ᐃᖃᓗᖕᓂ ᓯᕗᓪᓕᖅᐸᐅᔾᔭᐅᓯᒪᔪᓄᑦ ᓄᕙᒡᔪᐊᕐᓇᖅ-19−ᒧᑦ ᑲᐱᔭᐅᓃᑦ
ᐃᓄᖕᓄᑦ ᑐᓴᒐᒃᓴᖅ ᒐᕙᒪᒃᑯᓐᓂᑦ
ᐃᖃᓗᖕᓂ ᓯᕗᓪᓕᖅᐸᐅᔾᔭᐅᓯᒪᔪᓄᑦ ᓄᕙᒡᔪᐊᕐᓇᖅ-19−ᒧᑦ ᑲᐱᔭᐅᓃᑦ
ᐱᒋᐊᕐᓗᓂ ᔭᓄᐊᕆ 18−ᒥ, ᐃᖃᓗᖕᓂ ᐅᖁᒪᐃᓐᓂᕐᓂᐊᕐᕕᒃ ᑲᐱᓯᖃᑦᑕᓯᒋᐊᕐᓂᐊᖅᐳᖅ ᓯᕗᓪᓕᖅᐸᐅᔾᔭᐅᓯᒪᔪᓄᑦ ᐃᖃᓗᖕᓂ. ᐃᓐᓇᐃᑦ ᐊᕐᕌᒍᓖᑦ 65−ᓂᒃ ᐅᖓᑖᓂᓘᓐᓃᑦ, ᑭᒃᑯᑐᐃᓐᓇᐃᓪᓗ ᐊᖏᕐᕋᖃᙱᑦᑐᒃᑯᕕᖕᒦᑉᐸᒃᑐᑦ ᑐᙵᓵᖅᑕᐅᕗᑦ ᐃᓂᒃᓴᓕᐅᖁᔭᐅᓪᓗᑎᒃ 867-975-4810−ᒧᑦ ᐅᖄᓚᓗᑎᒃ.
ᑲᐱᔭᐅᓃᑦ ᐱᓕᕆᐊᖑᓂᐊᖅᐳᑦ ᐃᖃᓗᖕᓂ ᐅᖁᒪᐃᓐᓂᕐᓂᐊᕐᕕᖕᒥ, ᐃᒡᓗᕐᔪᐊᒥ 1091−ᒥ ᓇᒡᒐᔾᔭᒥ, ᔭᓄᐊᕆ 18−ᒥ ᐅᓪᓗᑐᐃᓐᓇᒧᑦ, ᔭᓄᐊᕆ 22−ᒥ, 1−ᒥᑦ ᐅᓐᓄᒃᓴᒥᑦ 7−ᒧᑦ ᐅᓐᓄᖕᒧᑦ.
ᐊᓯᐊᓂᒃ ᑲᐱᔭᐅᓐᓇᖅᑐᒥᒃ ᐱᓕᕆᐊᖑᔪᖃᕐᓂᐊᕐᒥᔪᖅ ᐃᓗᐊᖅᓴᖅᑕᐅᕝᕕᐊᓂ ᕿᑭᖅᑕᓂ ᐋᓐᓂᐊᕕᖕᒥ, ᓯᕙᑖᕐᕕᖕᒥ, ᔭᓄᐊᕆ 23-ᖑᓕᖅᐸᑦ 10−ᒥᑦ ᐅᓪᓛᒥᑦ 4−ᒧᑦ ᐅᓐᓄᒃᓴᒧᑦ.
ᑖᒃᑯᓂᖓ ᐊᑐᖅᑕᐅᕙᓪᓕᐊᓇᔭᖅᑐᒥᒃ ᒪᓕᒡᓗᓂ ᐃᑲᔪᕈᓐᓇᖅᐳᖅ ᓄᖅᑲᖅᑎᑦᑎᓂᕐᒥᒃ ᓄᕙᒡᔪᐊᕐᓇᖅ-19−ᒥᒃ, ᐊᓯᖏᓐᓂᒡᓗ ᐊᓂᖅᑎᕆᕙᖕᓂᕐᒧᑦ ᖃᓂᒪᒋᔭᐅᕙᒃᑐᓂᒃ.
- ᐊᖏᕐᕋᖅᓯᒪᑐᐃᓐᓇᕐᓗᑎᑦ ᖃᓂᒪᒍᕕᑦ.
- ᖁᐃᖅᓱᕈᔅᓯ ᑕᒋᐅᒃᑯᔅᓯᓗ ᑕᓕᔅᓯᓐᓄᑦ ᒪᑐᐊᖅᐸᒡᓗᓯ.
- ᐊᒡᒐᑎᑦ ᐅᐊᓴᕋᔪᒃᐸᒡᓗᒋᒃ.
- ᑮᓇᐃᑦ ᐊᒃᑐᖅᑕᐃᓕᒪᕙᒡᓗᒍ.
- ᑲᒃᑭᐅᑎᒋᐊᓂᒃᑕᓯ ᐃᕐᙲᓐᓇᖅ ᐊᒃᑕᑰᓯᕝᕕᖕᒧᑦ ᐃᒋᑉᐸᒡᓗᒋᑦ.
- ᐃᓅᖃᑎᔅᓯ ᖃᓂᒋᓗᐊᖅᐸᙱᓪᓗᒋᑦ ᐊᓂᓯᒪᑎᓪᓗᓯ.
- ᐃᒡᓗᒥ ᓱᐴᖅᑐᖅᐸᙱᓪᓗᓯ ᐅᕝᕙᓘᓐᓃ ᐃᓅᖃᑎᔅᓯ ᖃᓂᒋᔮᓂ, ᐱᓗᐊᖅᑐᒥᑦ ᓄᑕᕋᑯᓗᐃᑦ ᖃᓂᒋᔮᓂ.
ᐃᓅᖃᑎᒥᒃ ᐅᖓᓯᒃᓴᖅᐸᖕᓂᖅ, ᐊᒡᒐᓂᒃ ᓴᓗᒪᑎᑦᑎᓂᖅ ᐱᐅᓯᒋᐊᖅᓯᒪᔪᓂᒡᓗ ᓴᓗᒻᒪᖅᓴᐃᕙᖕᓂᕐᒧᑦ ᐊᑐᖅᑕᐅᕙᒃᑐᑦ ᐃᓕᔭᐅᓯᒪᐃᓐᓇᕐᓂᐊᖅᐳᑦ ᑭᒃᑯᑐᐃᓐᓇᐃᑦ ᖃᐃᙱᑦᑎᐊᖁᓗᒋᑦ. ᐃᓕᖕᓂᒃ ᓄᓇᖅᑲᑎᖕᓂᓪᓗ ᓴᐳᑎᓯᒪᖁᓪᓗᓯ, ᒪᑐᐊᖅᓯᒪᒋᐊᖃᕐᓂᐊᖅᐳᓯ ᑲᐱᔭᐅᔭᖅᑐᕌᖓᔅᓯ.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᑯᕆᔅ ᐴᒡᓕᐊ
ᑐᓴᐅᒪᑎᑦᑎᓂᕐᒧᑦ ᐊᐅᓚᑦᑎᔨ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5949
@email