ᐅᖃᓚᐅᑎᓯᐅᑏᑦ

You are here

ᑲᒪᔨ ᐊᖏᕋᒥ ᐊᒻᒪ ᓄᓇᓕᒻᒥᑦ ᑲᒪᑦᑎᐊᓂᕐᒥᑦ

Community: 
ᓴᓪᓕᖅᒥ
Reference number: 
10-03-315-009LA
Salary: 
$103,662.00 - $117,644.00
Northern Allowance: 
$ 23, 292.00

ᑖᓐᓇ ᐃᖅᑲᓇᐃᔮᔅᓴᖅ ᐊᑦᑐᖅᑕᐅᓴᕋᐃᑦᑐᒦᑦᑐᖅᐊᒻᒪ ᓈᒻᒪᒋᔭᐅᔪᓂᑦ ᐱᕋᔭᓚᐅᖅᓯᒪᖏᓐᓂᖓᓄᑦ ᖃᐅᔨᓴᖅᑕᐅᔭᕆᐊᓕᒃ. ᐊᒻᒪᓗ ᐊᑦᑕᓇᕈᓐᓇᕐᓂᖓᓄᑦ ᖃᐅᔨᓴᖅᑕᐅᔭᕆᐊᓕᒃ

ᑖᓐᓇ ᐃᖅᑲᓇᐃᔮᔅᓴᖅ ᑭᒃᑯᓕᒫᓄᑦ ᒪᑐᐃᖓᔪᖅ.

ᐊᖏᔪᖅᑳᖃᖅᑐᓂ ᐊᐅᓚᑦᑎᔨᒥᑦ ᐊᖏᕋᒥ ᐊᒻᒪ ᓄᓇᓕᒻᒥᑦ ᑲᒪᑦᑎᐊᓂᕐᒥᑦ  ᐊᒻᒪ ᐱᓕᕆᖃᑎᖃᖅᑐᓂ ᑲᒪᔨᖓᓂ ᐋᓐᓂᐊᖅᑐᓕᕆᓂᕐᒧᑦ ᐱᓕᕆᐊᓂᑦ (SHP) ᐊᒻᒪ ᓄᓇᓕᒻᒥ ᐋᓐᓂᐊᓯᐅᖅᑏᑦ (CHN), ᑲᒪᔨ ᐊᖏᕋᒥ ᐊᒻᒪ ᓄᓇᓕᒻᒥᑦ ᑲᒪᑦᑎᐊᓂᕐᒥᑦ (SHCC) ᐋᓐᓂᐊᖅᑐᓕᕆᓂᕐᒧᑦ ᑲᒪᒋᔭᖃᖅᑐᖅ ᐊᒻᒪ ᐃᑲᔪᖅᑐᓂ ᐱᔨᑦᑎᖅᑕᓂᑦ ᐃᓄᓐᓄᑦ ᐃᓅᓯᖏᓐᓂ ᐊᖏᕋᖅᓯᒪᔪᓐᓇᖁᓪᓗᒋᑦ ᐊᒻᒪ ᓴᖅᑭᔮᖅᑎᑦᑎᓗᓂ ᖁᕝᕙᓯᓐᓂᖓ ᐊᐅᓚᓂᖃᑦᑎᐊᖅᑐᒥᑦ ᖃᓄᐃᓘᖅᑕᐅᔪᓂᑦ ᖃᐅᔨᒫᑦ ᐃᓅᓇᓱᐊᓂᕐᒧᑦ. SHCC ᐊᖏᔪᖅᑳᖑᒻᒥᔪᖅ ᐃᓕᓐᓂᐊᑎᑦᑎᓪᓗᓂ ᐊᒻᒪ ᑐᑭᒧᐊᖅᑎᑦᑐᒋᑦ ᐊᖏᕋᒥ ᐊᒻᒪ ᓄᓇᓕᒻᒥᑦ ᑲᒪᑦᑎᐊᓂᕐᒥᑦ (HCC) ᐃᖅᑲᓇᐃᔭᖅᑏᑦ ᓄᓇᓕᒻᒦᑦᑐᓂᑦ.

