ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᓄᑖᙳᕆᐊᖅᓯᒪᔪᑦ - ᒫᑦᓯ 19, 2021
ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᓄᑖᙳᕆᐊᖅᓯᒪᔪᑦ - ᒫᑦᓯ 19, 2021
ᓯᕗᓕᖅᑎᒥᙶᖅᑐᑦ ᓄᑖᙳᕆᐊᖅᓯᒪᔪᑦ:
ᐅᓪᓛᒃᑯᑦ. ᐅᓪᓗᖅ ᑕᓪᓕᒪᒋᓕᖅᑕᖓ ᖃᐅᒌᒃᑐᓂᒃ, ᓄᕙᒡᔪᐊᕐᓇᖅ-19-ᑖᖅᓯᒪᔪᖃᙱᑉᐳᖅ. ᒪᕐᕉᒃ ᓱᓕ ᓄᕙᒡᔪᐊᕐᓇᖅ-19−ᑖᖅᓯᒪᔫᒃ ᐊᕐᕕᐊᓂ.
ᒫᓐᓇᒧᑦ ᑎᑭᖦᖢᒍ, ᓄᓇᕗᒻᒥ ᑲᐱᔭᐅᔪᖃᖅᓯᒪᓕᖅᑐᖅ 18,000 ᖃᓂᒋᔮᓂ ᓄᕙᒡᔪᐊᕇᒃᑯᑎᒥᑦ Moderna ᑲᐴᒻᒥᒃ. 11,584 ᓄᓇᕗᒥᐅᑦ ᓯᕗᓪᓕᕐᒥ ᑲᐱᔭᐅᔪᒃᓴᐅᑕᐅᓚᐅᖅᑐᒥᒃ ᑲᐱᔭᐅᓯᒪᓕᖅᑐᑦ, ᐊᒻᒪ 6413 ᓄᓇᕗᒥᐅᑦ ᑲᐱᔭᐅᓯᒪᑎᒋᓕᖅᑐᑦ ᓄᕙᒡᔪᐊᕇᒃᑯᑎᒧᑦ.
ᐊᐱᕆᒃᑲᓐᓂᓕᖅᑕᒃᑲᓕ ᑕᐃᒃᑯᐊ ᓱᓕ ᑲᐱᔭᐅᓯᒪᙱᑦᑐᑦ ᐃᓂᓕᐅᖅᑕᐅᑲᑕᖁᓪᓗᒋᑦ ᑲᐱᔭᐅᓂᕐᒧᑦ. ᑐᒡᓕᐊᓂᒃ ᑲᐱᔭᐅᕌᓂᓚᐅᖅᑐᖓ ᖃᔅᓯᐊᕐᔪᑦ ᐱᓇᓱᐊᕈᓯᑦ ᐊᓂᒍᖅᑐᓂᒃ ᖃᓄᐃᙱᑦᑎᐊᖅᐳᖓᓗ ᖁᔭᓕᕗᖓᓗ.
ᐱᓇᓱᐊᕈᓯᐅᑉ ᓄᕐᖑᐊ ᑕᕝᕙᑦᑎᐊᑯᓘᓕᖅᑎᓪᓗᒍ, ᖁᔭᓕᔪᒪᒐᒃᑭᑦ ᐊᕐᕕᐊᕐᒥᐅᑦ ᖃᓄᑐᐃᓐᓇᖅ ᐱᑦᑕᐃᓕᒪᑲᑕᕐᔪᐊᓵᕐᒪᑕ ᓴᙱᔫᖕᒪᑕᓗ ᐊᑯᓂᐊᓗᒃ. ᖃᐅᔨᒪᔪᖓ ᐊᔪᕐᓇᖅᑐᐊᓘᓵᕐᒪᑦ.
ᐊᕐᕕᐊᕐᒥᐅᑦ ᓄᕙᒡᔪᐊᕐᓇᖅᑖᖅᓯᒪᔪᑦ 0-ᓚᐅᕐᒪᑕ, ᒫᓐᓇ ᓱᓕ ᑕᐃᒪᐃᑎᑦᑎᒃᑲᓐᓂᕈᓐᓇᖅᑐᑦ! ᐃᓱᒪᖃᑎᒌᑦᑎᐊᓚᐅᖅᑕ ᒪᓕᑦᑎᐊᑐᐃᓐᓇᕐᓗᑎᒍᓪᓗ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᐆᒃᑑᒪᔭᖁᔭᐅᔪᑦ. ᐃᓅᑦᑎᐊᕆᔅᓯ ᖃᓄᐃᙱᑦᑎᐊᕐᓗᓯᓗ.
