ᓄᓇᓕᖕᓂ ᒐᕙᒪᒃᑯᓂᓪᓗ ᐱᔨᑦᑎᖅᑏᑦ ᒥᓂᔅᑕᖓᑦ
ᒥᓂᔅᑕ ᒪᒡᒍᓚ ᓇᑲᓱᒃ
ᒫᒍᓚ ᓇᑲᓱᒃ ᐊᑭᑦᑐᕋᐅᑎᖃᑎᖃᓐᖏᖢᓂ ᓂᕈᐊᖅᑕᐅᒃᑲᓐᓂᓚᐅᖅᑐᖅ ᑭᒡᒐᖅᑐᐃᔨᐅᓂᐊᖅᖢᓂ ᐸᖕᓂᖅᑑᕐᒥᐅᓂᒃ ᐊᕐᕕᓂᓕᖓᓐᓂ ᓄᓇᕗᒻᒥ ᒪᓕᒐᓕᐅᖅᑎᓂ.
ᒥᔅ ᓇᑲᓱᒃ ᒥᓂᔅᑕᐃᑦ ᑲᑎᒪᔨᖏᓐᓅᓚᐅᖅᓯᒪᔪᖅ ᓄᕕᐱᕆ 17, 2021-ᒥ, ᓄᓇᕗᒻᒥ ᓯᕗᓕᖅᑏᑦ ᕿᒥᕐᕈᔭᐅᓂᖃᓚᐅᖅᑎᓪᓗᒋᑦ. ᒥᓂᔅᑕ ᓇᑲᓱᒃ ᑎᑎᕋᕐᕕᖕᒥᓄᑦ ᐊᖏᖅᑎᑕᐅᓚᐅᖅᑐᖅ ᓄᕕᐱᕆ 19, 2021-ᒥ. ᐃᓄᓕᕆᔨᒃᑯᓐᓄᑦ ᒥᓂᔅᑕᕆᔭᐅᓚᐅᖅᑐᖅ.
ᒥᔅ ᓇᑲᓱᒃ ᑕᓪᓕᒪᖓᓐᓂ ᒪᓕᒐᓕᐅᖅᑎᐅᖃᑕᐅᓚᐅᖅᑐᖅ, ᐊᑕᐅᓯᐅᓐᖏᑦᑐᓂᒡᓗ ᒥᓂᔅᑕᖃᕐᕕᖃᓚᐅᖅᖢᓂ, ᐃᓚᓕᐅᖢᒍ ᐃᓕᖅᑯᓯᓕᕆᔨᒃᑯᓐᓄᑦ ᒥᓂᔅᑕᒋᔭᐅᓂᖅ ᐊᒻᒪ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᓐᓂᒃ ᑎᒍᒥᐊᖅᑎᐅᓪᓗᓂ.
ᓂᕈᐊᖅᑕᐅᓚᐅᓐᖏᓐᓂᕐᒥᓂ, ᒥᔅ ᓇᑲᓱᒃ ᐊᖓᔪᖅᑲᐅᑕᐅᖃᑕᐅᓚᐅᖅᑐᖅ ᓄᓇᕗᑦ ᒐᕙᒪᒃᑯᑦ ᐃᓄᓕᕆᔨᒃᑯᖏᑕ ᐱᓕᕆᕕᐊᓂ. ᐃᖅᑲᓇᐃᔮᕆᖃᑦᑕᖅᓯᒪᔭᖏᑦ ᐃᓚᖃᖅᐳᖅ ᐃᓐᓇᕐᓄᑦ ᐃᓕᓴᐃᔨᐅᓂᖅ ᐊᒻᒪ ᐃᖅᑲᓇᐃᔭᖅᑐᓕᕆᔨᐅᓂᖅ. ᒥᔅ ᓇᑲᓲᑉ ᐃᓕᓐᓂᐊᖃᑦᑕᕐᕕᒋᔭᖏᑦ ᓄᓇᕗᑦ ᓯᕗᓂᒃᓴᕗᒃᑯᑦ, ᐊᐅᓚᑦᓯᔨᐅᓂᕐᒧᑦ ᐃᓕᓐᓂᐊᕈᑏᑦ ᓄᓇᕗᑦ ᓯᓚᑦᑐᖅᓴᕐᕕᐊᓂ ᐊᒻᒪ ᓄᓇᕗᑦ ᒐᕙᒪᒃᑯᑦ ᕼᐃᕗᓕᖅᑎᒃᕼᐊᐅᓂᖅ.
ᒥᔅ ᓇᑲᓱᒃ ᐸᖕᓂᖅᑑᑉ ᕼᐋᒻᓚᒃᑯᑦ ᑲᑎᒪᔨᖏᓐᓄᑦ ᓂᕈᐊᖅᑕᐅᓯᒪᔪᖅ ᐊᒻᒪ ᓄᓇᓕᖕᓂ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᓐᓂ. ᒥᔅ ᓇᑲᓱᒃ ᐃᖅᑲᖅᑐᐃᔨᐊᓛᖑᓯᒪᔪᖅ. ᐊᑭᓕᖅᓱᖅᑕᐅᓐᖏᖢᓂ ᐃᖅᑲᓇᐃᔭᖃᑎᖃᖃᑦᑕᖅᓯᒪᔪᖅ ᐃᓐᓇᕐᓂᒃ ᐊᒻᒪ ᒪᒃᑯᒃᑐᓂᒃ.
ᒫᒍᓚ ᐊᒻᒪ ᐋᓐᓄᓘ ᓇᑲᓱᒃ ᒪᕐᕉᖕᓂᒃ ᕿᑐᕐᖓᓖᒃ, ᓇᑖᓴ ᐊᒻᒪ ᐋᓐᑐᓂ, ᐊᑕᐅᓯᕐᒥᒡᓗ ᐃᕐᖑᑕᖃᖅᖢᓂ ᕕᓕᒃᓯᒥᒃ. ᒥᔅ ᓇᑲᓱᒃ ᖁᕕᐊᒋᔭᓕᒃ ᒥᖅᓱᕐᓂᕐᒥᒃ, ᓄᕕᖅᓴᕐᓂᕐᒥᒃ, ᓂᕿᓕᐅᕐᓂᕐᒥᒃ ᐊᒻᒪ ᐊᐅᓪᓚᑲᑕᖕᓂᕐᒥᒃ.