Nunavut quviahuutigijaat Munaqhinut Irninahuaqtunut Ikajuqtinullu
Uumani ukiungani, Nunavut Kavamanga (GN) havaqatiginiaqtaat World Health Organization-kut naunaiqtidjutigilugit ikajuutit tahapkununga havakpaktunut ihuahijuuminahugittugit aanniartailidjutikhaptingnut taamna pidjutiginiaqtamingnut Munaqhinut Irninahuaqtunut Ikajuqtiinullu.
“Munaqhit irninahuaqtunut ikajuqtiillu ikajuutaujut munaridjutikhanut Nunavunmiutanut. Hivunnganiittut havaktut qilaliurutinut munaqtiujuni, inungnut munaqhidjutinut atugakhanullu, havakpiakpaktut nakuujumik munaridjutikhanut, nakliguhukhutik havattiarhutiklu kinalikaak inuk ikajuqhugit, qujarijuarumajatka havattiarpakmata,” uqaqtuq Ministangat Munaqhiliqijitkut George Hickes.
Talvani Qikiqtani Aanniarvik ukuallu 24-ngujut nunallaani munaqhiliqiviit, amigaitqijat 300-nit munaqhit qulit irninahuaqtunut ikajuqtit unarukhimaittumik havakpiakpaktut ikajuqhugit Nunavunmiut nakuutqijami munaridjutikhaqarianginni.
2020-mi, Munaqhiliqijitkut naunairniaqtait ikajuutit, aallatqiingujunut qangaraalukmit naunaitkutaillu munaqhiurnikkut irninahuaqtuniklu ikajuqtinut Nunavunmi, nangarilugitlu inuit uumatut Qapik Attagutsiak Ikpiarjukmit, ilitquhiraluamini irninahuaqtunut ikajuqtiuhimajuq unalu aittuutikhamik Queen Elizabeth II Diamond Jubilee Medal aittuqtauhimajuq. Attagutsiak irnijunik ikajuqtiuhimajuq hundreds-ngujunut mirraanut Nunavunmi ikajuqhunilu aullaqtirutikhaanut uumunga munaqhiliqidjutikhanut ikajurvikhat Akausivik Inuit Family Health Team and Medical Centre in Ottawa-mi.
Unipkaarivlugit naunaiqhidjutigivlugillu nakuurutaudjutit havakpaktait munaqhit irninahuaqtunut ikajuqtiillu nunallaaptingni, GN-kut naahurijut ikajrumavlugit amigaitqijanik Nunavunmiutanut qiniqhiajaanginni havaariraakpaktakhamingnut munaqhiulutik irninahuaqtunut ikajuqtiulutiklu.
###
Tuhaqtidjutikhanun Uqarvikhaq:
Chris Puglia
Tuhaqtipkainirmut Ajuittiaqhimajuq
Aanniaqtailinikkut Havagvia
867-975-5762
@email