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᖓᔪᖅᑳᖓᑕ ᑐᓴᒐᒃᓴᖏᑦ:
ᐅᓪᓛᒃᑯᑦ,
ᐱᓇᓱᐊᕈᓯᐅᓚᐅᖅᑐᒥᒃ ᐊᕐᕌᒍᓕᒫᒥ ᓇᔫᑎᓕᖅᑎᓪᓗᒍ ᓄᓇᕗᒻᒥ ᐊᒻᒪ ᓄᓇᕐᔪᐊᕐᒥ ᖃᓂᒻᒪᒃᐸᓪᓕᐊᔪᑦ ᐊᒃᑐᖅᑕᐅᕙᓪᓕᐊᓕᓚᐅᖅᓯᒪᕗᑦ. ᑕᐃᒪᙵᓂᑦ, ᖃᓄᕈᓘᔮᓗᒃ ᓴᖅᑭᑐᖃᖅᓯᒪᓕᖅᐳᖅ ᖃᔅᓰᓐᓇᕐᓂᒃ ᐅᖃᐅᓯᖃᕐᓂᐊᖅᑐᖓ.
ᐊᑑᑎᖃᑦᑎᐊᖅᑐᒃᑯᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᐆᒃᑐᖁᔭᐅᔪᓂᒃ, ᐃᓚᓕᐅᔾᔭᐅᓪᓗᓂ ᓄᓇᕘᑉ ᓯᓚᑖᓃᑦᑐᑦ ᐊᓂᑦᑕᐃᓕᑎᑕᐅᖃᑦᑕᕐᓂᖏᑦ, ᓄᖅᑲᖅᑎᑦᑐᓐᓇᓚᐅᖅᑕᕗᑦ ᓄᕙᒡᔪᐊᕐᓇᖅ-19 ᓄᓇᕗᒧᐊᖅᑎᙱᖦᖢᑎᒍᑦ. ᑕᖅᑭᑦ 8 ᓯᕗᓪᓖᑦ, ᐃᑲᔫᑎᖃᑦᑎᐊᓚᐅᖅᑐᑦ ᐸᕐᓇᐅᑎᑦᑎᓐᓄᑦ, ᐋᖅᑭᑦᑎᐊᕈᑎᖃᑦᑕᓚᐅᖅᑐᑦ ᖃᓄᕈᓘᔭᖅ ᐱᓕᕆᐊᑦᑎᓐᓄᑦ ᐅᑯᐊ ᐃᓚᓕᐅᑎᓪᓗᒋᑦ:
- ᓱᒃᑲᓪᓗᑎᒃ ᐊᒻᒪ ᐋᖅᑭᑦᑎᐊᖅᓯᒪᓪᓗᑎᒃ ᓄᕙᒡᔪᐊᕐᓇᖅᑖᖅᑐᖃᖅᑎᓪᓗᒍ ᓇᔫᑎᓚᐅᖅᑐᑦ ᖃᐅᔨᓇᓱᒃᐸᒃᖢᑎᒍᑦ ᖃᓂᒻᒪᒃᐸᓪᓕᐊᙱᒃᑲᓗᐊᕐᒪᖔᑕᓗ.
- ᐱᐅᓯᒋᐊᖅᓯᒪᓪᓗᑎᒃ ᖃᐅᔨᓴᕈᑎᑦ ᓱᒃᑲᓂᖅᓴᐅᓪᓗᑎᒡᓗ.
- ᐋᖅᑭᑦᑎᐊᖅᓯᒪᓪᓗᑎᒃ ᑭᐅᓯᓴᕋᐃᓐᓇᖅᑐᑦ ᐊᒻᒪ ᓄᕙᒡᔪᐊᕐᓇᖅ ᐱᑕᖃᖅᑎᑦᑕᐃᓕᒪᓗᒍ ᐊᐅᓚᑦᑎᔾᔪᑎᒃᓴᑦ.
- ᑲᐱᔭᐅᑲᑕᒃᑐᑦ ᐊᐃᕆᓕᒧᑦ ᑎᑭᓪᓗᒍ 75% ᓄᓇᕗᒥᐅᑦ ᐅᑭᐅᓖᑦ 18-ᓂᒃ ᐅᖓᑖᓂᓗ, ᑲᐱᔭᐅᔪᒪᒃᐸᑕ ᑲᐱᔭᐅᑎᑦᑐᓐᓇᕐᓗᒋᑦ.
ᖃᐅᔨᒪᔪᐃᓐᓇᐅᓚᐅᖅᐳᒍᑦ ᓄᖅᑲᖓᑎᓪᓗᒍ ᓄᕙᒡᔪᐊᕐᓇᖅ-19 ᓄᓇᕗᒧᐊᖅᑎᑦᑕᐃᓕᓗᒍ ᐊᔪᕐᓇᓚᐅᕐᓂᖓᓂᒃ ᑭᓯᐊᓂ ᑭᒡᓕᖃᖅᑎᑦᑎᖃᑦᑕᕐᓂᖅ ᓄᓇᓕᖕᓂ ᑲᒪᒋᔭᖃᕆᐊᖃᓚᐅᖅᑐᑦ ᐱᓕᕆᐊᖑᑦᑎᐊᓚᐅᖅᐳᖅ.
