ᐅᖃᓚᐅᑎᓯᐅᑏᑦ

You are here

ᑮᓇᐅᔭᒃᓴᓕᕆᔨ ᐃᑲᔫᓯᐊᒃᓴᓕᕆᔨᓗ ᒪᕐᕉᒃ ᐃᖅᑲᓇᐃᔮᒃᓴᑦ

ᓄᓇᓕᒃ: 
ᐃᖃᓗᒃ`ᑐᑦᑎᐊᖅᒥ
ᓇᓗᓇᐃᒃᑯᑕᖓ: 
03-505396
ᖃᓄᐃᑦᑑᓂᖓ ᐃᖅᑲᓇᐃᔮᖅ: 
ᑲᑐᔾᔨᖃᑎᒌᖑᓂᖓ: 
ᑮᓇᐅᔾᔭᒃᓴᓇᔭᖅᑐᖅ: 
$ 81,861.00
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$ 19,716.00
ᒪᑐᕝᕕᒃᓴᖓ: 
ᒪᐃ 31, 2019

ᑖᓐᓇ ᐃᖅᑲᓇᐃᔮᒃᓴᖅ ᐃᖅᑲᓇᐃᔮᖅᑖᕋᓱᒃᑐᓕᒫᓄᑦ ᑐᕌᖓᔪᖅ.

ᑮᓇᐅᔭᒃᓴᓕᕆᔨᑦ ᐊᐅᓚᑦᑎᔨᖓᓄᑦ ᑐᓴᖅᑎᑦᑎᕙᒡᓗᓂ, ᐃᖅᑲᓇᐃᔭᖅᑎ ᐊᔾᔨᒌᙱᑦᑐᓂᒃ ᐊᑭᓕᖅᑕᐅᔾᔪᑎᓂᒃ ᐃᑲᔫᑎᓂᒡᓗ ᖃᐅᔨᒪᔨᒋᔭᐅᓂᐊᖅᐳᖅ ᐊᒻᒪ ᐱᓕᕆᕙᓪᓕᐊᕙᒡᓗᓂ ᐱᔨᑦᑎᕋᐅᑎᓂᒃ ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓄᑦ ᐊᐅᓚᑦᑎᔨᖏᓐᓄᓪᓗ.

