ᐅᖃᓚᐅᑎᓯᐅᑏᑦ

You are here

ᐊᕙᑎᓕᕆᓂᕐᒧᑦ ᑲᒪᔨ

ᓄᓇᓕᒃ: 
ᐃᖃᓗᖕᓂ
ᓇᓗᓇᐃᒃᑯᑕᖓ: 
10-501695
ᖃᓄᐃᑦᑑᓂᖓ ᐃᖅᑲᓇᐃᔮᖅ: 
ᑮᓇᐅᔾᔭᒃᓴᓇᔭᖅᑐᖅ: 
$90,363.00
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$15,016.00
ᒪᑐᕝᕕᒃᓴᖓ: 
ᔫᓂ 13, 2014

ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ

ᐃᖃᓗᐃᑦ, ᓄᓇᕗᑦ

 

ᓇᓗᓇᐃᔭᖅᐸᒡᓗᓂ  ᐊᑐᐊᒐᓕᕆᓂᕐᒧᑦ ᒪᓕᒐᓕᕆᓂᕐᒧᓪᓗ ᐊᐅᓚᑦᑎᔨᒧᑦ, ᐊᕙᑎᓕᕆᓂᕐᒧᑦ ᑲᒪᔨ ᑲᒪᒋᔭᖃᕆᐊᖃᕐᐳᖅ ᑐᑭᒧᐊᖅᑎᑦᑎᓂᕐᒥᒃ ᕿᒥᕐᕈᔭᐅᔪᒃᓴᓂᒃ, ᑐᑭᓯᓂᐊᕐᓂᕐᒥᒃ ᐊᒻᒪᓗ ᓇᓗᓇᐃᔭᕐᐸᒡᓗᓂᒋᑦ ᐊᒃᑑᑎᔾᔪᑕᐅᑐᐃᓐᓇᕆᐊᓕᖕᓂᒃ ᖃᓄᐃᖏᑦᑎᐊᕐᓂᕐᒧᑦ ᐊᒻᒪᓗ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᕿᕕᐊᖓᔭᖓᑎᒍᑦ  ᐱᕙᓪᓕᐊᔪᓕᕆᔨᒃᑯᑦ ᐱᓕᕆᐊᒃᓴᖏᓐᓂ, ᐊᓯᖏᑦ ᐱᕙᓪᓕᐊᔾᔪᑏᑦ, ᓲᕐᓗ ᓄᓇᓕᖕᓂ ᐃᓕᐅᖅᑲᖅᑕᐅᔪᒃᓴᕐᔪᐊᓄᑦ, ᐊᒻᒪᓗ ᐸᕐᓇᒃᐸᓪᓕᐊᓂᕐᒧᑦ ᓄᓇᕗᒻᒥ. ᑖᓐᓇ ᐃᓂᐅᔪᖅ ᐃᓚᐅᑎᑦᑎᔪᖅ ᑐᑭᒧᐊᒃᑎᑦᑎᓂᖅ ᐃᖅᑲᓇᐃᔭᖃᑎᒌᒃᑐᓄᑦ ᑖᒃᑯᓄᖓᓪᓗᐊᑦᑎᐊᖅ ᐃᖅᑲᓇᐃᔭᕐᕕᖕᓄᑦ ᑭᒡᒐᖅᑐᐃᔨᓄᑦ ᑲᑎᑕᖏᓐᓄᑦ,  ᐅᖃᐅᓯᒃᓴᖏᓐᓄᑦ ᐊᒻᒪᓗ ᐱᓂᐊᕐᓂᖏᓐᓄᑦ ᐊᕙᑎᒧᑦ ᐊᒃᑐᐃᓂᐅᔪᓄᑦ ᖃᐅᔨᓴᕐᓂᕐᒥᒃ. ᐃᖅᑲᓇᐃᔭᓕᕐᓂᐊᖅᑐᖅ ᑐᑭᒧᐊᒃᑎᑦᑎᔨᐅᓂᐊᖅᑐᖅ ᓄᓇᕗᒻᒥ ᒐᕙᒪᒃᑯᖏᓐᓄᑦ ᐋᓐᓂᐊᖃᕐᓇᖏᑦᑐᓕᕆᔨᓄᑦ ᑐᓂᔭᐅᔪᓂᒃ ᕿᒥᕐᕈᔭᐅᔪᒃᓴᓂᒃ ᐊᒻᒪᓗ ᑲᒪᒋᔭᖃᕐᓗᓂ ᑐᓂᔭᐅᔪᑦ ᓴᖅᑭᑎᑉᐸᒡᓗᒋᑦ ᐃᖅᑲᓇᐃᔭᕐᕕᐅᑉ ᐱᓕᕆᐊᒃᓴᖏᓐᓂ ᐊᒻᒪᓗ ᐊᑲᐅᖏᓕᐅᕈᑎᓂᑦ.  