ᑕᒪᑐᒪᓂ ᐱᓇᓱᐊᕈᓯᕐᒥ, ᓄᓇᕗᒻᒥᐅᑦ ᑎᑭᑕᐅᓯᒪᓕᖅᑐᑦ ᑲᐴᑎᓂᒃ ᓴᓂᕐᕙᒃᑕᐅᒋᐊᓕᖕᓂᒃ ᑲᐱᔭᐅᑲᑕᒃᑐᑦ ᓯᕗᓪᓕᑦ ᑲᓇᑕᒥ ᒐᕙᒪᒃᑯᑦ ᑲᐳᖅᓴᐃᕙᓪᓕᐊᑎᓪᓗᒋᑦ ᐸᕐᓇᐅᑖᓄᑦ. ᑕᐃᒪᙵᑦ ᑎᓯᐱᕆᓚᐅᖅᑎᓪᓗᒍ, 37,5000 ᑲᐴᑎᑦ, 75% ᐃᓄᖕᓄᑦ ᓈᒻᒪᒃᑐᒻᒪᕆᐊᓗᐃᑦ ᓄᓇᓕᖕᓄᐊᖅᑕᐅᓯᒪᓕᖅᑐᑦ. ᐅᓪᓛᖑᖅᑲᐅᔪᖅ ᐱᒋᐊᖅᖢᒍ, 1,1584 ᓄᓇᕗᒥᐅᑦ ᓯᕗᓪᓕᕐᒥ ᑲᐴᑎᒧᑦ ᑲᐱᔭᐅᓯᒫᓂᓕᖅᑐᑦ.
ᐅᐱᒋᔮᓗᒃᑲ ᐱᓕᕆᔨᕗᑦ ᐊᒃᓱᕈᖅᖢᑎᒃ ᐱᓕᕇᓐᓇᖅᑐᐊᓘᖕᒪᑕ ᑲᐳᖅᓴᐃᓪᓗᑎᒃ ᓄᓇᕗᒥᐅᑕᓂᒃ. ᐊᐃᕆᓕᒧᑦ ᑎᑭᓪᓗᒍ, ᓄᓇᓕᓕᒫᑦ ᓯᕗᓪᓕᕐᒥ ᑲᐱᔭᐅᒋᐊᖃᕐᓂᕆᔭᖏᓐᓂᒃ ᑲᐱᔭᐅᓯᒫᓂᓪᓗᐊᖅᑐᑦ. ᑕᐃᒃᑯᓄᖓ ᓄᓇᓕᖕᓄᑦ ᑐᒡᓕᐊᓂᒃ ᑲᐱᔭᐅᕌᓂᒃᑐᓄᑦ, ᐱᕕᖃᖅᑎᑕᐅᖏᓐᓇᕐᓂᐊᖅᑐᑦ ᑭᒃᑯᓕᒫᑦᑎᐊᑦ ᑲᐱᔭᐅᔪᓐᓇᖅᓯᓗᑎᒃ. ᐋᓐᓂᐊᕕᖕᒧᑦ ᐅᖃᓗᑐᐃᓐᓇᕐᓗᓯ.