ᑮᓇᐅᔭᒃᓴᓕᕆᔨ ᐃᑲᔫᓯᐊᒃᓴᓕᕆᔨᓗ ᑐᓴᐅᒪᑎᑦᑎᖃᑦᑕᕐᓂᐊᖅᐳᖅ ᐊᒻᒪ ᖃᐅᔨᒪᓂᕐᒥᓄᑦ ᐱᓕᕆᔾᔪᓯᕐᓂ ᐊᔪᕆᓲᔾᔨᕙᒡᓗᓂ ᐊᑭᓕᖅᑕᐅᔾᔪᑎᓂᒃ ᐃᑲᔫᓯᐊᓂᒡᓗ ᐱᔭᐅᔪᓐᓇᖅᑐᓂᒃ ᐃᖅᑲᓇᐃᔭᖅᑎᑦ ᐃᖅᑲᓇᐃᔭᓕᓵᖅᑎᓪᓗᒋᑦ ᖃᐅᔨᑎᑕᐅᕚᓪᓕᕋᓱᒃᑎᓪᓗᒋᑦ ᐊᑐᕆᐊᖃᖅᑕᖏᓐᓂᒃ, ᖃᐅᑕᒫ ᑮᓇᐅᔭᓕᕆᔾᔪᑕᐅᔪᓂᒃ ᐊᒻᒪ ᓄᖅᑲᖅᑎᑕᐅᓂᐊᖅᑎᓪᓗᒋᑦ. ᐃᖅᑲᓇᐃᔮᖃᖅᑐᖅ ᐱᕙᓪᓕᐊᑎᑦᑎᖃᑦᑕᕐᓂᐊᖅᐳᖅ ᐊᔾᔨᒌᙱᑦᑐᓂᒃ ᐱᔭᕆᑐᔪᓂᑦ ᐊᑭᓕᖅᑕᐅᔾᔪᑎᓂᒃ (ᖁᕝᕙᕆᐊᖅᑕᐅᔪᑦ/ᐊᑭᑦᑐᕆᐊᖅᑕᐅᔪᑦ/ᐊᑭᓕᐅᑎᑦ ᐅᑎᖅᑎᑕᐅᔪᑦ/ᓄᖅᑲᖅᑎᑕᐅᔪᑦ/ᐋᖅᑭᒋᐊᕈᑎᖏᑦ) ᓇᓗᓇᐃᖅᓯᕙᒡᓗᓂᓗ ᑎᑎᕋᖅᓯᒪᔪᑦ ᓱᓕᑦᑎᐊᕐᓂᖏᓐᓂᒃ ᓄᓇᕗᑦ ᒐᕙᒪᒃᑯᓐᓂ ᐃᖅᑲᓇᐃᔭᖅᑐᓕᕆᔨᒃᑯᑦ ᖃᕆᓴᐅᔭᒃᑯᑦ ᑐᖅᑯᖅᑐᐃᕕᖓᓄᑦ ePersonality, ᑭᐅᕆᐅᑉ ᐃᑲᔫᑎᖏᓐᓄᑦ ᖃᕆᑕᐅᔭᒃᑯᑦ ᑐᖅᑯᖅᑐᐃᕕᖕᒧᑦ (GroupNet) ᐊᒻᒪ ᒐᕙᒪᑐᖃᒃᑯᓐᓂ ᐃᓐᓇᖅᓯᐅᑎᓄᑦ ᖃᕆᑕᐅᔭᒃᑯᑦ ᑐᖅᑯᖅᑐᐃᕕᖕᒧᑦ.   

ᑮᓇᐅᔭᒃᓴᓕᕆᔨ ᐃᑲᔫᓯᐊᒃᓴᓕᕆᔨᓗ ᑖᒃᓱᒪᖓᑦ ᑐᑭᓯᑎᑦᑎᖃᑦᑕᕐᓂᐊᖅᑐᖅ, ᐊᑐᓕᖅᑎᑦᑎᓗᓂ, ᓇᓗᓇᐃᖅᓯᓂᕐᒥᒡᓗ ᒐᕙᒪᒃᑯᑦ ᓄᓇᕗᒻᒥ ᒪᓕᒃᑲᓗᐊᕐᒪᖔᑕ ᒐᕙᒪᑐᖃᒃᑯᑦ ᐊᕕᑦᑐᖅᓯᒪᔪᓪᓗ ᒪᓕᒐᖏᓐᓂᑦ ᒪᓕᒋᐊᓕᖏᓐᓂᒡᓗ, ᑲᑐᔾᔨᖃᑎᒌᒃᖢᑎᒃ ᐊᖏᖃᑎᒌᒍᑏᑦ, ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑏᑦ ᐱᖁᔭᖓᓐᓂᑦ ᒪᓕᒐᖏᓐᓂᒡᓗ, ᐃᖅᑲᓇᐃᔭᖅᑐᓕᕆᓂᕐᒧᑦ ᐅᖃᓕᒫᒐᐃᑦ ᐃᓚᒋᔭᐅᖏᑦᑐᓄᓪᓗ ᐊᐅᓚᑦᑎᔨᒻᒪᕇᓪᓗ ᖃᐅᔨᒋᐊᕈᑏᑦ.

ᑖᓐᓇ ᐃᖅᑲᓇᐃᔮᕆᔭᐅᓂᖓᓄᑦ ᐃᖅᑲᓇᐃᔭᖅᑏᑦ ᐱᔭᕆᐊᖃᖅᑕᒥᓂᒃ ᐃᑲᔫᓯᐊᖃᑦᑕᕐᓂᐊᖅᐳᑦ ᓈᒻᒪᖅᑯᑦᑎᓗᑎᒃ ᐊᒻᒪ ᐃᑲᔫᓯᐊᖅᑖᕆᔪᓐᓇᖅᑕᒥᓂᒃ ᐊᑐᕈᓐᓇᕐᓗᑎᒃ ᐃᕐᙲᓐᓇᖅ, ᐱᑦᑎᐊᓕᓯᒪᓗᑎᒃ ᐊᒻᒪ ᐊᔾᔨᒌᒃᑎᑦᑎᓗᑎᒃ.