                                                                             

ᐱᔪᓐᓇᐅᑎᖃᑦᑎᐊᖅᑐᖅ ᓂᕈᐊᖅᑕᐅᓇᓱᒃᑐᖅ ᐃᓕᓐᓂᐊᕌᓂᒃᓯᒪᔭᕆᐊᓕᒃ ᓯᓚᑦᑐᕐᓴᕐᕕᒡᔪᐊᒥ, ᖃᐅᔨᓴᖅᑐᓕᕆᓂᕐᒧᓪᓗ (ᐱᓗᐊᖅᑐᒥ ᐊᕙᑎᒥᒃ ᖃᐅᔨᓴᖅᑐᓕᕆᓂᖅ), ᑭᒃᑯᑐᐃᓐᓇᕐᓄᑦ ᖃᐅᔨᓴᖅᑐᓕᕆᓂᖅ, ᐊᕙᑎᓕᕆᓂᕐᒧᑦ ᖃᐅᔨᓴᕐᓂᖅ, ᖃᓄᐃᖖᒋᑦᑎᐊᕐᓂᕐᒧᑦ ᐊᒃᑑᑎᔾᔪᑕᐅᔪᓂᒃ ᖃᐅᔨᓴᕐᓂᖅ ᐅᕝᕙᓘᓐᓃᑦ ᐊᔾᔨᕐᓚᖏᓐᓂ. ᖃᐅᔨᒪᓂᖃᕆᐊᖃᖅᑐᑎᑦ ᐊᕙᑎᓕᕆᓂᕐᒧᑦ ᖃᐅᔨᓴᕐᓂᕐᒥᒃ ᐱᓕᕆᐊᖑᕙᓪᓕᐊᓂᖏᓐᓂ (ᓄᓇᕗᒻᒥ ᐱᓕᕆᐊᖑᕙᓪᓕᐊᔪᑦ ᐱᖁᔭᐅᔪᑦ) , ᒐᕙᒪᑐᖃᒃᑯᓐᓂ ᐊᒻᒪᓗ ᓄᓇᓕᖕᓂ ᐊᕕᒃᑐᖅᓯᒪᔪᓂᑦ ᒐᕙᒪᒃᑯᑦ ᐊᑐᐊᒐᖏᓐᓂᑦ, ᒪᓕᒐᓕᐅᕐᑕᐅᓂᖏᓐᓂ, ᐊᑐᖅᑕᐅᔪᓂᑦ, ᐊᐅᓚᓂᖏᓐᓂ ᐊᒻᒪᓗ ᖃᓄᐃᓕᖓᓂᖏᓐᓂᑦ. ᖃᐅᔨᒪᓂᖃᕐᓗᓂ ᖃᓄᐃᖖᒋᑦᑎᐊᕐᓂᕐᒥ/ᐊᕙᑎᓕᕆᓂᕐᒥ ᒪᓕᒐᖏᓐᓂᒃ ᐊᒻᒪᓗ ᐊᑐᐊᒐᖏᓐᓂᒃ ᐊᒻᒪᓗ ᑐᒃᓯᕋᖅᑕᖏᓐᓂᒃ ᓴᖅᑭᑎᑦᑎᓂᕐᒥᒃ ᐊᕙᑎᒧᑦ ᖃᓄᐃᖏᑦᑎᐊᕈᑎᓂᒃ ᐱᔭᕆᐊᓕᒃ. ᓂᕈᐊᕈᒥᓇᖅᑐᖅ ᐱᖃᕆᐊᓕᒃ: ᐱᔪᓐᓇᕐᓗᓂ ᑐᑭᒧᐊᖅᑎᑦᑎᓂᕐᒥᒃ ᐊᒻᒪᓗ ᐃᖅᑲᓇᐃᔭᖃᑎᖃᕈᓐᓇᕐᓗᓂ ᐃᖅᑲᓇᐃᔭᖃᑎᒌᒃᑐᓂᑦ; ᓄᑖᖑᓛᒥᒃ ᖃᐅᔨᒪᓗᓂ ᖃᓄᐃᖖᒋᑦᑎᐊᕐᓂᕐᒧᑦ ᐊᒻᒪᓗ ᑭᒃᑯᑐᐃᓐᓇᓕᕆᓂᕐᒧᑦ ᐱᔾᔪᑎᖏᓐᓂᒃ ᓄᓇᕗᒻᒥ; ᐊᔪᖖᒋᓐᓂᖃᕐᓗᓂ ᓯᕗᓪᓕᐅᔾᔭᐅᔭᕆᐊᓕᖕᓂᒃ ᐊᒻᒪᓗ ᐊᐅᓚᑦᑎᓗᓂ ᐅᓄᖅᑐᓂᒃ ᐱᓕᕆᐊᒃᓴᓕᕆᓂᕐᒥᒃ; ᐊᒻᒪᓗ ᐱᔪᓐᓇᕐᓗᓂ ᐱᓕᕆᓂᕐᒥᒃ ᐊᖏᔪᓂᒃ ᐃᒃᐱᖕᓂᓴᕋᐃᓐᓇᖅᑐᓂᒃ ᑎᑎᖅᑲᓂᒃ. ᐱᔪᓐᓇᕆᐊᖃᖅᑐᑎᑦ ᐊᑐᕐᓂᕐᒥᒃ ᖃᕋᓴᐅᔭᒃᑯᑦ ᐃᓕᐅᖅᑲᐃᔾᔪᑎᓂᒃ ᑎᑎᕋᕐᓂᕐᒥᒃ, ᑲᑎᖅᓱᐃᓂᕐᒥᒃ, ᐅᓂᒃᑲᐅᓯᖃᕐᓂᕐᒥᒃ ᐊᒻᒪᓗ ᐅᐊᔭᒨᕐᑐᓄᑦ ᖃᐅᔨᒪᖃᑎᒌᒍᑎᓂᑦ. ᖃᐅᔨᒪᓗᑎᑦ ᐃᓄᐃᑦ ᐅᖃᐅᓯᖏᓐᓂᒃ, ᓄᓇᓕᖏᓐᓂᒃ, ᐱᖅᑯᓯᖏᓐᓂᒃ, ᓄᓇᖓᓂ ᐊᒻᒪᓗ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᐱᔭᕆᐊᓕᒃ.