ᑕᐃᒃᑯᐊ ᑲᐱᔭᐅᓛᕈᒪᔪᑦ ᐃᓄᒐᓴᒡᔪᐊᑦ ᑲᐱᔭᐅᕌᓂᒃᓯᒪᓕᖅᑎᓪᓗᒋᑦ ᐅᑕᖅᑭᔪᓄᑦ ᐊᑎᖏᑦ ᑎᑎᕋᖅᑕᐅᖃᑦᑕᕐᓂᐊᖅᑐᑦ ᐃᓂᒃᓴᓕᐅᖅᑕᐅᕌᓂᒃᑳᖓᑕᓗ ᐅᖃᓗᒡᕕᐅᕙᒡᓗᑎᒃ. ᑲᐴᑎᑦ ᐴᖅᑲᖅᓯᒪᓂᖏᓐᓄᑦ 10-dose ᐊᓕᒍᕐᒦᓪᓗᑎᒃ ᐊᖕᒪᖅᑕᐅᓱᖓᖅᐸᑕ ᐃᑲᕐᕋᓄᑦ ᐊᕐᕕᓂᓕᖕᓄᑐᐊᖅ ᐱᐅᔭᖦᖢᑎᒃ, ᐃᓂᒃᓴᓕᐅᖅᑕᐅᓯᒪᔪᑦ ᐋᖅᑭᒃᑕᐅᓯᒪᖃᑦᑕᕐᓂᐊᖅᐳᑦ ᖁᓕᐅᑦᑕᕐᓗᑎᒃ ᐃᓄᐃᑦ ᑲᐱᔭᐅᓂᐊᖅᑐᑦ ᑲᐴᑎᑦ ᓱᕙᓕᑭᐊᖁᙱᖦᖢᒋᑦ. ᐃᓱᒪᒋᓪᓗᒋᑦ ᓄᓇᕐᔪᐊᕐᒥ ᐊᒥᒐᖅᓯᓂᖏᓐᓂᒃ ᑲᐴᑎᓂᒃ, ᓈᒻᒪᒃᑐᓂᒃ ᑲᒪᒋᔭᒃᓴᖃᖅᐳᒍᑦ ᖃᐅᔨᒪᓗᑎᒍᑦ ᓄᓇᕗᒥᐅᑦ ᑲᐳᖅᓴᖅᑕᐅᓂᖏᓐᓂᒃ ᕿᓚᒻᒥᐅᓂᖅᐹᒃᑯᑦ ᑲᐴᑎᑦ ᓱᕙᓕᑭᐊᖅᑎᑦᑕᐃᓕᒪᓗᑎᒍᑦ.
ᑲᐳᖅᓴᖅᑕᐅᑎᓪᓗᒋᑦ, ᖃᔅᓯᑲᓪᓚᑦ ᐃᓄᐃᑦ ᑐᓴᕈᒪᖃᑦᑕᓚᐅᖅᐳᑦ ᖃᓄᖅ ᐊᒃᑐᐃᓂᖃᕋᔭᕐᒪᖔᑕ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐆᒃᑐᖁᔭᖏᓐᓄᑦ ᖃᑯᒍᓗ ᑭᒡᓕᖃᖅᑎᑕᐅᔪᓐᓃᖅᐸᓪᓕᐊᓕᕋᔭᕐᒪᖔᑕ ᑭᒡᓕᖃᖅᑎᑕᐅᔪᑦ.
ᑲᐴᑎ ᐊᑑᑎᖃᑦᑎᐊᖅᑐᖅ ᒥᒃᖠᒋᐊᕈᑕᐅᔪᓐᓇᕐᒪᑦ ᐊᑦᑕᕐᓇᕈᓐᓇᕐᓂᖓᓂᒃ ᐱᐅᔪᓐᓃᕈᑎᔪᓐᓇᕐᔪᐊᕐᓂᖓᓄᓪᓗ ᐊᑲᐅᙱᓪᓕᐅᕈᑕᐅᔪᓄᑦ ᓄᕙᒡᔪᐊᕐᓇᖅ-19−ᑖᖅᓯᒪᔪᓄᑦ. ᐃᓐᓇᓕᒫᑦᑎᐊᑦ ᓄᓇᕗᒻᒥ ᑲᐱᔭᐅᔪᐃᓐᓇᐅᕌᓂᒃᐸᑕ, ᐊᑦᑕᕐᓇᕐᒪᖔᑦ ᖃᐅᔨᓴᒃᑲᓐᓂᕈᓐᓇᓛᖅᑐᒍᑦ. ᑭᖑᓂᖔᑦᑎᓐᓂ, ᑭᒡᓕᖃᖅᑎᑦᑎᓂᖅ ᓄᖅᑲᖅᑎᔾᔫᒥᑎᑕᐅᔪᓐᓇᕐᓂᐊᖅᐳᖅ ᖃᐅᔨᒪᔭᐅᓕᕐᓗᓂ ᐅᔾᔨᕐᓇᖅᑐᒥᒃ ᖃᓄᐃᙱᑦᑎᐊᕈᓯᕐᒧᑦ ᐊᑦᑕᕐᓇᖅᑐᒧᐊᖅᑎᑦᑎᔾᔮᙱᒃᑲᓗᐊᕐᒪᖔᑦ.
ᑲᐱᔭᐅᔪᒪᔪᑦ ᑐᑭᖃᖅᐳᖅ ᐃᓛᒃᑯᑦ, ᐊᒻᒪ ᓈᒻᒪᖅᑰᑦᑎᓗᑎᒃ, ᑕᒪᕐᒥᒃ, ᐃᓅᓇᓱᐊᕈᓐᓃᓛᕋᓗᐊᖅᑐᒍᑦ ᑲᑉᐱᐊᓇᖅᑐᒥᒃ, ᐋᓐᓂᕈᑎᒋᔪᓐᓇᖅᑕᑦᑎᓐᓂᒃ ᑭᒡᓕᒋᑎᑕᐅᔪᓂᒡᓗ ᓴᖅᑭᑕᐅᔪᓂᒃ ᓄᕙᒡᔪᐊᕐᓇᖅ-19−ᑕᖃᖅᑎᓪᓗᒍ.
