ᐅᖃᓚᐅᑎᓯᐅᑏᑦ

ᓄᑖᓂᒃ ᐱᕙᓪᓕᐊᔪᓂᒃ ᓄᓇᕗᑦ ᒐᕙᒪᒃᑯᓐᓂ ᓄᕙᒡᔪᐊᕐᓇᖅ−19 ᒥᒃᓵᓄᑦ ᑕᑯᔪᒪᒍᕕᑦ ᖃᓄᐃᑉᐸᓪᓕᐊᓕᕐᓂᖏᓐᓂᒡᓗ ᐃᑭᐊᖅᑭᕕᑦᑎᓐᓂ. ᓄᕙᒡᔪᐊᕐᓇᖅ-19−ᒧᑦ ᐃᑲᔫᑎᒃᓴᑦ ᖃᕆᑕᐅᔭᒃᑯᑦ ᐱᔭᐅᔪᓐᓇᖅᐳᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᒪᒃᐱᖅᑐᒐᖓᓂ.

You are here

ᐋᓐᓂᐊᕐᕕᓕᐊᖅᑐᓄᑦ ᑐᓵᔨ - ᑐᐊᕕᕐᓇᖅᑐᓕᕆᕕᒻᒥᑦ

ᓄᓇᓕᒃ: 
ᐃᖃᓗᖕᓂ
ᓇᓗᓇᐃᒃᑯᑕᖓ: 
10-501668
ᖃᓄᐃᑦᑑᓂᖓ ᐃᖅᑲᓇᐃᔮᖅ: 
ᑮᓇᐅᔾᔭᒃᓴᓇᔭᖅᑐᖅ: 
$60,138.00
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$15,016.00
ᒪᑐᕝᕕᒃᓴᖓ: 
ᒪᐃ 02, 2014

ᓴᕿᑕᐅᑲᓐᓂᖅᑐᖅ

 

 

ᐊᖓᔪᖅᑳᖃᕐᓗᓂ ᐋᓐᓂᐊᓯᐅᖅᑎᓄᑦ ᐊᐅᓚᑦᓯᔨᒥᑦ, ᑐᐊᕕᕐᓇᖅᑐᓕᕆᕕᒻᒥᑦ, ᐋᓐᓂᐊᕕᓕᐊᖅᑐᓄᑦ ᑐᓵᔨ ᐊᑐᐃᓐᓇᐅᑎᑦᓯᓂᐊᖅᑐᖅ ᐃᓄᒃᑎᑐᑦ ᐊᒻᒪᓗ ᖃᓪᓗᓈᑎᑐᑦ ᑐᑭᓕᐅᕆᓂᕐᒥᑦ (ᑎᑎᕋᖅᓯᒪᔪᓂᑦ ᐅᖃᐅᓯᒃᑯᓪᓗ) ᐊᑯᕐᖓᕐᓂᑦ ᐋᓐᓂᐊᕕᓕᐊᖅᓯᒪᔪᑦ, ᐋᓐᓂᐊᕐᕕᓕᕆᓂᕐᒧᑦ ᐊᒻᒪᓗ ᐋᓐᓂᐊᓯᐅᖅᑎᓄᑦ ᐃᖅᑲᓇᐃᔭᖅᑎᓄᑦ, ᖃᐅᔨᓴᕐᑕᐅᔾᔪᑏᑦ ᐊᒻᒪᓗ ᑕᕐᕋᖅᑑᑎᓕᕆᔨᓄᑦ, ᐃᔭᒐᖅᑖᕐᕕᓐᓄᑦ ᐃᖅᑲᓇᐃᔭᖅᑏᑦ, ᐃᖃᐃᓕᓴᖅᑎᑦᓯᔨᓄᑦ, ᐊᓯᖏᓐᓄᓪᓗ ᐃᖅᑲᓇᐃᔭᖅᑎᓄᑦ ᐋᓐᓂᐊᕐᕕᒻᒥᑦ, ᐃᓚᒌᓄᑦ ᐊᒻᒪᓗ ᐊᓯᖏᓐᓄᑦ ᐳᓛᕆᐊᖅᑐᓄᑦ. ᐃᖅᑲᓇᐃᔮᖅᑖᖅᑐᖅ ᐃᑲᔪᖃᑦᑕᕐᓂᐊᖅᑐᖅ ᐋᓐᓂᐊᕐᕕᓕᕆᓂᕐᒧᑦ ᐊᒻᒪᓗ ᐋᓐᓂᐊᓯᐅᑎᓄᑦ ᐃᖅᑲᓇᐃᔭᖅᑎᓂᑦ ᐋᓐᓂᐊᕐᕕᓕᐊᕐᓯᒪᔪᓂᑦ ᑐᕌᖅᑐᓂᑦ ᑐᕌᓗᐊᖏᑦᑑᒐᓗᐊᓕᓪᓘᓐᓃᑦ. ᑐᓵᔨᐅᑉ ᑲᒪᒋᔭᕆᒋᐊᓕᖏᑦ ᐱᓯᒪᑦᓯᑦᓯᐊᕐᓂᕐᒥᑦ ᐱᖁᑎᓂᑦ ᐊᒻᒪᓗ ᓱᓇᒃᑯᑖᖏᓐᓂᑦ. ᐊᒻᒪᓗᑲᓐᓂᖅ, ᐊᑐᐃᓐᓇᐅᑎᑦᓯᓂᐊᖅᑐᑎᑦ ᑕᒪᐃᑎᒍᑦ ᐃᑲᔪᖃᑦᑕᕐᓗᓂ ᐋᓐᓂᐊᕐᕕᓕᐊᖅᑐᓂᑦ ᐊᒻᒪᓗ ᐊᓪᓚᕝᕕᓕᕆᒍᓐᓇᕐᓗᓂ ᐊᐅᓚᑦᓯᓂᕐᒧᓪᓗ ᐃᓕᖓᔪᓂᑦ ᐱᖁᔭᐅᒐᐃᒍᓂᑦ.

