ᐅᖃᓚᐅᑎᓯᐅᑏᑦ

You are here

ᖃᐅᔨᓴᕐᕕᖕᒥ ᐃᑲᔪᖅᑎ

Community: 
ᐃᖃᓗᖕᓂ
Reference number: 
10-505427
Salary: 
$65,832.00
Northern Allowance: 
$15,016.00

ᐅᓇ ᐃᖅᑲᓇᐃᔮᖅ ᐱᑐᐃᓐᓇᐅᙱᑦᑐᒻᒪᕆᐅᖕᒪᑦ ᐱᕋᔭᒃᓯᒪᓂᑰᙱᒃᑲᓗᐊᖕᒪᖔᑦ ᖃᐅᔨᓴᖅᑕᐅᔭᕆᐊᓕᒃ, ᐊᑦᑕᕐᓇᖅᑐᒦᑎᑦᑎᓂᐊᖏᑲᓗᐊᕐᒪᖔᖅ ᖃᐅᔨᓴᖅᑕᐅᔭᕆᐊᖃᕆᓪᓗᓂ.

ᑖᓐᓇ ᐃᖅᑲᓇᐃᔮᒃᓴᖅ ᐃᖅᑲᓇᐃᔮᖅᑖᕋᓱᒃᑐᓕᒫᓄᑦ ᑐᕌᖓᔪᖅ.

ᐅᖃᕐᕕᖃᖅᐸᒡᓗᓂ ᖃᐅᔨᓴᕐᕕᖕᒥ ᐊᐅᓚᑦᑎᔨᒧᑦ, ᑖᓐᓇ ᖃᐅᔨᓴᕐᕕᖕᒥ ᐃᑲᔪᖅᑎ ᑎᑎᕋᖅᓯᕙᓪᓕᐊᕙᒃᐳᖅ ᐃᓗᐊᖅᓴᖅᑕᐅᔭᖅᑐᖅᓯᒪᔪᑦ ᖃᐃᓂᕆᔭᖏᓐᓂᒃ, ᑲᒪᒋᔭᒃᓴᖃᖅᐸᒃᖢᓂᓗ ᑲᑎᖅᓱᐃᓂᕐᒥ, ᓇᒧᙵᖅᓯᕙᓪᓕᐊᓂᕐᒥᒃ ᑐᓂᐅᖅᑲᐃᓂᕐᒥᒡᓗ ᖃᐅᔨᓴᕐᕕᖕᒥ ᖃᐅᔨᓴᖅᑕᐅᔪᒃᓴᓂᒃ ᑲᒪᒋᔭᖃᕐᓂᕐᒥᒡᓗ ᐃᓗᐊᖅᓴᖅᑕᐅᔭᖅᑐᖅᓯᒪᔪᓂᑦ ᖃᐅᔨᒪᔭᐅᓕᖅᑐᓂᑦ ᑕᕝᕙᓂ ᖃᐅᔨᓴᕐᕕᖕᒥ. ᐃᓂᑖᖅᑎᑕᐅᔪᖅ ᒪᓕᒋᐊᖃᖃᑦᑕᕐᓂᐊᖅᐳᖅ ᐊᑐᖅᑕᐅᕙᒃᑐᓂᒃ ᑐᕌᕆᔭᐅᔪᓂᒡᓗ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᓇᓗᙱᑦᑎᐊᕈᒪᓂᕐᒧᑦ ᑕᒪᒃᑯᐊ ᐃᓗᐊᖅᓴᐃᓂᕐᒧᑦ ᐱᓕᕆᔨᓪᓚᕆᐅᕙᒃᑐᑦ ᖃᐅᔨᓴᖅᑕᐅᓯᒪᔪᓂᒃ ᐱᓯᒪᒐᓗᐊᕐᒪᖔᑕ ᐱᔭᐅᔭᕆᐊᓕᖕᓂᒃ ᖃᓄᐃᓂᐊᓂᒃ ᖃᐅᔨᒪᓕᕐᓂᐊᕐᓗᓂ, ᑲᒪᒋᔭᖃᕐᓂᐊᕐᓗᓂ ᐊᐅᓚᑦᑎᕝᕕᖃᕐᓂᐊᕐᓗᓂᓗ ᐋᓐᓂᐊᕆᔭᐅᔪᓂᒃ.

