ᐊᑕᐅᓯᕐᒥᒃ ᓄᑖᒥᒃ ᓄᕙᕐᔪᐊᕐᓇᖅ-19−ᖃᖅᑐᖃᓕᖅᐳᖅ ᓄᓇᕗᒻᒥ
ᐱᕙᓪᓕᐊᔪᑦ ᓴᖅᑭᑎᑕᐅᔪᑦ
ᐊᑕᐅᓯᕐᒥᒃ ᓄᑖᒥᒃ ᓄᕙᕐᔪᐊᕐᓇᖅ-19−ᖃᖅᑐᖃᓕᖅᐳᖅ ᓄᓇᕗᒻᒥ
ᐃᖃᓗᐃᑦ, ᓄᓇᕗᑦ (ᑎᓯᐱᕆ 8, 2020) – ᐅᓪᓗᒥ, ᓄᓇᕗᒻᒥ ᑲᑎᖦᖢᒋᑦ 44−ᖑᓕᖅᐳᑦ ᓄᕙᒡᔪᐊᕐᓇᖅ-19−ᖃᖅᑐᑦ, ᑲᑎᖦᖢᒋᓪᓗ 176−ᖑᓪᓗᑎᒃ ᑕᒪᑐᒥᖓ ᐊᓂᒍᐃᓯᒪᔪᑦ. ᐊᑕᐅᓯᕐᒥᒃ ᓇᓗᓇᐃᖅᑕᐅᔪᖃᖅᐳᖅ ᐊᕐᕕᐊᓂ, 44−ᖑᓕᖅᖢᑎᒃ ᓄᓇᓕᖕᓂ ᓄᕙᒡᔪᐊᖅᑐᑦ. ᓄᕙᒡᔪᐊᕐᓇᖅ−19-ᖃᖅᑐᓕᒫᑦ ᑎᑭᕋᕐᔪᐊᕐᒥ ᖃᓄᐃᑦᑐᓐᓃᖅᐳᑦ.
"ᐅᓪᓗᒥ, ᑎᑭᐅᑎᒃᑲᓐᓂᖅᐳᒍᑦ ᐊᓂᒍᖅᑕᐅᔪᒥᑦ ᑲᑐᔾᔨᖃᑎᒌᒃᖢᑕ ᐱᓇᔪᒍᑎᒋᔭᑦᑎᓐᓄᑦ ᖃᓂᒪᓐᓇᖅ ᐱᕙᓪᓕᐊᑎᙱᓐᓇᓱᒃᖢᑎᒍᑦ ᓄᖅᑲᖅᑎᓐᓇᓱᒃᖢᒍᓗ ᓄᕙᕐᔪᐊᕐᓇᖅ-19 ᓄᓇᕗᒻᒥ," ᓘᒃᑖᖅ ᒪᐃᑯᓪ ᐹᑐᓴᓐ ᐅᖃᖅᑐᖅ ᓄᓇᕗᒻᒥ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᒃ. "ᑎᑭᕋᕐᔪᐊᕐᒥᐅᑦ ᐅᐱᒍᓱᒋᐊᖃᖅᐳᑦ ᐱᓇᔪᖕᓂᖏᓐᓄᑦ. ᑭᒃᑯᑐᐃᓐᓇᑦᑎᐊᑦ ᐃᖅᑲᐃᓯᔪᒪᒋᕙᒃᑲ ᐊᒃᑐᐊᔭᐅᓚᐅᖅᑐᑦ ᑭᓯᐊᓂ ᐅᐸᒃᑕᐅᑦᑕᐃᓕᒪᓚᐅᕐᓗᑎᒃ ᓄᓇᓕᖕᓂ, ᓄᕙᒡᔪᐊᕐᓇᖅ−19 ᐱᑕᖃᙱᓐᓂᕋᖅᑕᐅᓕᕋᔭᕐᒪᑦ. ᓄᓇᕗᒻᒥᐅᑦ, ᓱᓕ ᒪᓕᖁᔭᐅᕗᓯ ᐅᓪᓗᒥ ᐋᓐᓂᐊᖃᕐᓇᙱᑦᑐᓕᕆᔨᑦ ᐊᑐᖁᔭᖏᓐᓂᒃ ᐊᒻᒪ ᐅᔾᔨᖅᓱᑦᑎᐊᖏᓐᓇᕐᓗᓯ.
