Laisiqanggittut Nalautaarutikhanut Nunavunmi
Inungnut Tuhaqtitauyukhaq
Laisiqanggittut Nalautaarutikhanut Nunavunmi
Malikhautiplugu amigairyummirnia laisiqanggittunik nallautaagutinik talvanga tuhaadjutikkuugutinit, Havakviat Nunalingni Kavamatkunnilu Pivikhaqautikkut itqaumaquyut Nunavunmiut ihuinaarniaqtut pigumik laisiqanggitkumik nalauttaaqtittilutik Nunavunmi.
Kitu inuvaluit maniliurahuagumayut inmik piplutik taktaqhanik pilimaittut nalauttaagutinut laisiqhamik. Taapkuangginnait maniliurahuayuittut an’ngaadjuviinni katimayiuyut maniliurahuayuittut maaniit atuqpagait aittuutigiyauplutik an’ngaadjuviinnutluunniit pipkaivakhutik piinnariaqaqtut laisiqhamik Nunavunmi.
Nunavunmiut qayagiyukhat ilaugumik niuvigahuagumikluunniit tikisikhanik nalauttaarutikhanik humi laisikhaq nampaa takunnaivyakpat. Piyaaqhaita naunaiqlutin ihuaqtumik laisiqariaqhaita nampamik niuviktittinnatin tikishamik taktakhamut.
Havakkumik taktakhanik laisiqanggittumiklu pigumik Ihuinaaqtumik piyut malikhugu taamna Ihuinnaarnirmun malikkuutaita. Ihuittumik piyut tigunmigumik laisiqanggittumik maniliugahuagumik Nunavunmi. Ihumagiingnagungni ihuittumik piyut laisiqanggittunik maniliugahuat, hivyainnariaqaqtahi nunaffingni Paliihimatkut.
Naunaiginnariaqaqtuhi katimayiihi piinnariaqariaqhainnik laisiqhamik, hivayainnariaqaqtahi Niuvikviliqidjutinut Havagviat uvani 1-866-223-8139. Naunaittiagumaguvit, qaritauyakkuuginnariaqaqtutin uvani https://www.gov.nu.ca/community-and-government-services/information/con….
###
Tuhaqtipkainikkut Uqaqvigiyakhaq:
Mustafa Eric
Tuhaqtipkainikkut Ayuittiaqhimayuq
Nunalingni Kavamatkunillu Pivikhaqautikkut
867-975-5406
@email