ᐅᖃᓚᐅᑎᓯᐅᑏᑦ

ᓄᑖᓂᒃ ᐱᕙᓪᓕᐊᔪᓂᒃ ᓄᓇᕗᑦ ᒐᕙᒪᒃᑯᓐᓂ ᓄᕙᒡᔪᐊᕐᓇᖅ−19 ᒥᒃᓵᓄᑦ ᑕᑯᔪᒪᒍᕕᑦ ᖃᓄᐃᑉᐸᓪᓕᐊᓕᕐᓂᖏᓐᓂᒡᓗ ᐃᑭᐊᖅᑭᕕᑦᑎᓐᓂ. ᓄᕙᒡᔪᐊᕐᓇᖅ-19−ᒧᑦ ᐃᑲᔫᑎᒃᓴᑦ ᖃᕆᑕᐅᔭᒃᑯᑦ ᐱᔭᐅᔪᓐᓇᖅᐳᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᒪᒃᐱᖅᑐᒐᖓᓂ.

You are here

ᓄᓇᓕᖕᓂ ᐃᖢᐊᖅᓴᐃᔨ

ᓄᓇᓕᒃ: 
ᓴᓂᕋᔭᒥ
ᓇᓗᓇᐃᒃᑯᑕᖓ: 
10-02-225-076LA
ᖃᓄᐃᑦᑑᓂᖓ ᐃᖅᑲᓇᐃᔮᖅ: 
ᑮᓇᐅᔾᔭᒃᓴᓇᔭᖅᑐᖅ: 
$93,951 to $101,361
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$23,561

ᖃᐃᒋᑦ ᑕᑯᓇᒋᐊᖅᑐᕐᓗᒍ ᑲᓇᑕᒥ ᐊᔾᔨᐅᙱᑦᑐᖅ ᐅᑭᐅᖅᑕᖅᑑᑉ ᐊᕙᑖ. ᓄᓇᕘᕗᑦ ᒫᓃᑦᑐᖅ ᐅᑭᐅᖅᑕᖅᑐᒥ ᐊᒻᒪᓗ ᐃᓄᒋᐊᖕᓂᕆᔭᖏᑦ ᐅᓄᖅᑎᒋᕗᑦ 33,000 ᐃᓄᐃᑦ 25-ᖑᔪᓂ ᓄᓇᓕᖕᓂ. ᐃᒪᐃᑦᑐᖃᓲᖑᔪᒍᑦ ᑲᒪᓇᑦᑎᐊᖅᑐᓂᒃ ᐊᖅᓴᕐᓂᕐᓂᒃ, ᑲᔾᔮᕐᓇᓲᖅ ᑕᖅᑭᕆᒃᑎᓪᓗᒍ ᐅᓐᓄᒃᑯᑦ, ᐊᐳᑎᓕᒻᒪᕆᐊᓗᒃ ᐊᒻᒪᓗ ᖃᐅᔨᒪᔭᐅᒪᕆᒃᑐᖅ ᐅᑭᐅᒃᑯᑦ ᓯᓚᒋᓲᕗᑦ.  

