ᐅᖃᓚᐅᑎᓯᐅᑏᑦ

You are here

Hivuliqti Taptuna quyagiyait U.S.-kut ihumaliurutaanut ilingittugit nannut talvunga nunguniaqnahugiyainut naunaitkutanut

ᐄᐳᕈ 29, 2016

Uqaqtauhimayuq 

Hivuliqti Taptuna quyagiyait U.S.-kut ihumaliurutaanut ilingittugit nannut talvunga nunguniaqnahugiyainut naunaitkutanut 

Hivuliqti Peter Taptuna tuhaqtitjutigiyaa ataaniittut uqaqtauhimayuq ublumi: 

“Nunavut Kavamangat aliagiyaat ihumaliurutaat United States Fish and Wildlife Service piumangittumik amigaikpallialugit himmiutauvaktunut munaridjutikhat nannunut ataani Convention on International Trade in Endangered Species of Wild Flora and Fauna (CITES). 

Ihumaliurutaat U.S.-kut naunaiktaa ilihimayaptingnut Nunavunmi Kanatamilu taimaa. Pigiyavut havaqatigiikhuta munaridjutit nannunut nakuuyuq ihuaqhunilu, unalu himmiutauvaktuq nannunit ilanginnik ihuirutingittuq huradjanut. 

Qayagivlutik munarivagainut annguniaqpaktunut nannunik pidjutauyuq nakuuyunik niqikhanik, maniliurutikhamut pitquhirmilu atuqtauvaktunut nunallaani Nunavunmi. 

Naunaiktittumayatka akhuurutigivagait Kanatami Kavamanganit, Inuit Tapiriit Kanatami, havagviillu tamainni Inuit nunagiyainni havakpiakpakmata ikayuutigivlugu nannunut munaridjutikhanut. Akhuurutigivagait ilihaudjutiit tammaqtailinahugittakhanut nannut avatiptingnut inungnullu Ukiuqtaqtumi nakuukpiaktut pidjutigivagainut. Havaqatigiikhimmaaqluta.” 

### 

Tuhaqtidjutikhanut Uqaqvikhaq: 

Catriona Macleod 
Aulapkaiyi Tuhagakhanut 
Kavamaliqiyikkut 
867-975-6049 
cmacleod@gov.nu.ca