅᑎᓄᑦ ᐸᕐᓇᐅᑎᑦ, ᐅᓇ ᓇᕿᑦᑐᓐᓇᖅᑕᑦ.

ᐊᐅᔭᒃᑯᑦ ᐃᓕᓐᓂᐊᖅᑎᓂᒃ ᐃᖅᑲᓇᐃᔭᖅᐸᒃᑐᓄᑦ ᐱᓕᕆᐊᑦ

ᑮᓇᐅᔭᓕᕆᔨᒃᑯᑦ ᐊᒻᒪ ᓄᓇᕗᒻᒥ ᐃᒥᐊᓗᓕᕆᔨᒃᑯᑦ ᓱᕐᕋᖕᓇᖅᑐᓕᕆᔨᒃᑯᓪᓗ ᑲᑎᒪᔨᖏᑦ ᐃᖅᑲᓇᐃᔭᕆᐅᖅᓴᑎᑦᑎᔪᓐᓇᑦᑎᐊᖅᑐᑦ ᐃᓕᓐᓂᐊᖅᑎᓂᒃ ᓄᓇᕗᑦ ᒐᕙᒪᒃᑯᑦ ᐊᐅᔭᒃᑯᑦ ᐃᖅᑲᓇᐃᔭᓚᐅᑲᖕᓂᐊᖅᑐᑦ ᐊᖅᑯᑕᐅᓪᓗᓂ. ᐱᓕᕆᐊᖑᕙᒃᑐᓂᒃ ᖃᐅᔨᒃᑲᓐᓂᕈᒪᒍᕕᑦ, ᖃᐅᔨᒋᐊᕐᕕᒋᔭᒃᓴᐅᔪᑦ ᐃᖅᑲᓇᐃᔭᖅᑐᓕᕆᔨᒃᑯᑦ.

ᐃᖅᑲᓇᐃᔭᖅᑎᐅᓪᓗᓂ ᑮᓇᐅᔭᓕᕆᔨᒃᑯᓐᓂ ᐅᕝᕙᓘᓐᓃᑦ ᓄᓇᕗᒻᒥ ᐃᒥᐊᓗᓕᕆᔨᒃᑯᓐᓂ ᓱᕐᕋᖕᓇᖅᑐᓕᕆᔨᒃᑯᓪᓗ ᑲᑎᒪᔨᖏᓐᓄᑦ ᐱᕕᖃᕈᑎᑦᑎᐊᕙᐅᕗᖅ ᐃᓕᓐᓂᐊᖅᑎᓄᑦ ᖃᐅᔨᕈᓘᔭᕐᓇᕐᒪᑦ ᖃᓄᑐᐃᓐᓇᖅ ᐱᓕᕆᐊᖑᕙᒃᑐᓂᒃ, ᐱᓗᐊᖅᑐᒥᒃ ᐊᒃᑐᐊᓂᓕᖕᓄᑦ ᑮᓇᐅᔭᓕᕆᓂᕐᒧᑦ ᐊᐅᓚᑦᑎᓂᕐᒧᑦ ᐊᒻᒪ ᑮᓇᐅᔭᓕᕆᓂᕐᒥᒃ, ᐊᑐᐊᒐᕐᓂᒃ ᖃᐅᔨᓴᕐᓂᕐᒧᑦ ᐊᒻᒪ ᐋᖅᑭᐅᒪᓂᖏᑦ, ᐊᒡᓚᕝᕕᓕᕆᓂᖅ, ᓂᐅᕕᖅᐸᒃᑐᓂᒃ ᐱᔨᑦᑎᕋᕐᓂᖅ / ᓂᐅᕕᖅᑎᐅᓂᖅ, ᐊᒻᒪ ᐊᑭᓕᖅᑕᐅᔾᔪᓯᐊᖅᑐᓕᕆᓂᕐᒥᒃ / ᐃᖅᑲᓇᐃᔭᖅᑎᓄᑦ ᑮᓇᐅᔾᔭᒃᓵᓕᕆᓂᖅ.