SHCC ᓇᓗᓇᐃᖅᓯᕙᑦᑐᖅ ᐱᔨᑦᑎᖅᑕᐅᔪᒥᑦ ᐱᐅᓂᖓᓂᑦ ᐱᓕᕆᐊᒧᑦ ᐊᐅᓚᑕᐅᓂᖓᓄᑦ, ᐋᓐᓂᐊᓯᐅᖅᑎᐅᓂᕐᒧᑦ ᐊᒻᒪ ᐃᑲᔪᖃᑦᑕᖅᑐᖅ ᐱᔨᑦᑎᖅᑕᓄᑦ ᐊᖏᕋᖏᓐᓂ ᐊᒻᒪ ᓄᓇᓕᖏᓐᓂ, ᐃᑲᔪᖅᑐᒋᑦ ᐊᐅᓚᓂᖃᑦᑎᐊᖁᓪᓗᒋᑦ ᐊᒻᒪ ᐃᒻᒥᓂ ᐱᔪᓐᓇᕐᓗᑎ − ᑐᓐᖓᕕᖓ ᑲᒪᑦᑎᐊᓂᕐᒧᑦ ᐱᔨᑦᑎᖅᑕᓂᑦ. SHCC ᐊᖏᔪᖅᑳᖑᔪᖅ ᐃᓕᓐᓂᐊᑎᑦᑎᔪᖅ ᐊᒻᒪ ᐊᐅᓚᑦᑎᓪᓗᓂ HCC ᐃᖅᑲᓇᐃᔭᖅᑎᖏᓐᓂᑦ ᓄᓇᓕᓐᓃᑦᑐᓂᑦ.

SHCC ᖃᐅᔨᓴᐃᕙᑦᑐᖅ ᖃᓄᐃᓕᖓᓂᖏᓐᓄᑦ ᐱᔨᑦᑎᖅᑕᑦ ᑲᒪᕕᒻᒨᖅᑕᐅᔪᓂᑦ ᐅᕝᕙᓘᓐᓃᑦ ᑲᒪᕕᒻᒨᖅᑕᐅᑲᓐᓂᖅᑐᓂᑦ ᐊᖏᕋᒥ ᐊᒻᒪ ᓄᓇᔨᓕᒻᒥᑦ ᑲᒪᑦᑎᐊᓂᕐᒥᑦ. ᓴᖅᑭᑎᑦᑎᔪᖅ ᐊᒻᒪ ᐋᖅᑭᒋᐊᖅᓯᔪᖅ ᐱᔨᑦᑎᖅᑕᓄᑦ ᑲᒪᒋᔭᐅᓂᖏᓐᓄᑦ ᐸᕐᓇᐅᑎᓂᑦ ᑐᓐᖓᓂᖃᖅᑐᖅ ᖃᐅᔨᓴᖅᑕᐅᓯᒪᔪᓄᑦ ᐱᔭᐅᔭᕆᐊᓖᑦ ᐃᓄᓐᓄᑦ ᐊᒻᒪ ᐃᔭᒐᖅᑖᑎᑦᑎᕙᑦᑐᑦ ᑎᒥᐅᔪᑦ. ᐊᑐᓕᖅᑎᑦᑎᔪᖅ ᐱᔨᑦᑎᖅᑕᒧᑦ ᑲᒪᒋᔭᐅᓂᖓᓄᑦ ᐸᕐᓇᐅᑎᖓᓂᑦ. ᖃᐅᔨᓴᐃᔪᖅ ᐱᔨᑦᑎᖅᑕᒧᑦ ᐋᓐᓂᐊᖅᑐᓕᕆᔭᐅᒋᐊᖃᕐᓂᖓᓄᓂᑦ ᑎᑭᑕᐅᒐᓗᐊᕐᒪᖔᑕ. ᐱᓯᒪᑦᑎᔪᖅ ᑎᑎᕋᖅᓯᒪᔪᓂᑦ ᑲᒪᒋᔭᐅᔪᓄᑦ. ᑲᒪᔨᐅᔪᖅ HCCR−ᑯᑦ ᐊᒻᒪ /ᐅᕝᕙᓘᓐᓃᑦ HCCW. ᐃᓚᐅᖃᑕᐅᕙᑦᑐᖅ ᐃᓚᒋᔭᐅᓪᓗᓂ HCC ᐃᖅᑲᓇᐃᔭᖅᑎᓄᑦ ᐊᒻᒪ ᐊᓪᓚᕕᒻᒥ ᐊᐅᓚᓂᖓᓄᑦ ᐱᓕᕆᖃᑦᑕᖅᑐᖅ ᐊᒻᒪ ᐊᓯᖏᓐᓂᑦ ᐱᓕᕆᐊᖑᒋᐊᓕᓐᓂᑦ ᑐᓂᔭᐅᑎᓪᓗᒋᑦ /ᐱᑕᖃᕆᐊᖃᖅᑎᑕᐅᑎᓪᓗᒋᑦ.