ᐃᖅᑲᓇᐃᔮᓕᒃ ᑐᑭᓯᐅᒪᔭᕆᐊᖃᖅᐳᖅ ᑕᒪᐃᓐᓂ ᓇᓪᓕᐅᒃᑯᒫᓕᕆᓂᕐᒥᑦ, ᐃᓐᓇᑐᖃᖅᓯᐅᑎᓕᕆᓂᕐᒥᑦ, ᐊᓯᖏᓐᓂᒡᓗ ᐃᑲᔫᑎᓕᕆᓂᕐᒥᑦ ᑎᑭᐅᒪᔭᐅᔭᕆᐊᓕᖕᓂᑦ. ᐃᖅᑲᓇᐃᔭᖅᑎ ᖃᐅᔨᒪᔭᕆᐊᓕᒃ ᖃᕋᓴᐅᔭᓕᕆᔾᔪᑎᓂᒃ, ᐱᓗᐊᙳᐊᖅᑐᒥᒃ ᓈᓴᐅᓯᕆᔾᔪᑎ, ᑎᑎᖅᑲᓕᐅᕈᑎ ᐊᒻᒪ ᐃᕐᖐᓐᓈᑐᐊᓕᕆᔾᔪᑎ; ᑐᑭᓕᐅᕆᔪᓐᓇᕐᓗᓂᑦ ᐊᑐᓕᖅᑎᑦᑎᔪᓐᓇᕐᓗᓂᓗ ᖃᓄᐃᑦᑐᑯᓘᔭᕐᓂᑦ ᐊᖏᖃᑎᒌᒍᑎᓂᑦ, ᐃᖅᑲᓇᐃᔭᖅᑐᓕᕆᔨᒃᑯᑦ ᐊᑐᐊᒐᖓᓂᒃ, ᒐᕙᒪᒃᑯᑦ ᐃᖅᑲᓇᐃᔭᕐᕕᖏᑦᑕ ᐱᖁᔭᖓᓂ ᐊᑐᐊᒐᖏᓐᓂᒡᓗ ᐊᒻᒪᓗ ᐃᖅᑲᓇᐃᔭᕈᓐᓇᕐᓗᓂᑦ ᑲᒪᒋᔭᐅᓗᐊᙱᓪᓗᓂᑦ ᐅᔾᔨᖅᓱᕈᓐᓇᑦᑎᐊᕐᓗᓂᑦ ᕿᑲᕈᓐᓇᑦᑎᐊᕐᓗᓂᓗ ᐱᓕᕆᐊᒃᓴᖃᑲᓪᓚᒃᑎᓪᓗᒋᑦ, ᐊᒃᓱᕋᕐᓇᖅᑎᓪᓗᒍᑦ ᖃᓂᑦᑐᒃᑯᑦ ᐃᓱᓕᕝᕕᖃᖅᑐᒃᑯᑦ ᐊᓯᔾᔨᖅᐸᓪᓕᐊᖏᓐᓇᖅᐸᒡᓗᑎᓪᓗ ᓯᕗᓪᓕᐅᔾᔭᐅᓇᓱᐊᖅᑐᑦ. ᐋᖅᑭᐅᒪᑎᑦᑎᔪᓐᓇᑦᑎᐊᕆᐊᓕᒃ, ᐊᑲᐅᙱᓕᐅᕈᑎᓂᒃ ᑲᒪᒋᔭᖃᕈᓐᓇᑦᑎᐊᕆᐊᓕᒃ, ᐃᓅᖃᑎᖃᕈᓐᓇᑦᑎᐊᕐᓗᓂᓗ ᐃᖅᑲᓇᐃᔮᓕᒃ.