ᐅᕙᑦᑎᓐᓂ ᑐᓴᖅᑕᓯ ᓈᓚᑐᐃᓐᓇᙱᓪᓗᒋᑦ − ᐃᓕᓐᓂᐊᖅᑎᑦ ᐃᖅᑲᓇᐃᔭᖃᑕᐅᖃᑦᑕᖅᓯᒪᔪᑦ ᓈᓚᒃᐸᒡᓗᒋᑦ ᐅᖃᐅᓯᒃᓴᖏᑦ ᐅᕙᑦᑎᓐᓂ ᐱᔾᔪᑎᓕᑦ:

ᕌᓐᑎ ᖃᑦᑕᓕᒃ // ᖃᕆᓴᐅᔭᓕᕆᓂᕐᒧᑦ ᓇᓗᓇᐃᔭᐃᔨ ᐱᒋᐊᓕᓵᕐᓂᑯ // ᐃᖃᓗᖕᓂ, ᐊᐅᔭᒃᑯᑦ 2019-ᒥ

ᑮᓇᐅᔭᓕᕆᔨᒃᑯᓐᓂ ᐊᐅᓚᑦᑎᔨᑦ ᐃᓚᐅᕝᕕᒋᓕᓚᐅᖅᓯᒪᔭᒃᑲ ᐱᒋᐊᓕᓵᖃᑕᐅᓪᓗᖓ ᖃᐅᔨᓴᖅᑎᐅᓪᓗᖓ ᑮᓇᐅᔭᓕᕆᔨᒃᑯᓐᓂ. ᐱᒻᒪᕆᐅᓪᓗᓂ ᐱᕙᓪᓕᐊᔾᔪᑎᒋᓚᐅᖅᐸᕋ ᓯᕗᓪᓕᖅᐹᒥ ᐊᐅᔭᒃᑯᑦ ᐃᖅᑲᓇᐃᔭᖃᑕᐅᓚᐅᖅᓯᒪᒐᒪ ᐃᖅᑲᓇᐃᔮᕆᔭᓐᓂ ᐅᑭᐅᑦ ᑕᓪᓕᒪᑦ ᐊᓂᒍᖅᑐᓂᒃ. ᑲᑎᖅᓱᐃᕈᓘᔭᓚᐅᖅᐳᖓ ᖃᐅᔨᕙᓪᓕᐊᕙᒃᖢᖓ ᐊᕐᕌᒍᒃᑳᖓᑦ ᒫᓐᓇᓕ ᐃᑲᔪᓲᖑᕗᖓ ᐊᒻᒪ ᐃᓕᓐᓂᐊᖅᑎᑦᑎᓲᖑᕗᖓ ᐊᓯᖏᓐᓂᒃ ᑮᓇᐅᔭᓕᕆᔨᒃᑯᓐᓄᑦ ᐃᖅᑲᓇᐃᔭᖅᑎᓂᒃ.

ᕼᐄᓕ ᒪᒃᕼᐊᒐᒃ // ᐃᖅᑲᓇᐃᔭᖅᑎᓄᑦ ᐊᑭᓕᖅᓱᖅᑕᐅᔾᔪᓯᐊᓂᒃ ᐃᑲᔪᖅᑎ // ᐃᖃᓗᒃᑑᑦᑎᐊᖅ, ᐊᐅᔭᒃᑯᑦ 2019−ᒥ

ᐃᖅᑲᓇᐃᔭᖅᑎᓄᑦ ᐊᑭᓕᖅᓱᖅᑕᐅᔾᔪᓯᐊᓂᒃ ᐃᑲᔪᖅᑎᒋᔭᐅᓚᐅᖅᐳᖓ ᑮᓇᐅᔭᓕᕆᔨᒃᑯᑦ ᐊᑭᓕᐅᓯᐊᖅᑐᓕᕆᔨᒃᑯᖏᓐᓂᒃ ᐃᑲᔫᓯᐊᖅᑐᓕᕆᔨᒃᑯᖏᓐᓂᒡᓗ ᐃᖃᓗᒃᑑᑦᑎᐊᒥ. ᐃᓕᑦᑎᓚᐅᖅᐳᖓ ᑐᖅᑯᖅᑐᐃᓂᕐᒥᒃ, ᖃᕆᑕᐅᔭᕐᒧᐊᖅᑎᕆᓂᕐᒥᒃ ᐊᖏᖅᐸᒃᖢᒋᓪᓗ ᐃᑲᕐᕋᓕᐊᕆᔭᐅᔪᑦ ᐊᒻᒪ ᑐᖅᑯᖅᑐᐃᔪᓐᓇᖅᓯᓪᓗᖓ. ᖃᐅᔨᕈᓘᔭᓚᐅᖅᑕᒃᑲ ᐊᒃᓱᕈᕐᓇᖃᑦᑕᓚᐅᖅᑐᑦ ᐃᓛᓐᓂᒃᑯᑦ, ᑭᓯᐊᓂᓕ ᐃᓕᑦᑎᕐᔪᐊᖅᓯᒪᓕᖅᑐᖓ. ᐅᑎᒃᑲᓐᓂᓛᕈᒪᒐᓗᐊᖅᐳᖓ!