 

ᐊᔾᔨᕐᓚᖏᓐᓂᒃ ᐃᓗᓕᖃᖅᑐᓂᒃ ᐃᓕᓐᓂᐊᕐᓂᕕᓂᕐᓂᒃ, ᖃᐅᔨᒪᔭᖏᓐᓂᒃ, ᐊᑐᕈᓐᓇᖅᑕᖏᓐᓂᒃ ᐊᒻᒪᓗ ᐱᔪᓐᓇᖅᑕᖏᓐᓂᒃ ᐃᓕᓐᓂᐊᓚᐅᖅᓯᒪᓂᖓᓄᑦ ᐊᒻᒪᓗ ᐊᑐᓚᐅᖅᓯᒪᔭᖓᓄᑦ ᐱᖃᖅᐸᑦ ᐃᓱᒪᒋᔭᐅᓂᐊᖅᑐᑦ. .

 

ᑖᓐᓇ ᐃᖅᑲᓇᐃᔮᒃᓴᖅ ᐃᓚᐅᑎᑦᑎᔪᖅ ᓄᓇᕗᑦ ᐃᖅᑲᓇᐃᔭᖅᑎᓄᑦ ᐋᕿᒃᓯᒪᑎᑦᑎᓇᓱᐊᖅᑎᓄᑦ ᐱᒋᐊᕐᓂᖓᓂ ᑮᓇᐅᔭᓕᐅᕋᔭᖅᑐᖅ $90,363.00 ᐊᕐᕌᒍᒧᑦ, ᐃᓚᓗᒍ ᐅᑭᐅᖅᑕᖅᑐᒥᐅᑕᐅᔾᔪᓯᐊᖅ $15,016.00 ᐊᕐᕌᒍᒧᑦ.

 

ᓇᓗᓇᐃᕈᑖ: 10-501695                                       ᒪᑐᓗᓂ ᐅᓪᓗᖅ: ᔫᓂ 13, 2014 (ᐅᓐᓄᐊᒃᑯᑦ ᕿᑭᖅᑖᓗᖕᒥ)

 

ᐃᒡᓗᖃᖅᑎᑕᐅᔪᓐᓇᕋᔭᖖᒋᑦᑐᖅ

Contact: 
Expiry Options: 
ᒪᑐᕕᒃᓴᖓᑕ ᐅᓪᓗᖓ