ᐃᓚᒋᔭᐅᓪᓗᓂ ᓄᓇᕗᑦ ᒐᕙᒪᖓᑕ ᐱᓇᔪᒃᑕᖏᓐᓄᑦ ᓴᐳᔾᔨᓯᔪᒪᓪᓗᑎᒃ ᓄᓇᕗᒻᒥᐅᓂᒃ ᓄᕙᒃᔪᐊᕐᓇᖅ-19−ᒧᑦ, ᓄᓇᕗᑦ ᒐᕙᒪᒃᑯᑦ ᐱᓕᕆᕝᕕᖏᑦ ᐊᑐᓕᖅᑎᑦᑎᕗᑦ ᐅᑯᓂᖓ:
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
ᑭᖑᓪᓕᕐᒥ ᑐᓴᒐᒃᓴᐅᓚᐅᖅᑐᓂᒃ ᑕᑯᔪᒪᒍᕕᑦ ᐊᒻᒪ ᐃᑲᔫᑎᒃᓴᓂᒃ ᓄᕙᒡᔪᐊᕐᓇᖅ-19 ᐱᔾᔪᑎᒋᓪᓗᒍ ᓄᓇᕗᒻᒥ, ᐅᕗᙵᕈᓐᓇᖅᐳᑎᑦ: https://www.gov.nu.ca/health/information/covid-19-novel-coronavirus
ᓄᑖᖑᓛᓂᒃ ᑐᓴᒐᒃᓴᓂᒃ ᐱᔪᒪᒍᕕᑦ ᒫᓐᓇ ᑭᒃᑯᑐᐃᓐᓇᓄᑦ ᖃᓄᐃᙱᑦᑐᓄᑦ ᐊᑐᖅᑕᐅᖁᔭᐅᔪᓂᒃ, ᐅᕗᙵᕐᓗᑎᑦ: https://www.gov.nu.ca/health/information/nunavuts-path
ᑲᐱᔭᐅᕙᓪᓕᐊᔪᑦ ᑐᓴᒐᒃᓴᓂᒃ ᖃᖓᑦᑎᐊᓕᓴᐅᓛᓂᒃ ᑐᑭᓯᔪᒪᒍᔅᓯ ᓄᓇᕗᒻᒥ, ᐅᕗᙵᕈᓐᓇᖅᐳᓯ: https://www.gov.nu.ca/health/information/covid-19-vaccination
ᓄᕙᒡᔪᐊᕐᓇᖅ-19−ᖃᖅᑐᑦ ᖃᓄᐃᓕᖓᓂᖏᑦ: ᒫᑦᓯ 19
Total tests | ᑲᑎᖦᖢᒋᑦ ᓇᓗᓇᐃᖅᑕᐅᓯᒪᔪᑦ ᐱᖃᕐᓂᖏᓐᓂᒃ | ᑲᑎᖦᖢᒋᑦ ᐆᒪᔪᒥᒃ ᐱᖃᕐᓂᖏᑦ | ᑲᑎᖦᖢᒋᑦ ᐊᓂᒍᐃᓯᒪᔪᑦ | ᑐᖁᔪᑦ | ᑲᑎᖦᖢᒋᑦ ᐃᓄᐃᑦ ᒪᓕᒃᑕᐅᔪᑦ | ᒫᓐᓇ ᐃᓄᐃᑦ ᖃᐅᔨᓴᖅᑕᐅᔪᑦ | Total vaccine doses administered |
9548 | 395 | 2 | 389 | 4 | 6997 | 382 | 17997 |
** ᓇᓗᓇᐃᖅᑕᐅᓯᒪᔪᑦ ᐊᒻᒪ ᑕᐃᒪᐃᑦᑐᖃᑐᐃᓐᓇᕆᐊᓕᑦ ᐱᖃᓯᐅᔾᔨᕗᑦ ᑲᓇᑕᓕᒫᒥ ᖃᓂᒪᓇᓱᒋᔭᐅᔪᑦ ᖃᐅᔨᓴᖅᑕᐅᓯᒪᔪᓂᑦ. ᐅᑯᐊ ᐃᓄᐃᑦ ᒪᓕᒃᑕᐅᖃᑕᐅᔪᑦ ᓇᓗᓇᐃᖅᑕᐅᔪᑦ ᐊᓐᓂᐊᑲᑕᖕᓂᖏᓐᓂᒃ ᐊᒻᒪ ᐊᑦᑕᕐᓇᖅᑐᒦᓚᐅᖅᑐᑦ ᐊᓯᖏᓪᓗ ᓇᖕᒥᓂᖅ ᓇᐅᑦᑎᖅᓱᖅᑐᑦ ᐅᕝᕙᓘᓐᓃᑦ ᐅᐸᒃᑕᐅᑦᑕᐃᓕᔪᑦ. ᑖᒃᑯᐊᓕᒫᖅ ᐋᓐᓂᐊᑲᑕᒐᔭᙱᑦᑐᑦ ᐅᕝᕙᓘᓐᓃᑦ ᖃᐅᔨᓴᖅᑕᐅᔪᐃᓐᓇᐅᔭᕆᐊᖃᙱᑦᑐᑦ.
