Taangaliqinikkut auladjutikharnik niruaqtitiniaqtut imaalu inungnik katimapkainiaqtut Sallirmi
Inungnut Tuhaqtidjutikhaq
Taangaliqinikkut auladjutikharnik niruaqtitiniaqtut imaalu inungnik katimapkainiaqtut Sallirmi
Minista Kiinaujaliqijitkunniangiqtuq niruarvikhanik taangaliqinikkut auladjutikhanik niruarvikhanik Sallirmi apiriplugit nunaqaqtut niruaqquplugit aallanguqtirumajut taangarniq pillahivikhanik. Taangaliqinikkut auladjutikhanik niruaqtitiniaqtut niruaqvikhat Hivulliurmi, Tarium Hikutirvia 9, 2020, hivuagut niruarvikhat Hivulliurmi, Tarium Hikutirvia 2, 2020.
Minista tujuqtauhimajuq inungnit atiliurutimik nunaqaqtunit inungnit Sallirmi tukhiqtut taangaliqinikkut auladjutikhanik niruarvikhanik aallangurumaplugit tadja taangaliqinikkut atuqtaujut pittailidjutiqaqtunit avatqutilimaitun aquiqtuqtangit qaffiutilaanganik atuqtakhamik. Hamna tukiqaqtuq tapkuat nunaqaqtut Sallirmi niruaqqata aallangurumaplugu, niuvviktaalirniaqtut imaaluuniit tikipkailutik kigliqaqtunik amigaitilanginnik taangarnik nunamingnut. Tamna tukhiqtauhimayuq kiklivikharnik agitiyaaqtun atauhirmik liitamik taangamik, 4nik liitaanik wainik, 18niklu bianik talvuuna 14nik ublurnik qangiutigaigumi. Titiraqhimajut ataani Tannganik Maligaq, taima 60 pusantiujukhat niruaqtitnit imaatut niruaqtukhat "angiqtut" allanguqtitirijaangat qanurinnikhanik nunamingni.
Ikajuutikhanik nunaqaqtut Sallirmi kangiqhilugu Nunavutim taangaliqinikkut maligait imaalu aallangurumajatik, Havagviat Kiinaujaliqijikkut katimapkainiaqtut inungnik malruiqturlutik. THapkuat katimavikhangit katimaniaqtut Aipiutmi, Tattiarnaqtuq 27, 2020, ubluqhiut 12 qitiqqukpat imaalu 6 mungaqqan talvani Ulapqivikyuarmi Katimavianni. Aulladjutaani COVID-19 qalagjuarnirmit pittailijaujut, taimaatuinnaq 100 inungnik imaaluuniit 75% -ngujumik inugiangnikhanik igluqpangmi, nalliak ikitqijaukpat, upautittaaktut katimajunut. Sallirmi, una tukiqaqtuq 100 inuit upautittaaktut atauhirmut katimajunut.
Tamarmik nunaqaqtut Sallirmiitun qaitqujaujut uqautigilugit aallanguqtakhat tadja nunamingni taangaliqinikkut tuqtaujut katimaqataujukhanik Havagianit Kiinaujaliqijikkut imaalu Nunavunmi Niruaqtuliqijikkut. Tiitutikhaqarniaqtut kaapituurniaqtullu.
FAallanik naunaitkutikhanik talvuuna inungnik katimapkaivikhanik, qaritaujakkut titirarvigilugit @email.
###
Tuhaqtipkainikkut Uqarvigiyakhaq:
Weichien Chan
Atan'nguyaq, Tuhagakhanut
Kiinauyaliqiyitkut Havagvia
867-975-6818
@email