 

ᐃᖅᑲᓇᐃᔮᖅᑖᕋᓱᐊᖅᑐᖅ ᐱᔭᕇᖅᓯᒪᒋᐊᓕᒃ ᖁᕝᕙᓯᓐᓂᓕᒻᒥᑦ 10-ᒥ ᐊᒻᒪᓗ ᑐᑭᓯᐊᒍᓐᓇᕆᐊᓕᒃ ᐱᔭᕆᐊᑭᑦᑐᓂᓪᓗ ᒪᓕᖁᔨᒍᓐᓇᕐᓗᓂ, ᐊᒻᒪᓗ ᐊᔾᔨᓕᐅᕆᒍᓐᓇᕆᐊᓕᒃ ᑎᑎᕋᖅᑕᐅᓯᒪᔪᓂᑦ ᑎᑎᖅᑲᕐᓂᑦ. ᑐᙵᓇᕆᐊᖃᖅᑐᑎᑦ ᐊᒻᒪᓗ ᐃᖅᑲᓇᐃᔭᕈᓐᓇᑦᓯᐊᕐᓗᑎᓪᓗ ᓯᕗᓕᖅᑎᐅᓗᑎᑦ. ᐅᖃᕈᓐᓇᑦᓯᐊᕆᐊᖃᖅᑐᑎᑦ ᒪᕐᕈᐃᓕᖓᔪᓂᑦ ᖃᓪᓗᓈᑎᑐᑦ ᐃᓄᒃᑎᑐᓪᓗ ᐊᒻᒪᓗ ᖃᐅᔨᒪᓂᖃᕆᐊᖃᖅᑐᑎᑦ ᖃᓂᐅᔭᖅᐸᐃᑎᑐᑦ. ᓇᕿᑦᑕᐃᒍᓐᓇᕆᐊᖃᖅᑐᑎᑦ. ᐊᓪᓚᕝᕕᓕᕆᓂᕐᒥᑦ ᖃᐅᔨᒪᓂᕆᔭᐃᑦ ᐊᑲᐅᒐᔭᕐᒥᔪᖅ. ᒥᑭᔪᓂᑦ ᐋᓐᓂᐊᓯᐅᑎᓕᕆᓂᕐᒧᑦ ᐊᓪᓚᕝᕕᓕᕆᓂᕐᒧᓪᓗ ᐱᔭᐅᒍᓐᓇᖅᑐᑦ ᐃᖅᑲᓇᐃᔭᕐᓗᓂ ᐃᓕᓐᓂᐊᕐᓯᓐᓈᕐᓗᑎᑦ. ᓇᓗᓇᐃᒃᑯᑕᖃᕐᓗᓂ (ᓲᕐᓗ, ᐋᓐᓂᐊᖅᑐᖃᖅᐸᑦ ᑐᐊᕕᕐᓇᖅᑐᓕᕆᓂᕐᒧᑦ ᐃᓕᓐᓂᐊᕐᓂᖅ, ᐊᓂᖅᓵᖅᑐᖏᑦᑐᒥᑦ ᐊᓂᖅᓵᖅᑎᑦᓯᒍᓐᓇᕐᓂᕐᒥᑦ) ᐱᔪᒥᓇᖅᑐᖅ. ᐋᓐᓂᐊᓯᐅᑎᓕᕆᓂᕐᒧᑦ ᐃᓕᓐᓂᐊᕐᓯᒪᒋᐊᓕᒃ (ᐃᓕᓐᓂᐊᕋᑦᓴᐃᑦ 1-5) ᐱᔭᕆᐊᓕᒃ.

Expiry Options: 
ᒪᑐᕕᒃᓴᖓᑕ ᐅᓪᓗᖓ