ᐃᓱᒪᒋᔭᐅᓂᐊᕐᓗᓂ ᑖᔅᓱᒧᖓ ᐃᖅᑲᓇᐃᔮᔅᓴᒧᑦ, ᐃᖅᑲᓇᐃᔮᑖᖅᑐᖅ ᓯᓚᑦᑐᓴᕐᕕᒃᔪᐊᒥᑦ ᓇᓗᓇᐃᒃᑯᑕᖃᕆᐊᓕᒃ ᐋᓐᓂᐊᓯᐅᖅᑎᐅᓂᕐᒧᑦ ᐅᕝᕙᓘᓐᓃᑦ ᖃᐅᔨᓴᓂᕐᒧᑦ ᐋᓐᓂᐊᓯᐅᖅᑎᐅᓂᕐᒧᑦ ᐅᕝᕙᓘᓐᓃᑦ ᓇᓗᓇᐃᒃᑯᑕᖃᕐᓗᓂ ᐋᓐᓂᐊᓯᐅᖅᑎᐅᓂᕐᒧᑦ ᑕᓪᓕᒪᓂᑦ ᐊᕐᕌᒍᓂ ᐃᖅᑲᓇᐃᔭᖃᑦᑕᖅᓯᒪᓗᓂ. ᐊᑕᐅᓯᕐᒥᑦ (1) ᐊᖏᔪᖅᑳᖑᖃᑦᑕᖅᓯᒪᓗᓂ ᐃᖅᑲᓇᐃᔭᖅᑎᓄᑦ. ᐊᑕᐅᓯᕐᒥᑦ (1) ᐊᕐᕌᒍᒥ ᐃᖅᑲᓇᐃᔭᕋᑖᖅᓯᒪᓗᓂ ᐊᑦᑐᐊᓂᓕᓐᓄᑦ ᐊᖏᕋᒥ ᐊᒻᒪ ᓄᓇᓕᒻᒥ ᑲᒪᔨᐅᓂᕐᒧᑦ ᐋᓐᓂᐊᓯᐅᖅᑎᐅᓗᓂ. ᐃᖅᑲᓇᐃᔮᖅᑖᖁᒥᓇᖅᑐᖅ ᒪᕐᕉᓐᓂ (2) ᑲᒪᔨᐅᓗᓂ ᐃᖅᑲᓇᐃᔭᖃᑦᑕᖅᓯᒪᓗᓂ ᐊᒻᒪ ᒪᕐᕉᒃ (2) ᐊᕐᕌᒎᒃ ᐊᖏᕋᒥ ᑲᒪᔨᐅᓂᕐᒧᑦ ᐋᓐᓂᐊᓯᐅᖅᑎᐅᓂᕐᒧᑦ ᐃᖅᑲᓇᐃᔭᖃᑦᑕᖅᓯᒪᔭᕆᐊᓕᒃ, ᐊᖏᖅᑕᐅᔪᓐᓇᖅᑐᑦ ᓄᓇᕗᒻᒥᐅᑕᐃᑦ ᐊᒻᒪ ᐅᕝᕙᓘᓐᓃᑦ ᐱᔭᕇᖅᓯᓯᒪᔪᑦ ᓄᓇᕗᒻᒥ ᓯᓚᑦᑐᓴᕐᕕᒻᒥ ᐋᓐᓂᐊᓯᐅᖅᑎᐅᓂᕐᒧᑦ ᐃᓕᓐᓂᐊᕋᔅᓴᒥᑦ.