*ᑭᖑᕙᓯᒃᑐᖃᑐᐃᓐᓇᕆᐊᓕᒃ ᐅᖃᐅᓯᖃᕐᓂᐊᕐᓗᓂ ᖃᓄᐃᓕᖓᓂᖏᓐᓄᑦ ᑭᒡᓕᓯᓂᐊᖅᑕᐅᓯᒪᔪᓂᓪᓗ ᖃᓄᐃᓕᖓᔪᓂᑦ ᐱᔭᐅᔪᓂᑦ ᖃᓪᓗᓈᑦ ᓄᓇᖓᓐᓂᑦ ᑲᓇᑕᒥ. ᖁᓕᓪᓗ ᒪᕐᕉᒡᓗ ᓄᕙᒡᔪᐊᖅᑐᑦ ᖃᐅᔨᔭᐅᓚᐅᖅᑐᑦ ᓄᓇᕗᑦ ᓯᓚᑖᓂ ᓇᓗᓇᐃᖅᑕᐅᓚᐅᖅᐳᑦ ᓄᓇᕗᒻᒧᑦ. ᐱᖓᓱᑦ ᐃᓅᔪᓐᓃᖅᑐᑦ ᐱᖃᓯᐅᔾᔭᐅᓪᓗᑎᒃ. ᓄᓇᕗᒥᐅᑦ ᓄᕙᒡᔪᐊᕐᓇᖅ-19−ᖃᖅᑐᑦ ᓄᓇᕗᑦ ᓯᓚᑖᓂ ᖃᐅᔨᔭᐅᔪᑦ ᓇᓗᓇᐃᖅᑕᐅᔪᐃᓐᓇᐅᔾᔮᙱᑉᐳᑦ ᓄᓇᕗᒻᒧᑦ.
ᓄᕙᒡᔪᐊᕐᓇᖅ-19−ᒧᑦ ᑲᐱᔭᐅᔪᑦ ᖃᓄᐃᓕᖓᓂᖏᑦ: ᒫᑦᓯ 19
ᓯᕗᓪᓕᖅᐹᑦ ᑲᐱᔭᐅᔾᔪᑏᑦ ᐊᑐᖅᑕᐅᕗᑦ | ᑐᒡᓕᖏᑦ ᑲᐱᔭᐅᔾᔪᑏᑦ ᐊᑐᖅᑕᐅᕗᑦ | ᑲᑎᖦᖢᒋᑦ ᑲᐱᔭᐅᔾᔪᑏᑦ ᐊᑐᖅᑕᐅᔪᑦ |
11584 | 6413 | 17997 |
*ᑲᑎᖦᖢᒋᑦ ᑲᐱᔭᐅᓃᑦ ᓄᑖᙳᕆᐊᖅᑎᑕᐅᖃᑦᑕᖅᐳᑦ ᐊᔪᕐᓇᕈᓐᓃᑐᐊᕌᖓᑦ, ᑭᓯᐊᓂᓗ ᐊᑦᑎᖕᓂᖅᓴᐅᑐᐃᓐᓇᕆᐊᖃᖅᖢᑎᒃ ᓈᓴᖅᑕᐅᓯᒪᓪᓚᕆᒃᑐᓂᑦ.
