Tunungani Qikiqtaaluup havaaghanun uvalu iliharnikkut ikayuutit
Inungnut Tuhaqtidjutikhanut
Tunungani Qikiqtaaluup havaaghanun uvalu iliharnikkut ikayuutit
Ayuqhautiqaruvin havaguititinikkut hapkunanga Mary River Uyarakhiuqtinin uvaluuniin qiniqhiaguvin iliharnikkut piyakhanik nunallaangni aviktungniani, Kavamatkut Nunavunmi ikayuqtaaqtut.
Kivgaqtuqtit Kanatami ukualu Kavamatkut Nunavunmi hamaniiniaqtut Tunungani Qikiqtaaluup nunallaangini ikayuqlutik havaatigut qulangnaiyautikkut uuktuutinik uvalu tunihiyumablutik kangiqhidjutinik havaatigut ilihaiharnikkut pinahuarutinik.
Kangiqhittiarumaguvin ikayuutikkut ihariagiyangnik nunallaangni, hamungaulutit havaaghatigut ikayuutikkut kangiqhidjutikkut katimadjutini halunani katimavikhait ubluqhiutailu:
| Nunallaaq | Nayugaa | Ubluq | Ikaakninga |
| Kangiqtugaapik | Piqqusilirivvik | Saaluti, Ubluiqtirvia 7 | 10 ublaamin. – 2 mut. |
| Mittimatalik | GLOkut havagviani, Munaqhiviugaluaq | Saaluti, Ubluiqtirvia 7 Unaguiqhirvik, Ubluiqtirvia 8 |
6min - 8mun unuami. 10 ublaamin. – 12 mut. |
| Ipiakyuuk | Nunallaap Inirniit Iliharviani | Hivulliq, Ubluiqtirvia 9 | 2 – 6 unuamun. |
| Igloolik | Nunallaap Inirniit Iliharviani | Aippiut, Ubluiqtirvia 10 | 2 – 6 unuamun. |
| Sanirajak | Nunallaami Ulapqiviani | Pingattiut, Ubluiqtirvia 11 |
1 – 5 unuami. |
Kangiqhittiarutikhat, takulugit qaritayaliqivingmi havaaghatigut ilihaidjutikhatigullu ikayuutiikhat Nunavunmiunun, uvani: www.gov.nu.ca/page/employment-support.
###
Tuhaqtipkaiyut uqaqatigilugu:
Peter Varga
Atan'ngujaq, Tuhaqtipkaijiit
Pivalliajuliqijikkut Ingilrajuliqijikkullu Havagvik
867-975-7862
@email