ᖃᐅᔨᒪᔭᕆᐊᓕᖏᑦ, ᐊᔪᙱᑦᑕᕆᐊᓕᖏᑦ ᐊᒻᒪ ᐱᓕᕆᔪᓐᓇᕆᐊᓕᖏᑦ ᑖᔅᓱᒧᖓ ᐃᖅᑲᓇᐃᔮᒧᑦ ᐱᔭᐅᒐᔪᒃᑐᑦ ᐃᓕᓐᓂᐊᕐᕕᐊᓗᖕᒥ ᐊᓂᒍᐃᔾᔪᑎᖃᕐᓗᓂ ᐅᕝᕙᓘᓐᓃᑦ ᓇᓕᒧᖓᓂᒃ, ᐊᒻᒪᓗᑦᑕᐅᖅ ᐊᕐᕌᒍᓄᑦ ᒪᕐᕉᖕᓄᑦ ᐱᓕᕆᖃᑦᑕᖅᓯᒪᓗᓂ ᐊᐅᓚᑦᑎᔪᓐᓇᕐᓗᓂ/ᐊᑐᕈᓐᓇᕐᓗᓂ ᐱᔭᕆᑐᔪᓂᒃ, ᐃᓗᓕᖃᐅᖅᑐᓂᒃ, ᐃᖅᑲᓇᐃᔭᖅᑐᓕᕆᔨᒃᑯᑦ ᖃᕆᓴᐅᔭᒃᑯᑦ ᑐᖅᑯᖅᑐᐃᕕᖓᓂ ᐊᒻᒪ/ᐅᕝᕙᓘᓐᓃᑦ ᖃᕆᓴᐅᔭᒃᑰᖅᑐᓂᒃ ᐊᑭᓕᖅᓱᐃᔾᔪᑎᓂᒃ (ᒪᓕᒡᓗᒍ ᐃᖅᑲᓇᐃᔮᒧᑦ ᓇᓗᓇᐃᖅᓯᒪᔪᖅ).

ᐅᖃᐅᓰᑦ ᐃᓕᑕᕆᔭᐅᓯᒪᔪᑦ ᓄᓇᕗᒻᒥ ᐅᑯᐊᖑᕗᑦ ᐃᓄᒃᑎᑐᑦ (ᐃᓄᐃᓐᓇᖅᑐᓐ), ᖃᓪᓗᓈᑐᑦ ᐊᒻᒪ ᐅᐃᕖᑐᑦ.

ᐅᖃᕈᓐᓇᕐᓗᓂ ᐊᑕᐅᓯᐅᙱᑦᑐᒥᒃ ᓄᓇᕗᒻᒥ ᐃᓕᓴᕆᔭᐅᓯᒪᔪᑦ ᐅᖃᐅᓯᖅᑕᖏᓐᓂᒃ ᐃᑲᔫᑎᖃᕋᔭᖅᑐᖅ.

ᖃᐅᔨᒪᓗᓂ ᐃᓄᐃᑦ ᐅᖃᐅᓯᖓᓐᓂᒃ, ᓄᓇᓕᖕᓂ, ᐃᓕᖅᑯᓯᖏᓐᓂᒃ, ᓄᓇᒥᑦ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᓐᓂ ᐃᑲᔫᑎᖃᑦᑎᐊᕋᔭᕐᒥᔪᖅ.

ᐊᔪᙱᑎᑕᐅᔪᓐᓇᕐᓂᕐᒧᑦ ᓇᓗᓇᐃᖅᓯᒪᔪᑦ ᓴᖅᑭᑕᐅᑐᐃᓐᓇᕆᐊᓖᑦ ᐃᓐᓄᒃᓯᒪᙱᑦᑐᑦ ᓯᕗᓂᒃᓴᒥ ᐃᓐᓄᒍᓐᓇᖁᓪᓗᒋᑦ.

 

Contact: 
Expiry Options: 
ᒪᑐᕕᒃᓴᖓᑕ ᐅᓪᓗᖓ