ᓄᕙᕐᔪᐊᕐᓇᖅ-19−ᒧᑦ ᓄᓇᓕᖕᓂ ᐱᓕᖕᓂ ᑭᒡᓕᓯᓂᐊᖅᑕᐅᓯᒪᔪᑦ: ᒫᑦᓯ 19
ᓄᓇᓕᒃ | ᐃᑉᐸᒃᓴᖅ ᓇᓗᓇᐃᖅᑕᐅᓚᐅᖅᑐᑦ ᓄᕙᒡᔪᐊᕐᓇᖅ-19 −ᖃᕐᓂᖏᓐᓂᒃ | ᐅᓪᓗᒥ ᓇᓗᓇᐃᖅᑕᐅᔪᑦ ᓄᕙᒡᔪᐊᕐᓇᖅ-19 −ᖃᕐᓂᖏᓐᓂᒃ | ᐊᓯᔾᔨᕐᓂᕆᔭᖓ ᐱᑕᖃᓪᓚᑦᑖᕐᓂᕋᖅᑕᐅᓯᒪᔪᓂᑦ ᓈᓴᖅᑕᐅᓯᒪᓂᖏᑦ (+/-) ᐃᑉᐸᒃᓴᖓᓂᑦ | ᑐᖁᔪᑦ | ᑲᑎᖦᖢᒋᑦ ᐊᓂᒍᐃᓯᒪᔪᑦ | ᑲᑎᖦᖢᒋᑦ ᐆᒪᔪᒥᒃ ᐱᖃᕐᓂᖏᑦ |
ᐊᕐᕕᐊᑦ | 339 | 339 | 2 | 1 | 336 | 2 |
ᑎᑭᕋᕐᔪᐊᖅ | 23 | 23 | 0 | 0 | 23 | 0 |
ᑲᖏᖅᖠᓂᖅ | 19 | 19 | 0 | 0 | 19 | 0 |
ᓴᓂᑭᓗᐊᖅ | 2 | 2 | 0 | 0 | 2 | 0 |
ᑲᑎᖦᖢᒋᑦ | 383 | 383 | 2 | 1 | 380 | 2 |
*ᖃᐅᔨᔭᐅᔪᑦ ᓄᓇᕘᑉ ᓯᓚᑖᓂ ᐃᓚᐅᑎᑕᐅᙱᑦᑐᑦ ᓄᓇᓕᖕᓂ ᓄᕙᒡᔪᐊᕐᓇᖅᑐᖅᑖᖅᐸᓪᓕᐊᔪᓂᒃ.
ᖃᐅᔨᓴᕐᓂᒧᑦ ᑭᒡᓕᓯᓂᐊᖅᑕᐅᓯᒪᔪᑦ ᒫᓐᓇᒧᑦ ᑎᑭᖦᖢᒍ: ᒫᑦᓯ 19
ᓄᓇᓕᒃ | ᖃᐅᔨᓴᖅᑕᐅᒐᒥ ᐱᖃᓪᓚᕆᖕᓂᕋᖅᑕᐅᕗᖅ | ᖃᐅᔨᓴᖅᑕᐅᒐᒥ ᐱᖃᙱᓐᓂᕋᕐᑕᐅᕗᖅ |
ᐊᕐᕕᐊᑦ | 339 | 2657 |
ᑎᑭᕋᕐᔪᐊᖅ | 23 | 352 |
ᑲᖏᖅᖠᓂᖅ | 19 | 399 |
ᓴᓂᑭᓗᐊᖅ | 2 | 202 |
ᑲᑎᖦᖢᒋᑦ | 383 | 3610 |
ᐃᓄᑐᐊᒃᑯᕕᖕᒦᑦᑐᑦ ᐃᓄᐃᑦ:
ᐊᐅᓪᓚᕈᑎᒋᔭᐅᓯᒪᔪᑦ |
ᑐᔪᕐᒥᑎᑕᐅᔪᑦ ᐊᓂᑦᑕᐃᓕᔪᓂ ᒫᑦᓯ 18-ᒥ ᐱᒋᐊᖅᖢᒍ |
ᐋᓐᓂᐊᕐᕕᓕᐊᖅᑐᑦ |
297 |
ᑭᒃᑯᑐᐃᓐᓇᑦ |
210 |
ᑐᐊᕕᖅᑐᒃᑯᑦ ᐋᓐᓂᐊᕕᓕᐊᖅᑐᓄᑦ ᐊᐅᓪᓚᖅᑐᓄᑦ ᐃᓄᑑᔭᕆᐊᖃᕐᓂᕐᓗ | 48 |
ᐃᒡᓗᓕᐅᖅᑎᑦ | 22 |
ᑲᑎᖢᒋᑦ |
577 |
ᐊᐅᓪᓚᖅᐸᒃᑐᑦ ᐅᑎᖅᑎᑕᐅᓯᒪᓕᖅᑐᑦ ᖃᓄᐃᓕᖓᓂᖏᑦ:
ᐅᓪᓗᖅ ᐊᐅᓪᓚᕐᕕᒃᓴᖓ |
ᖃᔅᓯᐅᓂᖏᑦ ᐊᐅᓪᓚᕐᓂᐊᖅᑐᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐅᐸᒃᑕᐅᑦᑕᐃᓕᕕᖕᓂᒃ |
ᒫᑦᓯ 19, 2021 |
46 |
ᒫᑦᓯ 20, 2021 |
0 |
ᒫᑦᓯ 21, 2021 |
15 |
ᒫᑦᓯ 22, 2021 |
72 |
ᒫᑦᓯ 23, 2021 |
73 |
ᑲᑎᖢᒋᑦ |
226 |
ᐃᖅᑲᓇᐃᔭᕆᐊᖃᓪᓚᕆᒃᑐᓂᒃ ᑐᒃᓯᕋᐅᑏᑦ:
ᒫᑦᓯ 18−ᒥ ᐱᒋᐊᖅᖢᓂ, 13636−ᓂᒃ ᑐᒃᓯᕋᖅᑐᖃᓚᐅᖅᐳᖅ, 6735−ᖑᓪᓗᑎᒃ ᐃᖅᑲᓇᐃᔭᕆᐊᖃᓪᓚᕆᒃᑐᓄᑦ ᑐᒃᓯᕋᖅᑕᐅᔪᑦ.
