Qinirhiajun ukuninnga Ikajuuhiarnikkut Ihumaliutqiktauffaaqujaunikkut Katimajikhanik
Kavamatkunnin Tuhaqtitaujukhat
Qinirhiajun ukuninnga Ikajuuhiarnikkut Ihumaliutqiktauffaaqujaunikkut Katimajikhanik
Inulirijikkut Havagvia piliqtuq uuktuutinik uumunga Ikajuuhiarnikkut Ihumaliutqiktauffaaqujaunikkut Katimajikhanik. Una malruuknik-ukiunik hivituniqaqtuq aullaqtiqluni October 17, 2020min talvunga October 16, 2022mun.
Una Ikajuuhiarnikkut Ihumaliutqiktauffaaqujaunikkut Katimajiit katimavaktun tuhaajaami nunaptikni-tamaani ihumaliutqiktauffaaqujaunirnik pidjutiniarungnarhijun ikajuuhiaqpaktunin naammagingittun ihumaliurutainnik ukunani Ikajuuhiarnikkut Ihumaliutqiktauffaaqujaunikkut Katimajiinnin. Una Ihumaliutqiktauffaaqujaunikkut Katimajiit aulapkaqtitaujuq ataani atanniqtuidjutaanin Ikajuuhiarnikkut Maligaqmin. Katimajiit akiliqtauniaqtun katimadjutimingnun ihumaliuriamingni ihumaliutqiktauffaaqujaunirnun.
Tamaita Nunavunmiutat pijaaqtun uuktuqlutik, taapkuangungittut kihimi havaktun Ikajuuhialiqinikkut Havagvingmi uvani Inuliqijikkut Havagviani.
Uukturumajun tujuqtaaqtait havaakhaqhiurutimik titiraqmikluunniit pijumanikkut qaangiqtinnagu 4 p.m., September 18, 2020. Pijauhimajun uuktuqtun ilaujukhaujun ajuirharnirmun hivuagun aullaqtiqtinnatik havagutikhamingnun katimajiinni.
Kangirhittiarumaguvin, uqaqatigilugu Josephine Gillespie uvani 867-975-5257 uvaniluunniit @email.
###
Tuhaqtipkainikkut Uqaqatigivikhaq:
Lucy Aqpik
Tuhaqtipkainikkut Ajuittuq
Inulirijikkut Havagvia
867-975-5207
@email