ᐊᐃᑦᑐᕐᓗᒃᑕᐅᓯᒪᑐᐃᓐᓇᕆᐊᓕᖕᓂᒃ ᖃᐅᔨᓴᐃᓐᓇᖅᐳᑦ ᑕᒪᐃᓐᓂ ᓄᓇᓕᖕᓂ ᐊᒃᑐᖅᑕᐅᓯᒪᔪᓂᑦ ᐋᓐᓂᐊᖃᓐᓇᙱᑦᑐᓕᕆᔨᓪᓗ ᐃᖅᑲᓇᐃᔭᖅᑎᖏᑦ ᖃᐅᔨᓴᖅᐸᓪᓕᐊᖏᓐᓇᖅᐳᑦ ᐃᓄᑐᐊᒃᑯᕕᖕᒦᑦᑐᓕᒫᓂᑦ. ᑎᓯᐱᕆ 7-ᒥ ᐱᒋᐊᖅᖢᓂ, ᐊᕐᕕᐊᓂ ᖃᐅᔨᓴᖅᑕᐅᔪᑦ 734-ᖑᕗᑦ ᐱᖃᙱᓐᓂᕋᖅᑕᐅᔪᑦ. ᓱᓕ ᓴᓂᑭᓗᐊᕐᒥ ᑲᖏᖅᖠᓂᕐᒥ ᑎᑭᕋᕐᔪᐊᕐᒥᓗ ᖃᐅᔨᓴᖅᐸᓪᓕᐊᖏᓐᓇᖅᐳᑦ.
ᑭᓇᑐᐃᓐᓇᖅ ᐊᐃᑦᑐᖅᑕᐅᓯᒪᓇᓱᒋᒃᐸᑦ ᓄᕙᕐᔪᐊᕐᓇᖅ-19−ᓕᖕᒧᑦ ᐅᖄᓚᖁᔭᐅᕗᑦ ᓄᕙᕐᔪᐊᕐᓇᖅ−19 ᐅᖄᓚᕝᕕᖓᓄᑦ ᐅᕗᖓ 1-888-975-8601 10−ᒥᑦ ᐅᓪᓛᒃᑯᑦ ᐱᒋᐊᕐᓗᓂ 6−ᒧᐊᕋᓱᖕᓂᖓᓄᑦ ᐅᓐᓄᒃᑯᑦ. ᕿᑭᖅᑖᓗᖕᒥᐅᑦ ᖃᐅᔨᓴᐅᑎᖓᒍᑦ, ᑐᓴᖅᑎᑦᑎᑲᐅᑎᒋᓗᓂᓘᓐᓃᑦ ᓄᓇᓕᖕᓂ ᐋᓐᓂᐊᕕᖓᓂ, ᐃᒡᓗᒥᓂᓪᓗ ᐊᓂᑦᑕᐃᓕᒪᓯᑲᐅᑎᒋᓗᓂ ᐅᓪᓗᓄᑦ 14−ᓄᑦ. ᐋᓐᓂᐊᕕᓕᐊᖅᑕᐃᓕᓗᑎᑦ ᓇᖕᒥᓂᖅ.
ᓄᑖᖑᓛᑦ ᑐᓴᒐᒃᓴᑦ ᑕᑯᔪᒪᒍᕕᒋᑦ, ᐅᑯᐊᓗ ᖃᔅᓯᐅᓂᖏᑦ ᐊᓂᒍᐃᔪᑦ ᐊᒻᒪ ᓇᓗᓇᐃᖅᑕᐅᓯᒪᔪᑦ ᐱᖃᕐᓂᖏᓐᓂ ᓄᓇᓕᒃᑎᒍᑦ, ᐅᕗᙵᕐᓗᑎᑦ: https://www.gov.nu.ca/health/information/covid-19-novel-coronavirus.
ᑭᖑᓪᓕᕐᒥ ᑐᓴᒐᒃᓴᐅᓚᐅᖅᑐᓂᒃ ᒫᓐᓇᓕᓴᕐᓂᒃ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᑭᒡᓕᖃᖅᑎᑕᐅᔪᓂᒃ, ᐅᕗᙵᕈᓐᓇᖅᐳᓯ: https://www.gov.nu.ca/health/information/nunavuts-path
ᓄᑖᑦ ᑐᓴᒐᒃᓴᑦ ᐅᖃᐅᓯᐅᓂᐊᖅᐳᑦ ᐱᕙᓪᓕᐊᔪᓕᕆᔨᑦ ᑲᑎᖃᑎᒌᓕᖅᐸᑕ 11−ᒥ ᐅᓪᓛᒃᑯᑦ. ᕿᑭᖅᑖᓗᖕᒥᐅᑦ ᖃᐅᔨᓴᐅᑎᖓᑎᒍᑦ, ᐅᓪᓗᑐᐃᓐᓇᖅ, ᑎᓯᐱᕆ 11.
###
ᐱᕙᓪᓕᐊᔪᓂᑦ ᖃᐅᔨᒋᐊᕐᕕᒃᓴᖅ
ᑲᐃᑦ ᒪᒡᓚᐅᑦ
ᐱᕙᓪᓕᔪᓄᑦ ᑎᑎᕋᖅᑎ ᓯᕗᓕᖅᑎᒧᑦ ᓴᕕᑲᑖᕐᒧᑦ
867-975-5059
@email
ᑯᕆᔅ ᐴᒡᓕᐊ
ᐊᐅᓚᑦᑎᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᓂᖕᓄᑦ
ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᐱᓕᕆᕝᕕᖓ
867-975-5949
@email