ᒫᓐᓇᐅᔪᒥᑦRNANT/NU ᐊᑎᓕᐅᖅᓯᒪᔪᖅ ᐅᕝᕙᓘᓐᓃᑦ ᐊᑎᓕᐅᕈᓐᓇᕐᑎᑕᐅᓗᓂ. ᐃᖅᑲᓇᐃᔭᕈᓐᓇᑎᐊᕐᓗᓂ ᐱᖅᑯᓯᖃᑎᒌᖏᑦᑐᓂᑦ ᐃᓄᐃᑦ ᐃᓅᖃᑎᒌᓐᓂᕐᒧᑦ ᐅᑉᐱᕆᔭᖏᑦ ᐃᓕᓴᕆᔭᐅᓗᑎ ᐊᒻᒪ ᐱᓯᒪᔭᐅᓗᑎ ᑲᒪᒋᔭᐅᔪᖅ ᐊᒻᒪ ᐃᖅᑲᓇᐃᔭᖅᑎ ᖃᓄᐃᓘᖃᑦᑕᐅᑎᑎᓪᓗᒋᑦ, ᐊᒻᒪ ᐊᑐᓕᕈᓐᓇᕐᓂᖅ ᐋᓐᓂᐊᕕᓕᕆᓂᕐᒧᑦ ᐊᑐᖅᑕᐅᔪᓂᑦ. ᐊᖁᑦᑐᖅᓯᐅᑎᖃᕆᐊᓕᒃ. ᐋᓐᓂᐊᖅᑐᓕᕆᔨ ᖁᕝᕙᓯᓐᓂᖓ CPR ᓇᓗᓇᐃᒃᑯᑕᖅ ᐊᒻᒪ ᐊᕐᕌᒍᑕᒫᑦ ᓇᓗᓇᐃᒃᑯᑎᑖᖃᖅᑐᓂ ᐱᑕᖃᕆᐊᓕᒃ. ᖃᐅᔨᓴᐃᓂᖃᕈᓐᓇᑎᐊᕐᓗᓂ ᐊᒻᒪ ᑐᓴᐅᒪᔾᔪᑎᓕᕆᔪᓐᓇᑎᐊᕐᓗᓂ. ᐋᓐᓂᖅᓯᒪᔪᓂᑦ ᑲᒪᒋᔭᖃᕐᓂᖅ, ᐊᐅᖏᑎᒍᑦ ᓯᑲᖃᓗᐊᖅᑐᓂᑦ ᑲᒪᑦᑎᐊᓂᕐᒧᑦ, ᐊᔾᔨᐅᖏᑦᑐᓂ ᐱᓱᑦᑐᓂ ᑲᒪᒋᔭᖃᕐᓂᖅ, ᐃᒻᒥᖅᓱᐃᓂᖅ (PIV) ᐊᒻᒪ ᕿᑎᐊᒍᑦ ᐃᒻᒥᖅᓱᐃᓂᖅ (IV) ᓇᓗᓇᐃᒃᑯᑕᐃᑦ ᐱᑕᖃᕆᐊᖃᖅᑎᑕᐃᓐᓇᐅᔪᑦ. ᐃᓕᓐᓂᐊᑎᑦᑎᔪᓐᓇᕐᓗᓂ /ᑐᓴᐅᒪᖃᑎᖃᑦᑎᐊᕈᓐᓇᕐᓗᓂ ᐃᓄᒻᒥᑦ ᐅᕝᕙᓘᓐᓃᑦ ᑲᑎᓐᖓᔪᓂᑦ ᐱᖅᑯᓯᖃᑎᒌᖏᑦᑐᓂᑦ. ᐃᖅᑲᓇᐃᔭᖃᑕᐅᔪᓐᓇᕐᓗᓂ ᐃᖅᑲᓇᐃᔭᖅᑎᓂᑦ. ᖃᐅᔨᒪᓂᖃᕐᓗᓂ ᓄᓇᓕᒻᒥᑦ ᐊᔾᔨᒌᖏᑦᑐᓂᑦ ᐊᒻᒪ ᐃᓄᐃᑦ ᐱᖅᑯᓯᖏᓐᓂ ᐊᒻᒪ ᐅᖃᕈᓐᓇᕐᓗᓂ / ᑎᑎᕋᕈᓐᓇᕐᓗᓂ ᐊᑕᐅᓯᐅᓗᐊᖅᑐᒥᑦ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᓂᑦ ᓄᓇᕗᒻᒥ ᐱᑕᖃᕆᐊᖃᖅᑎᑕᐅᔪᖅ.

ᐃᓕᓴᕆᔭᐅᓯᒪᔪᑦ ᐅᖃᐅᓰᑦ ᓄᓇᕗᒻᒥ ᐅᑯᐊᖑᔪᑦ ᐃᓄᑦᑎᑐᑦ. ᐃᓄᐃᓐᓇᖅᑐᓐ, ᖃᓪᓗᑎᑐᑦ ᐊᒻᒪ ᐅᐃᕕᑎᑐᑦ.

ᖃᐅᔨᒪᓂᖃᕐᓗᓂ ᐃᓄᐃᑦ ᐅᖃᐅᓯᖓᓐᓂ, ᓄᓇᓕᖏᓐᓂᑦ, ᐱᖅᑯᑭᓯᓂᑦ, ᓄᓇᖓᓂ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᓐᓂᑦ ᐱᑕᖃᕆᐊᖃᖅᑐᑦ

Contact: 
Expiry Options: 
ᒪᑐᐃᖓᐃᓐᓇᕐᓂᐊᖅᑐᖅ ᐃᓐᓄᒐᓱᓐᓂᖓᓂ