ᐃᓂᑖᖅᑎᑕᐅᔪᖅ ᓇᓃᓐᓂᖏᓐᓂᒃ ᐋᖅᑭᒃᓱᐃᕙᒃᐳᖅ ᑐᓂᐅᖅᑲᐃᕙᒃᐳᕐᓗ ᖃᐅᔨᓴᒐᒃᓴᙳᖅᑎᑕᐅᓯᒪᔪᓂᒃ ᑲᑎᑕᐅᓯᒪᔪᓂᒃ ᕿᑭᖅᑕᓂ ᑭᒃᑯᑐᐃᓐᓇᓄᑦ ᐋᓐᓂᐊᕕᖕᒥᑦ ᑎᒥᒥᙶᖅᑐᓪᓗ ᖃᐅᔨᓴᒐᒃᓴᐃᑦ ᖃᐅᔨᓴᖁᔭᐅᓯᒪᔪᑦ ᐊᓯᖏᓐᓂᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐃᓂᒋᔭᐅᔪᓂᑦ ᓄᓇᕗᑦ ᐃᓗᐊᓂᑦ ᐊᑐᕐᓗᑎᒃ ᐋᖅᑭᒃᑕᐅᓯᒪᕙᒌᖅᑐᓂᒃ ᐊᑐᖅᑕᐅᕙᒃᑐᓂᒃ ᐱᓕᕆᕝᕕᖃᕐᓂᐊᕐᓗᓂ.  ᐊᒻᒪᓗᒃᑲᓐᓂᖅᑕᐅᖅ, ᑖᓐᓇ ᖃᐅᔨᓴᕐᕕᖕᒥ ᐃᑲᔪᖅᑎ ᑲᒪᒋᔭᒃᓴᖃᕐᓂᐊᖅᐳᖅ ᐊᑐᕐᓂᕐᒥᒃ ᐆᒥᖓ, Meditech−ᒧᑦ ᑎᑎᕋᖅᑕᐅᓯᒪᔪᓂᒃ ᐃᓗᐊᖅᓴᖅᑕᐅᕙᒃᑐᑦ ᑎᑎᖅᑲᖁᑎᖏᑦ ᐊᔪᖅᑎᑦᑎᔪᒪᙱᓐᓂᕐᒧᑦ ᑐᓂᐅᖅᑲᐃᓂᕐᒥᒃ ᑐᔾᔭᖅᓯᓂᕐᒥᒡᓗ ᐃᓗᐊᖅᓴᖅᑕᐅᔪᑦ ᖃᓄᐃᓕᖓᓕᕐᓂᖏᓐᓂᒃ ᐅᓂᒃᑳᓄᓪᓗ.

ᑲᔪᓯᓂᖃᑦᑎᐊᖅᑐᖅ ᐱᓇᔪᒃᓯᒪᔪᖅ ᐊᔪᙱᓐᓂᖃᕐᓂᐊᖅᐳᖅ ᐊᑐᕈᓐᓇᕐᓂᕐᒥᒃ ᐊᑐᖅᑕᐅᕙᒃᑐᓂᒃ ᑭᒃᑯᑐᐃᓐᓇᓄᑦ ᖁᐊᖅᓵᕐᓇᖅᑕᐃᓕᒪᓂᕐᒧᑦ ᐊᑐᖅᑕᐅᕙᒃᑐᓂᒃ, ᐅᔾᔨᕆᔭᖃᑦᑎᐊᕐᓗᓂ ᐱᒻᒪᕆᐅᓂᖏᓐᓂᒃ ᐅᖃᐅᓯᐅᔭᕆᐊᖃᙱᑦᑐᑦ ᐊᔪᙱᓪᓗᓂᓗ ᐱᓯᒪᔭᕆᐊᒃᓴᖅ ᐃᓄᖕᒧᑦ ᐊᑕᐅᓯᕐᒧᑦ ᐃᓗᐊᖅᓴᐃᓂᕐᒧᓪᓗ ᑐᓴᖅᑕᐅᔪᒃᓴᓂᒃ ᖃᐅᔨᔭᐅᑎᑉᐸᙱᓪᓗᒋᑦ ᐅᖃᐅᓯᕆᕙᙱᓪᓗᒋᓪᓗ ᖃᖓᓕᒫᑦᑎᐊᒃᑯᑦ. ᖃᐅᔨᒪᓂᖅ

ᖃᐅᔨᓴᕐᕕᖕᒥ ᐊᑐᖅᑕᐅᕙᒃᑐᓂᒃ ᑲᔪᓯᐊᔾᔪᑕᐅᕙᒃᑐᓂᒡᓗ ᐃᓚᖃᕐᓗᓂ ᐊᐅᖏᖅᓯᓂᕐᒥᒃ ᐃᓗᐊᖅᓴᐃᓂᕐᒧᓪᓗ ᐅᖃᐅᓯᕐᓂᒃ ᐱᔭᐅᓯᒪᔭᕆᐊᖃᕆᕗᑦ ᑲᔪᓯᓂᖃᑦᑎᐊᕐᓂᐊᕐᓗᓂ ᑕᕝᕙᓂ ᐃᓂᒥ.