ᑖᓐᓇ ᓄᓇᓕᖕᓂ ᐃᖢᐊᖅᓴᐃᔨ ᐱᑎᑦᑎᖃᑦᑕᕋᔭᖅᑐᖅ ᐊᑕᖐᓯᒪᔪᑎᒍᑦ ᓄᓇᓗᖕᓂ ᐋᓐᓂᐊᖅᑐᓕᕆᓂᕐᒧᑦ ᐱᔨᑎᕐᓂᕐᒥᒃ ᐱᓕᕆᖃᑎᖃᕐᓗᓂ ᐋᓐᓂᐊᕕᖕᒥ ᑲᒪᔨᐅᕙᒃᑐᓂᒃ ᐱᓕᕆᖃᑎᒌᓂᒃ. ᑕᑯᔭᕆᐊᖃᖃᑦᑕᕐᓂᐊᖅᑕᖕᑦ ᐃᓄᑐᐊᖑᑦᑕᖃᑦᑕᕋᑲᖅᑐᑦ, ᐃᓚᒌᖑᓗᑎᒃ ᐅᕝᕙᓗᓐᓃᑦ ᓄᓇᓖᑦ. ᑖᓐᓇ ᓄᓇᓕᖕᓂ ᐃᖢᐊᖅᓴᐃᔨ ᐃᑲᔪᖃᑦᑕᕋᔭᖅᑐᐊ ᐅᐸᖃᑦᑕᖅᑐᓂᒃ ᐱᕚᓪᓕᖅᑎᑦᑎᓇᓱᖕᓂᕐᒧᑦ, ᓴᐳᔾᔨᓯᒪᓂᕐᒧᑦ ᐊᒻᒪᓗ ᖃᓄᐃᑦᑐᓐᓃᖅᑎᑦᑎᓇᓱᖕᓂᕐᒧᑦ ᖃᓄᐃᔾᔪᑎᖃᖅᑐᓂᒃ ᖃᓄᐃᖁᓇᒋᑦ ᐊᒻᒪᓗ ᒥᒃᖠᑎᕆᓂᕐᒧᑦ ᐋᓐᓂᐊᖑᓕᖅᐸᒃᑐᓂᒃ, ᐊᔪᕈᑕᐅᔪᓄᑦ ᐊᒻᒪᓗ ᐃᓅᔪᓐᓃᕐᓂᕐᒥᑦ. ᐱᓇᔪᒍᓐᓇᕐᓂᖅ ᐊᒻᒪᓗ ᒪᓕᒋᐊᖃᕐᓂᖅ ᐋᓐᓂᐊᖃᕐᓇᙱᑦᑐᓕᕆᓂᕐᒥ ᖃᓄᐃᑎᑦᑎᑕᐃᓕᒪᓂᕐᒧᑦ (ᖃᓄᐃᖁᔨᙱᓐᓂᕐᒧᑦ ᐱᕚᓕᕈᑎᒃᓴᑦ, ᐃᖅᑲᓇᐃᔭᕐᕕᒋᔭᐅᔪᓂ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᒻᒪᓗ ᖁᐊᖅᓵᕐᓇᖅᑐᒦᖁᔨᙱᓐᓃᑦ, ᑭᒃᑯᑐᐃᓐᓇᐃᑦ ᖃᓄᐃᓐᓂᖏᓐᓂᒃ, ᓄᓇᓕᖕᓂ ᐱᕙᓪᓕᐊᓃᑦ, ᐊᒻᒪᓗ ᐊᓐᓂᐊᕐᓂᕐᒥᑦ ᐱᔪᓐᓃᖅᑎᑦᑎᓇᓱᖕᓂᕐᒧᑦ ᐃᓅᓕᓴᐃᓂᒃᑯᑦ) ᑕᕝᕘᓇ ᐊᒃᑐᐃᓂᖃᕋᔭᕐᒪᑦ ᖃᓄᐃᓂᕐᒧᑦ ᖃᓄᐃᔾᔪᑕᐅᔪᓄᑦ ᐅᐸᒃᐸᒃᑐᓂᑦ ᐊᒻᒪᓗ ᓄᓇᓕᖕᒥᑦ. ᒪᓕᒋᐊᓖᑦ ᐊᔪᙱᑕᖃᒻᒪᕆᒡᓗᓂ ᓄᓇᓕᖕᓂ ᐋᓐᓂᐊᖅᑐᓕᕆᓂᕐᒧᑦ ᑲᒪᔭᕆᐊᖃᕐᓂᖅ ᐅᐸᒃᐸᒃᑐᓂᒃ ᐱᓂᖃᓲᖑᕗᑦ ᒪᓕᒃᖢᑎᒃ ᓴᖅᑭᑕᐅᓯᒪᔪᓂᒃ ᒪᓕᒋᐊᖃᖅᑎᑕᐅᔪᓂᒃ ᐃᖢᐊᖅᓴᐃᔩᑦ ᐱᓕᕆᔾᔪᓯᖏᓐᓂᒃ, ᐃᓱᒪᔾᔪᓯᖏᓐᓂᒃ ᐊᒻᒪᓗ ᑐᕌᒐᕆᐊᔭᖏᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᓄᓕᕆᔨᒃᑯᓪᓗ.   