ᑐᒃᓯᕋᖅᑕᐅᓯᒪᔪᑦ ᖃᓄᐃᓕᖓᓂᖏᑦ |
# | % |
ᐊᖏᖅᑕᐅᓯᒪᔪᑦ (ᐅᑯᐊᖑᕗᑦ ᐱᔭᕆᐊᖃᓪᓚᕆᒃᑐᑦ ᐊᒻᒪ ᐱᔭᕆᐊᖃᓪᓚᕆᙱᑦᑐᑦ) |
10039 | 73.6% |
ᐊᖏᖅᑕᐅᙱᑦᑐᑦ |
301 | 2.2% |
ᐅᑕᖅᑭᔪᑦ | 369 | 2.7% |
ᐊᐅᓪᓚᕐᕕᐅᒐᔪᒃᑐᓄᑦ ᐊᖏᖅᑕᐅᔪᑦ |
2927 | 21.5% |
ᑲᑎᖢᒋᑦ | 13636 | 100% |
*ᑭᖑᓪᓕᖅᐹᖅᓯᐅᑎᑦ ᑎᑎᕋᖅᑕᐅᓯᒪᔪᑦ ᐊᑐᐃᓐᓇᐅᙱᑦᑐᑦ.
ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐱᔨᑦᑎᕋᐅᑎᖏᑦ
ᐃᓕᓐᓂᐊᓕᓵᖅᑐᓂᒃ ᖁᕝᕙᓯᖕᓂᓕᖕᓄᑦ 12−ᒧᑦ ᐃᓕᓐᓂᐊᕐᕖᑦ
ᐱᒋᐊᖅᖢᒍ ᓇᒡᒐᔾᔭ, ᒫᑦᓯ 15, ᐊᕐᕕᐊᓂ ᐃᓕᓐᓂᐊᕐᕕᓕᒫᑦ ᐊᑐᓕᖅᑎᑦᑎᓂᐊᖅᑐᑦ ᓇᓃᓐᓂᖓᓂ 3 ᖃᓄᐃᓕᐅᕐᓂᕐᒧᑦ ᐸᕐᓇᐅᑎᒥᒃ. ᐊᓯᓕᒫᖏᑦ ᐃᓕᓐᓂᐊᕐᕖᑦ ᓄᓇᕗᒻᒥ ᓇᓃᓐᓂᖓ 1-ᒦᑦᑐᑦ.
ᓄᑖᙳᕆᐊᖅᓯᒪᔪᓂᒃ ᓄᓇᓕᖕᒥᐅᑦ ᖃᓄᐃᓕᕙᓪᓕᐊᓂᖏᓐᓄᑦ ᑕᑯᒃᓴᕈᖅᑎᑕᐅᓂᐊᖅᐳᑦ ᐃᓕᓐᓂᐊᕐᓂᓕᕆᔨᒃᑯᑦ ᐃᑭᐊᖅᑭᕕᖓᓂ ᐅᕙᓂ: https://gov.nu.ca/education/information/2020-21-opening-plan-nunavut-sc…
ᓄᓇᕗᒻᒥᐅᑦ ᖃᓄᐃᙱᑦᑎᐊᖅᑐᑦ ᑕᒪᑦᑕᑦᑎᐊᖅ ᑲᑐᔾᔨᓪᓗᑕ ᑲᒪᒋᔭᒃᓴᕆᕙᕗᑦ! ᐳᐃᒍᖅᑕᐃᓕᒋᑦ: ᐊᒡᒐᑎᑦ ᐋᓪᓕᕋᐃᓪᓗ ᐅᐊᓴᖃᑦᑕᕐᓗᒋᑦ, ᐅᖓᓯᒌᒃᑕᖅᐸᒡᓗᓯ, ᐃᓗᐊᖅᓴᐃᔨᓄᑦ ᐅᖃᐅᔾᔪᐃᔾᔪᑕᐅᔪᓂᑦ ᓈᓚᒃᐸᒡᓗᓯ, ᐊᖏᕐᕋᖅᓯᒪᐃᓐᓇᕐᓗᓯᓗ ᖃᓂᒪᒍᔅᓯ.