Nutaanguqtidjutainut tuhaqtidjutikhaq: Whooping Cough aanniarutaujuq huli Sanikiluarmi
Inungnun Aanniarutimik Tuhaqtitaujukhaq
Nutaanguqtidjutainut tuhaqtidjutikhaq: Whooping Cough aanniarutaujuq huli Sanikiluarmi
Havagviat Aanniaqtailinikkut ilitturipkaijumajut Nunavummiunut, tapkualluanut angajuqqaanut miraarnik nutaraqaqtut mikijuniklu nutaraqaqtut, naunaiqtaujuq aanniarutaujuq huli qallarjuarniq (whooping cough) (pertussis Sanikiluarmi. Kinaliqaak aannialirtaaqtuq qalagjuarnirmik (whooping cough),kihimik ingattatqijauvaktut aannialiqtut nutaqqaat mikitqijait ukiunikhimaittut atauhirmik.
Qallarjuarnikkun (whooping cough) aanniarutauvaktuq iggiarmi puvvangnilu hiammittakhunilu inungmin inungmun. Aanniangaliruvin nutaratluunniit aanniangaliqqan, aihimadjavutit inungnut hiaminnaitumik aannirutit nakuuhittiqarlutin. Hamna hiammitilitikhanut aanniarunmik.
Ihivriuqtaunarirumik havautikhaqtaulutiklu anginiqaqtuq. Hivajarlugu munaritkut inuk kituliqaak igluqatigijangni aanniangaliqqat taimaitunik naunaitkutingnik:
- qallakkuvit hivitutqiyanik havainirmit;
- qalakhurangavit nivyagliruvit qalakhuruirangavit imatut “whoop”;
- ivyanguhuliruvit aannikhariakharnik;
- miriakpaliruvit qalakhurangavit;
- qalakhuinaliruvit uunnukangat unnuamilu ingatakpakliruvit;
- kidjakpiakpaliruvit (39°C qulvatqiyanik uuktuutip) kidjangaguvit pingahut ublut hivitutqiyanik.
Aanniaqtailitikhat taffuminga qallaryuarnikkun (whooping cough) kappiyauguvit havautmik. Inuit tamarmik naunaiqjaktakhait kappijaudjutikhatik tamatkikhimajakhainik. Aanniaqtailitikhanut ilauyut:
- algakkit uaqqattaqpaklugik;
- qalakhuklutit airnut qakkijaunmutluunniit:
- illanut inungmut niriyarnik tunihihuiklutit, atuqtitailugitlu aluutit, kapurautit, kiguutikhautitlu.
Ilitturittuarumaguvit talvuuna qalagjuanikkut (whooping cough) taiguarlugit pertussis kangiqhidjutikhat hailijut uvani Havagviat Aanniaqtailitnikkut qaritaujakkuurutaaani.
###
Tuhaqtidjutikhanut Uqarvikhaq:
Scott Hitchcox
Tuhaqtipkainirmut Ajuittiaqhimajuq
Aanniaqtailinikkut Havagvia
867-975-5712
@email