ᑕᕝᕗᖓ ᐃᓱᒪᒋᔭᐅᔪᒪᓗᓂ ᐃᓂᑖᕋᓱᖕᓂᕐᒧᑦ, ᑖᓐᓇ ᐱᓇᔪᒃᑐᖅ ᐃᒪᐃᑦᑐᖃᕆᐊᓕᑦ

ᓯᓚᑦᑐᓴᕐᕕᒡᔪᐊᓂ ᐃᓕᓯᒪᔭᐅᓕᓲᓂᒃ ᐃᖢᐊᖅᓴᐃᔨᐅᓂᕐᒧᑦ ᐅᕝᕙᓘᓐᓃᑦ ᓯᓚᑦᑐᓴᕐᕕᒡᔪᐊᓂ ᐃᓕᓯᒪᔭᐅᓕᓲᓂᒃ ᖃᐅᔨᓴᕈᓐᓇᕐᓂᕐᒧᑦ ᐃᖢᐊᖅᓴᐃᔨᐅᓗᓂ ᐅᕝᕙᓘᓐᓃᑦ ᐃᓕᓐᓂᐊᕇᕈᓯᐊᖅᓯᒪᓗᓂ ᐃᖢᐊᖅᓴᐃᔨᐅᓂᕐᒧᑦ ᒫᓐᓇᓕᓴᓂᒡᓗ ᐊᒃᑐᐊᔪᓄᑦ ᖃᐅᔨᒪᓂᖃᕐᓗᓂ ᐃᓱᒪᒋᔭᐅᔪᓐᓇᕋᔭᖅᑐᖅ ᓇᓕᒧᒃᓲᑎᓇᓱᒋᔭᐅᓗᓂ. 
ᒥᑭᓛᖃᕐᓗᓂ ᐊᕐᕌᒍᒥᒃ ᐊᑕᐅᓯᕐᒥᒃ ᖃᐅᔨᒪᓂᕐᒧᑦ ᐊᒃᑐᐊᔪᓂᒃ ᓄᓇᓕᖕᓂ ᐃᖢᐊᖅᓴᐃᔨᐅᓂᕐᑰᓗᓂ ᐅᕝᕙᓘᓐᓃᑦ ᒥᑭᓛᖃᕐᓗᓂ ᐊᕐᕌᒎᖕᓂᒃ ᒪᕐᕉᖕᓂᒃ ᒫᓇᓕᓴᕐᓄᑦ ᖃᐅᔨᒪᓂᖃᕐᓗᓂ ᑐᐊᕕᕐᓇᖅᑐᓕᕆᓂᕐᒧᑦ, ᑲᒪᒋᔭᐅᖏᓐᓇᕆᐊᖃᖅᑐᒃᑯᕕᖕᒥ ᐅᕝᕙᓘᓐᓃᑦ ᐋᓐᓂᐊᖅᑐᓄᑦ/ᐱᓚᒃᑐᐃᕕᖕᒥ. 
ᐊᑐᕈᓐᓇᖅᑐᒥᒃ ᐊᖁᑦᑐᓐᓇᐅᑎᖃᕐᓗᓂ, ᐊᑐᖅᑕᐅᒐᔪᒃᑐᒥᒃ ᐆᒻᒪᖅᑎᑦᑎᓇᓱᖕᓂᕐᒧᑦ ᖃᐅᔨᒪᓗᓂ ᐊᒻᒪᓗ ᐊᕐᕌᒍᑕᒫᒧᑦ ᓇᓗᓇᐃᒃᑯᑕᖅᑖᖃᑦᑕᕆᐊᖃᕐᓂᕐᒧᑦ. 
ᐊᔪᙱᓪᓗᓂ ᐊᑐᖅᑕᐅᒐᔪᒃᑐᓂᒃ ᐃᖢᐊᖅᓴᐃᔭᕆᐊᖃᕐᓂᕐᒧᑦ, ᐃᓕᓐᓂᐊᕋᓱᒃᑲᓐᓂᖅᓯᒪᓗᓂ ᐃᖢᐊᖅᓴᐃᔨᐅᓂᕐᒧᑦ, ᐊᑐᖅᑕᐅᒐᔪᒃᑐᓂᒃ ᑖᕐᕋᖅᑐᐃᔪᓐᓇᕐᓂᕐᒧᑦ, ᐄᔭᒐᓕᕆᓂᕐᒧᑦ ᐊᒻᒪᓗ ᐊᖏᕈᒪᙱᓐᓂᐅᔪᓄᑦ/ᓅᑦᑎᔭᕆᐊᖃᕐᓂᕐᒧᑦ ᐋᓐᓂᐊᖅᑐᓂᒃ ᐱᓕᕆᔾᔪᓰᑦ. 
ᐃᓕᓴᐃᔪᓐᓇᕐᓗᓂ/ᐅᖃᕈᓐᓇᕐᓗᓂᓗ ᐃᓄᑐᐊᖑᒐᓗᐊᓄᑦ ᐅᕝᕙᓘᓐᓃᑦ ᐅᓄᖅᑑᔪᓄᑦ ᐱᐅᓯᖃᖃᑎᒌᙱᑦᑐᓄᑦ ᐋᖅᑭᓯᒪᔪᓂᒃ. 
ᖃᐅᔨᒪᓗᓂ ᒫᓐᓇᓕᓴᕐᓂᒃ ᖃᓄᐃᓕᕙᓪᓕᐊᓂᐅᔪᓂᒃ ᐋᓐᓂᐊᖃᙱᑦᑐᓕᕆᓂᕐᒥ ᐱᕚᓕᕈᑎᒃᓴᓄᑦ/ᐋᓐᓂᐊᖅᑖᖅᑎᑦᑎᑦᑕᐃᓕᒪᓂᕐᒧᑦ ᐱᓕᕆᔾᔪᓰᑦ ᐊᑐᖅᑕᐅᖃᑦᑕᕋᔭᖅᑐᑦ ᐊᒻᒪᓗ ᐱᓕᕆᐊᑦ. 
ᒫᓐᓇᓕᓴᕐᒥᒃ ᑎᑎᕋᖅᑕᐅᓯᒪᓗᓂ ᑖᑯᓇᓂ RNANT/NU ᐅᕝᕙᓘᓐᓃᑦ ᐱᔪᓐᓇᖅᓯᓇᓱᒡᓗᓂ ᑎᑎᕋᖅᑕᐅᓯᒪᖃᑕᐅᓂᕐᒧᑦ. 
ᐃᓱᒪᒋᔭᐅᓇᓱᖃᓯᐅᔾᔭᐅᓂᐊᖅᑐᑦ ᓄᓇᕗᒻᒥᐅᑦ ᐊᒻᒪᓗ/ᐅᕝᕙᓘᓐᓃᑦ ᐃᓕᓐᓂᐊᕌᓂᒃᓯᒪᔪᑦ ᓄᓇᕘᒥ ᓯᓚᑦᑐᓴᕐᕕᒃᑯᑦ ᐅᑭᐅᖅᑕᖅᑐᒥ ᐃᖢᐊᖅᓴᐃᔨᐅᓂᕐᒧᑦ ᐃᓕᓐᓂᐊᕐᓂᑯᑦ.   

