Qarritiniq Taanganik Nunavutim hilataanin
Inungnun Tuhaqtitauyukhaq
Qarritiniq Taanganik Nunavutim hilataanin
Ilihimavin nunaqaruvin taangaqaqtaaqtumik taangaqalimaittumiklunniit nunallaami, qarritijaaqtutin pingahunik liitanik imighanik, 9nik liitanik wainnik, imaaluunniit 26nik liitanik bianik (72 x 355 millilitre-nik imiqarvinik) Nunavunmun? Taanganik qarritinikkut laisikhaq pihimajukhaq qarritijaangani amigaitqijaujumik uumanga akitilaanginnin. Nunaqaruvin taangaqalimaittumi nunallaami, pijukhaujutillu angirutaanik nunallaarnin Taangaliqnikkut Iliharutikkut Katimajiinnin (AEC) qarritinnatin taanganik.
Qarritinikkut laisikhat hailihimajun avikturhimanirnin taangakkut laisikhaitigun havagvingmin:
Iqalungni Bianik Wainniklu Niuvaavik Hivajautaa: 867-975-6869 Kajumiktukkut: 867-979-5836 |
Iqaluktuuttiami - Kiinaujaliqijikkut Havagvia (Helen Maksagak Centre-mi) Hivajautaa: 867-983-4048 |
Kangiqlinirmi – Siniktarvik Building-mi Hivajautaa: 867-645-8576 Kajumiktukkut: 867-645-3327 |
Haamlatkunni Kugluktukmi Hivajautaa: 867-982-6509 Qaritauyakkut titiqqilvia: @email |
Piqangittumik qarritijaangat laisikhamik, taanganik niuviqvik aallani avikturhimanirni havagutigilimaitaa aquiqturutit. Qarritinikkut laisikhat niuviqtaujukhaugaluat uupautilutin, kihimi aquiqtuqtukhauguvin laisikhaqnik kajumiktukkut qaritaujakkulluunniit titiqqilutin, ilaliutijukhaujutin atuqtumik piksaqaqtumik kinaujaakharnik naunaitkutimik. Naammagijaujun akiliqtuinikkut niuviriami laisikhamik hapkuangujun maniinnait, manikhaliuqtauhimajun, atukkirutikkut piannamik unalu maniqarvikmin piannamik.
Niuviqtaaqtutin taanganik iluani Nunavunmi piqangittumik qarritinikkut laisikhamik talvuuna Nunavunmi Taanganik Higaaqlukniklu Havagvingmin, hivajautikkut uvani 867-645-8475 akiittukkulluunniit uvani 855-844-5488, kajumiktukkut uvani 867-645-3327, qaritaujakkulluunniit titiraqvianun uvani @email.
###
Tuhaqtipkainikkut Uqaqvigijakhaq:
Weichien Chan
Atannguyaq, Tuhaqtipkainikkut
Kiinaujaqiliyikkut Havagvia
867-975-6818
@email