ᐱᔪᒥᓇᖅᑐᖅ ᐱᓇᔪᒃᓯᒪᔪᖅ ᐱᔭᕇᖅᓯᓯᒪᓂᐊᖅᐳᖅ ᐃᓕᓴᕆᔭᐅᓯᒪᔪᒥᒃ ᑲᓇᑕᒥᐅᓂ ᖃᐅᔨᓴᕐᕕᖕᒥ ᐃᑲᔪᖅᑎᒥᒃ ᐱᓕᕆᐊᖑᕙᒃᑐᒥᒃ ᐅᓪᓗᒥᒧᓪᓗ ᐊᖑᒻᒪᑎᔪᒥᒃ ᐱᔪᓐᓇᐅᑎᖃᕐᓗᓂ ᐱᓕᕆᔪᓐᓇᕐᓗᓂ ᖃᐅᔨᓴᕐᕕᖕᒥ ᐃᑲᔪᖅᑎᐅᓂᕐᒥᒃ ᐅᑯᓄᖓ, ᑲᓇᑕᒥᐅᓂ ᓱᓴᐃᐊᑎᒥᒃ ᐃᓗᐊᖅᓴᐃᓂᕐᒧᑦ ᖃᐅᔨᓴᕐᕕᖕᒥ ᖃᐅᔨᓴᕐᓂᕐᒥᒃ.   ᐊᔪᙱᑦᑕᕆᐊᖃᖅᐳᖅ ᐱᔪᓐᓇᕐᓂᕐᒥᒃ ᓈᒻᒪᒃᑐᒃᑯᑦ ᐱᕕᒃᓴᒃᑯᑦ ᐅᓪᓗᒥᒧᓪᓗ ᐊᖑᒻᒪᑎᓗᓂ ᐊᑯᓄᖓ ᐊᔪᕈᓐᓃᖅᓴᕐᓂᕐᓄᑦ ᓇᓗᓇᐃᒃᑯᑕᖅᑖᕆᔭᐅᕙᒃᑐᓄᓪᓗ: WHMIS 2015, ᐃᑭᑦᑐᒧᑦ ᐊᔪᕈᓐᓃᖅᓴᕐᓂᖅ, ᐊᒡᒐᓂᒃ ᐅᐊᓴᐃᕙᖕᓂᕐᒥᒃ ᐱᓕᕆᐊᖃᕐᓂᕐᒥᒥᓂ ᐃᑭᐊᑦᑭᕕᖕᒥᒡᓗ ᖃᕆᑕᐅᔭᒃᑯᓪᓗ ᑎᑎᕋᖃᑦᑕᐅᑎᕝᕕᒃᑎᒍᑦ ᐊᑐᖅᑕᐅᕙᒃᑐᓄᑦ. ᐅᔾᓗᒥᓯᐅᑎᓂᒃ ᐊᔪᕈᓐᓃᖅᓴᕐᓂᕐᓂᒃ TDG 6.2−ᒧᑦ class, WHIMIS 2015 ᐊᒻᒪᓗ Meditech−ᒧᑦ ᖃᐅᔨᒪᓂᖃᕐᓃᑦ ᐃᓱᒪᒋᔭᐅᓂᐊᖅᐳᑦ ᐱᕚᓪᓕᕈᑕᐅᓯᒪᓂᖏᓐᓂᒃ.

ᐅᖃᐅᓰᑦ ᐃᓕᓴᕆᔭᐅᓯᒪᔪᑦ ᓄᓇᕗᒻᒥ ᐅᑯᐊᖑᕗᑦ ᐃᓄᒃᑎᑐᑦ, ᐃᓄᐃᓐᓇᖅᑐᓐ, ᖃᓪᓗᓈᑐᑦ ᐊᒻᒪᓗ ᐅᐃᕖᑐᑦ.  ᐅᖃᕈᓐᓇᕐᓗᓂ ᐊᑕᐅᓯᐅᙱᑦᑐᒥᒃ ᓄᓇᕗᒻᒥ ᐃᓕᓴᕆᔭᐅᓯᒪᔪᑦ ᐅᖃᐅᓯᖅᑕᖏᓐᓂᒃ ᐃᑲᔫᑎᖃᕋᔭᖅᑐᖅ.  ᖃᐅᔨᒪᓗᓂ ᐃᓄᐃᑦ ᐅᖃᐅᓯᖓᓂᒃ, ᓄᓇᓕᖕᓂᑦ, ᐱᖅᑯᓯᖏᓐᓂᒃ, ᓄᓇᒥᑦ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᓐᓂᑦ ᐱᕚᓪᓕᕈᑕᐅᓇᔭᖅᐳᖅ.

 ᐊᔪᙱᑦᑐᓂᒃ ᑎᑎᕋᖅᓯᒪᔪᓂᒃ ᓴᖅᑭᑎᑦᑎᔪᖃᑐᐃᓐᓇᕆᐊᓕᒃ ᐃᓐᓄᒃᓯᔪᒪᓗᓂ ᓯᕗᓂᒃᓴᒥ ᐃᓐᓄᒃᓯᒪᓛᙱᑦᑐᓂᒃ.

Contact: 
Expiry Options: 
ᒪᑐᐃᖓᐃᓐᓇᕐᓂᐊᖅᑐᖅ ᐃᓐᓄᒐᓱᓐᓂᖓᓂ