ᐅᓪᓗᓕᒫᖅ ᐃᖅᑲᓇᐃᔭᐃᓐᓇᕋᔭᖅᑐᓄᑦ, ᐃᖅᑲᓇᐃᔭᖅᑎᑖᖅᐸᓪᓕᐊᓂᕐᒧᑦ ᐊᑭᓕᐅᑕᐅᑲᓐᓂᕋᔭᖅᑐᑦ ᒪᑯᐊᖑᕗᑦ: $5,000-ᓂᒃ ᐱᒋᐊᓕᓵᖅᑎᓪᓗᒍ, $5,000 ᑕᖅᑭᓄᑦ 18-ᓄᑦ ᐱᔨᑦᑎᖅᓯᒪᓕᖅᐸᑦ ᐊᒻᒪᓗ $10,000 ᑕᖅᑭᓄᑦ 30-ᓄᑦ ᐱᔨᑦᑎᖅᓯᒪᓕᖅᐸᑦ. ikajuusiat ilaqarajaqtut arraagumut ᐊᑐᖅᑕᐅᒐᔪᙱᑦᑐᒃᑯᑦ ᐃᑲᔫᑎᓂᒃ ᐱᒋᐊᖅᖢᓂ $9,000-ᒥᑦ $19,500-ᒧᑦ ᓇᓂᓐᓂᖓᓄᑦ ᐊᒻᒪᓗ ᑲᔪᓯᔪᒃᑯᑦ ᐱᔨᑦᑎᕐᓂᕐᒧᑦ ᐃᑲᔫᓯᐊᑦ  0-5 ᐊᕐᕋᒍᑦ $375-ᒥᒃ ᐊᑭᓕᖅᑕᐅᖃᑦᑕᕋᔭᖅᑐᖅ ᑕᖅᑭᑕᒫᑦ.   

 

Contact: 
Expiry Options: 
ᒪᑐᐃᖓᐃᓐᓇᕐᓂᐊᖅᑐᖅ ᐃᓐᓄᒐᓱᓐᓂᖓᓂ