Min’nguiqviit Ublua Sylvia Grinell 2019
Inungnun Tuhaqtitauyukhaq
Min’nguiqviit Ublua Sylvia Grinell 2019
Ahivarit qaritauyarnit, tiivingnit, hivayautinnuaffingnilu ubliqluhi kihimi qiniqhialuhi aliagilugitlu tamaita Min’nguiqviit Nunavun piutigiyainnik! Min’nguiqviit ublua Iqalungni pidjutiniaqtut Saaluti, July 20, 2019 talvani SYlvia Grinnell Min’nguiqvianni.
Akiittumik uhittiqviqarniaqtut aullaqtiqliqlutik 10 qaan’ngiqqat ublaami 3 mun ubluummaat kinaliqaaq ilauyumakpat hulinahuaqtuni. Ilauguit nirinahuaqtuni, unipkaaqlutiklu pitquhikkut, tiituqlutik, ulapqilutiklu atuqlugit haunilgit ulapqidjutit, hulikaaqtittiniaqtutlu nutaqqanut inuulramiiminutlu.
Min’nguiqvia Ublua ukiuq tamaat quviahuutigivaktaat piplutik pingahua havainia July mi tamaani Kanatami akhuuqhaitigiplugu inuuhirittiarniq igluqpailgumi. Aadlat Min’nguiqviit hulidjutikhait pidjutiniaqtut Kimmirunmi, Iqalungni, Kangiqliniq, Iqaluktuuttiaq Kugluktumilu.
Naunaittiagumaguvit Sylvia Grinell Min’nguiqviatigun Ubluagani hulidjutivikhainni, hamunggaudjavutin https://www.gov.nu.ca/environment. Naunaittiagumaguvit Min’nguiqviit Ubluanggannik, uqaqvigidjavan Caroline Ipeelie-Qiatsuk uvani 867-975-7784, @email, uvalunniit Leesee Papatsie uvani 867-975-7727,@email.
###
Tuhaqtitauyukhanut Uqarvikhaq:
Karen Flaherty
Atan’nguyaq Tuhaqtipkaiyini, Ilinniaqtulirinikkut Ikayuqtiuplunilu
Avatiliqiiyitkut
867-975-7761
@email